去年五月做老豆後，劉德華千方百計保密家眷行踪，女兒劉向蕙（ Hanna）至今一歲多，容貌仍從未曝光。上週，「華仔天地」舉行一連兩日聚會，提早為劉華慶祝生日，對住「家人」般的粉絲，一向口密的他大開金口，報告 囡囡近況，包括容貌似足老婆朱麗倩，又自嘲最怕老婆：「係世界上最冇自尊嘅爸爸！」
上週「華仔天地」舉行一連兩日歌迷聚會，為劉華提早慶生，他更破例大談囡囡近況。
無晒自尊
「家人」共聚為「家長」慶生，當日共有千五人出席活動，劉華的父母例牌現身，生日會晚上八點才開始，但壽星下午十二點便到達會場綵排。聚會中，劉華一口氣唱了六首歌滿足「家人」，更搵來黎芷珊做主持，加插了現場版《最佳男主角》環節，他更一反常態，大談囡囡及老婆，甚至慷慨分享一家三口的生活「家事」，明益一班忠實擁躉。
當日，劉華一共唱了六首歌，在切蛋糕環節中更請埋父母上台。
一到場，劉華即被數十名歌迷重重包圍。
早前，朱麗倩被拍得在保鏢陪同下睇中醫，有指她為生仔積極進補。
做咗老豆後，劉華父愛氾濫，拍戲時遇到小演員，會忍不住氹對方玩。
去年的歌迷聚會中，劉華分享一家三口的手牽手相片，今年則預告要到囡囡兩歲時才考慮公開容貌。
生日會請來黎芷珊做主持，加插現場版《最佳男主角》環節。
黎：而家嘅劉德華最怕係咩？
華仔：我冇嘢怕，最怕係老婆。有咗 BB之後，爸爸就會變成世界上最冇自尊嘅人，我朝早六點出去做嘢排演唱會，返到屋企以前仲可以再排下，但而家我一準備跳（舞），就有人（老婆）：『！』練 吓歌啦，又有人：『喂！！』我每一日都係咁度過。電視都冇得睇，淨係睇嗰啲 one little, two little, three little Indian……每一日都要練（唱）一次俾佢聽。我個女九點幾食奶就瞓到第二朝五、六點，嗰時我就可以戴 headphone睇電視。
黎：平時會唔會同老婆囡囡出街？
B女似媽咪
華仔：唔會！我唔想佢哋咁快俾人睇到，係因為佢哋而家過緊平常嘅媽咪同細路仔生活，佢哋可以出街，當然我唔可以喺度，喺佢兩歲到兩歲半返 playgroup之前，先會出嚟俾大家見吓，我希望佢可以喺香港傳統學校讀書，我去接放學。如果你哋啲小朋友同我個女同一間學校，希望你哋用正常眼光睇 佢。黎：咁囡囡而家似邊個？
華仔：愈嚟愈似媽咪……（囡囡每一個第一次你係咪好開心？）我唔係怪獸家長！個女轉身咪轉身囉，佢又唔係轉身然後嗌阿爸，咁你就驚啫！我個女第一次叫爸爸喺電話入面，所以我到而家都唔知係佢叫定媽咪叫。
為了令囡囡可以過平凡生活，劉華千方百計保護 B女「真面目」。
上月，劉華已同 Sammi、杜 sir等人慶祝生日，當晚更由杜 sir埋單。
內容要保密
講還講，劉華不忘千叮萬囑在場粉絲，將內容保密。活動尾聲，劉華的父母上台陪他切蛋糕，又與在場的粉絲大合唱，「一家大細」的活動至十點半結束。翌日，劉華再次現身浸會大學，出席歌迷迎新會，其間逐一跟歌迷影合照，但到問答環節，劉華再度使出拉鏈嘴，不再講「家事」，只肯透露來年工作大計。
近日忙於綵排巡迴演唱會的劉華，日日早出晚歸，一放工即爭取時間陪愛女。
劉華大爆自己最大弱點是耳仔軟，唔識推朋友，因此經常拍到出人意表的電影，暗指早前票房仆直的作品《富春山居圖》。
劉華更指囡囡一見到爸爸代言的按摩椅廣告，就會以普通話叫：「按摩」，非常精靈。
怪獸王
口口聲聲話自己唔會做「怪獸家長」的劉華，自從囡囡劉向蕙出世後，無時無刻保持最高戒備，絞盡腦汁，不讓愛女容貌及行踪曝光，比怪獸更怪獸！
17萬租安全屋
嘉多利大宅裝修期間，劉華以 17萬月租尖沙咀服務式住宅聽濤閣暫住，上址私隱度極高，要用智能卡出入外，更可使用海港城、太平洋會等四通八達出口，每次老婆和囡囡出入，大廈保安都會封??。
遮陣護打針
劉向蕙兩個月大到診所打預防針，劉華除了出動四名私人保鑣，再 call齊大廈保安，以雨遮陣阻擋記者鏡頭。
市區起堡壘
B女出世後，劉華一家三口搬到嘉多利山獨立屋，大宅完全被大樹包圍，四周裝滿閉路電視，廿四小時有保安巡邏，以防傳媒偷拍。
廿四孝老豆
天下父母均視自己的仔女為心肝椗，更何況有財力又有人脈關係的圈中廿四孝父母，為栽培下一代，不惜一切！張家輝
為鋪路俾寶貝女 Brittany入名校，張家輝不惜放棄位於貝沙灣的風水屋，去年搬入名校網跑馬地逸廬，又豪花十多萬，為女兒團聘七名碩士生補習。
李克勤
長期住清水灣的李克勤，因為兒子就讀位於香港仔的加拿大國際學校，為減省返學時間，豪掟 5,410萬買入壽臣山曉穎花園 4,000呎大屋，又將住所的天台裝修成兒童遊樂場，讓兩子有足夠活動空間。
張智霖
06年誕下兒子魔童後，張智霖經常被拍得同囝囝行街天倫樂，六年內搬了四次屋的他，總離不開名校網。
劉鑾雄
甘比 08年為大劉誕下女兒劉秀樺，大劉即送上價值 7,400萬的藍鑽給囡囡，更以女兒英文名命名「 Star of Josephine」外，更日日親自送女返學，甚至在學校門前扮鬼扮馬三分鐘，只為氹女一笑！
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言