《壹週刊》1151期 曾志偉借洪天明催婚 錢嘉樂阮兆祥做老襯

獎門喜事

於2011年11月11日註冊的洪天明與周家蔚，上星期三（21/3）先補擺喜酒，23日再開P，親證拍拖三年的一對新人步入新階段，曾志 偉打鐵趁熱，當眾向兩位獎門人獎老錢嘉樂及阮兆祥催婚，結果二人分別承諾明年會娶另一半，獲發結婚「入場券」的準錢太湯盈盈，開心到又跳又唱，high足 全晚。
蛋糕求婚
洪周聯婚派對於上星期五（二十三日）舉行，主人家發帖八百位，結果有成千人到場。派對以自助餐形式進 行，但由於不設劃位及賓客過多的關係，部分賓客要企足全晚。 派對場地設有大銀幕，播放了去年洪天明向周家蔚求婚的情況，「嗰晚成班朋友同屋企人都齊晒，天明拎住個蛋糕出嚟，家蔚仲以為在場有人生日，天明拎住個蛋糕 行去家蔚身邊，蛋糕上面寫住will you marry me，佢見到喊晒口，求婚過程簡單，但好感動。」天明友人說。
皆大歡喜
派對的賓客幾乎都是平時與天明玩開的朋友，現場有live band助興，謝天華、曾志偉、譚詠麟、陳百祥等人輪流上台唱歌，志偉更臨場擺錢嘉樂同阮兆祥上枱。 「志偉話有兩個人令佢最唔放心，一個係錢嘉樂，另一個係阮兆祥，又話想嘉樂仔快啲同盈盈結婚，祥仔亦要快啲俾個名分女朋友。當晚全場人都起哄。嘉樂仔同祥仔見到咁，都應承咗會喺出年結婚，皆大歡喜！」有份出席派對的賓客說。
不速之客
洪天明娶老婆，但周家蔚的前男友林建億（Chester）不請自來，令新郎嬲爆。 「我哋冇人請佢，佢嚟到又飲又食又周圍溝女，仲要用水整濕家蔚，呢啲人要收斂一下。」 據了解，Chester同周家蔚表弟好熟，但主人家並無邀請他出席婚宴，派對七點開始，他十一點同班蒲友殺到，擺明踩場！ 「天明算好脾氣，冇同佢嘈，不過佢同Janet（周家蔚）拍過拖嘅事其實唔多朋友知，而家就通晒天。」洪天明身邊人說。 ####

Party開始無耐，新人連埋一班到賀嘉賓影大合照留念，留意洪天明跟老婆企在中排及前排位置，依然煙韌到痺，拖實老婆唔放手。

當晚錢嘉樂被催婚，另一半湯盈盈亦high爆，全晚又跳又唱，比新娘更加投入。

阮兆祥被曾志偉點名催婚，來玩人的倒轉被玩，他亦即時執生，表示會跟錢嘉樂同一日結婚，給女友Crystal派定心丸。

盈盈與鍾麗淇都是玩得之人，她們見到天明家蔚的結婚照時，突然扮嘢癮起，即場扮他們擺的甫士互嘴，非常搞笑。

周家蔚在台上多謝一班姊妹，尤其當年跟她一起參選環球小姐的新加坡小姐以及菲律賓小姐都特登飛來香港，她愈講愈感動。

老豆洪金寶跟高麗虹離開時，依然清醒的洪天明親自送他們出酒店上車。

有指洪天明生母曹恩玉跟高麗虹在婚宴內面左左，他即時否認之餘，當晚提到多年來住在韓國的生母養育之恩，天明在台上更講到眼濕濕，要老婆為他抹眼淚。

派對期間播出了天明向家蔚求婚的經過，蛋糕上的一句will you marry me已令家蔚甜在心頭，並哭着答應。

前港姐王愛倫兒子Chester，當晚除不請自來，更倒濕前度女友周家蔚，又在場內四圍溝女攞電話號碼，結果被睇唔過眼的新郎開名鬧爆。


壯男將醉到不省人事的Laughing推入車廂，他亦全程合埋眼，任人擺布。

在夜店有過「曳曳」紀錄的Laughing謝天華，在婚禮當晚不單high爆拎住咪唔放，玩到凌晨一點，醉到唔識行的他，更要兩名壯男扶實送上車，老婆Tina護夫心切，在門口已叫定記者「高抬貴手」，結果大家真的齊齊動手，猛㩒相機。

陳法拉跟陳敏之被指合作拍劇唔妥，二人不單在宣傳活動扮friend做好姊妹，更孖住去婚禮，陳敏之做埋司機接對方到場，交足戲。

張學友被問到有否傳授一對新人生仔秘笈，他表示生女可以問佢，生仔就要問啱啱生咗的陳慧琳，即時交波閃入場。

劉華近來出現都會被問老婆朱麗倩生女一事，他例必顧左右而言，當晚更合十面對，唔講咁多。

四大天王之一的郭富城，揸住掛SKY車牌的法拉利出現，放低賀禮即鬆人，來去匆匆，完全唔俾機會大家去問他跟熊黛林的婚期。

吳卓羲冇到，個樣又唔同咗的張馨予以女友身份代表出席，雖然收埋事業線，但當晚穿著通花白色喱士枱布套裝裙的她，內裡仍著緊身小背心晒身材。