鏞記爭產案過去逾半個月，甘家各人各自作供，互揭瘡疤，這場燒鵝風暴源於長子甘健成不滿鏞記的控制及話事權落入二弟甘琨禮手中，索性申請把鏞記清盤
繼而對簿公堂。甘老太麥少珍在本刊哭着力數二仔一家，與長子連成一線；而送出手持近一成鏞記股份予甘琨禮的甘家三女甘美玲，以及甘琨禮的女兒甘蕎因，終決
定打破沉默，接受本刊訪問，踢爆祖父甘穗煇及孻叔甘琨岐病危時，僅得父親甘琨禮盡心照顧，非如其祖母所說的不仁不義。兩姑姪說到寃枉處，也不禁淚如泉湧，
跟甘老太不相伯仲。
「家變個個都大受打擊！上到法庭，做到互揭瘡疤、家醜，人人都唔想咁發生！我二哥都好唔想上法 庭，想庭外解決，但大哥係申請清盤呀，二哥同我哋係收到律師信先知。而家好多人針對二哥，又話佢呃細佬妹，又話佢蝦阿媽！其實，係我媽媽真係好偏心大哥， 佢仲係好傳統抱住長子嫡孫嘅思想！我得嗰份（指鏞記股份），係我一早已經話俾二哥，佢唔係呃我，咁對佢好唔公平！」甘美玲皺着眉說。 她說自幼都很尊敬兩名兄長，但大哥甘健成則高高在上，「經常只係指我哋做嘢」，與二哥琨禮有傾有講不同，故她及已故的五弟琨岐，也和二哥關係較密切，經常 互相問候。談及幾兄弟姊妹與母親的關係，甘美玲顯得不滿，「大哥由細到大都係蝦二哥，阿媽就偏心大哥，細過時大哥同二哥打交或嘈，媽媽都係覺得大哥啱。就 算呢件事，佢都係覺得大哥好慘，個個蝦佢咁。」
殺入鏞記 狂抦二哥
在母親麥少珍眼中，二仔甘琨禮自私、爭哥哥的心血 及不聽話，但甘美玲卻替二哥不值，直言二哥一直默默為甘家仆心仆命。甘美玲過去三十多年，一直在美國居住，每年只回港一、兩次，每次均住在母親家中，甘琨 禮常常致電慰問及關心，「記得有一次我同家人吵架，我同二哥通完電話之後，佢好擔心我，即刻丟低所有工作，由香港飛過嚟美國睇我，呢啲關心，喺平日都會， 我真係好感激佢。但大哥就從來都唔會打電話嚟問候，除咗問我係咪將嗰份（家產）俾二哥，先打過嚟搵我。」 她說二哥一直以來很孝順父母、照顧兄弟姊妹，絕非如母親口中所說見利忘義，「佢（甘老太）夾硬屈二哥拉佢出嚟鬧，話佢唔孝順母親，其實倒返轉，係佢係咁鬧 二哥，一鬧人個口就唔停！我阿媽好似Mentally imbalanced！」他們隨即出示了一段沒有呈堂的錄影片段給記者看，並指出沒有把影片呈堂是考慮到母親的感受。片段中，甘老太走進甘琨禮辦公室門 外，不斷破口大罵：「你呢個仔無用㗎，呃細佬、呃個妹……」甘琨禮就激動地反駁，「如果我咁唔公平，其他人嚟搵我啦」、「我呃佢，我出街就仆街」等。
母女關係 物質維繫
「爸 爸得病時，一直都係二哥一家照顧，有次我哋新年去流浮山食飯，回程時阿爸唔舒服嘔，二哥就即刻停車，落嚟幫阿爸清理啲嘔吐物，好細心咁照顧佢，反而阿媽、 大哥都無理到。就算阿媽有次糖尿病暈咗，都係全靠二哥救返佢。」甘美玲更自言，早於父親去世前，與母親關係已有裂痕。「喺阿爸病重時，我返嚟香港住咗兩個 月，佢就成日係咁鬧阿爸，唔停口，係咁糟質佢。我覺得阿爸都風燭殘年，忍唔住叫阿媽唔好鬧佢，有乜包袱都應該放低，但阿媽就好唔喜歡，覺得我偏袒爸爸。」 此後甘老太不睬她，直至她回美國前相約母親飲茶，甘老太就叫她下次回來不要返來住，「我真係覺得好心痛。我同母親嘅關係，就真係物質多啲。」甘美玲含淚 說。
送終姍姍來遲
她踢爆，其父親及五弟琨岐病逝一刻，二哥一直陪伴左右，但大哥甘健成卻是在其彌留狀態才到，即「最 遲一批到」。在旁的甘蕎因說，其祖父為免子孫粗心，早已細心自備後事，預留二、三百萬現金，交由甘琨禮負責及打點。那麼甘老太愛錫二哥及五弟嗎？甘美玲慨 嘆：「琨岐已經病重時，我想返香港見吓細佬，點知阿媽話唔使咁早返嚟。嗰刻我覺得佢好莫測、做媽媽會咁講，真係好無情！又試過有糖尿嘅二哥，因急症盲腸炎 入院，我打返香港問阿媽，阿媽竟然話『佢死佢事！』，我就駁佢你已經冇咗個仔（當時甘琨岐已病逝），做媽媽點解咁講！」
二哥負責分配家產
豪 門家族，難免有三妻四妾，甘穗煇也不例外，共有四個老婆（因其中一妻早逝及沒有子女，只餘下三個老婆及其子女）、共四房人。甘老太麥少珍所生五名子女，長 子甘健成、次子甘琨禮、三女甘美玲、四女甘潔玲（已病逝）及五子甘琨岐，甘琨岐亦於○七年十二月病逝。他們均為第三房人。各房人向來甚少往來，為免子女就 遺產之間爭產，甘穗煇生前有涉獵不同生意，早已成立不同信託基金，將不同的家產分配與二、三、四房人，三房向來負責打理鏞記，故各子女均獲分配鏞記股份。 甘蕎因說，爺爺覺得其父可靠、忠誠，故一直由他揸夾萬匙，三房的家產也叫他負責分配，「就算我哋係仔女，一直都唔知道各人分到幾多。直至大伯打官司公布先 知道，我阿爸係從來唔會講，佢心目中最重要係孝義。所以對於佢嚟講，見到大伯要申請公司清盤，佢真係好唔開心，由收到律師信起，佢抑鬱咗成年。」
孻叔授燒鵝秘笈
甘蕎因又透露，其孻叔琨岐臨終前，主要是其父和她照顧及代為安排到癌病中心治病，她與弟弟連宏亦陪同 孻叔往北京，完成遺願。談及已逝的孻叔，蕎因和姑姐甘美玲也悲從中來，拿出由孻叔親自撰寫，贈送予弟弟連宏的鏞記燒鵝秘笈，忍不住淚如雨下。「孻叔當時仲 話返嚟要教細佬入廚房燒鵝，佢本筆記係將點燒、好細節嘅都寫得好清楚，好珍貴，佢就交俾我，叫我keep住、第日俾細佬。點知卻再無機會學……」 據知，甘琨岐在病逝前，亦早已安排好遺產分配，包括將鏞記的股份分給二哥，大哥亦非一無所有，甘琨岐將其加拿大的遺產分給大哥甘健成。甘美玲說，其三弟對 大哥的兩名兒子也非常不滿，曾指他們懶惰，入廚房又怕污糟、又怕辛苦，學了一會即放棄，並非如大哥所說由低做起。「三弟在生曾經講過，佢嗰份股份一定唔會 俾佢（甘健成的兩名兒子）！否則一定俾佢敗咗阿爺嘅心血。早已經講咗俾二哥，佢嘅護士亦係人證。勢估唔到搞成咁！阿哥申請清盤，亦無通知過我哋一聲！點解 可以將阿爸嘅心血咁搞！」甘美玲說。 清官難審家庭事，鏞記爭產聆訊昨日終結，甘健成、甘琨禮的兄弟情，鬧上法庭，覆水難收。甘家各人雖仍住在同一屋苑內，甘蕎因坦言，堂兄們見到長輩仍會打招 呼，但見到同輩，則會互當透明。本是同根生，相煎何太急，今年十一月將是鏞記酒家的七十周年紀念，頻頻見報的新聞，卻不是取得米芝蓮的星，而是爭產風波。
鏞記爭產，甘美玲（右）及甘蕎因（左）兩姑姪終打破沉默，力挺甘琨禮有情有義，談及昔日兄弟情，不禁淚如雨下。
甘老太（左一）曾接受訪問時，指責二仔在辦公室拖她出房鬧，但甘蕎因提供這段沒有呈堂的片段，只見甘老太沒有間斷指罵甘琨禮（右一）十多分鐘，甘琨禮激動回應。
甘穗煇（左二）創立的鏞記燒鵝，生前與三名兒子齊心奠定基礎，惟現人面全非，三子琨岐（右一）和甘穗煇已逝，二子琨禮（左一）和長子健成（右二）卻爭產，勢成水火。
甘老太麥少珍因鏞記爭產風波，斥二仔甘琨禮好權、殘忍，但其女兒美玲卻反斥母親偏心大哥，經常欺負二哥。（林志謙攝）
甘家孻仔甘琨岐生前入廚房鑽研菜式的心得，全寫在這本筆記內，包括鏞記燒鵝的秘方，他臨終前把筆記簿送予甘琨禮的子女。
甘穗煇在一九七六年的年初二，貫徹甘家傳統和三個兒子到清水灣郊遊，惟此情不再，人面全非。圖左起為甘健成、甘琨禮、甘穗煇和甘琨岐，甘穗煇當時六十四歲。
刊於1146期《壹週刊》
「家變個個都大受打擊！上到法庭，做到互揭瘡疤、家醜，人人都唔想咁發生！我二哥都好唔想上法 庭，想庭外解決，但大哥係申請清盤呀，二哥同我哋係收到律師信先知。而家好多人針對二哥，又話佢呃細佬妹，又話佢蝦阿媽！其實，係我媽媽真係好偏心大哥， 佢仲係好傳統抱住長子嫡孫嘅思想！我得嗰份（指鏞記股份），係我一早已經話俾二哥，佢唔係呃我，咁對佢好唔公平！」甘美玲皺着眉說。 她說自幼都很尊敬兩名兄長，但大哥甘健成則高高在上，「經常只係指我哋做嘢」，與二哥琨禮有傾有講不同，故她及已故的五弟琨岐，也和二哥關係較密切，經常 互相問候。談及幾兄弟姊妹與母親的關係，甘美玲顯得不滿，「大哥由細到大都係蝦二哥，阿媽就偏心大哥，細過時大哥同二哥打交或嘈，媽媽都係覺得大哥啱。就 算呢件事，佢都係覺得大哥好慘，個個蝦佢咁。」
殺入鏞記 狂抦二哥
在母親麥少珍眼中，二仔甘琨禮自私、爭哥哥的心血 及不聽話，但甘美玲卻替二哥不值，直言二哥一直默默為甘家仆心仆命。甘美玲過去三十多年，一直在美國居住，每年只回港一、兩次，每次均住在母親家中，甘琨 禮常常致電慰問及關心，「記得有一次我同家人吵架，我同二哥通完電話之後，佢好擔心我，即刻丟低所有工作，由香港飛過嚟美國睇我，呢啲關心，喺平日都會， 我真係好感激佢。但大哥就從來都唔會打電話嚟問候，除咗問我係咪將嗰份（家產）俾二哥，先打過嚟搵我。」 她說二哥一直以來很孝順父母、照顧兄弟姊妹，絕非如母親口中所說見利忘義，「佢（甘老太）夾硬屈二哥拉佢出嚟鬧，話佢唔孝順母親，其實倒返轉，係佢係咁鬧 二哥，一鬧人個口就唔停！我阿媽好似Mentally imbalanced！」他們隨即出示了一段沒有呈堂的錄影片段給記者看，並指出沒有把影片呈堂是考慮到母親的感受。片段中，甘老太走進甘琨禮辦公室門 外，不斷破口大罵：「你呢個仔無用㗎，呃細佬、呃個妹……」甘琨禮就激動地反駁，「如果我咁唔公平，其他人嚟搵我啦」、「我呃佢，我出街就仆街」等。
母女關係 物質維繫
「爸 爸得病時，一直都係二哥一家照顧，有次我哋新年去流浮山食飯，回程時阿爸唔舒服嘔，二哥就即刻停車，落嚟幫阿爸清理啲嘔吐物，好細心咁照顧佢，反而阿媽、 大哥都無理到。就算阿媽有次糖尿病暈咗，都係全靠二哥救返佢。」甘美玲更自言，早於父親去世前，與母親關係已有裂痕。「喺阿爸病重時，我返嚟香港住咗兩個 月，佢就成日係咁鬧阿爸，唔停口，係咁糟質佢。我覺得阿爸都風燭殘年，忍唔住叫阿媽唔好鬧佢，有乜包袱都應該放低，但阿媽就好唔喜歡，覺得我偏袒爸爸。」 此後甘老太不睬她，直至她回美國前相約母親飲茶，甘老太就叫她下次回來不要返來住，「我真係覺得好心痛。我同母親嘅關係，就真係物質多啲。」甘美玲含淚 說。
送終姍姍來遲
她踢爆，其父親及五弟琨岐病逝一刻，二哥一直陪伴左右，但大哥甘健成卻是在其彌留狀態才到，即「最 遲一批到」。在旁的甘蕎因說，其祖父為免子孫粗心，早已細心自備後事，預留二、三百萬現金，交由甘琨禮負責及打點。那麼甘老太愛錫二哥及五弟嗎？甘美玲慨 嘆：「琨岐已經病重時，我想返香港見吓細佬，點知阿媽話唔使咁早返嚟。嗰刻我覺得佢好莫測、做媽媽會咁講，真係好無情！又試過有糖尿嘅二哥，因急症盲腸炎 入院，我打返香港問阿媽，阿媽竟然話『佢死佢事！』，我就駁佢你已經冇咗個仔（當時甘琨岐已病逝），做媽媽點解咁講！」
二哥負責分配家產
豪 門家族，難免有三妻四妾，甘穗煇也不例外，共有四個老婆（因其中一妻早逝及沒有子女，只餘下三個老婆及其子女）、共四房人。甘老太麥少珍所生五名子女，長 子甘健成、次子甘琨禮、三女甘美玲、四女甘潔玲（已病逝）及五子甘琨岐，甘琨岐亦於○七年十二月病逝。他們均為第三房人。各房人向來甚少往來，為免子女就 遺產之間爭產，甘穗煇生前有涉獵不同生意，早已成立不同信託基金，將不同的家產分配與二、三、四房人，三房向來負責打理鏞記，故各子女均獲分配鏞記股份。 甘蕎因說，爺爺覺得其父可靠、忠誠，故一直由他揸夾萬匙，三房的家產也叫他負責分配，「就算我哋係仔女，一直都唔知道各人分到幾多。直至大伯打官司公布先 知道，我阿爸係從來唔會講，佢心目中最重要係孝義。所以對於佢嚟講，見到大伯要申請公司清盤，佢真係好唔開心，由收到律師信起，佢抑鬱咗成年。」
孻叔授燒鵝秘笈
甘蕎因又透露，其孻叔琨岐臨終前，主要是其父和她照顧及代為安排到癌病中心治病，她與弟弟連宏亦陪同 孻叔往北京，完成遺願。談及已逝的孻叔，蕎因和姑姐甘美玲也悲從中來，拿出由孻叔親自撰寫，贈送予弟弟連宏的鏞記燒鵝秘笈，忍不住淚如雨下。「孻叔當時仲 話返嚟要教細佬入廚房燒鵝，佢本筆記係將點燒、好細節嘅都寫得好清楚，好珍貴，佢就交俾我，叫我keep住、第日俾細佬。點知卻再無機會學……」 據知，甘琨岐在病逝前，亦早已安排好遺產分配，包括將鏞記的股份分給二哥，大哥亦非一無所有，甘琨岐將其加拿大的遺產分給大哥甘健成。甘美玲說，其三弟對 大哥的兩名兒子也非常不滿，曾指他們懶惰，入廚房又怕污糟、又怕辛苦，學了一會即放棄，並非如大哥所說由低做起。「三弟在生曾經講過，佢嗰份股份一定唔會 俾佢（甘健成的兩名兒子）！否則一定俾佢敗咗阿爺嘅心血。早已經講咗俾二哥，佢嘅護士亦係人證。勢估唔到搞成咁！阿哥申請清盤，亦無通知過我哋一聲！點解 可以將阿爸嘅心血咁搞！」甘美玲說。 清官難審家庭事，鏞記爭產聆訊昨日終結，甘健成、甘琨禮的兄弟情，鬧上法庭，覆水難收。甘家各人雖仍住在同一屋苑內，甘蕎因坦言，堂兄們見到長輩仍會打招 呼，但見到同輩，則會互當透明。本是同根生，相煎何太急，今年十一月將是鏞記酒家的七十周年紀念，頻頻見報的新聞，卻不是取得米芝蓮的星，而是爭產風波。
鏞記爭產，甘美玲（右）及甘蕎因（左）兩姑姪終打破沉默，力挺甘琨禮有情有義，談及昔日兄弟情，不禁淚如雨下。
甘老太（左一）曾接受訪問時，指責二仔在辦公室拖她出房鬧，但甘蕎因提供這段沒有呈堂的片段，只見甘老太沒有間斷指罵甘琨禮（右一）十多分鐘，甘琨禮激動回應。
甘穗煇（左二）創立的鏞記燒鵝，生前與三名兒子齊心奠定基礎，惟現人面全非，三子琨岐（右一）和甘穗煇已逝，二子琨禮（左一）和長子健成（右二）卻爭產，勢成水火。
甘老太麥少珍因鏞記爭產風波，斥二仔甘琨禮好權、殘忍，但其女兒美玲卻反斥母親偏心大哥，經常欺負二哥。（林志謙攝）
甘家孻仔甘琨岐生前入廚房鑽研菜式的心得，全寫在這本筆記內，包括鏞記燒鵝的秘方，他臨終前把筆記簿送予甘琨禮的子女。
甘穗煇在一九七六年的年初二，貫徹甘家傳統和三個兒子到清水灣郊遊，惟此情不再，人面全非。圖左起為甘健成、甘琨禮、甘穗煇和甘琨岐，甘穗煇當時六十四歲。
刊於1146期《壹週刊》
鏞記甘老太孫女：「阿嫲淚腺塞咗」
本週最引人入勝的豪門連續劇，非鏞記的清盤案莫屬。甘氏健成和琨禮兩兄弟每日在法庭上互揭家醜，可憐站在長子一方、已八十一歲的甘老太麥少珍，上週四出庭作供後淚灑人前，讓全城都替老人家心噏。
這滴淚，將這場燒鵝風暴推上高潮，形象跌至谷底的二子一家，上週六向本刊打破沉默；由甘老太一手湊大的二子女兒蕎因，暗諷阿嫲做戲：「佢淚腺塞咗，無真喊㗎！可以攞奧斯卡呀！」甘老太對此反擊：「做戲？講嘢我就夠晒氣！」她隨即大爆孫兒女的私密生活。看來，薑還是老的辣。
今 年踏入七十周年的鏞記，一直有一個傳統，就是酒家老闆，包括已反面的甘健成及甘琨禮，經常與中高層伙計齊齊午膳以加強溝通，但上週六中午，僅得甘健成次子 崇轅及甘琨禮女兒蕎因做代表，與三數名伙計匆匆用膳。向來不與傳媒打交道的蕎因，在酒家門前與記者談起案情，終於按捺不住：「我阿嫲（甘老太）啲戲，好到 可以攞奧斯卡呀！」
眼淚真定假
她說的是上週四，甘老太流的眼淚。當日甘老太上庭為長子健成一方作供，指稱二子琨禮在 父親甘穗煇過世不足一年，已向她提出賣盤的提議。之後在庭外，被數十記者圍着採訪，八十一歲的甘老太坦言自己慘成磨心，一時感觸淚灑鏡頭前，翌日全港報章 相關新聞的圖片，都是甘老太以紙巾拭淚照。 甘老太這滴眼淚，令全城將琨禮一家鬧爆，形象跌至谷底。甘蕎因為此反擊說，甘老太的眼睛曾做過白內障手術，「淚腺塞咗，所以不時都有眼水流出。佢成日都用 紙巾抹㗎啦，你哋唔知咪以為佢喊囉！你唔發覺佢有眼淚，但眼一啲都唔紅㗎咩！」她又澄清，上週五庭上播出其弟連宏疑似爆粗鬧大伯的會議錄音時，坐在庭上的 她及連宏被指報以大笑，實屬誤會。「當時錄音內連宏講『窄窄哋』，被法庭英譯為『tight tight』，我哋係笑譯得好搞笑啫！」她不忿指，阿嫲撐伯父一家，令他們一方做什麼也變得負面：「老人家嘛，阿嫲係最厲害嘅武器！」
介紹男仔孫女識
本週日早上，記者在禮頓道家中找甘老太回應。對於被孫女評「好戲到可以攞奧斯卡」，甘老太起初聽不 明，相信她誤以為是講「攞奧運」，故還笑着回應：「我都幾鍾意運動嘅，多數游吓水，樣樣運動都識吓㗎！」到知道原來孫女意思是說她扮嘢、做戲，她才開始回 過神來說：「做戲？講嘢我就夠晒氣！」再而愈講聲音愈震兼沙啞，「係人都傷心啦，憑良心講句，啲仔咁樣，無端端真係眼淚多咩……」 這時她的淚水在眼眶中打滾，差點就要流出來，但稍停一刻後，即激動地反擊：「老實講，我唔使啲仔嘅錢，自己養自己，使乜做戲呀！」她又否認做過白內障手 術：「佢講大話！我雙眼好好，連眼鏡都唔使戴！」但後來她憶起，六十多歲時曾與丈夫甘穗煇一起去看眼科，「起碼十年前，做咗個小手術，應該就係白內障，我 唔記得清楚，總之就無影響我流眼水！」 動了氣的甘老太，還將家事向記者細數，「我同琨禮一家住同一棟樓，有個去年退休嘅看更同我講，我個孫女蕎因成日帶唔同嘅人返屋企，問我乜佢咁多男友！」老 太謂，以前曾經介紹不少老顧客的子姪予蕎因，「佢係幾靚嘅，但係由細到大都咁囂，都就來四十歲人啦，仲唔結婚！我介紹好友陳麗玲（陳樹渠太太）個仔佢識， 對方都幾鍾意，但又無下文！」蕎因可說是由甘老太一手湊大，「佢哋十幾歲移民前成日嚟我呢邊食飯，早幾年蕎因去完旅行，仲就咁成袋衫攞過嚟，都係我工人幫 佢洗，佢哋一家一直無請工人嘛！」老太細數，蕎因與連宏現居的頂層單位，亦是由阿爺出錢所買。
傳媒戰開鑼
甘老太現時 與二仔琨禮一家至為尷尬的，是家變後仍然要「朝見口晚見面」。甘老太與琨禮一家住樓上樓下，她謂，「三百六十五日，成日出出入入，你話點會撞唔到！自從佢 哋一家三年前（股份糾紛後）變晒之後，佢（蕎因）返屋企行到禮頓道，就頭耷耷扮睇我唔到，近月直頭扮講電話，就算喺lift裡面都將個電話放响耳邊。所以 嗰日佢响庭度大聲叫我阿嫲，至真係做戲！」她還指甘琨禮一家「自己改晒名」，並無通知她。 這場家變鬥爭，除了有甘老太這武器出場，還由法庭上鬥到法庭外，大打傳媒戰。大哥健成向來是傳媒之友，幾十年來都由他出面代表鏞記接受訪問，今次申請母公 司清盤亦由他提出呈請，故自一○年三月尾事件曝光後，傳媒幾乎清一色站在健成一方作出報導。至於琨禮一家，一直處於捱打，甚少對指控作出回應，不過蕎因 說：「兩年來嘅抹黑，實在谷爆，我Daddy出街食飯都俾人眼望望！佢哋作為呈請一方，不斷接受傳媒訪問，不斷將唔關事的家醜外揚。就算我哋喺庭外同傳媒 傾兩句，佢哋都搵人企埋喺側邊偷聽！」甘蕎因計劃待他們一方作供完畢後，就會公開反擊，但她強調，「我會忍埋呢幾日，始終我哋最希望係贏官司！」
旺夫創鏞記
慘 逢家變的甘老太麥少珍，為甘穗煇的三房太太，婚後與丈夫共同創立鏞記。「當年我十六歲，住响威靈頓街街尾，有次幫阿嫂送米去廣源西街大牌檔，就遇上佢。佢 大我十六年，又已經有填房，原本我就唔嫁嘅，但佢日日走嚟我做嘢度望我，就連病咗都要來，整個人瘦晒，我就怕他會一病不起，賠唔起老公、老豆俾人，就嫁俾 佢。」自她下嫁甘穗煇後，甘的生意就愈做愈旺，後來更創立了鏞記，甘認為她旺夫，而且入門後，很快便三年抱兩，前後為甘家誕下三子兩女，故就算甘後來又有 四太太，甘老太麥少珍仍然是最得寵的一個，甘穗煇在生時他倆經常有影皆雙。 作為老一輩人，看着兩子為家業鬧上法庭，甘老太當然不好受，體重更由兩三年前的一百三十磅，下跌至現時只有百多磅左右，她雖然將自己的一成股份給了甘健 成，但心願是家變從未發生，一切回到從前：「我最希望好似以前咁，平和共處，兩兄弟有商有量。既然二子手上股份多過阿哥十個巴仙，賺到錢要分時，咪多分一 份囉，唔好搞咁多嘢啦！」 ####
麥少珍是舊式傳統女性，子女反目弄至家嘈屋閉，令她不勝唏噓。
上週四甘老太紙巾拭淚，贏得大眾支持。
上週末一身便服的甘蕎因，是最早返回鏞記大廈的甘家成員，並首度開腔，暗示阿嫲做戲。
甘老太家中有一座近四呎高的關公像，是甘穗輝生前所買，義薄雲天，可惜鎮不住子孫的糾紛。
鏞記創辦人甘穗輝（右二）在生時，三名兒子健成（右一）、琨禮（左二）及琨岐（左一）合作無間，將鏞記搞得有聲有色，估不到甘穗輝和琨岐過身後，鏞記變得面目全非。
刊於1145期《壹週刊》
這滴淚，將這場燒鵝風暴推上高潮，形象跌至谷底的二子一家，上週六向本刊打破沉默；由甘老太一手湊大的二子女兒蕎因，暗諷阿嫲做戲：「佢淚腺塞咗，無真喊㗎！可以攞奧斯卡呀！」甘老太對此反擊：「做戲？講嘢我就夠晒氣！」她隨即大爆孫兒女的私密生活。看來，薑還是老的辣。
今 年踏入七十周年的鏞記，一直有一個傳統，就是酒家老闆，包括已反面的甘健成及甘琨禮，經常與中高層伙計齊齊午膳以加強溝通，但上週六中午，僅得甘健成次子 崇轅及甘琨禮女兒蕎因做代表，與三數名伙計匆匆用膳。向來不與傳媒打交道的蕎因，在酒家門前與記者談起案情，終於按捺不住：「我阿嫲（甘老太）啲戲，好到 可以攞奧斯卡呀！」
眼淚真定假
她說的是上週四，甘老太流的眼淚。當日甘老太上庭為長子健成一方作供，指稱二子琨禮在 父親甘穗煇過世不足一年，已向她提出賣盤的提議。之後在庭外，被數十記者圍着採訪，八十一歲的甘老太坦言自己慘成磨心，一時感觸淚灑鏡頭前，翌日全港報章 相關新聞的圖片，都是甘老太以紙巾拭淚照。 甘老太這滴眼淚，令全城將琨禮一家鬧爆，形象跌至谷底。甘蕎因為此反擊說，甘老太的眼睛曾做過白內障手術，「淚腺塞咗，所以不時都有眼水流出。佢成日都用 紙巾抹㗎啦，你哋唔知咪以為佢喊囉！你唔發覺佢有眼淚，但眼一啲都唔紅㗎咩！」她又澄清，上週五庭上播出其弟連宏疑似爆粗鬧大伯的會議錄音時，坐在庭上的 她及連宏被指報以大笑，實屬誤會。「當時錄音內連宏講『窄窄哋』，被法庭英譯為『tight tight』，我哋係笑譯得好搞笑啫！」她不忿指，阿嫲撐伯父一家，令他們一方做什麼也變得負面：「老人家嘛，阿嫲係最厲害嘅武器！」
介紹男仔孫女識
本週日早上，記者在禮頓道家中找甘老太回應。對於被孫女評「好戲到可以攞奧斯卡」，甘老太起初聽不 明，相信她誤以為是講「攞奧運」，故還笑着回應：「我都幾鍾意運動嘅，多數游吓水，樣樣運動都識吓㗎！」到知道原來孫女意思是說她扮嘢、做戲，她才開始回 過神來說：「做戲？講嘢我就夠晒氣！」再而愈講聲音愈震兼沙啞，「係人都傷心啦，憑良心講句，啲仔咁樣，無端端真係眼淚多咩……」 這時她的淚水在眼眶中打滾，差點就要流出來，但稍停一刻後，即激動地反擊：「老實講，我唔使啲仔嘅錢，自己養自己，使乜做戲呀！」她又否認做過白內障手 術：「佢講大話！我雙眼好好，連眼鏡都唔使戴！」但後來她憶起，六十多歲時曾與丈夫甘穗煇一起去看眼科，「起碼十年前，做咗個小手術，應該就係白內障，我 唔記得清楚，總之就無影響我流眼水！」 動了氣的甘老太，還將家事向記者細數，「我同琨禮一家住同一棟樓，有個去年退休嘅看更同我講，我個孫女蕎因成日帶唔同嘅人返屋企，問我乜佢咁多男友！」老 太謂，以前曾經介紹不少老顧客的子姪予蕎因，「佢係幾靚嘅，但係由細到大都咁囂，都就來四十歲人啦，仲唔結婚！我介紹好友陳麗玲（陳樹渠太太）個仔佢識， 對方都幾鍾意，但又無下文！」蕎因可說是由甘老太一手湊大，「佢哋十幾歲移民前成日嚟我呢邊食飯，早幾年蕎因去完旅行，仲就咁成袋衫攞過嚟，都係我工人幫 佢洗，佢哋一家一直無請工人嘛！」老太細數，蕎因與連宏現居的頂層單位，亦是由阿爺出錢所買。
傳媒戰開鑼
甘老太現時 與二仔琨禮一家至為尷尬的，是家變後仍然要「朝見口晚見面」。甘老太與琨禮一家住樓上樓下，她謂，「三百六十五日，成日出出入入，你話點會撞唔到！自從佢 哋一家三年前（股份糾紛後）變晒之後，佢（蕎因）返屋企行到禮頓道，就頭耷耷扮睇我唔到，近月直頭扮講電話，就算喺lift裡面都將個電話放响耳邊。所以 嗰日佢响庭度大聲叫我阿嫲，至真係做戲！」她還指甘琨禮一家「自己改晒名」，並無通知她。 這場家變鬥爭，除了有甘老太這武器出場，還由法庭上鬥到法庭外，大打傳媒戰。大哥健成向來是傳媒之友，幾十年來都由他出面代表鏞記接受訪問，今次申請母公 司清盤亦由他提出呈請，故自一○年三月尾事件曝光後，傳媒幾乎清一色站在健成一方作出報導。至於琨禮一家，一直處於捱打，甚少對指控作出回應，不過蕎因 說：「兩年來嘅抹黑，實在谷爆，我Daddy出街食飯都俾人眼望望！佢哋作為呈請一方，不斷接受傳媒訪問，不斷將唔關事的家醜外揚。就算我哋喺庭外同傳媒 傾兩句，佢哋都搵人企埋喺側邊偷聽！」甘蕎因計劃待他們一方作供完畢後，就會公開反擊，但她強調，「我會忍埋呢幾日，始終我哋最希望係贏官司！」
旺夫創鏞記
慘 逢家變的甘老太麥少珍，為甘穗煇的三房太太，婚後與丈夫共同創立鏞記。「當年我十六歲，住响威靈頓街街尾，有次幫阿嫂送米去廣源西街大牌檔，就遇上佢。佢 大我十六年，又已經有填房，原本我就唔嫁嘅，但佢日日走嚟我做嘢度望我，就連病咗都要來，整個人瘦晒，我就怕他會一病不起，賠唔起老公、老豆俾人，就嫁俾 佢。」自她下嫁甘穗煇後，甘的生意就愈做愈旺，後來更創立了鏞記，甘認為她旺夫，而且入門後，很快便三年抱兩，前後為甘家誕下三子兩女，故就算甘後來又有 四太太，甘老太麥少珍仍然是最得寵的一個，甘穗煇在生時他倆經常有影皆雙。 作為老一輩人，看着兩子為家業鬧上法庭，甘老太當然不好受，體重更由兩三年前的一百三十磅，下跌至現時只有百多磅左右，她雖然將自己的一成股份給了甘健 成，但心願是家變從未發生，一切回到從前：「我最希望好似以前咁，平和共處，兩兄弟有商有量。既然二子手上股份多過阿哥十個巴仙，賺到錢要分時，咪多分一 份囉，唔好搞咁多嘢啦！」 ####
麥少珍是舊式傳統女性，子女反目弄至家嘈屋閉，令她不勝唏噓。
上週四甘老太紙巾拭淚，贏得大眾支持。
上週末一身便服的甘蕎因，是最早返回鏞記大廈的甘家成員，並首度開腔，暗示阿嫲做戲。
甘老太家中有一座近四呎高的關公像，是甘穗輝生前所買，義薄雲天，可惜鎮不住子孫的糾紛。
鏞記創辦人甘穗輝（右二）在生時，三名兒子健成（右一）、琨禮（左二）及琨岐（左一）合作無間，將鏞記搞得有聲有色，估不到甘穗輝和琨岐過身後，鏞記變得面目全非。
刊於1145期《壹週刊》
沒有留言:
張貼留言