朋友係朋友，唔想再誤會落去！真實對白
唔結就分
迫城城 2年內娶 熊黛林玩大咗
2012年02月29日
城嫂熊黛林（ Lynn）和郭富城自 06年拍 MV一吻定情，二人雖多次密會斷正，但城城都未正式確認 Lynn的女友地位。早前 Lynn表明恨嫁並要光明正大結婚，原來私底下曾向男友攤牌，迫城城 2年內娶她。
以為今次得米， Lynn在情人節公開承認收到城城送的鑽石吊墜，高調晒命卻辣㷫男友，搞到城城發晦氣話：「唔係我送。」同女友冷戰，多嘴 Lynn惟有忽然同男友劃清界線，以朋友相稱。迫婚玩大咗， Lynn惟有微博傳情：「可以回到從前嗎？」博同情。
笠水收聲
高調晒愛之後，被城城同小美輪流鬧爆，熊黛林知衰馬上收口。於 23日（週四），熊否認跟城城嘅戀情，更宣稱同佢只係朋友。當日，熊黛林喺微博感嘆想回到從前。
否認送鑽
唔係我送喎！唔好問我！真實對白
同日（ 21日），城城出席活動時表示冇送過鑽飾畀熊黛林，更唔知係邊個送畀佢（ Lynn）。
多嘴出事
本月 21日（週二）熊黛林擔任珠寶模特兒時大晒幸福，自稱情人節收到鑽石吊墜，辣㷫小美同城城。
31歲南京模熊黛林（ Lynn）因 06年拍郭富城〈風之子〉 MV撻着。拍拖 6年間，多次傳出離離合合，但冇次真。直到 Lynn今年情人節多嘴爆收鑽石吊墜，再度高調談情，辣㷫男友和其經理人小美下封嘴令，迫 Lynn收聲。
放料惹禍
城城同經理人小美（右） 19年來合作無間，對於城城嘅戀情，小美相當緊張。
一直做郭富城背後女人嘅熊黛林，身份雖然未被確認，但多年來，多次被影到與城城好友出席飯局，感情穩定。
2月 14日情人節，熊黛林在活動上高調發表甜蜜宣言：「收到鑽石吊墜，不過邊個送就唔好開名啦！」此話一出，據知令小美和城城不滿，知情人士透露：「小美不嬲唔鍾意城城同 Lynn拍拖咁高調，加上之前幾次，好似 08年影到 Lynn生日，攻城 33小時；又或者 09年， Lynn生日人肉速遞飛去泰國餵城城，次次都有記者影到，擺明有人想做新聞，小美唔想城城被人利用，已下令 Lynn唔准將戀情掛口邊，點知 Lynn今年話見到有咁多藝人生龍 B，諗住乘機迫婚，但城城啱啱開完個唱，反應好好，梗係事業行先， Lynn就迫男友 2年內要娶佢，否則唔結就分，城城都拖住先。今次 Lynn自爆收禮，再度激嬲城城，城城就乘機攞番個主動權，要 Lynn收口。」
風騷撐場
去年 12月，郭富城舉行一連十七場《舞臨盛宴世界巡迴演唱會 2011》，當時熊黛林高調現身支持，仲捧足 3場。尾場時，佢更帶埋熊媽媽（右）睇 show，十足女主人一樣，可惜事隔 2個月，女主人風騷不再。
生日攻城
《壹週刊》圖片
自與城城戀情曝光後，熊黛林幾乎每年城城嘅生日都會「送上門」，過夜後由男友的七人車接載離開。
仲未分手
辣㷫城城同小美，熊黛林知驚馬上收口。本月 23日，熊黛林出席一手表活動時即改口風，突然發表單身宣言，稱自己從無認過（戀情），更賭氣祝福城城早日收到女友結婚。不過據知情人士表示：「 Lynn其實無同城城分手，今次冷戰都係嚇吓 Lynn，等佢唔好再咁多口。」以為迫婚成功， Lynn今次真係玩大咗。
麥玲玲批「富黛戀」隨時玩完
郭富城同熊黛林玩假分手，玄學家麥玲玲睇過 2人八字後，指分手隨時變真：「今年係佢哋感情關鍵之年，熊黛林受到天剋地沖，感情方面唔會係原地踏步；如向好發展，同城城嘅關係會有所突破，戀情將逐漸公開或者結婚，但如果冇喜事化解，則有重大嘅負面衝擊，分手係在所難免。」城城聽到好識做喇！
唔結即分
圈中因為催婚唔成而分手收場的情侶都唔少，近年就有周星馳、張可頤同周麗淇都同一命運，既然感情穩定又公認恩愛，就快啲結婚啦！
周麗淇急睇婚紗
32歲周麗淇 09年暗交紗廠太子爺 Eric，但太心急結婚的她去巴黎狂睇婚紗被踢爆，返香港又一廂情願向朋友宣布喜訊，埋門一腳迫婚失敗嚇走闊少。
周星馳唔肯結婚
《蘋果日報》圖片
49歲星爺同于文鳳拍拖 10年，外界都認定于文鳳係真命天女，可惜星爺一直唔肯求婚，搞到于文鳳心淡， 09年主動向星爺提出分手，更火速搭上創興銀行太子爺廖堯城。
張可頤唔生仔
《忽然 1周》圖片
最近轉投王維基新電視台的 42歲張可頤，去年 8月突然同拍拖 3年，有十億身家的金融界男友曾安邦（ OB曾）分手，原因是男友要求她婚後要全面退出娛樂圈，立即生仔，張可頤事業心重，故決定分手。
採訪、撰文：娛樂組
唔系我送喎！唔好问我！真实对白
城城同经理人小美（右）19年来合作无间，对于城城慨恋情，小美相当紧张。
《壹周刊》图片
《苹果日报》图片
沒有留言:
張貼留言