靜女其姝 陶傑

Tweet

Widgets

靜女其姝，這句話是何所指，今日是沒有人懂了。

「盛女」危機，是香港的消費共業。女人把自己當做商品：整容、護膚、繪甲，加上娛樂八卦、股市行情，然後是商品的贊助商為香港Define了什麼是「女人」。

既然是商品，必然有價錢，商品、價錢、市場，像紅綠藍三原色，成為港女的基本元素。

有此三樣，問題來了。商品、價錢、市場，必然有In和Out。什麼是流行？流行多久？一件商品，不再流行了，是不是像自助餐的剩菜一樣，餵豬吃，或者丟進堆填區？

二十年來，香港整整一代人，自困在什麼叫In、什麼叫Out的爭論之上：一個髮型、一款衣服、一套流行詞彙、一個型號的手機，一旦In了，就可以加入喧嘩的一羣，有朋友、有社會關係、有排滿兩星期的約會。

一旦被審決為Out了，則自我放逐，孤獨終老。In即是Young，那麼你懂得昨天的事情和人物，就是Out了，In即是喧嘩、粗俗、中文不通、英文不好，那麼你個性靜一點，雅致一些，中文和英文都流利清通，你就是Out了。

剩 女和宅男，就是香港自己作的孽。殖民地時代，英國人領導的人文品味，一切都教化過你：喝咖啡時，小銀匙擱在小碟子上；人多的地方，不要聲浪太高，看見你沒 見過的事物，保持淑女的矜持，不要什麼都嘩！嘩！嘩！還有，維多利亞時代承傳下來，淑女要找君子，遇到不同的意見，淡淡笑一笑，不要搶着什麼都「發聲」。

不要隔着一大堆人扯開喉嚨呼喊，找你的男人，敬移玉步，走過去，在他耳邊說話。不必學芭蕾舞和鋼琴，儀容大方，只要穿衣服不必紅綠撞色譁眾爭艷即可。

殖民地時代，高等華人有名媛。名媛是從來不喧嘩的，也不炫耀太多的「觀點」，那時沒有盛女，都教你怎樣做人，然後是做女人，然後才是做一個風姿婉約的女人。

「盛女」反不了 陶傑

Tweet

Widgets

「盛女」反不了

2012年04月18日

電視「盛女愛作戰」，全城熱爆，遭到「知識份子」聲討，呼籲全港「反盛」。
只是一個娛樂節目──娛樂，英文叫 Entertainment，盛女五名，一起把自己拋出來，接受「專家」指點，不過是娛樂，喜歡看的就看，不喜歡看敬請轉台，一個自由社會，就是這般簡單。
至於意識不良，侮辱女性，品味惡俗，我的媽呀，不要再說這般老餅的道理好不好──「盛女」上電視只有五名，即使真「貶低」女性，也只這五名女性心甘命抵的自願遭到貶低，昂山素姬，戴卓爾夫人，甚至香港的陳方安生和劉慧卿，並無因一個節目而受到侮辱。
有「學者」譴責，這類求偶節目，雖「英國也有」，但人家英國品味高許多，「英國人不是這樣子的」。

「英 國人不是這樣子」、「美國人不是這樣子」，這就是問題的核心了──「英國人這樣子」，你要模仿多少？譬如英國人的君主立憲，君主不把人當奴才，英國首相， 民選產生，勝選之後新首相去白金漢宮接受英女王委任，英女王不會在電視攝影機面前，像阿媽教你一樣，對首相訓話：你為政要清廉呀，做了首相，不要貪錢偷雞 摸狗呀，記住了，你是首相，其身要正呀，要好好幹呀……
哪一等的民族，自然有哪一等的君主，首相，以及電視節目的質素。因此，「盛女愛作戰」雖不受「知識份子」歡迎，有三十點高收視，並不比競選期間，梁振英深受「知識份子」傳媒擁護而又深得小學六年級程度以下的師奶草根民意支持而「低級趣味」了多少。
至 於英國人，有時趣味也很惡俗，譬如電視節目 Benny Hill Show，喜劇片集「非常凸務」 Austin Powers──肥佬扮女人，戴假髮、紅色胸圍，似一頭豬，搔首弄姿，侮辱女性，歧視肥人，也嘲笑男人，但全球輸出，深受歡迎，「西方文化霸權」，不信， 到深圳去花十多元人民幣，買一套大陸翻版看看，笑死你。

高收視率，即是成功，「知識份子」不要「警察」（ Policing）這個社會，更不要嚕嚕囌囌「褓姆」（ Parenting）一個城市。 Policing， Parenting，都有害，這兩個英文字，都是英國人說的，其中的道理，英國人都懂，就是香港的「知識份子」不明白，好可憐。

盛女共業 陶傑

Tweet

Widgets

盛女共業

2012年04月25日

香港的「盛女」騷，演化為一場「公共醜劇」。
既有「公共交通工具」、「公共知識份子」，那麼如果一個城市的主流是惡俗，公共的一股巨大的業力驅使，成為一種「社會現象」，喧噪翻騰，此即為「公共醜劇」。
「盛 女」原名「剩女」，已如香港的「樂富」，原名老虎岩，「藍田」原名鹹田，「調景嶺」原名「吊頸嶺」，這些地區，後來都改了名，但地區的樓價，都不會因為 「昇格」，的新名字而與淺水灣（ Repulse Bay）和山頂（ The Peak）同一級，如同香港的「劍橋護老院」、「康橋補習社」，偷竊英國文明產權，但與英國白種人五百年的高尚學府，不是一回事。
「盛女」的共業，是香港的女性自己鑄造的，首先，二十七八歲的年紀，一點也不老，但香港女性二十年來流行對年齡的挖苦和嘲笑──在酒吧和咖啡座。
當一個說她喜歡梅艷芳，即引起一陣哄笑：「你出賣了你的年齡」。流行即等同 In， In即是 Young，凡 In、 Young和流行的，即是「好」，那麼你說你喜歡佛烈雅士提、泰倫鮑華，如果你是年輕的女性，在香港，因為趣味與港女不同，不會有同齡的朋友。
偏 又愛「埋堆」，喜熱鬧，吱吱喳喳，話題不離旅遊飲食，繪甲美容，購物心得，藝人八卦這四大類「流行資訊」。「盛女」無一個知道歷史，他們不了解昨天發生過 什麼事，不識誰是慧雲李或陳厚葉楓。當然，從前的不代表一切都好，但昨日即使最膚淺的一層娛樂的光影，都比今日端莊，比今日之 IT世紀有修養，這一點，是 Lady Gaga流行的英語文明國家的專家，都承認的事實。
不知過去，即是昧於人生。一個不懂歷史的社會，必然集體鑄造愚昧的共業，摒棄自由，最終臣服於獨裁，排斥歷史，即是排斥年齡，港女哇哩哇啦一片喧噪，連同香港二十年來，追隨「流行」，不知不覺鑄成的共業。
一 群盛女，在十八歲時，不都嘲笑過二十八歲的人「老餅」？一晃眼，她們自己二十八歲了。西方國家二十八歲獨身平常，但香港的盛女滿嘴巴滿腔英語詞彙，骨子裏 卻又是「女為悅己者生兒育女」的中國農村基因，沒有男人，她們抓狂了，但缺乏品味、修養、見識，一群盛女，是一堆分貝高昂的人肉噪音機，融入中國人喧噪吵 鬧的「文化主流」，這樣的女人怎嫁得有質素的男人，最終只有錢錢錢、樓樓樓了，沒人要，好可憐呀。

《盛女》Mandy執樣僭建食大茶飯 1155期《壹週刊》

Tweet

Widgets

引起全城熱話的《盛女愛作戰》已經收檔，轉投到商台開咪的Bonnie以及人生導師Winnie被外界鬧爆；愛情顧問Santino郭政彤更被指涉 嫌造假卡、販毒，爆出大堆醜聞。至於中途唔玩的寸嘴Mandy，鬧勻全世界後繼續被大起底，指她離婚後唔有錢唔吼，仲的起心肝執靚樣專攻大茶飯，不單雙眼 變大鼻樑慢慢加高，胸部亦再度發育。
改良心口
一早被網民指為「拜金女」的Mandy，被踢爆在唐英年家族旗下的半島針織廠採購部任職後，本刊日前再收到數張Mandy的舊照，真身跟在熒光幕的她分別極大，身材再度發育，樣貌亦有很大出入。 據了解，五年前因為第三者介入而離婚的Mandy，開始分段改造，由本來單眼皮變為雙眼皮，鼻樑逐漸加高，下巴愈來愈尖，胸部亦進行僭建，由平胸變為今日的稍有睇頭。 Mandy的前夫叫Adrian Cheung，有指他曾經參加過無綫訓練班，跟黃宗澤同期，現任職公關公司，由於公司跟品牌Hennessy合作多年，負責搞活動的他跟不少圈中人頗熟，Adrian之後再婚，並常帶同現任太太出席活動。
不請自到
隨 住年齡增長，離婚後的Mandy近年愈來愈進取，開口埋口「要食就食大茶飯」。自從執樣後，每次出擊都鎖定目標，原本一直租住土瓜灣舊樓的她，因為玩《盛 女》一心釣大魚，參加節目前刻意搬往比較高尚的半島豪庭，提升出身。 「早排有間上市公司搞party，佢喺朋友口中打聽到，竟然面懵懵不請自到，之前仲做定research，知道嗰晚有好多身家幾十億以上嘅筍盤，佢鎖定晒 目標逐個去自我介紹，仲好熱情咁捉住人哋隻手傾偈；嗰晚東華總理李鋈麟同仁濟總理吳國榮都喺度，現場有人問點解會有個中女撞入嚟，佢就求其解釋話係朋友請 佢。嗰晚之後，好多男士都收到佢Whatsapp約見面食飯，但梗係冇人騷佢。 「佢仲連身邊朋友嘅男友都唔放過，就算對方有老婆，佢都話唔介意做三奶、四奶，最緊要係個男人係咪佢心目中嘅『大茶飯』，啲朋友都怕咗佢，有男友都收 埋。」Mandy身邊人透露。 口口聲聲要避風頭唔想禍及屋企人的Mandy，上週五（四月二十日）到商台接受節目《光明頂》訪問後，週日便飛美國公幹，決心跟《盛女》斬纜。 ####

2012年 終極高鼻，下巴變尖

2007年 單眼皮，平胸

2009年 雙眼皮，鼻變高

2010年 鼻再高，開大眼

現任職PR的前夫Adrian將出席活動時，跟嘉賓傅明憲的合照放上Facebook。

上週五，陳志雲安排《盛女》再上商台做訪問，林曉峰亦有出現撐場，不過寸嘴Mandy就十分自律，斯文有禮。

《盛女》由陳志雲一手包辦，他更碌埋人情卡，安排Mandy（右三）及人生導師Winnie（左二）在古巨基MV出現。

大輸家Santino（左）早前接受香港人網訪問，他的生意舊拍檔即時致電電台，爆他曾經公開表示自己造假卡及販毒。

據知東華總理李鋈麟（圓圖）跟仁濟總理吳國榮（右）有份出席的上市公司party，不請自到的Mandy都有跟二人自我介紹，之後又約他們出街。

盛女有夢想

頭條娛論——盛女有夢想

2012-04-11

早前港府統計處公佈往後30年人口推算結果，女多男少的比例將大幅飆升，令「剩女」（雅稱「盛女」）將遍佈香港每一角落！TVB剛播出的《盛女愛作戰》就擬幫助5位剩女搵對象，她們在半年內接受地獄式特訓同改造，務求改變命運，衝出姑婆屋！

        30 歲的單親媽媽Gobby有一位9歲獨生女，因老公偷食致離婚，21歲的她已做媽咪，說話時完全缺自信，尾音極長，煩氣攻心，「係咪自己有問題呢？咪改變纒 囉，開纒眼界囉。」不絕的「囉」字實在趕客，要戒腬。28歲的Suki就氣質取勝，她跟男友分手後急速暴瘦，咁癡心，男人應該會好驚。全場最索的 Mandy話「我自己生活都好好，但我唔係唔恨拍拖，我係要另一半有出色。」眼神言語加動作已擺明車馬港女吊金胧；而年齡最大、39歲有學歷又有錢鮋 Florence就值得欣賞，佢話明「我想搵白馬王子。」

        學星爺話齋，「人無夢想，同條鹹魚有咩分別？」剩女們，請加油。

中大溝女王：15條女約會中

無線《盛女愛作戰》播出後，盛女成為起底目標，一班人生教練亦隨之成為全城熱話。尤以Santino的所謂把妹伎倆，觀眾看完勁噓。
但原來，U界有宅男不甘只做女神身邊的兵，而向人生教練求救。讀中大會計系Yr.1的Rex，找了勁數Santino的前拍檔Norris作為他的把妹導師，由宅男變自稱大學溝女王，其實係超級自大王先真！

「我 是Rex，中大Yr.1學生，以前好怕與女生交往，現在有固定女友，她知我一有空就去club識女仔，但她阻止不到我！由我上年10月讀了PVA課程，我 成功到近60個女生，不過40-50個女生都不合格，現在只剩下15條女dating！」Rex一見面便雀躍地說。

宅男脫毒
Rex 外形有點像樂隊Mr.主音Alan，但年前還是宅男一名，「中四至中七期間，我苦戀一名女同學，不過我只懂送禮及請食飯，結果只成觀音兵！」上年10月 Rex就報了在《盛女大作戰》中的人生導師Santino前拍檔Norris的把妹課程，從此宅男Rex性格大變。 好多觀眾質疑的所謂把妹招式，但Rex在報讀把妹課程後成功認識到現在的女友，「去club我認識太多女生，很多連名字都記不起，當我見到現在女友即有觸 電感覺，我亂吹是睇相師傅，之後就說對方一定拍過幾次拖，加上話自己陪失戀50次朋友到party，對方就覺得自己好特別！擺明是作假都不要緊，總之有 趣！當晚我就成功取得電話，之後就開始約會，不出兩星期就成了我女友！」

女免費
Rex續說：「其實當時女友有兩個男生正常追求，但我不會當他們一回事，根本不是對手，識女生切忌花錢，我 甚少花錢在女友身上，見面時我會講明，我鍾意同女生講心靈，不會是食飯出街要男生找數的！如果女生好堅持，就不合格，我會從我的名單刪除！其實女友都知道 自己去club識好多女生，但我不會騙她，她知道我是這樣，她阻止不了我！」 問到Rex對女友會否感到內疚，他坦白承認：「其實我都覺得有些不對，但趁結婚前玩盡，我會婚後專一的。」有專一女友還不好好珍惜，小心被飛呀！

女天書
Santino 在《盛女》節目教人用45度同另一半傾偈成為被嘲笑「經典」，據知其溝女指定動作是前FBI探員Joe Navarro的著作《What Every Body Is Saying》內抽出來，不只45度角，連講大話會手等經典例子都在書中列出，連TVB《讀心神探》橋段都有抄，唔係咩高深學問！

U女三招
把妹課程多以結識OL及成熟女士度身訂做，本刊就叫Norris教U仔3招溝女神。 1 「很多人以為跟她WhatsApp愈多就愈好，但只會令對方當你是虛擬人物。夜晚女生回到宿舍，睡前WhatsApp兩、三句就應主動致電給對方！」 2 不要令對方的同學討厭自己！同時亦要與對方的好姐妹友好，她們講一句好說話，勝過做10件好事！ 3 一大班人去canteen時，不要爭付錢，亦不要經常送禮、請食飯，變成物質化，大學生puppy love不應談金錢！

公大仔
clubbing𠝹女被毆
除了中大Rex會交學費上追女堂，就讀公開大學會計系Yr.3的Yip同樣渴望愛情，他的情路卻沒有這麼平坦。

自問樣子不俗的他，曾在網上放上化妝自拍相，成功引來一班女網友自動留言認識，經過多次深宵WhatsApp和電話調情後，二人決定約會，怎知對 方一看到Yip便說相片跟真人不像，一次約會後便沒再聯絡。入讀大學後，Yip去過clubbing結識女仔，想不到第一次去便遇到不開心的經歷。「當時 我在一個女仔身後跳舞，那個女仔都有對我笑，於是我用手搭着她的腰，想不到被她身旁的大漢一手推開，最後還被打了一頓。」

經歷多番情傷，只在中學拍過一次拖的他，把心一橫報名speed dating，希望能找到一個認真愛他的人。


直擊女
記者要求Rex即場在ifc𠝹女測試，見他以《盛女》打開話題，之後見女生跟他咬耳仔好好傾，Rex故意問對方：「你沒有着校服，你今天不用上 課嗎？」結果成功令對方停下來回答說：「其實我已經畢業。」搭訕成功，但最終並沒有向對方攞電話！Rex辯稱因為對方不是他喜歡的類型。

Rex見現場有年輕省鏡少女，正是自己喜愛的類型，即時上前搭訕。

老蘭常客
每星期，PUA（Pick-Up Artist）都會去到蘭桂坊club內結識異性，實踐課堂所學，Rex（紅衫）由怕與女生交談到現在主動出擊，判若兩人。

即時教學
把妹導師Norris著重實踐，即場向Rex示範在街上結識異性，以問路打開話題，再自我介紹。美女亦傾得十分投契，足足傾了十分鐘，不過Norris都沒有取得對方電話。

大學變身Rex 中文大學會計系一年級

中七宅look 1年光景，Rex由樣子平凡的學生哥變成潮男一名，每次外出一定悉心打扮，「我唔再着牛記笠記啦！」


PUA HK導師Norris 和Santino反面的前拍檔，PUA HK的創辦人，把妹專家，在Our Radio網上電台主持兩性戀愛節目。專教男生結識異性，近600名學生中，有2、3成為大學生。

葉少安（Yip） 公開大學會計系三年級 經常看到街裏愛人一對對，表示羨慕的Yip亦渴望能盡快找到穩定合適的對象。

Chok相引女 Yip化行妝畫埋眼線後以45度側面自拍，並用此相作大頭照，成功吸引女網友邀約出街，但最後因Yip的真人不對辦而沒有下文。

盛女不求人

無綫套《盛女愛作戰》雖然熱爆全城，不過個個盛女幾乎都冇好下場，唔係呻後悔、就係搞到工又冇埋，就連話搵到另一半嗰位Suki，個男友更被爆係 「食家」。鬼咩！聽班人生教練老點，又話咩45度角、WhatsApp要短過對方，咁容易搵到另一半咩？要搵個好歸宿，有大把方法，不如學黃金盛女黃榕 （Gloria）活用IT科技幫手，識個靚仔連媒都唔使靠，各位姊妹仲唔學嘢？
省靚招牌LINE起姻緣
已屆3字頭的 「希女郎」黃榕（Gloria），3個月前慘遭男友劈腿，回歸盛女行列。重新開始，Gloria日日都有影靚相放上網，等人知道過得好，亦希望盡快有新 market。「我覺得識朋友，最好都係facebook，可以傾偈又可以睇到人哋更多嘢。另外，自己係artist，都好靠微博增加知名度，所以喺上面 擺靚相，整好個『招牌』，好緊要！」
以前Gloria玩開Instagram影相、執相，聽《FACE》介紹試玩LINE camera，即時勁讚。「嘩！呢個app多好多filter，仲多好多得意sticker，同可以打字，風格有cute又有懷舊，勁正！」講得幾 句，Gloria已經唔得閒理記者，狂用個app影靚相。
《FACE》Gadget版監修人
903 DJ Donald
真心話：自己唔多信用app交友，但可以八卦附近有冇靚仔靚女都可以接受?！反而覺得始終係Instagram最好，執靚自己放上去，慢慢儲fans同like。一上到popular就全世界見到你，到時自然有人想識你啦！
變cute逐步睇
如果有玩開Instagram，LINE Camera嘅執相過程絕對易玩易學，當中得意元件極多，好似相框、filter、貼紙（stamp），肯定玩到唔捨得放手。
同場加映：吹水靠LINE Card
跟Santino同男人傾偈嘅WhatsApp法則，下場應該慘過班盛女。Gloria都話吹水想花心機博對方增加印象好緊要，所以呢個LINE Card app，可以send得意心意咭畀對方表達心意，加硬分！
靚樣DC　美白博like
除 咗玩得意搞鬼app引人注意，平時都要影啲靚靚生活照，show吓自己整甜品、去high tea，等人喺fb上like。想影得隨意，更唔想成日化行妝傷皮膚的話，可以用吓DC仔影相，事關唔少機都有美顏功能，執相效果拍得住用 Photoshop。開頭Gloria都唔多信，直至試玩完呢部美白功能超勁嘅Panasonic DMC-FX80，竟然猛話要買：「部機又輕又細，美白功能又方便，好過用iPhone click到手軟啦！」
Spec.
像素：1,210萬 光學變焦：5倍（24-120mm） 拍片：1080p 屏幕：3"觸控式LCD 記憶：SDXC 體積：96.3×56×19.4mm 重量：114g 售價：$2,290 查詢：信興（2833 0955）
超強美白功能
影完相睇playback，拉開旁邊個執相icon，就可以進入「美白修片」功能。
女星美白秘方
Gloria話行內有女星，每次影相都會自備反光紙放喺面下，將燈光反射面上，營造美白效果，建議盛女們自拍時，可以袋張A4紙幫吓手！
自拍相機 Samsung DV300F
話明係盛女，每次影相都唔慌有人幫手揸機，唔想影幾十次先有靚相，可以考慮吓呢部前後都有芒嘅Samsung DV300F。部機仲有WiFi功能，影完即時upload上fb，勁方便！
Spec.
像素：1,640萬 光學變焦：5倍（25-125mm） 影片：720p 屏幕：前置1.5"/後置3" LCD 記憶：microSDHC 體積：95×57×18mm 重量：133g 售價：$1,990 查詢：Samsung（3698 4698）
陌陌自製speed dating
省好招牌整靚facebook同微博 等人add，係被動做法，一向作風大膽嘅Gloria，點會怕主動出擊？我哋邀請佢試玩新嘅交友app陌陌，當Gloria知道佢有定位功能，可以 check到附近有咩朋友後，而且只會好似微博一樣，淨係畀nickname同帳戶號碼人哋睇到，私隱度唔錯，佢就猛話想試。我哋同Gloria去到 Times Square，實地測試定位功能係咪work。有靚女相真係唔同，一開app即時有人hi。Gloria問完人係咪喺Times Square附近，就即時約出嚟見面。
開戶用靚相　人氣度狂升
玩交友app，設立戶口時用靚相至係增加「陌陌友」同你say hi嘅關鍵。記者自己試用Hello Kitty做頭像，等足兩日都係坐冷板；反而Gloria用靚相開戶，未夠1分鐘就有人打招呼。
實試定位搵friend
試 定位，好多朋友都話自己的確喺時代廣場附近。不過香港人真係好忙，明明食飯時間，10個有6個都話未收工，另外3個話自己其實坐緊車去第二度。等足成晚， 搵過40幾個朋友吹水，肯傾幾句就見面嘅得兩位。事後Gloria覺得好好玩，但就話：「如果唔係有攝影師同記者陪我，一個女仔都唔係好敢玩，始終約到出 嚟都唔知會點，但今晚識到兩位唔錯嘅男士都幾好彩。」
Case 1：Social酒吧員工Billy
極爽快的Billy傾兩句就肯見面，更大方上鏡。問佢為乜肯現身，他說：「都係Gloria張相夠吸引呀！反正真係喺附近，見個面冇蝕底。」不過Billy玩咗陌陌都冇一星期，自己其實有女友，只係貪得意玩吓，當識多個朋友。
Case 2：怕醜跳舞老師Ben
一見面，阿Ben即握手示好，令Gloria即時勁讚有風度。不過當記者同攝影師彈出後，阿Ben即時跳開，要Gloria死拉住對方先肯上鏡。阿Ben話自己仲係單身，咁啱喺附近等朋友先見吓面，話平時好少上網識女仔！
識玩tips

玩家Admond
黃 榕經理人Admond，一聽到記者叫Gloria試玩陌陌時，猛話自己試過，「呢類大陸app，真係唔多可信。返到大陸係多人玩，不過定位功能唔得。曾經 喺香港check附近身邊有咩朋友，點知check到個大陸朋友，即時問佢係邊啦，佢答我早幾日嚟過香港，不過返咗大陸好幾日，認真嚇死！」
陌陌對頭app遇見
陌陌只得傾偈功能，另一國產app遇見，一樣玩定位識朋友，仲加入Instagram概念。影完相加工後upload，會幫你張相定埋位，等附近朋友可以like，不過玩落操作比較複雜，而且玩家熱衷於影相多過識朋友。
見面前準備扮靚全靠app
睇 《盛女》成日都話要以真面目示人嘅Florence，俾對象狂踩話帶佢出街真係唔多好。自言超愛靚嘅Gloria，又話想進一步告別盛女行列，所以想 keep住最好狀態一定唔可以懶！想step by step有人教晒你點樣化妝同美容護膚，特別推介兩個好用app益一眾姊妹。等你同男仔出街前，準備好最佳狀態。
Celebrity Makeup Looks（Free）iOS
想化smoky eye，唔識得化隨時變國寶！呢個app就專介紹點化明星妝容，成個Taylor Swift款smoky eye嘅11分鐘化妝過程，有齊真人旁白兼示範，白癡都可以變師傅。
即場試化明星妝
一向識化妝嘅Gloria，直言跟住片段化並唔難，不過有時要停一停段片，搵番啱用化妝品。
Organic Beauty（Free）iOS
自命超貪靚嘅Gloria，話比較相信用全天然食物護膚，所以佢就推介呢個Organic Beauty app。平日行過超市都會打開個app，搵吓有咩當造水果可以護膚。
情趣恩物　約會好氣氛
搞 掂個look，成功繼續dating，要擺脫做盛女嘅最後一步，就係睇埋見面會否搞到全程dead air，嚇親男伴！自問成世都學唔識Santino嘅「溝通技巧」，不如靠小玩意，製造話題增加情趣。我哋嚴選幾件可愛小物畀Gloria袋喺身，有機會 同「陌陌友」見面，都唔使一味講娛樂新聞咁八啩嘛！
Hello Kitty玩魔術
女仔愛Hello Kitty，又怕男仔覺得娘，就不如將佢變成魔術，等對方覺得你有啲深度。呢隻Hello Kitty魔術盒，可以畀男伴試吓點打開個盒救Kitty出嚟，等佢估吓技巧喺邊？夠大家玩足一晚。售價：$128
積木相機
10個男人有6個愛玩相機，唔識玩lomo，袋定部得意相機喺袋，絕對有助製造話題。好似呢部LEGO相機，雖然像素極低，不過勝在造型特別，實令對方增加印象分。售價：$980
層層疊熊
鬆弛熊hit到暈，一個女士袋住10隻8隻鬆弛熊，有幾出奇？尤其係呢set可以當層層疊玩嘅鬆弛熊，有埋黃色軟墊做道具，食飯時當玩具，又或者扮天真拎出嚟同食物影相，一樣加分。售價：$188

Shop list：JC shop（3102 2783） ####

班人生教練咪笑死人，用部iPhone識靚仔好過啦！

完成

LINE camera（Free）
Android（iOS版本即將推出）


Step 1：切方度 同Instagram一樣，張相要影到四四方方，就算喺gallery搵舊相執，都一樣要切。

Step 2：Filter相框 即時睇除咗加filter，仲可以再加得意相框。相下面有得睇效果，好方便！

Step 3：Cute爆貼紙 LINE camera有傾偈app LINE嘅得意stamp之外，仲有其他日本字、假髮元件。最抵讚係可以用兩隻手指掂住stamp，直接拉大拉細同旋轉，整錯就click undo，唔使捽擦膠咁麻煩。

LINE Card（Free）iOS/Android

打開個app，有30款心意咭任download。

心意咭上可以打中英文之外，仲有其他款可以加埋自己張相。

執好後，可以save去手機，或直接用LINE send畀朋友。


機身又輕又薄，仲用埋女生至愛嘅粉紅色，睇樣已經滿分。

Step 1：執膚色 打開介面，以為得個掃畀人捽吓顏色，點知有4種分類，首先梗係要執膚色先啦！Gloria強烈推介必用嘅「清透的肌膚」功能，將成塊面膚色捽到勻，變到零瑕疵，好鬼勁！


Step 2：變大眼 想做大眼女生，呢部DC一樣幫到你，效果仲好自然，另一必用功能。

Step 3：上妝 之前將塊面美白、清透得太勁，連妝都冇埋，唔緊要，部機仲可以幫你「補妝」，有4個風格任揀，就算唔啱心水，仲可以自訂眼、口、面顏色，化妝品錢都慳番。

完成 搞掂後，部機仲可以畀你睇埋前後對比，效果係咪好驚人呢？




陌陌（Free）iOS/Android

Step 1：造生日 一開app，只要輸入email同密碼，就可以開戶，之後必入資料就要輸入年紀。Gloria以女人身份建議大家，報細一兩年都唔過分㗎！

Step 2：分男女 之後就到講自己係男定女，一click完，即有提示話確定後唔可以更改。

Step 3：影靚相 最後就要影「大頭像」，可以用舊相或者即刻影過張。睇見「陌陌友」全部有樣睇，就知個個都有誠意識朋友。

睇番對話，Billy真係極爽快，而且真人仲正過上鏡好多！



定位勁準 雖然好多「陌陌友」都好忙，不過呢個app都算準，好多玩家的確曾經喺Gloria附近。如果真係想識朋友，建議都係喺屋企先好玩，起碼有機會識到鄰家靚女。

記得先過濾 試玩開頭，有陌陌友竟然話自己身處青衣，原來只係前日去過Times Square。想知道自己身邊有冇陌陌友，最好先開「篩選」，選擇返15分鐘內出現過附近嘅用家。

《蘋果日報》圖片

遇見（Free）iOS/Android

用遇見影完相，仲可以加filter執靚佢。

版面設計似足facebook，只爭在冇status畀人update。

影完相upload，可以畀附近人見到，仲有「影相圈子」，識吓附近街坊。

同陌陌一樣，可以show到附近朋友，更有「地圖」檢視mode。



個app有成30個唔同化妝示範，想睇晒都要花成日時間。


完成 對比Taylor Swift個smoky eye，Gloria都算化得似模似樣。



版面排列得好整齊，要用乜嘢蔬果食材，一眼睇晒。

雖然有好多洋葱、生菜護膚偏方，不過Gloria話自己永遠只用水果護膚，今次就買又平又抵嘅奇異果整mask。

試玩水果mask Gloria試玩3分鐘，超乾皮膚即時水潤番唔少。



拆解Kitty盒 要打開個盒救出Kitty，其實得一個方法，就係按住指定角落，用力一拉就得！



試相 夜晚喺街頭試拍Gloria靚樣，一定要開閃燈，而且雜訊極多。不過後面途人背景做出嘅鬼影效果，感覺驚喜！


全set有齊10隻鬆弛熊家族成員，白熊、啡熊仲有唔同表情，cute爆！咪以為小兒科，攝影師想疊起幾隻影相，都失敗咗5、6次。