全日睇醫生
上月中， Winnie湊住體弱的天心去金鐘做物理治療。外表看來，天心體形雖較一般同齡小孩細小，但不失精靈可愛。
鋪路分彤叔家產 鄭志恒逼私生女驗 DNA
鄭裕彤愛孫鄭志恒，自從與女商人張穎玉（ Winnie）誕下私生女鄭天心（ Mianne）後，最近雙方為每個月二十萬的贍養費鬧上法庭，原本鄭志恒對事件表現強硬，拒絕對兩母女負責任，但據知，中風後的彤叔因健康欠佳，鄭家子孫開始為分身家一事各出奇謀，而彤叔早已得悉有個曾孫女，曾表明只要是鄭家血脈，無論男或女，都有權享有家族資產。睇錢份上，鄭志恒於是逼女兒驗 DNA確定身份，大條道理分多份身家。
鬧上家事法庭
現任新世界發展執行董事及周大福集團董事的鄭志恒，與前度女友 Winnie就贍養費一事一直爭持不下，最終「一家三口」要為錢鬧上法庭。
「二十萬一個月都唔係多，唔明點解要搞到上法庭咁煩， Winnie為咗醫個女使咗好多錢，想鄭志恒負番啲責任一人一半，但佢唔信用咗咁多錢，大家各執一詞，兩個已經冇再見面，而家唯有等個官判。」知情人士透露。
二人的私生女 Mianne已差不多兩歲，與爸爸只有幾面之緣，過往鄭志恒對女兒一直不聞不問，但據悉最近其態度有所改變，在贍養費案開審前，竟安排女兒驗 DNA。
鄭志恒是彤叔疼錫的長孫。據悉只要肯定他的私生女屬鄭家血脈，彤叔的億萬身家她也可分一杯羮。
18/6 見社工
當日 Winnie到北角社會福利署見社工，為七月中跟天心父親鄭志恒因贍養費鬧上家事法庭的事前功夫。
19/6 搵樓
湊完女返 playgroup的 Winnie，到地產公司睇盤。據知一年來獨力養女的她，為省錢將計劃大屋搬細屋。而當日天心手執的是為父親節做的領呔勞作。
「 Winnie以為要求個女驗 DNA，係爭取贍養費嘅法律要求，連身邊朋友都以為佢有番啲良心，但原來一切都係為自己。因為彤叔一直只知鄭志恒同韓國女友 Nam有個私生子，後來睇報導知道多咗個曾孫女，佢開到口講唔理係男定係女，只要係鄭家血脈，就係自己人，鄭志恒知道後就突然提出要個女驗 DNA，等分身家嘅時候可以分多份。」知情者說。
不足月的天心，出世時只得 1.8磅，體積只得成年人一隻半手掌長度，非常細小虛弱。
只得歲半的天心，以遊戲形式做物理治療，醫治不協調的四肢。
之後 Winnie抱住愛女到北角睇中醫。當日她花兩萬蚊買了供天心食用十八日的冬蟲草。據知黎姿當日誕孖女時，因細孖輕磅體弱，靠食冬蟲草增強體質，故之後她向 Winnie教路。
Winnie上車前將一袋冬蟲草交給司機。天心單是這項補品，一個月已經要花四萬元，養女皮費重，故向年薪九百多萬的鄭志恒索每月廿萬贍養費。
日日食冬蟲草
單親媽媽的 Winnie，湊女工作從不假手於人，除了帶 Mianne返 playgroup外，還帶她到位於金鐘的兒童專科做物理治療。「因為小朋友早產，又瞓咗幾個月保溫氧氣箱，身體機能唔係咁好，手腳活動比較慢，所以要帶佢睇專科做物理治療。」知情人說。
除了物理治療，本刊更發現 Winnie帶女兒去位元堂睇中醫，買下二萬三千八百元的冬蟲草，只見醫師向 Winnie說：「要跟足處方食，呢度啲蟲草係十八日分量，每天都要食，身體機能先會提升。」
睇醫生中西合璧，翌日 Winnie由司機接送，忙着帶女兒到屋企附近的社會福利署，據知她是為了上庭一事被安排見社工，「 Winnie自從生咗個女之後都冇蒲過頭，只係聽講佢唔開心，因為醫個女使咗好多錢，已經無乜錢剩。」知情人士透露。
早產四個月有多的天心在瑪嘉烈醫院出世。之後院方跟 Winnie合力幫天心出了一本記錄她成長的書，用以鼓勵早產的母親堅強面對。
搵屋搬住平啲
全職湊女的 Winnie，早前送女兒上學後，便獨自到地產店鋪，了解學校附近一帶的租盤情況。
「每個月食冬蟲草都要幾萬蚊，加埋物理治療、學費、請工人，樣樣都係錢，每個月開支十幾萬，其實個女出世頭半年嘅醫藥費仲勁，搞到 Winnie嘅積蓄都用得七七八八，加上個女黐身， Winnie想出嚟打工搵錢都唔得，啲錢有出冇入，所以聽聞佢搵緊屋搬，想住平啲喎。」知情者說。
兩年前，鄭志恒的韓籍正印 Nam因揭發他有「婚外情」而割脈自殺。自此男的修心養性，重回妻兒身邊。
鄭志恒自小在破碎家庭成長，一直跟父親鄭家成及爺爺彤叔同住。
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言