港姐陳凱琳起底 「鋪王」爸爸身家逾億
今年港姐果然超越想像，平均收視29點，最高33點。冠軍陳凱琳以大熱姿態當選，譽為近十年最靚港姐。除咗評判 like，連民意都贏埋，最後以 171,478票勝出拋離亞軍蔡思貝 6萬多票，正宗實至名歸。冠軍陳凱琳唔只擁有無敵靚樣，連起跑線都強過人。雖然凱琳好謙咁話自己「出生中產家庭」，但本刊發現陳凱琳唔只住九龍塘 5,000呎過億獨立屋，老豆陳桂祥亦身家豐厚，炒鋪賺近 5,000萬不特止，現仍手持 3間市值近 5千萬的商鋪收租。陳父向本刊透露：「以前係做油站代理生意……我依家退休喇。」翻查紀錄陳父喺 88年曾經將佐敦道 36號物業，轉按予蜆殼石油套現廿幾億。嘩！幾十年前就幾廿億身家，真係超越想像咁有錢喎！
近 10年最靚陳凱琳係賽前大熱，決賽當晚亦表現淡定，身材可能係佢最弱一環，不過單憑靚樣已夠殺，最終以高票、高分奪冠。
22歲陳凱琳以大熱姿態奪得港姐冠軍，更攞埋「最上鏡小姐」及「旅遊大使」成為 3料冠軍。陳凱琳唔只貌似李嘉欣，靚樣無敵，家境亦唔講得笑。比賽當晚就連司儀曾志偉及阿叻亦以陳凱琳居於 5,000呎九龍塘獨立屋作話題。雖然凱琳謙稱屋企只屬「中產」，但本刊發現陳凱琳家族身家的誇張程度，絕對唔只得一間獨立屋咁簡單。
今年港姐冠、亞、季，評判畀分同投票都一致，令年年被鬧爆無綫內定嘅網民冇聲出。
鋪王老豆陳桂祥：我退咗休喇！（真實對白）
陳凱琳同雙親關係親密，但孖生胞弟因要喺溫哥華返學，未能現身到場睇家姐奪冠。
陳凱琳奪冠後，幫《TVB週刊》影完封面，然後回九龍塘玉蘭路大宅。陳父已在門口恭迎，夠晒派頭。
陳凱琳攞冠軍，《東張西望》亦到陳家採訪，神秘嘅 5,000呎豪宅亦得以首度曝光。單係玄關已可企滿廿位親友，及一隊 crew，就知咩叫真正豪宅。
億萬身家坐廠巴
陳凱琳一家自小居於九龍塘玉蘭路獨立屋， 5歲移民加拿大，直至最近大學畢業回港參加港姐才回歸豪華大宅。雖然凱琳之前交代過該屋屬祖屋，但陳父陳桂祥原來財技了得，由 96年至 08年間狂炒父親陳鴻鈞生前購入的商鋪，賺近 5千萬。雖然陳父身家億億聲，但為人十分低調。週日（ 1日）入場撐愛女，亦只係搭無綫接駁巴士到場，絕對唔愛炫富；而陳凱琳亦生活平民最愛食麥當勞快餐。知情者說：「其實好少人知佢家底，平時同工作人員食 canteen，走嗰陣都係一齊搭廠巴。」
陳凱琳家住超豪宅，決賽當日更被司儀阿叻攞嚟於答問環節借題發揮。好彩陳凱琳亦答得大體，「我屋企人唔係非常富貴，但係心中富有，住得好開心。」
陳父持 1.5億物業
陳凱琳謙稱家族只屬「中產」，而且現居的九龍塘獨立屋只屬祖父母物業。陳父早前接受訪問便說由於自己是父親遺產繼承人，所以現在只是繼承父親物業。本刊翻查田土廳資料，發現陳凱琳祖父陳鴻鈞及祖母自 50年代開始已投資商鋪，陳鴻鈞於 87年過身後，生前持有的物業業權便由陳凱琳父陳桂祥及另一陳姓女子（估計是陳桂祥姊妹）持有。而陳桂祥自 96年開始陸續把手上持有的商鋪出售套現，累積已賺近半億，而陳父現持有的物業市值亦達 1.5億元。如果咁都算中產，香港大部分人係赤貧喎！
現居玉蘭路
陳父擁 Shell油站？
陳父亦向本刊透露「退休」前曾從事油站代理生意。根據資料顯示，陳父及疑似其姊妹持有的「 Tai lee No. 3 Co., Ltd.」曾報地址位於旺角的 Shell油站。而本刊亦查到於 88年間，陳父繼承的佐敦道 36號物業曾轉按給 Shell Hong Kong Ltd.，金額達 24億 5千萬。不過 Shell的股東資料並沒顯示跟陳父有關。挾廿幾億身家選港姐，仲要靚爆鏡，唔贏就假啦！
陳父：「都係屋企留落嚟！」
唔夠六十歲就退休唔使做嘅陳父唔只低調，原來同 Shell「蜆殼」石油亦關係密切。早於 88年，當時陳父把佐敦道 36號物業轉按予蜆殼石油公司，套現 24億 5千萬，明顯跟蜆殼石油公司關係密切。週日（ 1日）陳父到電視城見證愛女奪冠，本刊問他從事什麼工作，陳父謙虛回應：「我以前係做油站代理生意嘅！（咁係邊間？）呢層我就唔方便講喇，唔好意思。（依 家靠收租生活？）哈哈！都係嗰啲啦！其實好多都係屋企留落嚟，我兩公婆依家都退休喇，第時靠個女同個仔（陳凱琳孖生細佬）喇，哈哈……」而陳凱琳對於出身 大富之家亦扮懵，她說：「我其實唔清楚屋企嘅生意，我只係知 daddy媽咪畀咗個好幸褔嘅家庭我。」
2/9下令增肥
陳凱琳於週一開始不斷出席得獎活動。據知無綫高層已下令叫佢要極速增肥。陳凱琳真係要食多啲先得。
陳凱琳天生瘦底，決賽當日依然係 87.2磅，雖然冇乜事業綫，但勝在上鏡啱啱好！
無綫今年首次半公投，更公開票數增加透明度，結果更凸顯陳凱琳以壓倒性得分奪冠。
選美期間，陳凱琳被指整容，她除咗否認，更喺 TVB blog公開自己多張童年照以證明，由細到大個樣都係鬼鬼哋。
「最上鏡小姐」則由另一班 TVB新紮男藝員，如梁烈唯、鄭俊弘等做評判即場投票選出，由於屬新形式，評判之一嘅陳展鵬就懵盛盛唔識按平板電腦，最後被台上嘅星級選民曾志偉猛咁催，搞到「煎 Pang」鬼咁尷尬。他說：「我識用，但真係按唔到喎，可能隻手凍呀！」
嘉欣BB爛面
今屆請咗 04年國際華裔小姐冠軍鍾嘉欣同 chok王林峯一齊做評判，近排忙完開演唱會同拍劇嘅嘉欣 BB，雖然清減咗，但近睇額頭同兩條眉毛中間爆晒瘡，慘變爆瘡 BB。嘉欣表示：「我呢輪要開《飛虎》，因為之前開 concert；依家要補拍番晒，冇時間瞓就會咁！」
寸嘴亞軍蔡思貝飛德國男友
富貴冠軍陳凱琳樣靚又得民心，其實亞軍蔡思貝亦甚得巴打支持，於決賽當晚蔡思貝爽朗性格表露無遺，除了話歐陽巧瑩「假」外，早前亦暗寸冠軍陳凱琳成日要化妝先見得人「冇意思」。據知蔡思貝跟陳凱琳關係唔錯，並冇因此反面。對於敗給陳凱琳，蔡思貝講明冇 hard feeling：「 Grace（陳）係實至名歸，佢對答係好過我，但我攞到亞軍已好開心喇！」
留學德國，家住杏花邨的蔡思貝性格爽直，但選美前就忽然跟東歐立陶宛籍男友分手，更剷走個人 facebook帳戶，包括之前同男友影落的密照亦人間蒸發。問蔡思貝是不是為參選而被迫跟男友分手，蔡思貝由爽快變耍太極：「我同佢係分咗手，係和平分 手嗰隻，至於細節我就唔講喇！」
化咗妝先見得人好似冇乜意思！（真實對白）
蔡思貝雖然最後得亞軍，但同冠軍陳凱琳關係友好，亦承認自己表現唔夠陳突出。
蔡思貝父親為警察亦係游泳健將，身形亦同蔡思貝一樣身材高大健康。蔡現跟同父母居於杏花邨，屬小康之家。
蔡思貝為人率直，決賽當晚被阿叻問邊個佳麗最假，她直言好友歐陽巧瑩最假。雖然佢解釋因歐陽巧瑩「扮嘢」最叻，所以假，但佢講起嚟語氣好重， get唔到以為佢堅寸對方。
蔡思貝（Sisley）性格不拘小節，參選初期 facebook仍然公開， po咗唔少前年佢同男友 Deividas嘅甜蜜照。 Sisley話：「我冇咩唔見得人！點解要刪除？」不過本週一記者再嘗試找 Sisley fb，帳戶忽然人間蒸發。
網上圖片
網上圖片
蔡思貝同立陶宛前男友Deividas拍拖兩年多，不時攬埋一嚿好煙韌。網上圖片
季軍劉佩玥都有米
季軍劉佩玥（ Moon）在觀眾投票初期，落後畀劉溫馨，最終卻後來居上奪季軍。參加港姐前，劉佩玥曾簽約施念慈旗下做模。喺浸大傳理系畢業嘅 Moon，做過空姐，雖然被指愛揀有錢男友，但劉佩玥原來都係有錢女，喺準決賽時已表示屋企面積近千呎，屋企有工人。而據知佢同父母居於南區豪宅紅山半 島，這名牌屋苑面積 1,300呎至 3,000呎不等，又係富貴港姐。
港姐陈凯琳起底 “铺王”爸爸身家逾亿
陳爸爸系“舖王”？港姐冠軍陳凱琳：都係做小生意應屆港姐冠軍陳凱琳（Grace）、亞軍蔡思貝、季軍劉佩玥及友誼小姐歐陽巧瑩等，今日出席收視報捷活動，港姐決賽當晚最高收視達33點（約212萬人），而平均收視高達29點（約180萬人），系近年港姐收視比較好嘅一屆。Grace以一襲火紅低胸裝到場，性感大方，講到當選後即被大起底，有傳陳爸爸身家豐厚，更有“舖王”稱號，Grace話：“都係做小生意，自己覺得生活開心舒服最重要，店鋪方面我唔了解，爹哋工作方面我向來冇理，大家畀少少私隱佢，資產方面亦都唔清楚。”Grace話有心理準備被起底，但希望大家盡量不要騷擾其家人，佢話：“其實嫲嫲有啲驚，佢會有少少介意。”
陳凱琳話冇理會爸爸工作方面。
冠軍陳凱琳及亞軍蔡思貝。
左起：季軍劉佩玥﹑冠軍陳凱琳﹑亞軍蔡思貝及友誼小姐歐陽巧瑩。
有传陈父系铺王，陈凯琳就话父亲做小生意。（资料图片）
（資料圖片）曾志偉評港姐不宜從政陳凱琳：政治係要小心講港姐冠軍陳凱琳（Grace）當選後即公開力撐普選，深得外界歡心，不過Grace當日訪問片段，無線六點半新聞時段被抽起冇播到，而㖊日曾志偉亦話覺得港姐唔應該講政治，Grace又點睇返件事呢？佢話：“政治係要小心講，自己要好關心同留意，我都唔會唔開心，而且我都主要係講香港小姐選民嘅投票，覺得呢個方法好好，大家都好開心值得去鼓勵。”另外，講到志偉表示若以往年星級評審選舉，亞軍蔡思貝勝算會較高，Grace話：“觀眾同評判都好公平，自己今次表現好好。”同場嘅亞軍蔡思貝，亦覺得Grace贏面較自己大，問到佢係咪輸得甘心？佢話：“唔會用甘心，係明確嘅賽果。”
陳凱琳表示自己好關心同留意政治。
亞軍蔡思貝認為港姐三甲賽果係明確。
季軍劉佩玥
友誼小姐歐陽巧瑩
呢位年僅22歲嘅靚女，身高5呎4吋，但就得87.2磅。嗱，大家千祈唔好以為陳爸爸無俾飽飯佢食㖞！喺記者明查暗訪之下，發現陳凱琳出身原來非常富貴，家住九龍塘過億獨立屋，阿爸仲有大量現金同幾個物業揸手，系名副其實嘅千金大小姐。不過咁，之前有傳陳凱琳系俾養父湊大，記者就特登揾陳爸爸傾咗幾句。估唔到佢好 nice，有問必答。記者再問陳爸爸係咪有樓又有舖？在旁嘅陳媽媽想阻止佢答，但陳爸爸就大方承認：“獨立屋系我哋嘅祖屋，我係遺產執行人，而地舖係屬於公司。（傳聞凱琳系養父湊大㖞？）之前報導話凱琳有養父，可能係囡囡試過喺荷里活廣場活動，話自己住𠮶度附近而俾人誤會（有另一個家）。我絕對系佢親生爹哋！”陳凱琳有個咁有米又咁緊張佢嘅爸爸，唔怪之得愈戰愈勇，9月1日決賽，勇奪冠軍啦。日前，陳凱琳完成港姐訓練，陳爸爸開門迎接愛女，幫手攞袋。相信送凱琳返屋企嘅20號陳偉琪一定好鬼羨慕！
有阿爸撑！ Sure Win！（设计对白）
九龍塘過億大宅
陳凱琳家住九龍塘獨立屋，保守估計大宅連花園過5千呎！不過佢5歲就移居加拿大，係呢一年返嚟選港姐先開始入住。
旺角舖 2千万
陳爸爸喺97前賣咗手上唔少物業，成功避過金融風暴，套現咗6千幾萬。依家手頭上仲有幾個單位同地舖收租，淨系圖中呢個旺角舖位市值已過2千萬。隱形富爸爸
週二（ 27日）陳爸爸送陳媽媽去觀塘街市，媽咪姐上前同佢傾咗一陣。陳爸爸身家豐厚，對答有禮，明顯係有教養嘅人。當日陳媽媽由陳爸爸接載，拎咗大袋衫去觀塘一間基督教服務站，捐俾有需要嘅人。佢仲同媽咪姐講，一家都係基督徒。
17号陈凯琳面长鼻高下巴尖，有啲鬼鬼哋，俾人话系“嫩版李嘉欣”。不过有传佢喺加拿大读大学（ Simon Fraser University传理系毕业）𠮶时整容，佢就即刻 post张童年相上网反击。咦，又真系 3岁定 80㖞！
正版李嘉欣
愈食愈瘦
5呎 4吋嘅陈凯琳，天生瘦底，之前最重只系去到 95磅！依家得八十几磅嘅佢，选港姐期间，不断丧食，完全冇影响佢苗条嘅身材。
日前陳凱琳出席港姐活動一樣無避忌，猛咁擺嘢入口。你睇，唔敢多食嘅16號徐韶蓓就睇到眼定定。
準決賽時，離罩嘅17號陳凱琳同巨躉19號蕭穎詩同樣被指身材輸蝕。不過蕭慘啲，被指肥過陳30磅，返到後台即時爆喊。但陳凱琳就話覺得自己身材幾好，“起碼夠瘦！”
Well，點都好，觀眾眼光最雪亮！連日來，有唔少妹妹仔喺電視城門口等同陳凱琳合照，佢亦笑曬任影，狂儲fans。
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言