Vincent踩女金句：港女係矮冬瓜！啲港女好寸。佢哋唔夠姣，唔夠索。
探熱針
《求愛大作戰》男睇唔過眼 圍插港女頭敵 Vincent
真人騷掛帥的《求愛大作戰》，上週出街後率先彈出公乸難分的「綠魔」教練 Karl，其後各《求愛》男女陸續被起底，肌男 Rocky曾涉強姦、極品 Sharon私相大公開，但風頭始終唔及對港女恨之入骨的白馬王子 Vincent。
又要嚟求愛，又要鬧港女，冇品言論不單辣㷫網民，其餘《求愛大作戰》猛男亦決定幫理不幫親，群插虛有其表的 Vincent，港男之恥！
又要嚟求愛，又要鬧港女，冇品言論不單辣㷫網民，其餘《求愛大作戰》猛男亦決定幫理不幫親，群插虛有其表的 Vincent，港男之恥！
衰咗死撐
自命「英國紳士」，任職獵頭公司高層的 Vincent，因被臥底成員 Chris設 K局偷拍氹講真話，所有踩港女、彈港男的臭口論，令他由白馬王子變瘟神。為補鑊， Vincent自稱被要求做「奸角」，一切言論並非個人睇法，暗示無綫造假以圖卸膊。
據知，拍攝時一班《求愛大作戰》男聽完 Vincent的偉論後，均表現反感；其中 Rocky同 Cyrus，更嬲到當場爆粗。其實在節目出街前，編導岑應已將偷拍事件告知 Vincent，但當時有人覺得自己無問題，未有要求刪剪片段。直至上週五（十四日）內容出街，辣㷫網民， Vincent才以被迫「造假」為藉口。
據知，拍攝時一班《求愛大作戰》男聽完 Vincent的偉論後，均表現反感；其中 Rocky同 Cyrus，更嬲到當場爆粗。其實在節目出街前，編導岑應已將偷拍事件告知 Vincent，但當時有人覺得自己無問題，未有要求刪剪片段。直至上週五（十四日）內容出街，辣㷫網民， Vincent才以被迫「造假」為藉口。
佳：佢份人有問題
佢成日打俾我哋傾偈，但內容都係彈港女，又鍾意抬高自己，好無聊。我覺得佢份人好有問題，所以之後同佢無乜兩句。
Chris：有錯就要認
Vincent講過想出位，所以鏡頭前後踩到港女咁盡，都係想達成自己目的。佢態度係有問題，有錯咪認囉，做乜要死撐！
Rocky：我都忍唔住
佢咁大個人，講過乜就要負責。當初佢不停喺我哋面前話港女幾唔掂，我忍唔住鬧佢：『咁唔 like咪走囉！』今日為自保就屈節目造假，對佢好失望。
評判陳定邦：佢自大到爆
班仔有話俾我聽， Vincent成日當港女係曱甴咁踩。成班評判知佢份人自大到爆，所以趁佢 out出局教訓吓佢，叫佢咪自以為 blue blood，咁樣鬧已經好留情。
雷曼咭片當獎牌
白馬 Vincent變卸膊瘟神，一班《求愛大作戰》男亦逐一踢爆 Vincent大話兼冇品。 Vincent萬箭穿心，亦試過在《求愛大作戰》男面前亂 show off，有指他將曾在害人輸身家的「雷曼兄弟」撈過之往績，當作風光史炫耀！
「 Vincent依家明明喺獵頭公司打工，但我哋第一次見面，佢居然派張執咗笠幾年嘅雷曼兄弟咭片自我介紹。邊有人派過期咭片㗎！佢成日袋住雷曼咭片當獎牌咁騷俾人睇，有自信嘅就唔需要咁做，或者佢覺得响雷曼打過工，好威啩！」《求愛大作戰》成員 Cyrus說。
「 Vincent依家明明喺獵頭公司打工，但我哋第一次見面，佢居然派張執咗笠幾年嘅雷曼兄弟咭片自我介紹。邊有人派過期咭片㗎！佢成日袋住雷曼咭片當獎牌咁騷俾人睇，有自信嘅就唔需要咁做，或者佢覺得响雷曼打過工，好威啩！」《求愛大作戰》成員 Cyrus說。
討厭港女愛鬼妹的 Vincent將在節目爆：「我以前啲女又 cuten又姣。」之前在派對上更力溝混血模 Jessica C.
Justin同 Vivien對質
《求愛大作戰》盛女中，巴渣充富二代的極品 Vivien，為獨霸竹升 Justin，背後向班《求愛大作戰》男放流料，指她已跟 Justin私下發展到見家長，目的為踢走對手 Whitney。豈料兄弟團個個走去恭喜 Justin，令 Vivien東窗事發。不甘食死貓的 Justin，選擇飯局拍攝中途，當住鏡頭同 Vivien對質，即場揭穿對方陰謀， Vivien𤓓到爆。
索女 Whitney食 Mia前夫
斯文，白淨的 Whitney，是《求愛大作戰》盛女中最索一個，因此成為 Sharon同 Vivien眼中釘。 Whitney在峇里島最終揀了「我很醜但我很溫柔」的 Rocky發展。據知節目拍罷後二人曾拍拖一段短時間，後因性格不合分手， Whitney極速與模媽 Mia前夫拍拖。
Mia跟前夫育有一對子女，離婚後由 Mia照顧。對於前夫跟 Whitney拍拖， Mia說：「我唔知喎！好耐冇見，佢間唔中有見吓啲仔女。」
在峇里島玩配對時， Whitney同 Rocky撻着。
節目出街首週，做網購的 Whitney警覺性甚高，在九龍塘跟客人交收訂購物品時，派出男友、 Mia前夫莊先生代勞，自己則躲在轉角位，用短訊遙控。
交收完，二人由又一城手拖手行返去石硤尾公屋，男方更忍唔住向 Whitney攬腰摸 pat。
孖妹樣
Whitney跟外貌變幻無常的 Mia有幾分相似， Mia前夫似乎對尖下巴，間尺鼻女仔情有獨鍾。
Mia
Whitney
爆粗版足本播
Vincent踩港女，唔只發表「矮冬瓜」論咁簡單，本週《求愛大作戰》內容將會對港女終極一插。「佢話自己過往只同外籍女仔拍拖，鬧港女唔夠鬼妹索，唔及日本妹姣，唔夠台灣妹溫柔，憑咩咁寸？仲話參加呢個節目，係想俾機會班港女埋佢身，見識咩叫好嘢。」知情者說。
據知呢幕 K局「偷拍版」，除了粗口滿場飛，仲有 Chris帶來的三名美女，成功勾起《求愛大作戰》男猴擒真我本色。由於電視尺度問題，經刪剪後難以原汁原味，《求愛》正向無綫爭取，在網上播放爆粗足本版，為節目製造更多城中話題。
據知呢幕 K局「偷拍版」，除了粗口滿場飛，仲有 Chris帶來的三名美女，成功勾起《求愛大作戰》男猴擒真我本色。由於電視尺度問題，經刪剪後難以原汁原味，《求愛》正向無綫爭取，在網上播放爆粗足本版，為節目製造更多城中話題。
猛料評判
一眾評判中，堪輿學家陳果齊之子，戴夢夢前未婚夫陳定邦，去年獲美國收視節目「 American model」邀請任評判，跟謝霆鋒齊齊改造美模。據知該節目在香港要找一個懂英語，好樣有品味的堪輿學家幫參賽 model睇相指點迷津，芸芸堪輿學家中，只得陳定邦一個具備以上條件。
冇鬚的他甚似黃浩然。
撰文、攝影：娛樂組
沒有留言:
張貼留言