仁安總監私幫生意好發
本刊上期揭發仁安醫院同醫療集團關係密切，篇報導出街後即有同行爆料，指原來坐仁安第二把交椅嘅副醫務 總監梁國齡，就係同仁安合作嘅醫療集團翹康醫務中心（Prestige Medical Centre）幕後老闆，翹康亦佔姊妹醫療集團翹采一半股權。 翹康王國好大，喺尖沙咀美麗華大廈，沙田新城市商業大廈，連中環「名醫大廈」中建大廈都有診所，旗下醫生有二十六人，十四個婦產科，五個外科，五個兒科， 仲有兩個社工做心理諮詢，外科裡面又有整形外科，連植髮隆胸都做埋，全部都係最賺錢嘅專科，大部分病人要生仔或做手術，都會轉介去仁安，婦產科最多客，要 揀親子王國最多人話好嘅余啟文醫生，就要排到出年九月。
呢個王國由梁國齡一手創立，梁八四年港大醫學院畢業，九三 年取得婦產科專科資格，之後喺沙田希爾頓中心開私人診所，專做生仔業務，由於手勢好，病人愈來愈多，不停搵醫生加盟。識做生意嘅梁國齡，泊仁安呢個大碼 頭，中心轉介病人，仁安就提供床位手術室等，大家都搵到生意，可謂雙贏。 而家梁國齡已經唔使執仔，每個月淨係靠下線醫生嘅生意，都有至少五十萬分賬收入，又有兩層早早供甩、市值共二千幾萬嘅單位。之不過仁安同翹康咁嘅合作關 係，就引起同行議論紛紛，事關如果病人發生意外，負責嘅究竟係翹康定仁安？好似今次人工受孕醜聞，仁安就將責任卸晒落醫生身上，劃清界線。但衞生署話醫院 要負最終責任，否則有權吊銷醫院牌照。（黎明輝）
梁國齡身兼翹康老闆同仁安副醫務總監，惹起外間質疑有利益衝突。
一向表示「知無不言」嘅梁國齡（右），一聽到記者問到翹康同仁安關係，即刻話：「我冇必要回應！」旁為仁安院長李繼堯。（鄒潔珊攝）
本刊上期揭發仁安醫院同醫療集團關係密切，篇報導出街後即有同行爆料，指原來坐仁安第二把交椅嘅副醫務 總監梁國齡，就係同仁安合作嘅醫療集團翹康醫務中心（Prestige Medical Centre）幕後老闆，翹康亦佔姊妹醫療集團翹采一半股權。 翹康王國好大，喺尖沙咀美麗華大廈，沙田新城市商業大廈，連中環「名醫大廈」中建大廈都有診所，旗下醫生有二十六人，十四個婦產科，五個外科，五個兒科， 仲有兩個社工做心理諮詢，外科裡面又有整形外科，連植髮隆胸都做埋，全部都係最賺錢嘅專科，大部分病人要生仔或做手術，都會轉介去仁安，婦產科最多客，要 揀親子王國最多人話好嘅余啟文醫生，就要排到出年九月。
呢個王國由梁國齡一手創立，梁八四年港大醫學院畢業，九三 年取得婦產科專科資格，之後喺沙田希爾頓中心開私人診所，專做生仔業務，由於手勢好，病人愈來愈多，不停搵醫生加盟。識做生意嘅梁國齡，泊仁安呢個大碼 頭，中心轉介病人，仁安就提供床位手術室等，大家都搵到生意，可謂雙贏。 而家梁國齡已經唔使執仔，每個月淨係靠下線醫生嘅生意，都有至少五十萬分賬收入，又有兩層早早供甩、市值共二千幾萬嘅單位。之不過仁安同翹康咁嘅合作關 係，就引起同行議論紛紛，事關如果病人發生意外，負責嘅究竟係翹康定仁安？好似今次人工受孕醜聞，仁安就將責任卸晒落醫生身上，劃清界線。但衞生署話醫院 要負最終責任，否則有權吊銷醫院牌照。（黎明輝）
梁國齡身兼翹康老闆同仁安副醫務總監，惹起外間質疑有利益衝突。
一向表示「知無不言」嘅梁國齡（右），一聽到記者問到翹康同仁安關係，即刻話：「我冇必要回應！」旁為仁安院長李繼堯。（鄒潔珊攝）
沒有留言:
張貼留言