愈插愈自大
無綫《求愛大作戰》播出後，參加成員陸續出事！ Rocky被爆捲入強姦案風波、監生霸住《求愛》男 Justin的內地極品 Vivien巴辣自大，睇到網民眼火爆，是繼綠魔 Karl及白馬 Vincent後，另一個《求愛》公敵。身在深圳避風頭的 Vivien，不但懶理網民圍插，還理直氣壯向港男發出「超標」宣言：「我有樣有身材有家底o架！」
我好索！（設計對白）
致電肥佬黎
在峇里拍攝時， Vivien一時興起，嘟嘴??身倒奶，加埋勝利手勢，攞你命。
自稱氣質與內涵兼備的極品 Vivien，連日來不斷遭網民圍插「豬扒扮上菜」，與白馬 Vincent雙雙成為眾矢之的，但兩人不約而同玩龜縮，不單缺席上週五《求愛》宣傳飯局，連節目所搞的私人聚會亦無影。
「 Vivien話俾父母鬧到飛起，為咗個節目，唔單只俾網民插，仲連累老豆老母俾人起底好麻煩。佢爸爸係深圳公安高層，有啲嘢比較敏感。」知情者說。
日前本刊聯絡身在深圳的 Vivien，雖然俾人插到成身箭，但自大本色卻有增無減。
「我搵咗個大佬打咗俾肥佬黎（黎智英），佢知唔可以再寫衰我！」先擺下馬威，再為自己平反。
「我人格冇問題?！我冇蝦 Whitney，我仲當佢係細妹咁看待。」
不過，本週一《求愛》卻播出她與 Sharon為爭酒店房，夾攻蝦到 Whitney喊，連夾在中間的 Carol也看不過眼，公開數 Vivien經常冷言恰 Whitney。
Sharon犯規
據悉節目開拍前要求應徵的「求愛女」全屬單身，但事後 Sharon被發現犯規隱瞞已有男友事實，指她參加為搏出位，助其 model副業。
由香港到峇里， Vivien因強霸 Justin惹人反感。
前言不對後語
成為《求愛》箭靶，有否後悔參加節目？ Vivien繼續自信十足。「有網友話我有樣有身材有家底！」之後，更死撐話完全睇唔到外間有負面評論。自我感覺甲級良好， Vivien其實非常享受成為焦點人物。「成為《求愛》焦點幾好呀！有反應總好過做路人甲。我唯一唔好係拍拖經驗少，追 Justin衰在急進，令人誤會我，我其實唔鍾意同人爭。」
口心不一的 Vivien，日前卻在節目說誰跟她爭 Justin，她也會用盡方法手段將「第三者」踢走，甚至會「兜巴星」大打出手，相當狼死！
Mandy介入爭 Justin
加拿大竹升，在內地經營紅酒生意的 Justin一直被《求愛》女視為筍盤。有指同 Mia前夫拍拖的 Whitney都嗒佢糖，而 Carol同舊盛女 Mandy更為 Justin爭風呷醋。問 Justin想揀邊個，佢話：「兩個女仔仲係了解階段， I don’t know！」
自從《求愛》成員 Vincent同 Vivien成網民 V煞圍插後，二人都龜縮缺席宣傳聚會。
成員中阿佳學歷最高。他當日唸 band 5中學到赴英攻讀博士的奮鬥故事，上過報紙。
有指她在母親安排下於內地石油公司任職秘書。
自命有氣質的 Vivien影唔少私相，其中呢張美人魚造型，攞膽！
故意扮輸
《求愛》 Rocky爆出曾捲入強姦案風波後，他即在評判之一的陳定邦公司舉行記者會交代事件。
可惜神女有心，襄王無夢， Vivien向 Justin求愛失敗。對心目中男神近日跟 Carol愈行愈埋，她會否戥二人高興， Vivien敷衍多於祝福。「咁恭喜佢囉！佢終於溝到女。不過我都有人追緊。（係？對方點?？）我結婚就會話你知！」
據悉今個星期 Vivien再有新「傑作」，終於在峇里龍目島如願，跟 Justin配對玩騎膊馬爬樹遊戲，眾女按照規定從後騎在男生肩膊，唯獨 Vivien忽然改變體位，騎在 Justin面前，下體對正男神塊面，當眾請食「鮑魚」。
由於遊戲落敗男女會被安排在荒島獨對， Vivien對此非常雀躍，但一眾《求愛》男擔心 Justin要同極品到荒島受難，於是成員阿佳故意玩輸，幫好兄弟逃過一劫，壞 Vivien好事。
今晚播最後一集的無綫真人騷《求愛大作戰》是非多籮籮，繼日前Vivien由正面向Justin騎膊馬超重口味後，形象負面的Vivien昨爆大鑊，力數《求愛》造假！她一早認識Justin，但被無綫力阻向外透露，又稱為提高收視而做戲示愛。自認豬嘜的她哭訴遭無綫擺上枱：「呢班唔係一班好人。」
連日來《求愛大作戰》中，盛女Vivien為求爭奪Justin而出盡法寶，醜行表露無遺，大前晚一集中，她竟要求正面對住Justin騎膊馬，令下體對正男方的面龐，加上被指大話精向外聲稱自己與Justin拍拖，結果遭網民喪插！Vivien不忿被鬧爆及被一班盛男夾計玩殘，前晚主動聯絡記者為自己辯護：「我跟本冇鍾意Justin，我話父母讚佢係假，父母見完佢都反對我哋發展，佢哋班男仔我一個都唔吼，我另有男友。」為何所言跟幕前相反？她說：「我好戲囉，好多係導師鼓勵我講，接拍節目我簽咗份協議，無論點都要拍到底，我承認為交戲玩大咗，當初我係貪慕虛榮，想借呢個節目提升知名度。你哋可以寫我係豬嘜又幼稚。」
■Vivien不忿被無綫擺上枱，前晚透過微信大爆一切是個局。
「啲遊戲好變態」
Vivien直斥龍目島的遊戲令人難堪尷尬，她續說：「啲遊戲好變態、好無聊、好低俗，我只不過應承同佢（Justin）做螢幕情侶，佢哋利用咗我嘅善良，我唔介意佢哋背後講我，佢哋知道收視唔得，所以利用我繼續炒作，全程有人攻心計，我發誓我唔係咁！人在造、天在看，正因為咁我拒絕出席佢哋呢輪任何活動。」
據知，Vivien稱曾要求無綫不要出騎膊馬片段，記者昨日再致電Vivien時，她直認不諱：「係呀。我係同人生教練講，人生教練同TVB講。好彩有幾個朋友撐住我，如果唔係我一早死咗。佢哋真係太過份！」誰太過份？她說：「TVB囉。」講到當日正面騎膊馬，她解釋：「喺後面騎上去，我畏高會驚，成個人撻落嚟咪有生命危險？我話可唔可以正面爬上去好啲？起碼我可以叉住你膊頭，佢（Justin）話唔得，咁即係要我硬食，佢人品有問題。雖然我哋私底下識咗幾年，但佢唔理我感受，所以我從此好少參加佢哋個party，想遠離呢班人，呢班唔係一班好人。」她自爆一早由朋友介紹認識Justin，但無綫要求她不要向外透露。
「俾人玩咗一鑊」
Vivien忍不住飲泣：「佢哋有心玩我同Sharon，到（龍目島）第三日我真係唔想玩……我喺間房度話要退出，喊晒，佢哋話個騷會爛尾，唔知TVB會點整你，TVB啲高層好小器㗎！我覺得俾人玩咗一鑊，我諗住做螢幕情侶，點解咁認真啫？為咗營造效果，我梗係要做啲嘢㗎啦。」她指Justin曾與自己父母見面，並送上小禮物給母親。是否後悔參加節目？她說：「幾後悔，但學到嘢囉。我冇害人啫，起碼我心地善良，唔用計謀。」對於Vivien的指控，《求愛》編導岑應昨回應說：「佢情緒比較激動，佢有講過要告介紹佢參加呢個比賽嘅人。」對於節目被指造假，岑應說：「冇得假，我哋如實報道。」
採訪：比華利
 ■《求愛大作戰》前晚拉隊到旺角食雞煲，但Vivien與Justin均未有出現。 |
 ■Justin不但與其他盛男夾計玩Vivien，還在前晚節目中數臭女方。 電視圖片 |
QR code this page
免責聲明. 本網站所載資料只供一般參考之用。我們會竭力提供一個方便、實用而且資料豐富的網站，並確保一般的資料準確無誤。但並不對該等資料的準確性作出任何明示或隱含的保證。
沒有留言:
張貼留言