Scroll Page | Stop Scrolling

Tweet

Pin it

Widgets

-->

Keyword:美容,生活,购物

於北角康宏理財返工， Rocky放工後會搭港鐵去鰂魚涌 Fitness First操肌。 

真面目 求愛大作戰

求愛大作戰 話題王　《求愛》盛男大追蹤　大隻 Rocky搞喊女

週一（ 10日）首播的真人騷節目《求愛大作戰》，由 8位唔同背景的港男做主角，力追 5位單身港女。
一班盛男中有富二代、博士生、夜場 DJ甚至處男，不乏有錢有學歷男士，不過當中最搶鏡的，則算係由二百幾磅大肥仔激減變大隻仔的 Rocky。早前本刊踢爆 Rocky BB勁多女埋身，上週六（ 8日）《求愛大作戰》記招舉行期間， Rocky BB竟然當眾搞喊疑似女友，事後仲由得對方喊住自己走。對女咁絕情， Rocky好難溝到女喎！

 

英國留學、任職康宏理財首席顧問的 29歲 Rocky，由大肥仔變成擁有 8嚿腹肌的大隻仔，而且表演慾超強，經常自動波騷肌冧女，又曾在 facebook讚自己身形拍得住張家輝！

操 fit後的 Rocky非常自戀，最近更將谷肌相放上 Instagram任人睇。 

記招上最多人撐場的 Rocky，連影大合照都有得企中間位。 

唔認有女

自稱現時冇拖拍 dry爆，生活十分規律，每日放工後健身。不過本刊發現 Rocky的 fb有大量攬女相，張張攬腰頭貼頭。
上週六（ 8日），《求愛大作戰》在尖沙咀舉行記招，有數十個朋友撐場的 Rocky，全場表現風騷，活動尾聲時， Rocky突然離開大隊行落台，與一名身穿背心短花裙的長髮索女傾密偈，但最離奇係長髮女竟然傾到喊，而 Rocky則一臉無奈，不斷安撫對方。當記者上前影相時， Rocky即望鏡變臉大笑，反而長髮女反應唔切，眼腫腫呆企。

疑似女友

長髮女扁晒嘴一副慘樣對住 Rocky，又不停用紙巾抹眼淚，而 Rocky就頭耷耷唔敢正眼望對方，唔通做錯嘢要解話？

'03肥腫難分

03年 Rocky仍然未減磅，幾摺肥膏相當嚇人！

'13fit爆踩車

上週三（ 5日）， Rocky獨自到鰂魚涌做 gym，一邊踩單車一邊㩒電話，好忙喎！

配對失敗

人緣唔錯的 Rocky，收工後不時約埋同事食飯吹水，不過全男班齋咗啲喎！ 

可憐長髮女喊到要企埋暗角位飲泣，之後更傷心到撇甩其他朋友走先。記者上前試圖與她傾偈，但她先怒睥鏡頭，再極速跑離現場。反而 Rocky表現比唔少明星冷靜，主動向記者交代，「我同佢係朋友咋，我都唔知佢點解喊，總之佢唔係我女朋友啦！（係唔係識咗《求愛大作戰》入面做配對嘅女友，搞到女朋友呷醋？）唔係，我𠵱家單身㗎！𠵱家同幾個女仔做咗好朋友，雖然配對失敗，但呢個節目令我將來追女仔更有自信！」一睇就知你自信爆燈啦！

Rocky拍片 sell自己

上年《盛女愛作戰》爆出，今年 TVB再次添食玩盛男，新節目《求愛大作戰》以真人騷形式進行， 8個唔同年齡唔同背景的港男要與 5名單身港女進行配對，而節目週一(10日)開始一連 3星期播出。
勁識冧女的大隻仔 Rocky，在記招上熊抱節目編導岑應，難怪可以由頭帶到尾，更成功殺入四強，可以豪飛峇里拍外景。為增加人氣與曝光， Rocky與另一位大隻參盛男、 31歲 I.T人 Cyrus搞了網站「 WECANDOIT.hk」，入面除了不停宣傳《求愛大作戰》外，兩人又拍片力谷私人「 after show」，呼籲觀眾睇完節目後上網站留言，更自爆會有盛男內幕！出咁多力撐自己，睇嚟佢兩個真係好想入行！

記招上主動抱起編導岑應（左圖），想唔帶 Rocky去峇里拍四強外景（右圖）都唔得啦！ 


Rocky（左）同 Cyrus（右）谷晒肌拍片叫人撐自己，可惜網站只得 3百幾人 like，少咗啲囉！

 

 Rocky從肥仔變筋肉人，自稱追求者眾。

無綫真人騷《求愛大作戰》參賽者臭史越揭越多，肌肉醜男Rocky（黃憲麟）更被踢爆四年前捲入一宗強姦案，日前當事人高調開記招，卻十問九唔答。 Rocky接受《爽報》專訪，刻意營造癡心情長劍的美好形象，自言過去只拍過三次拖，用情專一，並多次自稱好人。但Rocky同事爆料，指當事人曾經借醉 行兇，以戰狼300造型在女同事面前大跳艷舞，「話佢自己係好人？根本係講大話！」。記者：潘婉玲　攝影：胡智堅、鄧振權

Rocky的facebook除了自拍騷肌照，更多的是夜場攬女照，「我認我貪玩，如果除褲喺條街行唔犯法，我會做㗎！」縱橫夜場，卻自言從沒試過一夜 情，也沒嫖妓，「我分得好清㗎，你唔覺得錯㗎咩？」又說：「我道德觀念好重㗎，傷害唔到人，做乜都得。」
Rocky在訪問中佔盡道德高地，但早前有雜誌踢爆，他曾於2009年捲入一宗強姦案，請問道德觀念有幾重？「其實我真係冇嘢唔可以畀人知，都想佢（雜誌記者）打畀我，畀機會我澄清」。記者洗耳恭聽，「總之我冇案底，清者自清，我相信呢個世界係有真理」。
他 望穿秋水等待該雜誌打來，原來只想說一句「清者自清」，那跟「不作回應」有何分別？「分別係我有同你講嘢」。那雜誌引述一段短訊，有人自認強姦犯，是否出 自他本人？「我唔會認亦都唔否認！」語言偽術媲美梁振英，只欠一句「I don't have any comment on individual cases.」

Rocky的嗜好奇特，喜歡脫剩短褲跳艷舞。

Rocky曾是230磅的大肥仔。

日日做gym，例必自拍。

損形象累同事失生意

Rocky多次強調自己是好人，但他任職的康宏理財，有同事踢爆其另一秘聞：「舊年annual dinner，佢飲到醉晒，自動除晒啲衫，攬住啲唔識嘅女同事，話要自拍！」好戲在後頭，各同事唱K直落，Rocky情緒高漲，脫剩一條貼身熱褲，一身戰 狼300造型闖入隔離K房，在女同事面前扭動下身大跳艷舞。Rocky近日高調博出位，也累及幾名女同事失去生意，「個客問：『其實你哋嘅操守有冇問題？ 我要認真考慮吓你哋公司啲人嘅道德。』最後都冇簽到單」。
記者就上述指控向Rocky求證，他說：「呢啲我唔會回應，我亦唔需要回應，人哋點講係 人哋嘅事，我控制唔到。」但他承認公司已對他採取行動，「公司同我溝通過，send email notice（發電郵通知）咗我，所有嘢ok咗，警告？要有嘅action（行動）做咗，乜嘢action？我唔需要回應你嘅問題」。對於同事投訴 Rocky影響公司形象，康宏理財行政總裁馮雪心表示：「如果佢做唔到嘢，做錯嘢，會（開除）；但如果純粹因為佢最近咁高調，就唔會。」

Rocky自稱29年來只拍過三次拖，長則幾個月，短則兩星期，每次皆慘遭拋棄，初戀更不知對方有男友，自己淪為小王。「其實每一段，我都抱住唔排除做老 婆嘅心態一齊，唔使好長時間，我都可以好愛」。可有檢討被飛原因？「可能佢俾我外表呃咗，一齊咗發覺唔係呢回事。我外表係熊人，入面係女人，好扭擰」。

訪問期間飲紅酒不飲啤酒，只因怕肥。

Rocky聲稱目前已甚少夜蒲。

同事怒斥Rocky講大話扮好人。

Rocky對身材毫不吝嗇，隨時除衫騷肌。

2009年任職輔警期間，Rocky曾涉及強姦案。

孔子修身變瘦身　拒愛肥妹

由原本230磅的大肥仔，變身今天六嚿腹肌的大隻佬，原來因為受過打擊，「有一次搭巴士，上層滿晒，得我隔籬有個位，有個女仔行上嚟，我特登坐埋少少，佢 望到都返落去，我做錯啲乜嘢呢？」因此自卑？「肥仔心底裏都係自卑，嗰陣從來冇諗過追女仔，覺得完全唔關自己事」。
Rocky的起心肝減肥，但自言不為媾女，「我𠵱家九成唔係for外表，我for呢度（意志），做gym一啲都唔enjoy㗎！好辛苦㗎！但係我都日日 做。咁辛苦都做到，我仲有乜嘢做唔到？」自言近來有幾名異性向他示好，但他婉拒，「我唔係咁易鍾意人，我講feel，唔係身材好好我就鍾意」。
曾 經肥過，現在卻抗拒肥妹，「唔會（接受）囉！正所謂修身、齊家、治國、平天下」。記者還以為聽錯，孔子說的「修身」是指個人修養，而不是減肥，如果齊家治 國之前必須減肥，恐怕國家主席習近平要立刻下台。當下記者善意提醒Rocky，但他堅持己見：「外表都係（修身）其中之一㗎！」孔子作為萬世師表，奔走列 國，最終換來鼓吹減肥消脂的誤會，恐怕在天有靈也哭笑不得。
只怪孔子誤他半生，令他由肥變瘦，也由自卑變自大，急不及待跑上《求愛大作戰》展示身 段，「將自己最真嘅一面show畀人睇，了解到自己係乜嘢人！」即使如今無人不曉，他還是要與真人騷另一位參賽者Cyrus成立網站 WECANDOIT.hk，展示「修身」成果，「我唔係自戀，係好想分享我嘅故仔畀人聽，我肥嘅時候冇諗過自己𠵱家咁嘅樣」。

 

再溝 Cicibaby　最靚仔 Vincent深圳溝女

Rocky最大隻，至於 8位盛男中最靚仔嘅，就係高學歷、高薪厚職及高大身形過六呎的 Vincent，在節目中被封為「英國紳士」。他於英國長大及讀書，拍過 5、 6次拖的 Vincent 38歲，以前女友全是 ABC或外國人，不過回流香港 3年，做了多年 dry爆盛男的他，連口味都回歸東方。
本刊週日（ 9日）發現家住灣仔的 Vincent，下午一支公趕頭趕命咁由灣仔坐港鐵去深圳會展中心睇車展，不過見佢喺車展行咗一陣又坐深圳地鐵轉場去附近商場星巴克，冇耐就有兩個北方佳麗赴約，睇落兩女同 Vincent係第一次見，雖然開頭三人表現生疏，之後 Vincent表現健談兼風趣，仲叫兩女記住星期一睇《求愛大作戰》添，睇嚟 Vincent真係當自己明星咁 sell喎！

週日（ 9日）見 Vincent一個急急腳趕上深圳，原本以為係心急睇車展，點知車展只不過係前菜，之後約會兩位北方佳麗歎茶先係重點。 

北上花 50蚊人仔睇車展的 Vincent，全程𥄫女多過睇車，其間曾有 friend會合過，但佢最後都選擇「孤身走我路」。 

愛車的 Vincent在 facebook亦上載不少出席車展的相片，不過香車始終不敵美人關。

白 tee撐 Rocky、先撩 Kitty

穿上 Rocky有份搞嘅網站「 WE CAN DO IT」 tee，單拖 Vincent選擇坐 MTR北上，全程佢都係低頭族，用電話同「 Kitty」互動，唔知「 Kitty」最後有冇上深圳呢？

再溝 Cicibaby

之後去到車展， Vincent再同名叫 Cicibaby的女性朋友 WhatsApp，自爆節目講佢上北京溝北京妹，又自吹《求愛》有超過 200萬人睇，節目未出街已經好有信心。

Chris惹火女友爆做媒

同樣身形高大，在夜場做 DJ的 Chris則被視為「花花公子」，週六（ 8日）在《盛男》活動途中， 8位盛男只得 Chris風騷拖住惹火女入場，本刊問惹火女同 Chris係咪男女朋友，該女士就好怕醜咁話：「呢方面你問番佢（ Chris）啦，我哋識咗廿多年，都係岑應（節目監製）朋友！（ Chris參加《盛男》你唔呷醋咩？）佢最後都失敗咗啦！」
當日着住粉紅色衫勁搶眼的 Chris，同着住粉紅色緊身裙的疑似女友情侶裝出現，之後本刊問索女是否 Chris女友時，索女即忍唔住掩面大笑，並怕醜說：「你問番佢啦！」

Justin富二代 ABC

28歲最年輕的參賽者 Justin，是加拿大土生土長的 ABC，經營家庭洋酒生意，經常加拿大、中港三邊走，之前識親都係同聲同氣的 ABC，所以冇乜機會識港女， Justin拍拖都係以尋結婚對象為目標，都算有錢又專一嘅筍盤啦！

做洋酒生意的富二代 Justin，樣貌有幾分似鄧浩光，可惜身高只約 5呎 4，有啲輸蝕。 

做得富二代當然愛夜蒲，在 fb亦發現 Justin與《求愛》監製岑應（中）及盛女 Mandy（右二）聚會。 

整容狂 Queenie　豪做法拉鄰居

盛男個個自信十足，背後一班人生教練一樣夠搶鏡，例如今次在《求愛》擔任首席導師、教導盛男美容心得的陳莉敏（ Queenie）。她 95年參選港姐輸畀楊婉儀後，曾做過空姐及 model，其後加入 TVB8當主持，一直發展平平，直至 06年改做 blogger狂拍美容自學片，先在 OL界冒起，吸引大量美容粉絲。
已屆 40歲中女之列的 Queenie，五官好似公仔般標致，其實全部後天加工，難得她曾自爆全身上下整過超過 30次，加埋起碼用咗過百萬，係正式「整容狂」。而 Queenie曾獨居西貢清水灣的二千多萬獨立屋，本身有家底的 Queenie最近更搬到何文田半山壹號豪宅，與陳法拉做鄰居，超富貴。

買完面罩就搭的士返何文田半山壹號， Queenie一落車就巧遇鄰居陳法拉，兩人又攬又摸，仲傾咗一陣，而 Queenie嘅傭人就企埋一邊等主人吹水。 

上週六（ 8日） Queenie出席完《求》在尖沙咀的宣傳活動後，就急急腳自己走先，原來趕住去附近的藥品買「防油濺面罩」（小圖），究竟 Queenie係煮飯時用定係為美容？要佢自己先知喇。 

何文田半山壹號面積由千一呎起表，月租最平都要 3萬 5千。

呢個脹爆 pizza面係未經百萬豪裝的第 1代 Queenie，註明冇任何 PS過㗎！ 

Queenie自稱整容超過 30次，最近更將第 2次隆鼻手術後的情況拍片放上 YouTube。 

人生教練 Karl Hui男定女？

除 Queenie搶鏡外，首集面試團中人生教練 Karl Hui最爆，網友最關注「她」的衣着和性別，其實纖瘦的 Karl Hui 100%係男人，做過李蘊和林莉的形象指導。

Karl Hui許嘉浩外形大改造 

心理誘導追女仔曹佑謙 

相學及風水改運陳定邦 

Thomas黄金處男

一話係「處男」全場哄動， Thomas自稱後悔咁坦白，不過睇現場班女嘅反應，認處未必係壞事喎！ 

29歲自稱處男的新移民 Thomas，從未曾試過拍拖滋味，他自言係宅男一名，溝唔到女係因為冇自信，他在《求》的宣傳活動上，遭人取笑「處男」身世，他一臉尷尬用唔正的廣東話說：「覺得好後悔咁坦白。」溝唔到女啫，唔一定係可憐蟲嘅！

Guy IQ140準博士

同樣 29歲的 Guy，在一班盛男中學歷最勁，曾在中文大學擔任助理講師，現正於英國 King's College攻讀博士。華富邨出身的 Guy，曾為賺錢交學費而同時間做 3份兼職，搞到冇晒社交生活， 4年冇拖拍。


身為能源學專才， Guy成日周圍去，尤其經常要北上內地出席研討會，而佢喺 facebook內亦自嘲似阮兆祥添。

Rocky　最受歡迎

約 30歲　英國留學

身形健碩的 Rocky以前係肥仔一名， 07年的照片中見佢開始收身，肥腩變朱古力，現在是大隻有肉型，平日最愛出海攬女及夜蒲，唔只愛騷肌曬身形，仲與一班男性朋友露股大合照，更將露股照放在自家 fb版頭。玩得咁癲，難怪喺參賽者中最多女冧！網上圖片

真面目

淘汰賽　《盛男》玩不文　窮人冇份　大隻 Rocky超多女冧

TVB上年播出的《盛女愛作戰》，港女求愛真人騷大收旺場，雖然班港女唔多討好，節目又被評造馬，但 TVB已贏足話題，當時已講明會搞盛男版，等足成年終於有盛男版《求愛大作戰》，下月 10日出街。

《求愛》今次繼續由新聞部編導岑應操刀揸弗，今次更加碼玩淘汰制，最後由 8人 out剩 4人， 3月再拉隊到印尼峇里島拍足 10日，不過本刊發現今輯《求愛》參賽者，在 fb出現不文照，絕大部分參賽者在外國留學兼擁高薪厚職，窮人原來冇資格求愛。

去年《盛女》出街時， 5位參賽者連埋編導岑應（中），都成為市民談論焦點。

上 年《盛女愛作戰》是陳志雲離開 TVB前的「告別之作」，首播不久已錄得最高 29點收視，原本 10集的節目更即時添食，急加兩集加長版的《盛女駕到》，算 TVB近年少有的佳績。雖然《求愛大作戰》同樣冇公開招募盛男參賽，但岑應為免被指冇新意及造馬之嫌，故以全新玩法製作節目，《求愛》中的所有參賽者及評 判教練，一律要簽一份保密聲明，慎防內容外洩。

絕密拍攝

據 節目工作人員爆料：「編導唔想好似上次咁俾人話造馬，所以一班參賽者都係岑應同評判團啲朋友介紹，有啲係佢哋嘅蒲友、亦有少數透過婚介公司搵返嚟，之後都 要經 TVB試鏡，睇吓佢哋合唔合適， out走想靠節目出名嘅人，《求愛》都有參考內地的相睇節目，為咗求真亦加插一些街頭測試，睇吓途人對班盛男改造前後嘅反應。」

泳池露股(網上圖片)

多女埋身

據知在節目中與唔少港女發展的 Rocky，最後都蜜運成功，拍拖至今，不過女朋友並不是節目中的參賽者。網上圖片

操肌勁 fit

細個係肥仔一名的 Rocky，健身後減肥成功，自信增加不少，參賽期間亦孖住另一由瘦變大隻參賽者 Cyrus（右）健身，不過兩人似乎高度爭啲。

Out剩 4個

據 知入圍的 8位盛男，最後 out剩 4位同港女配對， TVB更大手筆飛去峇里拍攝，工作人員續說：「今次班盛男都會大改造，同其他港女相處及 dating，第一集班盛男仲唔只 8個添，但去到最後留番 4個最標青嘅繼續發展，去峇里目的係畀參賽者同女仔可長時間相處發展，其實最後冇話邊個贏輸，班盛男半年來都不斷有同女仔發展、約會，有啲無疾而終、有啲 就 keep到?家，所以冇分贏輸，不過其中 Rocky同 Cyrus係最受女仔歡迎，尤其 Rocky改造後勁多女冧！」

盛男節目神秘，但本刊卻在這班盛男的 fb內，發現他們的不文照，而在峇里拍攝期間，更有假 J出現，而且有份去峇里的四名盛男，全都是高薪厚職兼外國留學的高富族，窮仔想玩盛男？機會細過零啦！

Cyrus　玩假 J

近 30歲　澳洲留學

與 Rocky同樣大隻的 Cyrus走藝術家路線，受港女歡迎程度與 Rocky不相伯仲，在峇里拍攝時更與假陽具合照（圖），愛玩不文。網上圖片

Vincent　最自信

近 40歲　英國留學

在節目中，參賽者 Vincent奄尖挑剔似足上輯港女 Florence，又係參賽者中年紀最大、最後食白果的一位，他在 fb中亦轉載教人用震蛋的短片。網上圖片

Guy　最博學

約 30歲　英國留學

參賽者之一 Guy學歷達博士級，曾於本地大學任教，典型學園派盛男。網上圖片

雖然節目拍完，但一班盛男包括另一位參賽者 Justin，仍經常約埋節目編導岑應和配對女伴一齊開 party。網上圖片

峇里豪歎之旅

雖然今輯《求愛》最終只得 4名盛男有份去峇里拍決賽部分，但今次峇里之旅卻全程歎盡，除了可以有商務客位坐外，更可入住當地豪華度假村，最開心可能係成班攝製隊囉！

坐商務

除了有得住豪華 resort外，參賽者 Guy有得同參與節目配對的靚女一齊坐國泰商務客位，爽死囉！網上圖片

豪 resort(網上圖片)

全新盛男教練

去年《盛女》的「人生教練」 Winne及「兩性關係專家」 Santino被評亂吹，搞到節目收到 49宗投訴，今次換走曬上次的教練，用全新組合免重蹈覆轍。

Karl Hui

公關及形象指導

負責帶盛男出席公開場合，從中學習同人接觸及相處，此外亦負責幫盛男大改造。

陳定邦

風水師

負責相學及風水上的改變，以動作分析心理。

陳莉敏 Queenie

美容達人

整容無數的 Queenie教導盛男美容心得，幫助盛男改變形象及儀態。

曹𧙗謙

人生教練

上集有出現的他，取代 Santino及 Winnie擔任今輯「兩性專家」及「人生教練」，教導兩性相處及關係。

採訪、撰文：娛樂組
攝影：娛樂突發組