汪子琦 微博 再數 馬賽 汪子琦：存心不良遭天收
| 微博再數馬賽 汪子琦：存心不良遭天收 |
早前有雜誌拍得馬賽和內地製片人汪子琦於上海外灘當街熱吻，攣情曝光，馬賽即時「潛水」，直至十二月五日馬賽在無綫製作資源部總監樂易玲和母親的陪同下接受傳媒訪問，表示和汪子琦的攣情已經結束和過去，大家只是朋友。
馬賽為事業斬情絲，強調和汪子琦只是朋友關係，受盡情傷的汪子琦即時上載了一張孤單熊仔照片到微博，並留言話︰「曾以為最是真心載不動，可是奔赴千里之後，才發現不過是一場設計，這三個月我付出的真心、無微不至地照顧，換來的不過是你的謊話連篇。」汪子琦的字裏行間暗示有人謊話連篇，最後她寸爆咁話︰「因為懂得，所以慈悲，不是每個人都有資格說的！」矛頭直指馬賽。昨日(十二月九日)汪子琦再於微博再數馬賽，她留言話：「一念天堂，一念地獄，希望你能正視我們共同犯一的過錯，不要再用謊言去掩蓋你之前的謊言，你還那麼年輕，未來的路還很長。祝福你」其後再撰文數百字，指自己從馬賽編織嘅蜘蛛網中已經清醒，又指「多行不義必自斃，存心不良遭天收」，明顯是畀說話馬賽聽。
馬賽和汪子琦被指熱戀三個月，期間馬賽更帶埋阿媽同汪子琦外遊，不過攣情曝光後，馬賽即時為事業斬情絲。
汪子琦昨日再於微博留言話「多行不義必自斃，存心不良遭天收」，明顯是畀說話馬賽聽。
雖然汪子琦多次微博留言鬧爆自己，但馬賽就未有作出任何回應。
純純兔喊晒出櫃博翻身 汪子琦寸馬賽設計佈局：你謊話連篇
到底是純純小白兔，還是披著兔毛的狐狸？
這邊廂純純兔被汪子琦舊愛、富婆Laura大踢爆，指純純兔如何不擇手段，部署埋身趁歐遊之旅搶佢嘅另一半(仲要係成個旅程成40萬都係Laura 俾錢)；當純純兔知道Laura已得悉佢汪子琦關係後，馬上微臉，更好得戚咁同Laura講：「汪子琦同我一齊好開心，你退出啦。」Laura反問佢: 「我點解要放手？」純純兔就話：「佢都唔愛你，仲同佢一齊做咩呀！」嗰刻汪子琦好尷尬。以上一番話都係Laura爆料，更直指對住純純兔感心寒。
Laura爆完料，純純兔汪子琦一度於微博互撐，及後純純兔更發表「寬恕論」，嬲到Laura話:「佢有咩資格講寬恕？係都係我講啦。」更發表啜核 言論反擊：「食turkey（火雞）都唔使咁貴！」早前更有報道話，獨霸水喉後，有指純純兔馬賽每月獲發家用20萬；新加坡遊山玩水期間，更被發現喺在當 地賭場豪賭外，更還處心積慮，圖謀千萬半山豪宅。
據報道話，純純兔同身邊朋友透露，謂覺得自己出到嚟、只要肯低聲下氣同大家講番幾句類似「認錯」嘅說話，觀眾又會接納番佢。果然，噚日純純兔同媽媽 及樂小姐一齊做訪問，動之以情流埋黑色的眼淚博取同情，係咁話「所有啲嘢都已經過去咗」，又強調自己已經放低咗，只係希望復工。又話反思過後覺得係自己任 性同處理不當。至於再追問到同汪子琦關係，純純兔馬賽死都係嗰句:「所有嘢已經過咗去。」講到咁盡咁絕，無非為咗聽日出席慈善活動騷復活「出櫃」而已。
汪子琦當然亦知道純純兔發表呢番「認錯」宣言，今早汪子琦於微博寫道:「曾以為最是真心載不動，可是奔赴千里之後，才發現不過是一場設計，這三個月 我付出的真心、無微不至地照顧換回來的不過是你的謊話連篇！這幾年我已經慢慢學會接受，接受意外，接受現實的殘忍和人性的殘缺。心痛絕望…但我真的很對不 起Laura！因為懂得，所以慈悲，不是每個人都有資格說的！」
最最最寸都係最尾一句，事關呢句「因為懂得，所以慈悲。」係兩人戀情被爆、純純兔馬賽潛水一周後、於微博引用張愛玲金句咁寫，仲貼咗兩隻熊熊公仔， 象徵「一男一女」；而今汪子琦寸爆有人講大話之餘，仲大巴大巴「車」埋去話：「因為懂得，所以慈悲，不是每個人都有資格說的！」好狠呀。有網民就回應謂: 「因為懂得，所以慈悲，不是每個人都可以說，難道你就認為自己可以說出來嗎？」汪子琦回應道:「我也沒資格，因為我傷害了我前女友。」
網民(即使唔太多)紛紛留言謂:「不如找個單純的人好好的對！」、「即使傷害過，但現在還是真心的話，努力把她追回來，相信她會感受到的。」、「你跟Laura才是天生一對，快追回她！以後永不分離 。」
擺到明純純兔同汪子琦就係各取所需，一個想出(雪)櫃搵真銀；一個想同Laura復合囉。
汪子琦今早開腔狂寸馬賽。花生已備。
談及多角戀 馬賽欲哭無淚
今日馬賽為歡樂滿東華做採排，採排之後由曾醒明陪同之下出嚟接受傳媒訪問，問到佢最近嘅同性戀、多角戀、小三小四嘅事嗰陣，馬賽嘅仲情緒非常激動，欲哭無淚咁，即場好似喊唔出咁喎。
之前仲去採排東華嘅表演。
之後就開始要喊喇。
無淚馬賽為「斷章取義」道歉
晚上純純兔現身電視城出席東華綵排，曾醒明都有現身陪佢。馬賽一出嚟，就已經蘊釀要喊——第一件事，就係前一日仲話傳媒「斷章取義」，翌日就成個封面出晒嚟，同汪子琦激吻斷正，故馬賽即被網民狠批講大話唔眨眼。
馬賽一出嚟就話:「我之前喺處理呢單新聞嘅時候，好多做得唔夠好嘅地方，譬如第一次見傳媒，好驚好緊張，em……em……(開始哽咽)其實我一直都 係一個……唔係好……唔係好…善長言辭嘅人，我第一次出嚟嗰陣，唔係有心講一啲令大家唔舒服嘅嘢，而係我好驚……我當時唔知點應付，亦好驚講錯一啲嘢令屋 企人唔開心，令屋企人擔心。所以用咗一種唔適當嘅態度同言辭去………去應對傳媒，係我做得唔好，非常之唔好意思。」
馬賽又哽咽謂:「我都知道自己任性嘅行為傷害咗好多人，我……em……所以我依家係諗得好清楚，我自己……到底係想點樣。我依家只係想重新投入工作，喺公眾場合會注意自己言行。」
人財兩失 TB汪斬纜 馬賽翻兜東莞李嘉誠之子撻Q
FACE週刊 第342期
馬賽由直變攣同內地有米製片人汪子琦啜爆上海灘，嚇窒一班男粉絲之餘，更激嬲無綫被迫入雪櫃。人氣同事業直插谷底，又被汪子琦的富婆前度 Laura Lee喪鬧係「披住兔皮嘅狐狸」。純情 BB變狐狸精，馬賽終於出招博翻身，趁上週六（ 7日）東華復工，當眾喊住懺悔，更暗示同 TB汪已分手，唔再做同志。
據知馬賽今次主動認衰，除了希望洗底走出雪櫃，最主要係想翻兜「東莞李嘉誠」之子、家族擁百億身家的前男友簡建鋒。本刊上週五（ 6日）直踩東莞追訪簡建鋒，簡一聽到馬賽個名已黑面速閃。馬賽要復合應該難過扮同志。
做完東華，馬賽自己揸車返位於清水灣半島的香閨，大方向記者揮手「拜拜」，當晚未見馬賽媽同行。
復工頭炮，馬賽上東華表演「燕式平衡」籌款，但由於一直雪藏冇練習，馬賽表演唔足 1分鐘，真係去個廁所都睇唔到！
上月突然傳出硬撬富婆 Laura Lee牆腳，搭上有米 TB製片汪子琦的 26歲馬賽，最初死口唔認，仲大條道理鬧記者：「斷章取義、時間會證明一切」，點知轉頭即被雜誌影到兩人在上海當街啜爆，斷正之下無綫惟有急急將馬賽放入雪櫃，過一過冷河。
情敵狂爆大鑊
前途分分鐘玩完，龜縮馬賽惟有拉埋阿媽跪求樂易玲解凍，最終獲安排於東華復工，點知就在上週六東華演出前幾日，馬賽再被雜誌踢爆雪藏期間，孖住汪子 琦去新加坡豪賭，馬賽更獲汪提供每月 20萬家用。馬賽於上週五即東華演出前一晚，以弱者形象現身博洗底，更唔敢正面認攣情，「我嘅行為任性令家人擔心，我哋（汪子琦）曾經係好好朋友，??家 所有嘢結束咗。」呢頭博完同情，翌日情敵 Laura即在報章踢爆馬賽大話連篇，雪藏期間便跟汪子琦及馬母三人行去東南亞遊山玩水，馬母更揸機影二人的同性咀相，畫面嘔心，報道更指馬曾要求汪將名 下價值 2千多萬的半山物業轉到自己名下。??家同汪子琦斬纜，冇咗條大水喉的馬賽決定食回頭草，翻兜「富二代前男友」。
形象插水，樂易玲安排馬賽上《東張西望》喊晒扮可憐，不過網友唔領情，狂鬧佢虛偽。電視圖片
馬賽上月同辣媽帶狗狗出街，當時已黐埋 TB汪，行頭富貴，手挽過萬元 Prada袋。
富二代前度黑面
為增加翻撻成功機會，馬賽辣媽早前接受訪問時刻意放風，話女兒有個富二代男友，一定唔會搞 les。據知馬賽媽口中的富二代，正正係馬賽中學同學、有「東莞李嘉誠」之子之稱、家族有百億資產的鼎峰集團主席之子簡建鋒。上週五（ 6日），本刊到鼎峰集團搵到簡建鋒，年約廿多歲的簡建鋒最初表現友善，但當聽到記者提起馬賽及遞上馬汪啜爆相時，簡一看見馬汪親熱相即眉頭一皺，隨即變臉話：「我冇嘢講！」便轉身離開，記者再問簡近來有冇同馬賽聯絡，簡繼續黑面唔想回應，「我唔接受訪問！」
本週一，汪子琦再在微博數爆馬賽，更以「不要再用謊言去掩蓋你之前的謊言……」暗寸對方，??家唔好話要氹番前男友，要喺娛圈起死回生，一定難過由直變攣喎。
埋身追訪
6/12記者於東莞採訪當日，簡建鋒於辦公室拿着保溫水壺騰來騰去顯得非常忙碌。當他聽到關於馬賽的問題，即神色凝重。
即走
簡建鋒看過馬賽及汪子琦的親熱相後，即表示不想接受訪問，然後一支箭衝入電梯，搭??落會議室開會。
百億太子爺
簡建鋒家族創辦的鼎峰集團，總部位於東莞南城區，主要從事地產投資，在當地擁有多個大型屋苑，其中由簡建鋒負責的高檔樓盤「鼎峰源著」成為「 2014中國十大超級豪宅」之一，其家族資產超過一百億，馬賽真係走寶。聯手「炸賽」
上月頭流出馬賽同內地有米製片人汪子琦及富婆 Laura同遊歐洲，後來有指汪同 Laura先係一對，正當以為誤會一場之際，原來馬賽真係撬人牆腳，仲同汪遊山玩水當街啜爆，打風打唔甩。點知唔夠兩個月，馬賽為前途自保寧願斬纜，搞到 汪子琦同 Laura聯手反擊，開口炸「賽」！
9/12
汪子琦終忍唔住於微博開名鬧馬賽機關算盡，又希望佢唔好再講大話逃避，更暗示馬賽唔好再扮嘢。
7/12
馬賽被爆雪藏期間跟母親及汪子琦三人行到新加坡及越南等地遊山玩水，同時 Laura大爆馬母幫女揸機影女兒同汪子琦啜爆相。
5/12
爆出攣情後，馬賽即被 TVB雪藏，上月被雪期間卻被讀者於新加坡賭場影到豪賭。又有傳佢每月收汪子琦 20萬家用，再氹汪將半山 2千萬物業轉名。
而慘被背叛的 Laura，上月尾來港出席名牌活動時提起馬賽要汪子琦畀 20萬家用時繼續發炮，「食火雞都唔使咁貴！」
10/11
被週刊踢爆踢走富婆 Laura坐正，馬賽雖然唔蒲頭，但仍在微博晒幸福，當時未被踢爆講大話的她仲識笑，又同汪一齊用旅行相做微博頭像，更在微博大發慈悲論。
踢爆母女檔呃汪子琦Laura鬧馬賽：冇人格
【馬賽風雲之撕破面具】現年26歲的馬賽被爆硬撬富婆Laura牆腳，跟內地有米女製片汪子琦玩斷背，為挽救破產形象的她扮喊博同情。據知汪子琦早 前看清馬賽貪錢真面目，已主動跟她分手，昨更在微博狠插馬賽謊話連篇。Laura則踢爆馬賽在雪藏期間拖媽咪跟汪子琦遊世界，馬母更拍下二人啜爆相，母女 檔呃汪子琦。Laura怒插馬賽冇人格：「佢係一隻狐狸，我要撕破佢呢層面具！」
馬賽被指做小三，令汪子琦與Laura的7年情分手收場，惟馬賽攣情曝光後一度死撐，指時間可證明一切，形象跌落谷底，早前更被無綫雪藏。還以為馬 賽閉關靜思己過，據知，她卻懶理被雪，上月拖媽咪跟汪子琦蜜遊新加坡、越南及柬埔寨，馬母則親自拍下馬賽與汪子琦的啜爆相，證明母女都是大話精！
■馬賽（前）被雪藏期間，原來跟汪子琦拍拖遊世界，看她當時還身穿水着勁風騷。
消息指馬母要求汪子琦將名下2千萬半山豪宅轉名送馬賽，而馬賽又要汪子琦除掉跟Laura的定情戒指交她保管，汪子琦才醒覺馬賽有計謀，知道自己睇 錯人。二人不時鬧交，馬賽就發爛渣，兩母女一哭二鬧，汪子琦終提分手。初時馬賽不肯放手施軟功，至雜誌爆汪每月給20萬家用、汪家人阻其將豪宅轉名，馬賽 擔心汪子琦表姐毛玉萍出手，即向無綫求救，聲稱知錯已放低汪子琦，馬母更謂女兒抑鬱想死。
■馬賽（左）帶埋媽咪跟汪子琦遊埠，心情靚爆。
■汪子琦（右）與馬賽攬啜任影，拍照的竟然是馬賽媽咪。
■Laura
■汪子琦在馬賽身上花了不少錢，圖中的Chanel手錶是禮物之一。微博圖片
汪花200萬o氹馬賽
汪子琦看清馬賽真面目，昨在微博插爆舊愛：「曾以為最是真心載不動，可是奔赴千里之後，才發現不過是一場設計，這三個月我付出的真心、無微不至地照 顧，換回來的不過是你的謊話連篇！這幾年我已經慢慢學會接受，接受意外，接受現實的殘忍和人性的殘缺。心痛絕望……但我真的很對不起Laura！因為懂 得，所以慈悲，不是每個人都有資格說的！」
馬賽喊爆出「櫃」之騙中傳奇
■（左起）馬賽、汪子琦及Laura曾結伴歐遊，但此情不再。資料圖片
昨身在日本的Laura不屑馬賽所為，提供馬賽母女與汪子琦遊世界的相片，還有汪子琦花在馬賽身上的銀行支出，包括家用（約13萬人民幣，下同）、 卡地亞戒指（約2萬）、Chanel手錶（約8萬）、珠寶首飾（約16萬）及機票等證據，力證兩母女都是大話精。對於馬賽施喊功挽形象，Laura接受電 話訪問時說：「佢好耐冇拍劇，扮嘢騷吓演技博同情，佢就係一隻狐狸，我唔會俾佢再呃，一定要撕爛佢呢層面具，聽講佢有最佳女配角提名，佢啲戲真係幾好，佢 係好恐怖女人。」她估計汪子琦共花約200萬在馬賽身上。
問到是否覺得母女檔呃人？Laura說：「直情係啦！佢哋同汪子琦一齊出埠，啲相證明到媽咪幫佢哋影，佢媽咪都笑得好開心，默認個女搶人男友，兩母 女根本喺度做戲，使乜接受訪問同媽咪道歉，喺屋企道歉咪得囉！佢唔認係第三者，硬搶人男友扮真愛，真係好cheap，以為自己真係女神，地球圍住佢轉。」
毛玉萍勸帶眼識人
問到覺得馬賽人格如何？Laura冷笑說：「人格？佢冇人格，佢以勝利者姿態飛上海箝住汪子琦去遊山玩水，o依家又出嚟講乜承受壓力、抑鬱，抑鬱都 可以咁風騷，我諗全世界死，佢都唔會死住。」對於馬賽稱被出賣，她激動地說：「好想知邊個出賣邊個，佢為私慾金錢工作機會出賣我，爭我條仔，真係好搞 笑！」對於汪子琦在微博跟她道歉，兩人會否復合？她嘆氣說：「可以釋懷，但唔會再一齊，因為有傷害，希望再見係朋友。」
對於表妹汪子琦人財兩空，毛玉萍受訪時說：「表妹啲嘢唔想理咁多，不過早排見佢真係好唔開心，我只係希望佢帶眼識人。」而馬賽的過氣緋聞男友吳卓羲昨日現身時說：「呢啲新聞好快過去，香港人好健忘。」
馬賽又借屋企博同情
■馬賽在節目訪問時，淚流披面。電視圖片
被狠批是大話精的馬賽，昨晚現身將軍澳時死撐：「之前處理新聞做得唔好，第一次出嚟見傳媒好驚好緊張，其實我唔係好擅長言詞嘅人，亦驚講錯啲嘢令屋 企人唔開心。」是否跟汪子琦分手？她說：「我哋曾經係好好朋友，o依家所有嘢結束咗。」她否認為工作放棄感情，對於汪子琦在微博鬧她謊話連篇，馬賽眼泛淚 光，但依然喊唔出：「唔想講啲傷害人嘅說話，今日有好朋友同我講，真正放低係睇唔到聽唔到，呢句說話希望我做到，我祝福佢一切都好，自己都好似發咗一個 夢，夢醒了所有都結束咗。」
冇膽認出櫃
馬賽用好好朋友形容與汪子琦的關係，是否不想承認同性戀？她支吾說：「感情好私人，希望大家畀空間我。」馬賽指現跟汪子琦沒聯絡。至於馬母爆她有富 二代男友？她說：「o依家係單身，想重新過自己簡單生活，呢件事傷害我屋企人。」記者指拍拖很正常，為甚麼會傷害人？馬賽說：「我嘅行為任性令家人擔 心。」記者追問她的性取向，馬賽依然冇膽認出櫃：「我覺得真愛唔分性別年齡階級。」至於被雜誌影到在新加坡豪賭，馬賽強辯：「我冇賭博，係陪朋友去。」問 對方是否汪子琦？她拒答：「所有嘢都過去咗，請大家畀空間我。」
■馬賽昨晚現身受訪，全程哭不出來。
此外，馬賽在昨晚播出的電視節目訪問中邊喊邊說：「見到屋企人為你好擔心，為你嘈交，媽咪食唔落飯，佢真係蒼老咗好多，會好心痛，覺得自己好唔孝順！」
馬賽喊爆出「櫃」之 時間證明攣情
馬賽由被揭發攣情以來，態度180度大變，引證她那句「時間可以證明一切」。8月中
馬賽、汪子琦及Laura歐遊一個月，有指費用由Laura包起。
11月5日
馬賽在活動上以「時間可以證明一切」及「斷章取義」作擋箭牌，只認與汪歐遊。但她與馬尾妹態度親暱，更買外賣到女方香閨。
11月6日
馬賽上海啜爆汪子琦斷正，無綫即勒令她停工兩個月。
11月8日
Laura與汪子琦斬纜，馬尾妹只屬過客，最終馬賽獨贏汪子琦。
11月13日
Laura以「披住兔皮嘅狐狸」形容馬賽，指她攻心計及愛名牌。
11月29日
馬賽在微博發表寬恕論，Laura直斥荒謬，歪理當真理。
12月7日
馬賽閉關一個月，終獲無綫安排在演出《歡樂滿東華》。
喊到梨花帶雨 馬賽：希望大家支持我重新企返出嚟
馬賽嘅攣聞搞到滿城風雨，佢自己都俾TVB掟咗入雪櫃，而佢嘅「舊愛」汪子琦亦喺微博毫不留情寸爆佢冇資格叫人慈悲，馬賽今次真係點拆都拆唔掂，今日就受訪係咁話對唔住父母，以圖洗底出雪櫃。
今晚TVB嘅《東張西望》當然「肥水不流別人田」啦，搵到馬賽訪問，雖然東華佢就喊唔出，不過一上節目開始就喊爆啦:「我覺得最大嘅傷害，係我傷害 左人哋，因為你見到成個屋企都為你好擔心，為你嘈交，媽咪又食唔落飯，同埋佢真係蒼老咗好多，你真係好心痛，我覺得自己好唔孝順，我會覺得所有嘅 人，Daddy都係，唔會講出聲，佢哋一路對我保護得好好，由細到大，將我照顧得好好好，我覺得我實在好唔應該好任性做啲嘢唔諗後果就咁樣囉，我都唔細 啦，我令到屋企人咁樣，對於佢哋嘅折磨，都好心痛。」
黎芷珊問:「係咪太投入段感情？」馬賽話:「都係嗰句啦，所有過去咗嘅嘢，唔想再提，真係過去咗，但係好又好，唔好又好，even我做錯咗，我都好感激上天比咗一個試煉，一個成長嘅lesson我，我相信我以後無論做乜嘢都會更勇敢同成熟。」
黎芷珊再問:「大家最想知其實係馬賽嘅感情取向?」馬賽答:「其實我一直都覺得感情嘅事係好私人嘅事，好多年都希望私生活低調啲嘅，希望大家比呢個 空間我，我依家企返出嚟講，其實我諗得好清楚，我只有一個希望，就係重新做返嘢，做返我喜歡嘅工作，希望大家比空間我同埋支持我重新企返出嚟囉。」
其實講咗咁耐，佢都冇講過佢究竟有咩咁「對唔住」屋企，有咩咁任性，究竟係因為佢「攣」情曝光，定係被指貪錢痴富婆出遊，還是點呢?
Laura鬧爆馬賽使汪子琦200萬人仔：「我諗全世界死，佢都唔會死住。」
獲無綫力捧的馬賽近日被指做小三，令女製片汪子琦同富婆Laura嘅7年情玩完，分手收場，汪子琦看清馬賽真面目，今日喺微博插爆舊愛，仲話好對唔住Laura！又寸爆馬賽冇資格學人講慈悲。
今日身在日本嘅Laura不屑馬賽所為，提供馬賽母女同汪子琦遊世界嘅相片，仲有汪子琦花喺馬賽身上嘅銀行支出，包括家用（約13萬人民幣，下同）、卡地亞戒指（約2萬）、Chanel手錶（約8萬）、珠寶首飾（約16萬）及機票等證據，力證兩母女都是大話精。
今日馬賽施喊功挽形象，Laura受訪話：「佢好耐冇拍劇，扮嘢騷吓演技博同情，佢就係一隻狐狸，我唔會俾佢再呃，一定要撕爛佢呢層面具，聽講佢有最佳女配角提名，佢啲戲真係幾好，佢係好恐怖女人。」佢估計汪子琦使咗約200萬喺馬賽身上。
問佢係咪覺得馬賽母女檔呃人？Laura話：「直情係啦！佢哋同汪子琦一齊出埠，啲相證明到媽咪幫佢哋影，佢媽咪都笑得好開心，默認個女搶人男友， 兩母女根本喺度做戲，使乜接受訪問同媽咪道歉，喺屋企道歉咪得囉！佢唔認係第三者，硬搶人男友扮真愛，真係好cheap，以為自己真係女神，地球圍住佢 轉。」
咁覺得馬賽人格如何？Laura冷笑話：「人格？佢冇人格，佢以勝利者姿態飛上海箝住汪子琦去遊山玩水，0依家又出嚟講乜承受壓力、抑鬱，抑鬱都可 以咁風騷，我諗全世界死，佢都唔會死住。」馬賽稱被出賣，Laura就激動話：「好想知邊個出賣邊個，佢為私慾金錢工作機會出賣我，爭我條仔，真係好搞 笑！」
Laura連日來訪問有好多精彩金句，擇要如下：
人格？佢冇人格！
我諗全世界死，佢都唔會死住。
爭我條仔，真係好搞笑！
聽講佢有最佳女配角提名，佢啲戲真係幾好，佢係好恐怖女人。
佢就係一隻狐狸，我唔會俾佢再呃。
馬賽同佢媽媽，即係汪子琦揸機。
汪子琦同馬賽咀嘴，由馬賽媽媽揸機。
昔日三人行，依家見唔到，Laura(右)仲直斥馬賽母女呃錢。
馬賽狂戀女製片 上海外灘打車輪
近年被無綫力捧之一的馬賽，出道以來緋聞名單清一色男士，但日前她被踢爆中途轉基，被內地富婆、曾與郭可盈反目成仇的前經理人汪子琦，豪包歐遊。上週更向公司請假飛到上海箝實新歡玩激戰，二人由室內咀到室外，在上海外灘扯住攬、啜唔放！
據悉，這位有錢TB打算年底開拍一部內地電影，讓馬賽做女主角，還帶她見很多內地導演，甚至同人講：「她是我的女人！」又怎會是朋友這麼簡單。
馬賽談斷背：時間會證明一切
馬賽昨日出席高蹺比賽活動。提到被爆與同性密友汪子琦歐遊，馬賽一面不悅地以「斷章取義」和「時間會證明一切」來回應。
對於有指她為歐遊請假缺席無綫亮燈及劇集宣傳？馬賽說﹕「亮燈我有去呀，也有做宣傳，入行多年，每逢有新劇出街都會有這些奇怪的報道，所以現在與工 作無關的都不想回應了。」是否與同性密友汪子琦同行？她說﹕「我們還有其他朋友，毋須回應。很多報道都斷章取義，時間會證明一切，我是什麼人，事件究竟是 怎樣，時間會說給大家聽。（不介意與同性拍拖？）好多報道都斷章取義，事件已影響很多同行的朋友，感到不好意思。身邊也有這樣的朋友，值得尊重。（不作澄 清？）不想再被斷章取義。（不否認即默認？）不想回答。因為很多時寫出來的都不是事實，不想再被炒作。」
馬賽自言生活很低調，之前說過不想再說，又稱自己有時說話直，經常被人斷章取義。至於與汪子琦是如何認識，她繼續封口避談。對報道失望，可有考慮退 出娛樂圈？馬賽笑言﹕「未至於，時間會證明一切，希望大家多關注我的工作。」之後外遊會否放相上網？她說順其自然，時間會證明一切。
TVB花旦馬賽交往同性富婆同游歐洲
中國娛樂網綜合
據香港媒體報道，無線鬧小生花旦荒，陳法拉離巢，有傳小生花旦逃亡潮陸續到來，馬賽竟然在關鍵時刻，請假兩個月，大膽缺席無線一年一度的大型亮燈儀式，又
沒為新劇《法外風雲》做平面宣傳，原來馬賽要陪富有的同性密友汪子琦游法國、意大利、瑞士等地，享受浪漫風情。據知密友是郭可盈前內地經理人，因向傳媒發放疑似林文龍偷食的電話錄音，被郭控告“敲詐罪”而入獄，出獄后剪了一頭短發在內地娛圈卷土重來，東山再 起，生意涉獵電影及美容多個范疇，身家豐厚，跟上海富婆毛玉萍以及關之琳、劉嘉玲等是好友，馬賽冒得罪無線的風險，請長假做伴游，想一想，還是值得。
兩人晒出同一地點的旅行照
八月中，馬賽跟密友汪子琦同游巴黎、意大利、羅馬、威尼斯、瑞士等地，旅程長達一個月，從清晨漫游羅馬、巴黎鐵塔吃晚餐、米蘭掃貨、光天化日喝香檳
等，可見這次豪華之旅，玩得相當愉快。不過馬賽卻煞有介事，隻上傳單人照以及風景照，連在巴黎遇見fans，亦將合照放上網，刻意保護同行密友，全程吃好
住好，據知費用全由汪子琦包，而馬賽就做三陪，陪玩陪吃陪買。知情人士透露：“賽賽一向熱衷認識有錢人，知道汪子琦有錢且在內地娛樂圈認識人，看中就搭朋
友介紹，本來汪子琦有一個親密女友，但她同賽賽愈行愈親密，成日飛香港找賽賽，賽賽說未去過歐洲，汪子琦即刻去安排，賽賽向公司請假，一拍完套劇即飛，歐
游一個月繼續放假陪汪子琦，所以歐游完都沒出席無線亮燈儀式，新劇也未做宣傳。”
汪子琦曾是郭可盈的前經紀人
有當“小三”癮25歲的馬賽在重慶長大，有著拼搏進取精神，一向以目標為本，2008年由富豪干媽提名參加港姐當選季軍，一早表明想入娛樂圈，屬五短身形，樣貌普 通，但入行不久升到二線。每次拍劇，必跟對手有緋聞，統統都是名草有主，曾打電話給當時同張馨予戀愛的吳卓羲，硬撬“巨聲”周志文，被正牌模特女友 CoCo大鬧，斥“搶人男朋友沒品！”年前又曾主動出擊搭智燊。又曾被雜志拍跟干媽出席富豪飯局，馬賽無論在工作或情都是攻型！
TB汪 月賜20萬家用 狐狸馬賽新加坡豪賭
壹週刊 第1239期
「純情」馬賽上月初被踢爆做小三，介入內地有米 TB汪子琦的攣情。有纏綿相為證，一度死撐的她大話精無所遁形，形象插水，馬賽採取鴕鳥政策，唔肯硬食。
唔蒲得，但日子其實過得相當風騷快活！獨霸水喉後，有指馬賽每月獲發家用二十萬，在新加坡遊山玩水期間，更被發現在當地賭場豪賭外，她還處心積慮，圖謀千萬半山豪宅。
批中馬賽貪得無厭的正印 Laura，對於狐狸豪收廿萬家用，啜核反擊：「食 turkey（火雞）都唔使咁貴！」
爛賭樣
潛水日子，馬賽同汪子琦（黃衫）到新加坡的金沙賭場豪賭。有賭客指她每次落注十萬，賭得狼，最後仲輸到面黑黑！
發現有賭客偷影佢，手風唔順又無化妝的馬賽即揮手叫停！攣情踢爆前，愛穿黃色的汪子琦曾把二人合照放上微博。
兩個月燒二百萬
爆出攣情後，即時潛水的馬賽發放「慈悲論」試水溫圖翻身，卻被 TB汪子琦正印、富婆 Laura數爆惡行，令馬賽繼續龜縮。避世近一個月，馬賽雖因攣情被擲入雪櫃斷米路，但有水喉在手，馬賽於是在 TB汪身上盡情閹割。據了解，汪子琦對馬賽極為慷慨，每月有二十萬做家用，其他購物消費又另計，加埋不斷送名牌送珠寶首飾，過去一個月繼續把臂同遊，先後到新加坡、越南等多個地方度假及豪賭，有指馬賽攣情展開僅僅兩個月，汪子琦在她身上已燒錢超過二百萬。
汪子琦中「馬瘟」，有指汪父十分不滿，被激到入醫院。
「子琦老豆一直當 Laura新抱看待，知道個女迷晒落馬賽度，激到入咗醫院。但馬賽仲咬住唔放，纏住子琦出埠玩，玩咗半個月！子琦一向好孝順，但今次好似俾鬼迷咁，完全唔理家人反對。」知情者爆。
正印 Laura:食火雞都唔使咁貴（真實對白）
上週六（ 30/11） Laura離港返上海，聞言汪子琦給馬賽廿萬家用，她即寸對方唔值呢個價。
上月初，馬賽飛到上海跟汪子琦啜爆，攣情斷正即潛水避世。
辣媽聯手擸豪宅
上月中，唔使做每月起碼有廿萬零用的馬賽，被人發現孖住汪子琦出現新加坡的金沙賭場，豪玩上限十萬坡幣（約六十多萬港幣）一注的百家樂，埋賭枱現真身，馬賽賭相專業，嗌牌面不改容。「佢好似忘記自己係藝人身份，鋪鋪嗌牌，賭得好投入。十萬十萬（港幣）咁落注，好搏。但佢哋手氣唔好，兩個人都輸錢，馬賽仲輸到黑晒面！」一名目擊者說。
處心積慮搶碼頭，馬賽得手後火速現形。據悉，馬賽的母親見汪子琦正沉溺在女兒溫柔香，於是獻計擸嘢！要求汪子琦將在港投資、市值二千多萬的半山豪宅轉到馬賽名下。
馬賽辣媽
廿萬家用嫌未夠！有指早前馬賽聯同辣母，出招向汪子琦苛索千萬豪宅。而保養得宜的馬母，同愛女拼埋似兩姊妹多啲！
上週秘密返港
擸豪宅事敗後，返港匿了多日的馬賽，終在上週二（ 26/11）戴住眼鏡，笠埋 cap帽，載住辣媽出動，往邵氏片場跟樂易玲密會，為本週復出商討對策。
驚動汪家插手
「子琦原本打算半年後等感情穩定，就買層樓俾馬賽揸手。點知佢哋好心急，拍拖未過三個月，就想擸層樓，兩母女又氹又鬧，軟硬兼施。馬賽個阿媽一日到 黑向汪子琦洗腦：『我個女為你犧牲事業，你要補償呀！家用唔夠，有樓先有安全感。』起初子琦嘅屋企人都唔知佢為馬賽係咁燒銀紙，直至佢打電話搵香港經紀問 市價同埋轉名手續點搞，先驚動到佢啲親人。」據知汪子琦的家人即刻出手阻止，知道汪家插手後，馬賽才收手，暫時未有採取進一步??功。
鬼祟入西貢
見完樂易玲第二日，將 cap帽拉低的馬賽漏夜帶埋阿媽去西貢南圍的友人家，一傾三粒鐘。
密會樂易玲復出
被汪家上下??實，狐計不得逞的馬賽，近日開始密謀復出，並氹掂樂易玲收回雪藏令，有指無綫內部已傳出馬賽將於本週現身公開活動，樂易玲更安排她先在公司節目《東張西望》接受訪問，為插水形象拆彈。上週，馬賽再於微博發功，先後鋪了「寬恕論」和「翻身論」為蒲頭鋪路。對於被正印數爆惡行，馬賽曾向身邊人表示未驚過。
「佢話 Laura唔係圈中人，外界對佢根本冇興趣；相反佢自己係港姐，只要行出嚟解話幾句，就可以冇事。」馬賽身邊人說。
外遊返港的馬賽，一直深居簡出，直至上週二（十一月廿六日）中午，由辣媽傍住，駕車到位於將軍澳的邵氏片場，密會樂易玲商討復出對策。共商大計兩個小時，馬賽才離開。
連日來，無論秘返無綫，或漏夜到西貢探友人，馬賽每次出動，例必拉低 cap帽戴眼鏡，遮遮掩掩。
氹人有一手的馬賽，氹掂汪子琦送錢送名牌及首飾。其中手戴的 Chanel J12手錶正是 TB汪子琦送的小禮物之一。
潛水日子，馬賽同汪子琦雙雙出埠玩顯得小心低調，二人甚少放外遊相上網，唯一在越南時，二人貼出同一外景的單頭相。
正印 Laura連踩兩場
以 VIP身份來港出席 LV新店開幕派對，一身百萬行頭的她獲 LV中國總裁 Philippe招呼。之後再踩去會展睇偶像黎瑞恩演唱會。瘦了一圈的 Laura強裝笑容。溝到手袋五十萬
馬賽擸樓失敗密謀復出，與此同時，正印富婆 Laura上週四（二十八日）來港，準備翌日以 VIP身份出席 LV新店開幕禮外，順道撐十年無開個唱的偶像黎瑞恩場。遭馬賽「強搶」後瘦了一圈，一臉憔悴的 Laura上週六（三十日）離開下榻的君悅酒店，往機場準備飛返上海時，本刊上前訪問，對馬賽的吸水狐計，她句句啜核。
壹：馬賽同樂易玲約見面，商量復出！
L：佢唔係霸咗碼頭上咗岸咩！（有冇睇佢喺微博嘅「翻身論」？）佢搣爛咗個兔仔皮，嚟緊換番塊羊皮出嚟撈過！
壹：你係咪知佢喺汪子琦身上攞咗好多錢？
L：攞錢就梗有啦！同佢哋攤牌時，佢溝掂汪子琦只係半個月，我已經知道佢攞咗五十萬，到依家兩個幾月，應該去到七位數字。
壹：知唔知汪子琦一個月俾廿萬家用佢？
L：我唔知俾幾多，但我知係有俾錢。廿萬……（苦笑一下）食 turkey都唔使咁貴！
壹：係咪覺得佢好貪錢？
L： Absolutely（絕對係）！貪錢唔緊要，但唔好扮到唔係為錢，咁樣就好 cheap！
Laura出席 LV活動前一晚，相約陳敏之食飯，一食兩粒鐘，離開時陳敏之扶住情傷的 Laura步出。
疼錫表妹汪子琦的上海富婆毛玉萍，據悉她一直反對汪跟馬賽拍拖。日前她偕兒子 Eric及其女友出席蔡汪的世紀婚宴。
Laura直斥馬賽貪錢，爆她與汪甫一起，就先擸五十萬。
對於馬賽日前在微博發「寬恕論」及「翻身論」， Laura不屑的說：「佢有咩資格講寬恕！呢個戲子唔係連呢個字都要搶嚟講！」。
形象插水，連帶她擔正的劇集《神探高倫布》都不能入圍角逐台慶女主角，只能以《法外風雲》入圍女配角。
今年八月 Laura出錢請馬賽歐遊一個月，當時二人情同姊妹，經常孖住影相。沒想到工於心計的馬賽密謀「奪愛」做小三，前後變臉不足一個月，令 Laura難以接受。
樂易玲爆馬賽哭着見面
對於有消息傳出，馬賽與無綫製作資源部總監樂易玲密會，鋪排今個月出來見人外，馬賽更被爆每月收取汪子琦20萬元生活費，曾在新加坡豪賭。樂易玲昨 日於公司刊物舉辦的頒獎禮上表示：「上星期是見過馬賽，心情時好時壞，當日有喊，特別講到一些報道。我們不是傾解約，是和她媽咪一齊見面，了解一下她的情 况。之前講過安排一些活動見大家，又不是記者會，見她有份提名入圍台慶頒獎禮，所以會盡快安排出來。（傳有20萬元生活費及豪賭？）大家見到她再問，不作 評論，不知真假。其實我有講過，藝人私生活不管，他們有自由，最重要是家人接受，我們是無辦法。」
至於怕否馬賽形象影響廣告商信心，樂易玲坦言希望不會，只希望馬賽想清楚狀况，不能任性，馬媽媽及大家給時間她自己了解清楚。樂易玲說：「不覺得性 取向影響形象，那是私生活，只是藝人離開香港也要留意，有時不是記者影到相。（無綫繼續雪藏馬賽？）不想用雪藏這兩個字，想她先冷靜及休息。而我要了解一 下，她要些時間思考，見面時知她想盡快開工。（無綫條路仍為她開？）任何小朋友會任性，行差踏錯，只要不是作奸犯科，這個機會要給她。」
無綫姐仔馬賽昨被雜誌踢爆秘戀內地TB女製片汪子琦，在上海街頭上演斷背激咀，原來汪子琦另有正印富婆密友，馬賽明撬人牆腳！不過馬賽返港後，身邊 卻出現一名外形跟汪子琦截然不同、紮着馬尾的女子。馬賽前日與馬尾女在中環態度親暱，她還化身小鳥依人，依偎及蹺實馬尾女行街，更買外賣到女方香閨共晉晚 餐，一段三角TB戀可能演變成四角關係！
被高登巴打奉為女神的馬賽，出道以來曾跟吳卓羲、「巨聲幫」大孖周志文及陳智燊傳緋聞，近日又爆出與內地女製片人、林文龍夫婦的前內地代理人汪子琦 歐遊，不過她前日出席公開活動時理直氣壯表示：「時間可以證明一切，傳媒斷章取義」，話口未完，昨日有周刊驚爆她與汪子琦漫步上海外灘，由餐廳咀到街上的 照片，不過原來還另有內情，有傳汪子琦身邊已有一名內地富貴密友兼公司合夥人李小姐，早前汪、李跟馬賽三人更相約歐遊一個月！據知，馬賽就在當時跟汪子琦 撻着開始交往，常被指喜歡撬人牆腳的馬賽，今趟轉向TB埋手，李姓富婆慘遭撬牆腳！
緊隨馬尾女返歸
不過前日下午3時許，當馬賽於公開活動發表宣言後，先跟經理人嘆下午茶，之後獨自乘的士到中環的中旅社大廈取回鄉證。自上的士開始，馬賽已掛着耳機 講個不停，就算等拿證時亦講到笑笑口，未知是否跟內地TB情人談情。接着她先到電訊公司逗留十多分鐘，再上的士去到附近的ifc候車處，原來一名身穿短 裙、紮着馬尾的女子一早在該處等候，她站在的士旁足足一分鐘，等馬賽付錢下車。
【雞啄唔斷】■馬賽（左）一見馬尾女即講個不停，更不時出手蹺對方。DV圖片
【小鳥依人】■行到攰，馬賽（右）情不自禁伏在馬尾女肩上。DV圖片
【齊齊返歸】■馬賽（右）與馬尾女各自拎着外賣，返歸慢慢嘆。DV圖片
馬賽與馬尾女一見面即雞啄唔斷，馬賽更蹺着馬尾女行入ifc，當她們乘扶手電梯上樓時，馬賽忽然作小鳥依人狀，伏在馬尾女的肩膊，非常陶醉！由於當 時已是晚上8時，加上閒日，現場遊人不多，兩女放下戒心，看來悠然自得，邊行邊傾相當寫意。逛了半小時之後，她們到快餐店各自買了一袋外賣，再到門口排隊 等的士。等車其間，馬賽與馬尾女似有說不完的話題，最後她們於荷李活道的豪宅聚賢居下車。家住將軍澳的馬賽，跟大廈管理員有傾有講，明顯是這裏的常客。馬 賽昨透過經理人稱不作回應。
【TB扮咀富婆】■汪子琦（右）當街扮咀富婆密友。微博圖片
【馬賽明咀TB】■馬賽（左）於上海激咀汪子琦斷正。《壹週刊》圖片
周志文劃清界線
對於馬賽爆攣情，曾傳緋聞的周志文昨在電話說：「我哋拍劇後冇再聯絡，好少撞見，所以唔係好清楚，亦唔係好方便講人哋嘅感情事。」
另外，身穿低胸裝的高海寧昨與翟威廉於將軍澳電視廣播城出席《最瀛自由行》記者會，對於同屆港姐馬賽激咀同性，高海寧坦言不太清楚對方的感情事： 「我睇到都有少少驚訝！我哋平時好少傾呢方面嘅事，但我覺得感情冇分年齡、性別，最重要真心相愛。」她表示會祝福馬賽，對於有指汪子琦將開電影給馬賽擔 正，高海寧說：「兩樣嘢嚟㗎，佢演技OK就自然有人搵。」
■（左起）馬賽、汪子琦及富婆結伴外遊。
微博圖片
■馬賽（左）於上海放下戒心，素顏與汪子琦四圍遊。《壹週刊》圖片
人物誌：汪子琦打通中港脈絡
汪子琦（左）、郭可盈
花名小王子的汪子琦，在微博簡介表示畢業於南京大學，曾在大學教書。她在中、港人脈甚廣，與劉嘉玲、惠英紅及毛玉萍等明星名人熟絡，她亦涉足電影、 電視劇製作、廣告、演唱會及藝人經紀等工作，出入以保時捷代步，堪稱圈中富婆。汪子琦曾是林文龍、郭可盈的內地代理人，09年爆出疑似林文龍偷食聲帶事 件，林文龍與郭可盈直指被汪子琦滋擾及勒索，最終汪被判入獄。汪復出娛樂圈後，去年投資開拍惠英紅主演的電影《愛未央》，及擔任電影《新紅河谷》製片人， 她亦搞美容生意。
長情請看：緋聞女神專吼拍檔
08年港姐季軍馬賽現年26歲，入行以來緋聞不算多，但每次緋聞對象都是劇集拍檔，且都是男性。吳卓羲
09年與吳卓羲（Ron）拍《女王辦公室》飾演一對，有指Ron對馬賽管接管送，但又有指Ron入住女方家人持有的豪宅，馬賽貼錢養仔。
周志文
去年與「巨聲幫」大孖周志文拍劇《名媛望族》傳緋聞，有指大孖背住有米o靚模女友袁聖殷（CoCo）一腳踏兩船，CoCo直斥馬賽小三。
陳智燊
早前與陳智燊（Jason）合演《法外風雲》時，被指以姣招冧掂Jason，但卻驚動Jason的正印女友宋熙年，有指熙年即搬到男友寓所目及實。
馬賽戀TB稱斷章取義 網友喪插：講大話
曾經同吳卓羲﹑陳智燊及「巨聲幫大孖」周志文傳緋聞嘅無綫小花馬賽，近日驚爆斷背緋聞，早前馬賽BB同郭可盈前經理人汪子琦一同歐遊，同行仲有一名女友人，而汪子琦被指係馬賽「富婆密友」，兩人親密合照喺網上流傳。前日馬賽出席活動時回應事件，就不停話報道「斷章取義」及「時間證明一切」；點知話口未完，噚日就有報道圖文並荿爆出馬賽同汪子琦蜜遊上海時，被拍到行街拍拖食飯，情到濃時兩女亦旁若無人激嘴，真係斷正到應一應呀﹗今次真係唔知馬賽點拆彈喇。
兩位當時噚日都冇更新微博回應，不過唔少網民及粉絲就喺馬賽嘅微博留言，有人讚亦有人彈：「還是大膽承認吧﹗」﹑「講大話﹗」﹑「撐同志，反歧視。」﹑「是真的幸福就祝福你。」
>
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言