Scroll Page | Stop Scrolling

Tweet

Pin it

Widgets

Keyword:美容,生活,购物

探熱針

返 playgroup學國語　楊千嬅力谷 1歲仔

去年榮升媽咪的楊千嬅，為培育資優 B，最近帶只有歲幾的 Torres到名牌幼兒中心「 Bebegarten」返全英語教學 playgroup，另外每星期再安排老師上門教囝囝普通話、認生字。人仔細細，已經要學齊廣東話、英文、國語三種語言，多管齊下。

嚴選 playgroup

為了幫兒子物色 playgroup，早前丁子高曾被發現到灣仔區一幢布滿學前教育中心的大廈，進行實地視察。經過兩個月的資料搜集，千嬅終於鎖定目標，替囝囝報讀了林青霞繼女邢嘉倩開辦的「 Bebegarten」，學校全面採用外國幼兒園的教學方法，由外籍老師授課，每星期上兩堂，學費每個月盛惠二千四。
「千嬅大大話話睇過十幾間 playgroup，又周圍問啲家長朋友意見，再帶埋 Torres去試堂，最後覺得呢間最適合，一嚟位置近屋企，二嚟呢度全英語授課，引入外國而家好流行嘅 messy play，等啲小朋友接觸多啲唔同物料，例如俾啲飯、麵粉佢哋摸吓，用手掌直接掂啲顏料嚟畫畫，呢個做法可以刺激小朋友嘅感官同創意思維，唔似傳統 playgroup咁死板。」千嬅身邊人說。

Torres每星期都會返兩日 playgroup，並有老師上門教國語。 

上週四（二十二日）， Torres在陪月、助手及菲傭陪同下返 playgroup，離開時，更急招保安護送。 

千嬅大呻因工作忙，無時間湊仔，又指囝囝黐工人多過黐自己。

 

上週四（八月二十二日），兩部戲同期拍的千嬅，撞正囝囝開學，湊仔重任唯有交俾陪月幫手。早上十點半， Torres在陪月、菲傭、助手及司機四大護法陪同下，到位於黃竹坑的 playgroup上堂。離開時，見記者在門外拍照，陪月替 Torres遮面再急步衝返入校舍，之後安排司機調虎離山，再叫齊學校保安幫手，護送陪月及 Torres從職員通道上的士離開。

早前，千嬅一家三口到灣仔寶馬 showroom睇新車， Torres見到記者影相，即醒目望鏡頭，非常精靈。（《蘋果日報》圖片） 

Torres一歲生日，千嬅為他舉行動物派對，更在現場設置籌款箱，以囝囝名義捐款到慈善機構，為阿仔積福。 

雖然日日趕戲，收工後，千嬅堅持捱眼瞓幫 Torres砌玩具車。

放假陪仔

除了返 playgroup，千嬅每星期還安排國語老師上門授課，更定期有導師上門，陪 Torres做 baby gym，歲幾人仔，時間表比媽咪排得更密密麻麻。「呢排千嬅太忙，搞到囝囝黐工人同奶奶多過黐佢！其實 Torres呢個年紀吸收力特別快，千嬅都覺得 miss咗好多同個仔學習有關嘅階段，所以拍完兩部戲，千嬅決定放假，想抽更多時間湊仔。」

今年四月攞完影后的千嬅，近日分別為電影《曼珠沙華》及《單身男女 2》開工，還要中港兩邊走。 

（《蘋果日報》圖片） 

千萬兒童王國

林青霞繼女邢嘉倩所開辦的「 Bebegarten」幼童學前教育中心，於今年四月開幕，學校位於黃竹坑，投資過千萬，校內全部傢俬，均由外國空運到港。課程方面，包括 playgroup、學前課程、幼兒班，甚至家長課程都有，種類多元化，專為 6個月至 6歲的小朋友而設。
Playgroup學費每個月約$1,200至$4,800，視乎課程和歲數而定，而學前班收費則高見萬元。學校提倡「 Learning is a effortless as breathing」的教學模式。運用小班教學，啟發小朋友的創意，上課時主要以英語為主，同時亦附設普通話班。學生完成 playgroup課程，可報讀 pre-school及幼兒班，畢業後可獲取證書報讀國際學校。

撰文、攝影：娛樂組

上周四（ 22日），丁子高一身背心波褲打扮，坐千嬅嘅保母車從寓所到路口後落車跑步。睇真啲，他頭頂驚現窿窿，明顯開始脫髮。 

 

 

滾熱辣

丁子高現壓力禿　千嬅午夜嚎哭

38歲誕下金叵羅 Torres的楊千嬅，愛子如命。據知大半年前，千嬅已開始為囝囝物色幼稚園，最後選中林青霞繼女邢嘉倩開設的「 Bebegarten」所搞之 playgroup，貪其全英語教學兼行西式教育，實行捧囝囝做尖子。
兩個月前，千嬅與老公丁子高已開始輪流陪囝囝返 playgroup，而孭住兩部戲在身的千嬅，早前更因為囝囝發燒輕磅，過度緊張，於午夜嚎哭，嚇到老公丁子高不知所措，向友人呻爆︰「個仔輕少少佢就喊，搞到我都癲埋！」而承受雙重壓力的丁子高，更驚現壓力禿。現今世代，做父母真係唔容易！

 

驚現脫髮 

為慶祝愛子 1歲生日，千嬅在 5月尾豪花廿萬為 Torres搞了一個動物生日派對。 

 

千嬅唔認曾為 Torres病而爆喊，其間不停伸脷，甚不自然，更急急腳走人。 

早前騎住兩部戲（彭浩翔的《曼珠莎華》及《單身 2》）的千嬅，趕戲之餘又遇着囝囝感冒發高燒，工作壓力加上擔心兒子病情，一度壓力爆煲，午夜嚎哭，嚇壞老公。知情者話︰「千嬅現在接工作，都會先考慮個仔。 Torres依家一星期返兩堂 playgroup，千嬅都想盡量陪佢上堂。佢係緊張大師，個仔少少唔舒服，佢都會成晚瞓唔着囉囉攣。早排 Real（丁子高）呻爆，話個仔一病老婆就癲。試過 Torres發燒輕咗兩、三磅，千嬅就喊，搞到佢都癲埋！」
為了安撫緊張老婆，千嬅返大陸拍戲時，丁子高每天都會向老婆報告囝囝情況，更傳上愛子靚相給老婆。千嬅對 Torres的教育亦十分重視，除了每周在邢嘉倩開的幼稚園返兩堂 playgroup，又有國語老師上門授課，更要做 baby gym。一歲多的 Torres，每天都要接受不同教育。
上周四（ 8月 22日）早上十時，載着 Torres的保母車從千嬅寓所出來，只見一身運動裝的丁子高在中途一個路口落車，沿着黃泥涌峽道跑步。照顧老婆、囝囝勞心勞力的他，驚現壓力禿，難得老婆唔在港，他亦趁機跑步發洩鬆一鬆。

秘上 playgroup

Torres在陪月員照顧下返 playgroup。 Torres 14個月大仲有陪月員跟身，認真巴閉。

全面戒備

除了學習，千嬅都好着重 Torres衞生，車上有吸塵機，而 Torres亦只係飲蒸餾水。

操普通話

千嬅已經安排專人上門教 Torres普通話。

鐵三角護送返學

千嬅不時在網上晒同 Torres的溫馨合照，錫仔錫到燶。 

老竇跑步、媽咪拍戲未能陪上堂，但 Torres在陪月、菲傭、助手鐵三角陣型護送返學，十足少爺仔出巡。一小時後，陪月及助手發現記者時，即時護住小主人奔回校舍，之後更着司機玩調虎離山，從後門轉搭的士送走 Torres。
知情者說︰「 Torres兩個月前開始返 playgroup。其實千嬅住所樓下都有國際幼稚園，但佢千揀萬揀，係貪嗰度（ Bebegarten）收生多數係外國嘅小朋友，而且一班得十個、八個小朋友，私隱度夠高。加上全英語授課，學校採用 messy play，俾小朋友直接接觸食物同樂器，提倡放肆地玩，玩得愈污糟，愈可以刺激感官，提升小朋友創意。」
周二（ 27日），本刊於中環四季酒店向千嬅求證湊仔過分緊張嚎哭時，她笑笑口說：「冇咁誇張……梗係冇咁誇張，我冇時間喊喎，我喺廣州！（唔係最近，係之前喺香港？）我細個仲病過佢，唔會。（丁生係咪好大壓力？見佢甩咗好多頭髮？）唔係，佢遺傳啫！」說罷急急腳走人，至於丁子高，則至截稿前仍未回覆。

學前班月費逾萬

學校佔地萬呎，以白色及木材設計，傢俬全部由外國空運到港，投資近千萬。 

Torres就讀的「 Bebegarten」，由林青霞繼女邢嘉倩與友人合資千萬於黃竹坑開設，專為 6個月至 6歲的小孩提供 playgroup、學前班及幼兒班。
學校課程分為英語班及普通話班，以強化小朋友情緒、體能、藝術、推理及溝通能力為主，強調從日常生活中學習。 Playgroup學費由$1,200至$4,800，平均每小時$300一堂。現時 Torres一周返兩堂，一個月都係花$2,400，相當平民化。
不過讀到學前班，每月學費就高達$10,400，全因為在學前班畢業後，學生可獲證書報讀國際學校，變相為學生提供一條龍服務。

怪獸父母

父母緊張子女係人之常情，不過過分緊張輕則脫髮，重則有情緒病，甚至進化成「怪獸父母」。

吳彥祖脫髮

女兒吳斐然未出世時，緊張爸爸吳彥祖已經甩頭髮， Lisa S.亦有產前抑鬱，睇睇吓電視都會喊。女兒出世後，吳彥祖擔心女兒桃花旺，打算教她學功夫保護自己。

郭可盈催谷

郭可盈為了女兒林天若（津津），近年決心減產，催谷津津。津津一歲多已入讀九龍塘名校京斯敦幼兒園的 playgroup，每年學費逾十萬。

張學友接送

羅美薇要求一對女兒在家中一定要講英文，並且全家都要極度注重衞生，就算十三歲的大女跟同學去看電影，張學友都會揸車接送。

劉德華收埋

劉德華為了不讓女兒向蕙曝光，不單請多名保鑣保護妻女，更以十多萬月租住尖沙嘴太平洋酒店頂樓，貪此處設有專用電梯，私隱度極高。

撰文：娛樂組
攝影：攝影組

QR code this page

 免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。