禁忌？No Way！

 

圈中星級孕婦對傳統禁忌有另一套看法，未必跟足傳統，照裝修、着高踭鞋，完全無有怕！

 

楊婉儀

06年楊婉儀佗着第二胎，在外國長大的她百無禁忌為BB搬屋，即使朋友提點亦表示不信禁忌。

郭羨妮

去年12月懷有3個月身孕的郭羨妮出席活動時，着三吋斗零踭高Boot示人，十分大膽，不過身旁的人都戥佢牙煙。

蔡少芬

蔡少芬於去年4月懷孕時，斥資700萬元購入錦綉花園獨立屋，又用約200萬元裝修，懶理傳統禁孕婦佗B時裝修。

朱麗倩陀男胎

 

劉德華日前陪朱麗倩作產前檢查，得知懷的是男胎，開心不已。資料圖片

劉德華本月初親口證實 45歲的太太朱麗倩懷有四個多月身孕後，外間一直揣測劉家金叵羅是仔還是女，據知華仔早前陪老婆去中環婦產科名醫何永超診所作產前檢查，為 BB照 4D超聲波，得到好消息，劉家金叵羅有慈姑椗，華仔一索得男，認真可喜可賀。

花膠湯補身

據消息指，由於朱麗倩屬高齡產婦，為確 保 BB出生前健康，故必須抽羊胎水驗唐氏綜合症，而日前一次檢查，當華仔、華嫂得知陀男胎，都開心不已。而為老婆安全起見，華仔除抽空陪伴外，朱麗倩身邊總 有貼身保鑣及私家看護照顧，華仔媽咪亦已下旨，日日煲花膠湯給朱麗倩補身，望劉家金叵羅健健康康出世。　撰文：丁寧

 

千嬅踩6吋踭 Kelly頭痛揀衫

  

【孕連環之夫唱婦隨】楊千嬅在元旦日宣佈懷有龍 B，之後一直閉關安胎，昨日她為撐老公丁子高的公關公司才首度現身公開活動，與吳彥祖（ Daniel）在澳門出席新春龍年亮燈儀式。懷有四個月身孕的千嬅腹部出奇地大，但她否認陀孖胎，她自爆貪靚着四吋高踭鞋，遭老公黑面對待。同場的 Daniel則恨生仔恨到出面，他謂 20幾歲已好想做爸爸。

楊千嬅和吳彥祖 02年在《新紮師妹》結片緣，十年後再重聚，昨日應邀到澳門威尼斯人酒店，為一條十米長的金龍進行亮燈儀式。大會安排二人乘坐貢多拉小艇進入會場。懷胎四 月的千嬅穿上紫色闊身裙、腳踏四吋金色船踭鞋在台上獻唱《斗零踭》，邊唱邊摸着肚皮，表現投入。司儀問千嬅老公會否擔心她穿着高踭鞋？她尷尬笑說：「着三 分鐘啫，一落台邊就換。」她直言現在上台唱歌特別開心，因為感覺得到體內多一份力量。

放大圖片

千嬅和吳彥祖坐貢多拉進場。

放大圖片

懷孕四個月的千嬅肚子特別大，上岸時吳彥祖小心扶着她。

「家重咗十磅」

放大圖片

為撐老公丁子高（右）的公關公司，千嬅挺巨肚與吳彥祖開工，丁子高即在微博晒恩愛。

當千嬅落台時，四位工作人員小心扶住她，非常大陣仗。當被取笑着高踭鞋這麼大膽？千嬅即急急 說：「我會換嘞，因為唔想着大肚婆衫，條裙改短咗六吋，呢對 platform鞋十足紙鎮咁，好穩陣，老公好遠望我㗎。其實醫生都有叫我小心啲，話大肚婆平衡唔係太好，驚成日着會腰骨痛。」問她對鞋有幾高？她失笑 說：「唔可以再講，喺酒店房時丁生已經黑面黑到落樓下，我都成日坐低，大肚婆日常生活冇乜分別，只係動作慢啲。」
千嬅透露現在懷有四個月身孕，但 見她的肚皮卻出奇地大，被疑懷雙胞胎，她說﹕「一定唔係孖，一個啫，放完聖誕假突然彈出嚟，家重咗十磅。」記者笑她現在有「事業線」，她說：「不嬲都要 升 cup，但升咗都冇用，家又冇乜用，大細同有冇奶係兩回事，但無論點都係開心事，其實我哋原本係想生兔仔或兔女，但試咗幾個月都唔得，可能太有意識，想 放棄時，又突然喺開騷前發現有咗，真係要多謝個天。」問到是仔還是女？她笑說：「過多一星期先知，如果心急就落賭場賭兩手，奶奶話贏就係女，輸係仔。其實 家仲未改名，老公咁奄尖，一定會問晒丁家長輩同師傅，但我以唔俾同學取笑為原則。」問到 BB有沒有與人上契？她說：「我啱啱公開，怕小器，中國傳統就三個月，我高齡加多一個月。」

「偷飲一啖香檳」

37歲的千嬅屬高齡產婦，早前完騷後 試過腹痛入院，令丁家上下好緊張，醫生亦曾吩咐她多休息，她說：「佢唔想我成日出街，我又成日呃佢話喺屋瞓覺，點知又俾人影到。其實醫生都叫我唔好企同行 咁耐，家我咪每日睇日出日落、食嘢、搽油（去妊娠紋）同瞓覺。奶奶同老公都好照顧我，甜、辣、咖喱同味精都瘋狂想食，但為小朋友着想都要忍，試過偷飲一 啖香檳，係老公用湯匙滴一滴畀我，佢叫我好似貓咁舔，勁樣衰！」千嬅表示現在已盡量將手頭工作推掉，今次擺明是撐老公的公關公司才亮相，難怪老公丁子高在 微博留言說：「多謝吳彥祖，當然仲有我隻鬆弛熊楊千嬅啦！哈哈！」大晒恩愛。

 

 

吳彥祖：好恨有 B

放大圖片

Lisa S.早前暗示林熙蕾（左）曾介入她與吳彥祖之間的感情。資料圖片

另外，最近有傳 Lisa S.大肚， Daniel否認說﹕「剛才坐直升機過嚟，見到千嬅兩公婆好幸福，真係有少少想流淚。自己都好恨有 BB，之前傳 Lisa有咗，好多親戚朋友打嚟恭喜我，我唔係驚小器，但又唔係真，真係有啲失望。」他表示曾想過要仔唔要乸，他說：「 20幾歲已經好想做爸爸，諗過唔要老婆都想要個仔，係結咗婚後先知老婆好。」他否認 Lisa曾講過林熙蕾是第三者，他說：「呢單都係炒作，假嘅。」
採訪：盧坤穎
攝影：仇志德

話你知：龍仔龍女排隊出世

放大圖片

不少藝人或其妻子都成功懷上龍 B，不過胎兒性別方面似乎未能盡如人意，想生女的陳慧琳及黎淑賢均陀龍仔，恨仔恨到發燒的徐熙娣（小 S）卻再懷龍女。

齊齊佗龍B的陳慧琳（Kelly）與千嬅均是圈中出名的貪靚之人，再做媽咪的Kelly，曾笑言懷孕期間最感頭痛的是揀靚衫，想不到楊千嬅亦有同感，昨日出席澳門活動時，不怕老公黑面與禁忌腳踏六吋船踭鞋示人。

大肚千嬅昨日腳踏六吋船踭鞋出席活動，每移玉步時都有工作人員攙扶。

【陳奕龍澳門直擊】千嬅親證懷胎後，昨日與吳彥祖到澳門出席由老公丁子高公司舉辦的首個公開活動，為了靚靚，千嬅竟不顧丁子高黑面及大 肚婆的禁忌，着六吋船踭鞋現身，在台上獻唱及走動時表現一步一驚心，她坦言選擇穿六吋鞋全因貪靚，皆因她不想穿大肚裝：「呢條裙長，所以要搵對六吋高嘅船 踭鞋襯。老公喺酒店房有黑面，但係佢都知道我工作係要靚。」她又笑言「Touch Wood」，在現場未有感到不適。

為BB點都要忍

祝酒時滴酒不沾的千嬅，坦言為生小朋友忍口忍得很辛苦，不過已肥了十磅：「所有甜嘢、味精、咖啡、公仔麵，我瘋癲想食！但為咗 小朋友要戒！」她表示留在家安胎很苦悶，又踢爆奶奶緊張之餘，亦十分搞笑：「奶奶話你去賭場賭錢，贏就係女，輸就係仔，佢叫我去驗證吓。」坦言仔女無所謂 的千嬅，透露暫時還未證實BB性別，亦未改名。

Kelly懷孕五個月，仍照常開工。	千嬅與吳彥祖坐船入大會現場。	Kelly（左）坦言自己是「全職媽咪」。

• 何麗全（後排右）抽空探《八星抱抱開年宴》班。

蝦餃仔學單字

昨日所見，千嬅肚子不算很大，相反懷孕五個月的Kelly則腹大便便。日前，Kelly與吳君如、黃百鳴及杜汶澤等為新賀歲片 《八星抱喜》接受now《八星抱抱開年宴》錄影，節目將於年初一、二播映，now揸fit人何麗全當日亦有到場探班。身穿鬆身衫的Kelly，雖然棄高跟 鞋改穿平底鞋亮相，但仍笑言懷孕也要漂亮：「唔通好烏wear畀人睇咩！」新春將至，Kelly透露有教蝦餃仔講「恭喜發財」，不過他現時只懂說「恭」 字。
談到現時樂壇頒獎禮，Kelly坦言亦有留意：「乜人都冇晒，好似唔熱鬧。」她直認現時是「全職媽咪」，已過了事業衝刺期，但仍力撐現時歌手很唱得，只是需要好歌配合。
至於《八》片老闆黃百鳴，則坦言不怕再在賀歲檔與曾志偉拗手瓜：「良性競爭，當然贏係最開心。」

吳彥祖怕孕婦

與千嬅分屬好友的吳彥祖，坦言照顧孕婦壓力很大：「我見到大肚婆就驚！」他透露仍未有時間造人：「我舊年十個月唔喺香港，不過今個新年應該有假，我恨咗好耐喇，廿幾歲已經恨做爸爸。」他又指生仔秘訣應該是盡量要令老婆Lisa S.放鬆。
吳彥祖指早前指他榮升龍爸的報道是大整蠱：「搞到個個親友都打嚟恭喜，佢哋係有心咁樣寫咯！」他強調不怕小器，最怕是親友失望。對於Lisa早前被指在台灣節目爆林熙蕾撬牆腳，吳彥祖直指是炒作：「其實我同Kelly（林熙蕾）本身個緋聞都係炒作！」