啱啱生完「小龍包」劉琛（Riley）嘅陳慧琳（Kelly），小休五日之後，喺周一（26日）出院，返屋企湊兩個仔。
兩 歲大嘅蝦餃仔劉昇未有「大哥」觀念，但見到細佬睡覺，平日跳跳紮嘅佢，都會自動自覺乖晒。因為Kelly之前以小龍包名義送咗架玩具車俾大仔，蝦餃仔見細 佬咁好腳頭，自然要識做啦！而天后媽媽亦一視同仁，兩兄弟嘅睡房都係七彩顏色，而蝦餃仔就特別鍾意車仔同埋《反斗奇兵》。 Kelly四年冇出過廣東碟，今年打算出番一張，不過暫時都係以小朋友同自己健康行先。Kelly透過助手表示：「都係保養好身體先，呢排有食花膠補身， 亦有飲木瓜魚湯谷下奶水。體重上升都冇所謂，之後再減磅啦。今次剖腹產子，個傷口同上次差唔多大，都係咁辛苦，所以要諗清楚至決定會唔會再生。」 不過，媽咪姐知小龍包個英文名Riley，意思即係「勇敢」，改名通常都係代表家長對小朋友嘅期望，似乎Kelly都希望兩個仔大膽啲，唔好做鵪鶉！ ####
喺助手開路之下，Kelly帶埋「小龍包」離開醫院，返屋企呵番近日只靠web cam見面嘅「蝦餃仔」。見到佢生完BB都咁fit，媽咪姐都不知幾咁羨慕。
09年，「蝦餃仔」由父親劉建浩Alex手提出院，今次「小龍包」出世，Alex就留守家中打點，靜待愛妻歸來。
Kelly雖然心急見「蝦餃仔」，不過仍花十分鐘答記者問題。佢表示為「小龍包」改名劉琛，因為「琛」代表好珍貴同難得。
喺Kelly攞返屋企嘅隨身物品中，可以見到台北犁記餅家嘅紙盒，似乎天后都好欣賞佢哋著名嘅綠豆餅喎。
吸收咗第一胎嘅經驗，Kelly為「小龍包」添置咗新嘅保母車。新車車身較低，方便家長攜同BB上上落落，而且行車時更穩定，最啱接載小朋友。
沒有留言:
張貼留言