找生B名醫打「超級排卵針」 42歲黎姿追仔成功

Scroll Page | Stop Scrolling

Tweet

Pin it

Widgets

Keyword:美容,生活,购物

42歲黎姿注射「超級排卵針」 成功追「慈姑椗」

現年42歲嘅黎姿（GiGi）自從下嫁富商馬廷強後，為馬家先後生咗三位千金，包括孖女家蔚及家鎂，以及去年十月初誕下細女Pegella，靚媽GiGi一直深居簡出，雖然已有三個囡囡，但原來GiGi希望為老公繼後香燈，生番個「慈姑椗」！
今日有報道指GiGi去年生細女前，已經同「生B聖手」名醫何永超商量追生仔一事，而GiGi產後亦調理身子，報道仲指GiGi接受注射超級排卵針，實行為生仔作好準備。
其實近年GiGi甚少公開出席活動，不過早前佢以《古惑仔》中嘅「細細粒」身份，到紅館捧鄭伊健、陳小春及林曉峰等古惑仔演唱會尾場演出，GiGi仲坐足全場，其間還企起身拍掌，睇得好投入。
另外，報道指GiGi日前湊對孖女同親友食晏，當日GiGi着平底鞋及鬆身衫，而且肚凸凸，全程表現得好小心，而離開食肆時，親友不忘仍然同GiGi雞啄唔斷，好似叮囑佢一啲嘢咁，而GiGi亦點頭示意。
講番呢位星級名醫何永超，佢係生殖醫學專科名醫，李嘉欣、陳慧琳都係佢客戶，兩位靚媽咪喺何醫生指導下，成功生咗男嬰。期待GiGi如願以償，快快報喜！


黎姿﹑蒙嘉慧及應采兒等幾位靚太，早前結伴欣賞古惑仔演唱會尾場。（資料圖片）

黎姿睇足全場，其間仲起身拍掌，相當投入。（資料圖片）

QR code this page

 免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。