黎姿懷孕3個月 收淺水灣大屋

黎姿懷孕3個月 收淺水灣大屋


最新一期《壹週刊》報道，40歲的黎姿年前誕下孖女家蔚、家鎂後，老公馬廷強體諒老婆佗孖B高鋒負重180磅，吃了不少苦頭，講明兩個夠哂數，反而黎姿唱反調，深明老公是思想傳統的潮州人，所以一直無全面修身，趁住仲有機會，博多鋪，追個「慈姑掟」。
據了解，再接再勵進行人工受孕的黎姿，已經成功有喜，一向「愛妻號」的馬廷強，已急不及待帶住老婆到淺水灣一帶睇過億豪宅，準備重賞大禮。有咗的黎姿開始翻倀，即使刻意披上頸巾，但仍掩蓋不住隆起小腹，孕味十足。

上月中黎姿出席閨中密友飯聚，身形明顯圓咗，又唔掂生冷食物，一名有份出席飯局的友人透露：「無見GiGi一個月，明顯又肥咗，仲刻意着住件褸唔肯除，我哋講笑係咪有咗？佢只係笑笑口冇答我，後來先知真係有！」

 

黎姿 懷孕 3個月　收淺水灣 大屋　黎姿 終極 追仔

40歲的黎姿年前誕下孖女家蔚、家鎂後，老公馬廷強體諒老婆佗孖B高峰負重180磅，吃了不少苦頭，講到明兩個夠晒數，反而黎姿唱反調，深明老公是思想傳統的潮州人，所以一直無全面修身，趁住仲有機會，搏多鋪，追個「慈姑椗」。據了解，再接再勵進行人工受孕的黎姿，已經成功有喜，一向「愛妻號」的馬廷強，已急不及待帶住老婆到淺水灣一帶睇過億豪宅，準備重賞大禮。有咗的黎姿開始翻脹，即使刻意披上頸巾，但仍掩蓋不住隆起的小腹，孕味十足。
翻脹穿煲
開刀生完一對孖女家蔚（Pricia，大孖）和家鎂（Gianna，細孖）後，黎姿老公馬廷強買落頂級花膠、燕窩、冬蟲草給老婆進補，唔使刻意減肥，只堅持親手湊女，日子有功，近半年，馬太終於回復產前的身形。湊孖女又要兼顧打理細佬黎嬰的皮膚護理中心生意，黎姿的私人娛樂，便是同一班閨中密友飯局敍舊。上月中黎姿出席飯聚，身形明顯圓咗，又完全唔掂生冷食物。「基本上我哋每個月都會gathering，無見一個月，GiGi（黎之洋名）明顯肥咗，仲刻意著住件褸唔肯除，我哋講笑問係咪有咗？佢只係笑笑口冇答，後來先知真係有！」一名有份出席飯局的友人透露。據了解，已經懷孕三個月的黎姿對再度有喜一事，不但未有大事宣揚，即使在朋友圈子，也甚少提及，盡量低調。
罕有盤源
淺水灣區獨立屋選擇唔算多，黎姿睇中的分別位於淺水灣道及麗景道，都是區內數一數二的頂級豪宅。

寶晶苑樓齡：23年建築面積：3,619呎間隔：4房3廳，另加兩個工人房、 天台、花園市價：約1.2億位於淺水灣道93號的寶晶苑，位處山上可飽覽淺水灣海灘全景。屋苑內共有15幢洋房及7幢複式大廈。洋房設計獨特，大門口位於二樓，採用上下行式兼備的設計，屋苑內有會所、泳池、健身室、網球場等設施。

碧池樓齡：29年建築面積：3,690呎間隔：3房4廳市價：1.6億至2億位於麗景道7號的碧池，洋房數目有18間，盤量極罕有。享淺水灣、中灣及南灣的景觀，屋內共分四層，一至六號屋採用上行式設計，其餘是下行式設計，每幢洋房都有獨立車房，最多可泊五架車。
想搏個仔
上次佗孖胎，黎姿害喜反應明顯，有指她更瞓了超過一個月醫院，臨盆前，巨肚令她負磅一八○磅，搞到行路都要人扶，眼見老婆捱了唔少苦頭，馬廷強接受本刊訪問講到明無意追多個：「佢今次佗對孖女好辛苦，唔想佢咁辛苦！」但鍾意小朋友，曾向身邊人表示想同老公生夠五個的黎姿想法並不一樣，見四十五歲的朱麗倩都能夠成功懷孕，更加的起心肝，趁自己仲有機會，再次接受人工受孕，搏生個「慈姑椗」。「GiGi梗係開心，不過佢認為老公一來好鍾意小朋友，二來係潮州人，所以好想為老公搏個仔。」
名人學校
黎姿安排一對孖女入讀創校四十七年的「星級學校」維多利亞，學校有九間幼稚園及一間私立中小學，分別位於銅鑼灣、北角海峰園、海怡半島等區。該校大部分學生都能夠順利入讀「名牌」小學及中學，因此深受一眾名人父母歡迎，包括李嘉誠孫女李燕寧、大劉與甘比女兒劉秀樺、吳君如女兒陳是知、陳奕迅女兒陳康堤，都是該校學生。學校早年加設遊戲班，讓一至兩歲幼童入讀，完成課程後，表現優越的可直接升讀幼稚園。遊戲班每月學費由二千元至五千元，幼稚園每年學費則由五萬至七萬。學校採用「兩文三語」教學方法，設有普通話課程、英語資源小組等，以發掘孩子語言天分。
遮肚睇樓
黎姿退出娛樂圈疊埋心水做馬太，老公大禮送完一份又一份，今次再度有喜，馬廷強又重施故技，同老婆一齊四出物色過億大屋，等黎姿自己揀。本月初，本刊記者發現馬生馬太拍住拖到淺水灣一帶睇屋，包括廖碧兒前度林忠豪現居的淺水灣道93號寶晶苑。地產經紀一早在屋苑門外恭候，只見黎姿警覺性十分高，對路過附近的人，均上下打量十分謹慎。身穿Chanel tweed jacket和長褲的黎姿，身形明顯較早前圓潤，即使她刻意圍上頸巾，但腹部仍見隆起，孕味甚濃。兩夫婦在單位內逗留了約二十分鐘，離開時，黎姿環顧屋苑外的環境，並與經紀有傾有講，其間她不時擰頭，似乎對屋苑的私隱度不太 滿意。下一站是淺水灣麗景道7號碧池，二人在地產經紀陪同下走到露台視察單位的景觀，前後逗留了四十五分鐘才離開。
低於市價
據地產消息人士透露，黎姿當日參觀碧池10號屋，於上週末以筍價九千多萬成交，比市價億二平。「間屋有好多（僭建）order，因為上唔到會，要all cash買，所以先會平咁多！」地產經紀說。一對寶貝孖女要到今年七月才滿兩歲，但黎姿已讓兩個女返playgroup。睇樓翌日，上午十一時，黎姿陪住老公返位於灣仔的公司，至於一對孖女則在兩名保母的看護下，下午二點半到灣仔會合黎姿，由媽咪親自送返學。
親自抱女
雖然懷有龍B，但黎姿仍堅持親手抱住大孖家蔚行入學校，身旁的助手和保母亦大為緊張，左右傍住，寸步不離。一般playgroup課程約兩小時，但當日黎姿和孖女只逗留半小時，熟睡中的大孖繼續由媽咪抱住行，眼仔碌碌的細孖則由助手負責！其間，附近發出一聲巨響，黎姿馬上用手掩住女兒的耳朵，見大孖未有被巨響嚇醒，她才放心上車離開。
愛妻號
馬廷強與黎姿結婚超過三年，一直本着「愛妻號」宗旨，對小舅黎嬰的龐大醫藥費無限支持外，更多次斥巨資，送遊艇送大屋氹老婆，老公冇得頂，黎姿義無反顧，堅持為對方搏個仔。

擴充美容院黎姿一向視胞弟黎嬰為命根，自從他發生車禍後，馬廷強全數負擔醫藥費，09年再注資2,000萬給黎姿擴充黎嬰創立的美容院，引入新儀器外，鋪面亦擴充至7,000呎。

送遊艇 2010年7月，黎姿為馬廷強誕下一對孖女後，馬廷強豪花1,500萬購入Sun Seeker出品的62呎遊艇送給黎姿，更以法文「Bouheur」（幸福）命名，寓意給老婆及孖女幸福生活。

送鑽戒去年黎姿40歲生日，老公專誠在半島酒店包場為她舉行大型生日會，席間馬廷強更送上一顆價值300萬的三卡鑽戒，作為生日禮物。

送豪宅黎姿08年下嫁馬廷強，老公送7,000萬的蘭心閣複式單位揸手。去年 又以4,000萬購入地利根德里滕皇居單位，作為孖女一歲禮物。 ####

懷孕三個月，在老公馬廷強的陪同下到淺水灣睇過億豪宅的黎姿，刻意用頸巾遮住隆起的小腹。

轉睇叫價一億的碧池，黎姿（箭嘴）同老公走到天台了解外圍景觀，據了解單位已於上週末以九千多萬成交，黎姿是否新業主，一個月後自有分曉。

黎姿同老公在寶晶苑逗留廿分鐘離開，明顯唔啱心水。

黎姿睇樓相當仔細，當日不時向地產經紀查詢樓盤周圍環境。

產後積極進補的黎姿，keep住圓潤身形多時，去年底出席馬時亨女兒婚宴才稍為修身，回復產前的身形。（《忽然1周》圖片）

一○年佗孖女的黎姿，體重高峰達一百八十磅，經常腰酸骨痛，老公馬廷強大為心痛。



原定兩小時的playgroup只上了半小時，黎姿便抱着酣睡中的大孖離開。

懷有身孕的黎姿，一手抱住大孖家蔚返playgroup，保母助手大為緊張，全程跟到實。

至於由保母抱住的細孖家鎂，全程眼仔碌碌，同爸爸餅印一樣。

上完playgroup，保母護送孖女回家，至於黎姿則繼續返回灣仔做跟得夫人，陪老公返工。

（《蘋果日報》圖片）

天氣乍暖還寒，堅持代弟返工的黎姿，大褸、頸巾包到冚，助手亦全程拖實，以防萬一。

生日會結束，家蔚（左）、家鎂（右）由保母抱住離開，大方任影。


去年七月，黎姿為孖女在半島酒店舉行一歲生日會。

一○年黎姿懷孕五個月，老公體貼地安排出遊東京，紓減佗B壓力。

跟埋家姐信奉基督教的黎嬰，星期日在母親的陪同下到北角寶馬山聖貞德小學參加崇拜。

黎嬰康復情況理想，黎姿特別購買福祉車方便細佬出入。


與黎姿份屬好友，一○年產後出院，樂易玲全程陪伴左右。（《Face》圖片）

《金枝慾孽貳》開拍，黎姿未能參與，最後要改劇本改角色，由另一位阿媽級花旦蔡少芬頂上。