唐英年、梁振英惡鬥之際，另一參選人何俊仁乘勢推出競選廣告，一改悶豆形象，睇片名《那些年，我們一起的天與地》就知係笑片。執導係○七年拍網上短片《福佳始終有你》成名嘅Freeman。
記唔記得政府喺回歸十周年時，錄咗隻歌《始終有你》，好多人反感，網民林忌作咗隻歌《福佳始終有你》惡搞，網頁製作人Freeman亦出手，剪片兼搵人唱，四日四夜做咗段《福佳始終有你》MV，歌詞「坦克碌豬靠你！拍馬屁聲響足一世紀。……」夭心夭肺。
監製林子健話今次拍《那些年》，片長十分鐘，成本四萬蚊，三日起貨。戲裡「沈佳宜」戀上飲紅酒、紮腳（影射雙英）兼崇尚地產霸權嘅阿權，但後來長大，改為愛上一直爭取人權嘅鐵頭仁。老土劇情一大亮點係廣告玩埋《那些年》內最爆嘅一幕「打手槍」！ 「打手槍」點出街？原來佢哋只係幫個籃球泵氣。（車！）不過林子健話係諷刺特首選舉市民無得參與，一千二百名選委根本係「精神自瀆」。咁都講得通？本週四YouTube自己睇片。（蔡傳威、簡淑明）
唐英年的六四uncle
除咗「課外活動」，唐英年另一件避談嘅事係六四，好似上週六有學生問佢會唔會將六四列為教材，唐唐話：「尊重（課程發展）委員會嘅決定。」學生即場勁噓。唐唐有六四驚恐症，但佢個uncle、《人民日報》前社長錢李仁就喺六四時好敢言。
現年八十八歲嘅錢李仁，妻子唐歲千係唐唐堂姑姐。上海聖約翰大學化學系畢業嘅錢李仁，八九民運時派去《人民日報》做社長，喺報紙頭版日日連載「北京戒嚴第×天」，內容冇抹黑學生，激嬲咗強硬派嘅李鵬，被迫「請病假」。佢臨走前叮囑同事「務必不要去探望」，真係有口難言。
記者上週問唐唐是否認識呢個uncle，佢答：「無印象！」唔係喎？四年前唐家後人喺常州舉辦活動紀念祖先唐荊川，唐唐同錢李仁仲言談甚歡，有相為證，今日就話無印象，未做特首使唔使咁快割席！（鄭釗平）
做沈佳宜（左）係監製林子健表姨甥，讀緊中醫；成日揸本正義論嘅鐵頭仁（中）係民主黨員劉俊業，戲內戲外同何俊仁一樣古肅；阿權（右）由黨員黃子希飾演，貪佢夠狼。（羅國輝攝）
監製林子健話，阿權同同學疑似「打手槍」（下），靈感來自《那些年》內主角「打手槍」一幕（上），想諷刺特首選舉係一班選委自己開心嘅「精神自瀆」。（電影劇照）
整個拍攝過程喺一間學校取景，Freeman（黑衣）邊拍邊同演員翻睇片段。（羅國輝攝）
常州喺四年前舉行「唐荊川500年誕辰紀念」，唐荊川係明朝文壇才子，唐家族人包括唐英年（右）、唐歲千（右三）同錢李仁（右四）亦聚首一堂。（網上圖片）
人民日報喺民運期間，頭版連載專欄「北京戒嚴第ｘ天」，因內容不肯抹黑學生，觸怒李鵬，登了十天就腰斬。
刊於1145期《壹週刊》
監製林子健話今次拍《那些年》，片長十分鐘，成本四萬蚊，三日起貨。戲裡「沈佳宜」戀上飲紅酒、紮腳（影射雙英）兼崇尚地產霸權嘅阿權，但後來長大，改為愛上一直爭取人權嘅鐵頭仁。老土劇情一大亮點係廣告玩埋《那些年》內最爆嘅一幕「打手槍」！ 「打手槍」點出街？原來佢哋只係幫個籃球泵氣。（車！）不過林子健話係諷刺特首選舉市民無得參與，一千二百名選委根本係「精神自瀆」。咁都講得通？本週四YouTube自己睇片。（蔡傳威、簡淑明）
唐英年的六四uncle
除咗「課外活動」，唐英年另一件避談嘅事係六四，好似上週六有學生問佢會唔會將六四列為教材，唐唐話：「尊重（課程發展）委員會嘅決定。」學生即場勁噓。唐唐有六四驚恐症，但佢個uncle、《人民日報》前社長錢李仁就喺六四時好敢言。
現年八十八歲嘅錢李仁，妻子唐歲千係唐唐堂姑姐。上海聖約翰大學化學系畢業嘅錢李仁，八九民運時派去《人民日報》做社長，喺報紙頭版日日連載「北京戒嚴第×天」，內容冇抹黑學生，激嬲咗強硬派嘅李鵬，被迫「請病假」。佢臨走前叮囑同事「務必不要去探望」，真係有口難言。
記者上週問唐唐是否認識呢個uncle，佢答：「無印象！」唔係喎？四年前唐家後人喺常州舉辦活動紀念祖先唐荊川，唐唐同錢李仁仲言談甚歡，有相為證，今日就話無印象，未做特首使唔使咁快割席！（鄭釗平）
做沈佳宜（左）係監製林子健表姨甥，讀緊中醫；成日揸本正義論嘅鐵頭仁（中）係民主黨員劉俊業，戲內戲外同何俊仁一樣古肅；阿權（右）由黨員黃子希飾演，貪佢夠狼。（羅國輝攝）
監製林子健話，阿權同同學疑似「打手槍」（下），靈感來自《那些年》內主角「打手槍」一幕（上），想諷刺特首選舉係一班選委自己開心嘅「精神自瀆」。（電影劇照）
整個拍攝過程喺一間學校取景，Freeman（黑衣）邊拍邊同演員翻睇片段。（羅國輝攝）
常州喺四年前舉行「唐荊川500年誕辰紀念」，唐荊川係明朝文壇才子，唐家族人包括唐英年（右）、唐歲千（右三）同錢李仁（右四）亦聚首一堂。（網上圖片）
人民日報喺民運期間，頭版連載專欄「北京戒嚴第ｘ天」，因內容不肯抹黑學生，觸怒李鵬，登了十天就腰斬。
刊於1145期《壹週刊》
沒有留言:
張貼留言