經歷小產傷痛後，諸葛紫岐終於落實喜訊，下月二十日下嫁Neway主席薛嘉麟，正式入門做薛家二少奶。據悉，準新娘曾提出用300萬請 wedding planner打造豪華婚宴，但遭薛家老爺反對，認為此舉是大花筒，並下令改由旗下的唱片公司宣傳部做婚禮統籌。800萬的盛宴，經數口精的薛老爺大刀闊 斧一切，500萬搞掂！
最緊要夠威
有指薛家二少薛嘉麟為迎娶諸葛紫岐入門，打算豪使八百萬，於會展開一三八席豪門婚 宴。在意排場派頭的準新娘，數月前就聯絡過一間位於中環區，專為名人辦婚禮的公司，以三百萬造價，籌劃她的世紀婚宴。 由於這筆打算必須經掌控財政的薛老爺薛濟傑審批，知慳識儉的薛老爺認為準新抱太奢華，三百萬Wedding planner花費，不獲批核。 「薛老爺數口好精，婚宴酒席每圍大約萬八蚊，百幾圍埋單都係二百幾萬，佢覺得無理由俾Wedding planner條數，仲貴過酒席費，所以唔肯批，仲反建議要佢哋用番自己公司資源。聽講薛老爺原本諗住將酒席控制喺擺一百圍以內，但Marie（諸葛）要 威，覺得要過一百圍，先叫得做世紀婚禮，依家批咗擺一三八圍，當攞個好意頭。但女家根本無咁多朋友請，聽講Marie唔理熟唔熟，要二少請晒全港唱片公司 出席婚宴。」知情者說。 老爺插手唔放水，據知諸葛紫岐一度死心不息，令夾在中間的薛二少煩到爆，但最終仍得順從父親旨意，交由Neway旗下的「星娛樂」唱片宣傳部職員，充當婚 禮搞手，慳水慳力。 臨急受命，公司宣傳人員唯有將做緊宣傳的鄭融放埋一邊，全力服侍薛家二少奶，將世紀婚宴當成Neway大騷咁搞。
入主屠奀星
當上薛家新抱前，野心勃勃的諸葛紫岐已不時跟哎吔大嫂陳法拉鬥法，薛嘉麟從胞兄薛世恒手上奪去「星娛樂」話事權，據悉諸葛紫岐是幕後軍師之一，她更鋪排好當正式坐正後，便會涉足老公生意，入主「星娛樂」開模特兒公司。 早前「星娛樂」忽然實行節流措施，與旗下唔賺錢的藝人包括吳日言提前解約，有指亦是二少奶的主意。 「Marie個多月前已開始為星娛搞model公司做準備，諗住大搞；聽講佢仲會插手經理人部門，郁咗吳日言之外，由大少（薛世恒）捧出嚟嘅女子組合Hot Cha都好危，只要老闆娘隨時一開聲，佢哋就會步吳日言後塵，關心妍同鄭融就應該冇事。」一名公司員工說。
兄弟爭寵
Neway薛家兩兄弟鬥到七彩，由事業到他們的另一半陳法拉和諸葛紫岐，不和完全浮面。
二少上位 大少暗鬥
07 年薛家大少薛世恒負責打理Neway，可惜旗下唱片公司有蝕冇賺，公司上市計劃因而夭折。09年薛濟傑改捧二少嘉麟上位做主席，統領二十億王國；大少大權 旁落，只負責家族地產業務。前年，薛世恒暗撐舊部屬何哲圖另起爐灶，開設「星煥」唱片公司，陳法拉高調加盟，擺明與二少主持的「星娛樂」打對台。此外薛世 恒更下令收回名下Neway旺角鋪位，轉租外人，也不肯租給親弟。
諸葛法拉 妯娌明鬥
諸葛紫岐與陳法拉為撐另一半，經常出言嘲諷對方。諸葛踢爆陳法拉與薛世恒瞞婚，法拉忍唔住怒斥對方放料做新聞；早前法拉又暗指諸葛小產無其事，被諸葛鬧爆好管閒事。
800萬擺酒先啱我公主身份！（設計對白） 老婆你慳啲啦！（設計對白） 諸葛紫岐嫁薛嘉麟在即，其在Neway的影響力越來越重，旗下歌手有得震冇得瞓，隨時飯碗不保。
諸葛紫岐深得老爺薛濟傑（左）歡心，可惜錢字當頭，老爺一樣冇情講，下令刪減婚禮預算。
○八年秘密結婚的薛世恒和陳法拉，婚禮從簡，法拉獲美國豪宅一幢，夠晒實際。
早前諸葛夏威夷預支蜜月旅行時不幸小產，返港出席活動時也忍不住落淚，對妯娌陳法拉公開指冇小產一事，更怒斥有人多管閒事。
Neway旗下女子組合Hot Cha，先有Rogen離隊，餘下兩人也命運堪虞，或會步吳日言後塵，被強行叮走。
喜帖用上Marie最愛的粉紅色，一打開就有兩層3D立體蛋糕彈出，上面有二人肖像Q版公仔，當中Marie如公主般戴上皇冠。
諸葛和薛二少下月在會展筵開138席，近日向朋友送上三層高禮餅。據知，婚禮場地還會用上諸葛熱愛的麵包超人（上圖）布置全場。
聯波活佛將會主持諸葛的婚禮儀式。
薛嘉麟
薛世恒
刊於1147期《壹週刊》
沒有留言:
張貼留言