22/2當街繑手
上週三（ 22日）晚，唐妹同 Emily喺又一城開飯，飯後唐妹出手繑實 Emily，動作自然。
封面
揭唐英年胞妹秘交 蘇施黃舊密友
2012年02月29日
宣布參選下屆特首選舉的 59歲唐英年，醜史愈揭愈多，由參加「課外活動」到被指僭建唐宮地牢，鑊鑊新鮮。
唐唐豬有感情缺失，不過其 52歲胞妹唐英敏的私人生活則十分美滿。據知，唐妹近年身邊出現了一位女性密友 Emily（陳惠凝），兩人友情發展約 6年，關係非常密切，更聯名持有近 5千萬物業。而 Emily原來曾是蘇施黃閨中密友，雖然已於 06年疏遠，但仍共同持有一間公司，未完全劃清界線。
過氣密友拍住唐唐細妹咁風光，阿蘇上週六（ 25日）卻面 燶 燶回應，「呢 啲嘢你哋仲清楚過我啦！」
52歲「唐妹」唐英敏（ Mai），唔似大哥唐英年選擇從政，反而與細佬唐慶年繼承唐氏家族生意，現職美維集團副董事，美維兩年前私有化撤回上市地位前，經常代表公司發言。身為唐家唯一女兒，自小打扮已比較中性，喜愛恤衫西褲裝扮。家有兩兄一弟的唐妹，與家人關係親密，唐英年曾講過，細個經常同細佬妹一齊睇戲，「公公婆婆一得閒就帶我哋去睇戲，我一時坐喺公公膝頭哥、一時同細佬妹排排坐，一路睇一路搶栗子食！」
唐英敏甚少出席公開場合，最近一次已經係上年 12月出席大佬唐英年嘅造勢大會。
家事揚急閃
唐唐週日（ 26日）知道記者追問細妹唐英敏嘅感情生活，全程笑笑口但唔出聲，最後由女公關正式拒絕記者提問。
 |
| 左起：二女唐嘉儀、大女唐嘉敏、細佬唐慶年、母親唐尤淑圻、父親唐翔千、唐英年、太太郭妤淺、細妹唐英敏、大仔唐嘉盛、細女唐嘉慧《蘋果日報》圖片 |
白酒撐枱腳
本刊發現，唐妹上週有兩晚均約了一名年約 50多歲的女性晚飯。上週三（ 22日）晚上七時，女友人放工後由司機接載，直接由觀塘辦工室前往加多利山唐妹寓所，而唐妹亦有默契地一早在路口等候，之後二人到又一城粵菜館八月花食中菜。
與哥哥一樣嗜杯中物的唐英敏，點了一支白酒與女友人歎。食到近十一點，唐妹搶先埋單，然後拎了一大袋剩餘飯餸步出餐廳。夜深人靜，飲飽食醉的唐妹，突然出手繑實女友人，又不停撩對方傾偈，其後兩人直接步出商場乘七人車離開。
20/2唐妹嗜酒
上週一（ 20日）， Emily與唐妹收工後去灣仔生記食海鮮，食到十一點幾先肯埋單走人，唐妹仲自備白酒送海鮮，識歎！
兩人喜愛飲白酒，但就好有節制，每餐飯只會開一支酒，避免傷肝。
行到商場出口，唐妹繼續繑實 Emily，直到上車先捨得放手。
離開大廈時，唐妹有風度地為 Emily開門，港男都冇佢咁 gentleman。
’04孖阿蘇悼 黄霑
Emily 04年孖住當時仍係密友嘅阿蘇追悼 黄霑，可惜 06年金燕玲介入，令二人最終關係不再。《蘋果日報》圖片
物業全升值
Emily與唐英敏聯名開了一間澤田投資公司，兩人幾年來以公司名義買入過 4個物業，已轉手的西貢布袋澳獨立屋賺了 250萬；而仍持有的 3個物業則全部升值，可見兩人極具投資眼光。
Emily平日代步的七人車約值 40萬，同樣由她與唐妹的公司持有。
唐家知關係
據知，唐英敏與身邊的女友人陳惠凝（ Emily），認識了近 5、 6年，關係相當密切。除了經常相約食飯傾密偈、又聯名開了一間「澤田投資有限公司」， 06年 Emily把 3成股份轉讓給唐英敏，自己仍持 7成。二人以公司名義買下 4個物業， 1個已轉售，更賺了 250萬；另外 3個持有至今的物業，除了中環及觀塘的寫字樓單位， Emily現居的西貢蠔涌柏濤軒別墅，亦是澤田在 07年以 1,150萬買入，市值約 1,700萬。
交往多年，雖然並未發展到同住階段，但據知唐家已接受二人關係。「 Emily同 Mai（唐英敏）相交 咗都一段時間，好 close，不過佢兩個都好獨立，唔會好似 啲後生仔日日見咁黐身，而 Mai嘅屋企人都知道佢哋嘅交情，冇反對之餘仲好開通添！」知情人士透露。
|
| 左起：二女唐嘉儀、大女唐嘉敏、細佬唐慶年、母親唐尤淑圻、父親唐翔千、唐英年、太太郭妤淺、細妹唐英敏、大仔唐嘉盛、細女唐嘉慧《蘋果日報》圖片 |
阿蘇認政治白癡
F：《 FACE》 蘇：蘇施黃
F：你曾幫葉劉助選，點睇幾個特首候選人？
蘇：我係政治白癡嚟㗎！邊個打邊個都分唔清！
F：知唔知 Emily同唐英年細妹近排好 close喎？
蘇：係咩？呢啲嘢你哋仲清楚過我啦，我都冇見過佢哋！
25/2恩愛行超市
負責拎超市膠袋嘅阿蘇，初時笑笑口話連幾個特首候選人都分唔清，後來聽到 Emily個名，即刻變臉，仲叫記者唔好再追問，而現任密友金燕玲（後）就全程大墮後，遙距監聽。
阿蘇同金燕玲睇戲前先到超市買嘢食，兩人一邊揀一邊商量，似足老夫老妻。
黑面趕記者
Emily週一（ 27日）見到記者隨即黑面，仲伸手唔畀影，好權威。
孖住送霑叔
04年霑叔喪禮， Emily（前）同阿蘇（左）、張國榮男友唐鶴德（中）及陳潔靈一齊出席，傍實阿蘇嘅佢非常傷心，全程眼紅紅。
唔掟蓋
與唐英敏持有投資公司， Emily與昔日密友蘇施黃（原名劉高琮）亦曾於 01年聯名開了一間「中利環球有限公司」，但未有共同買樓。阿蘇現時的 Benz CLK320仍然以中利名義持有，雖然兩人已極少見面，但今時今日仲未結束聯名公司，唐妹同金燕玲知唔知？
金燕玲介入
這位年約 50歲，雖與唐英敏一樣束着短髮，打扮卻一身富泰的 Emily，與唐英敏交住前，與蘇施黃亦一度親近。
阿蘇與 Emily曾是密友， 04年 Emily更傍實阿蘇出席黃霑的喪禮，儼如孖公仔。可惜，阿蘇在 06年與金燕玲正式相交，開始與 Emily疏遠，據知兩人現已極少聯絡。
上週六（ 25日），與金燕玲往中環 ifc睇戲行超市的阿蘇，聽到 Emily名字時甚愕然，當住金燕玲面前與前度密友劃清界線，「呢 啲嘢你哋仲清楚過我啦，我都冇見過佢哋！」
其實據傳 Emily早年與澳洲籍建築師 Johan Dion Bruers結過婚，兩人更育有子女，可惜 Emily在 91年申請離婚，前夫亦在上年去世。消息透露，兩人的子女均在外國生活，並非與 Emily同住。雖然離了婚又冇仔女照顧，但 Emily與亡夫位於觀塘的設計公司至今依然運作，另外， Emily又手持多項物業，市值超過 5千萬，生活絕對無憂。
上年 12月，唐家上下一齊現身為唐英年造勢，唐妹面形同唐父極相似，而且都係面紅紅，好有父女相。
左起：二女唐嘉儀、大女唐嘉敏、細佬唐慶年、母親唐尤淑圻、父親唐翔千、唐英年、太太郭妤淺、細妹唐英敏、大仔唐嘉盛、細女唐嘉慧《蘋果日報》圖片
同阿蘇有幾分似嘅唐英敏，生活比大佬低調，放假愛到超市買餸煮飯，仲自備購物清單包冇執漏，相當細心。
激似阿蘇
多年中性打扮
代表公司出席業績記者會嘅唐妹，短髮粗眉，加埋套黑色西裝， man爆！
唐妹後生時已作中性打扮，愛穿西裝褲甚少着裙。
只得十幾歲嘅唐妹（左），罕有着連身花花裙影相。
遇記者黑面
獨自租住加多利山，唐妹另外持有跑馬地愉安大廈一個單位，市值約 850萬。
另 一半有米，擁有史丹福大學碩士學位、曾在美國加州的紡織公司擔任財務總裁超過十年的唐妹家底更厚。唐家清朝時已憑紡織起家，至今富甲七代，被譽為「中國商 業四大望族」，家族坐擁 6、 70億資產，唐父前年躋身福布斯香港富豪榜四十大。 08年為上市公司美維控股執行董事的唐英敏，當時年薪已達 532萬港元，另加花紅。
Emily週一（ 27日）早上由司機載往觀塘返工，一聽到記者問她與唐英敏關係時，即時黑面，急步衝入，更忟憎狂 㩒關門掣，又對住記者口，「你哋咩人 嚟 㗎？唔好阻住我返工啦！」
情陷夜中環
身 家豐厚的唐英敏同 Emily，識飲識食又識歎，一餐飯食足幾粒鐘，原來兩人除了會周圍食好嘢，據知亦有固定秘竇撐 枱腳，包括位於中環太子大廈頂樓的名人飯堂 Sevva，及雲咸街的西班牙餐廳 FoFo by el Willy。前者由名媛郭志怡開，主打高級食材如魚子醬撈意粉；後者出名食 tapas，兩間餐廳都極具情調， 啱晒傾密偈啦！
大把錢，但唐英敏好有衣食，食唔晒都打包返屋企。
Sevva
《蘋果日報》圖片FoFo by el Willy
《飲食男女》圖片
沒有留言:
張貼留言