42歲筍盤陳豪上周二（6月11日）與陳茵媺在巴黎拉埋天窗，雙喜臨門的陳氏夫婦婚後第三天便分飛兩地。
陳豪返港搵奶粉錢，Aimee則繞路倫敦再返多倫多安胎。本刊在倫敦希斯路機場與Aimee進行獨家專訪，腹部微隆的Aimee雖疲態畢現但幸福滿
溢，透露短期內都不會接劇，難定歸期，安心待產湊B。加上陳豪早表明正搞生意鋪後路，而BB在加國有較佳的成長及學習環境，故相信Aimee生B後未必如
以往般活躍幕前。Aimee雖未肯透露在哪裏待產，但據知雙陳其實已選定多倫多一家A級產房、並由梁洛施的婦產名醫旋敬接生。
（第810期《東方新地》）
新婚後第三天，陳豪、陳茵媺於巴黎時間周四中午手拖手現身巴黎戴高樂機場，陳豪準備飛返港搵奶粉錢，為雜誌做訪問、拍廣告及出席商業活動；陳茵媺則獨自飛返多倫多安胎，Aimee身穿鬆身粉紅上衣、平底鞋，手挽毛毛外套遮掩腹部。
兜路飛返加 見肚疲態現
身懷豪B、獨自上路的Aimee，為避傳媒追訪，刻意棄搭直航機，鬼馬地先飛倫敦，再轉機返多倫多。倫敦時間下午2時20分，Aimee抵達希斯路 機場，以為已擺脫記者追訪的她，放鬆戒備，未有刻意遮肚，鬆身上衣下清晰可見腹部微隆。懷有身孕再加連日為婚事操勞，風塵僕僕，Aimee疲態畢現，提着 手袋過安全檢查時顯得有氣無力。之後直往BA99倫敦直飛多倫多的航班閘口，買了飲品後坐下休息。
本刊記者上前恭賀她新婚快樂，Aimee略顯驚訝，因沒化妝的關係，她友善地要求記者暫停拍照，讓她先戴回墨鏡接受訪問。
記︰記者 媺︰陳茵媺
記︰恭喜晒，新婚快樂！
媺︰Thank you so much！
記︰好多fans戥你哋開心。
媺︰好多謝！Thank you so much！
最愛巴黎
記︰對巴黎感覺點呀？
媺︰It’s my favourite place in the world！
記︰唔留多幾日？
媺︰你知啦咁多記者，哈哈！
記︰有傳結婚用咗300萬。
媺︰呢啲唔講咁多，想低調啲。
記︰點解一個人返多倫多？屋企人呢？
媺︰佢哋…一個人OK！
記︰粗身大勢有人陪好啲喎！
媺︰（傻笑）…
望家庭事業兼顧
記者連問關於腹中胎兒性別、喜歡仔定女、是否未足三個月唔講得等問題時，Aimee一直傻笑，未透露半句。
記︰講得一定要分享！
媺︰一定。
記︰婚後工作會否有轉變？
媺︰冇，婚後一樣可以做戲，做戲is my passion！香港女仔好幸福，可以家庭事業兼顧，不過短期內都唔會接戲。
記︰樂（易玲）小姐話你停咗接job。
媺︰…冇人搵我證實。
記︰放假放到幾時？
媺︰未知。
記︰一直喺多倫多安胎？
媺︰…（傻笑）
記︰幾時返香港？
媺︰到時你就知。
Q版婚畫。陳豪、Aimee周二在巴黎完婚，行禮過後，以腳下巴黎景色作背景拍婚照，Aimee依偎在陳豪胸前，拍照之餘順道繪畫當地流行的Q版人像畫。
陳豪大讚Aimee對婚禮一絲不苟，特別找來巴黎鐵塔擺設放婚戒，又親自在menu上繪圖。
新婚Aimee心情相當愉快，整個訪問未語先笑，倦容下是藏不住的幸福陶醉。約4時20分Aimee登上頭等機艙，經8小時航程後，在多倫多時間周 四晚7時半抵達。而陳豪亦於香港時間周五早上7時抵港，與老婆萬里連心的他忍不住向在場半百記者三晒婚戒，隔空耍冧封老婆做女王︰「遇到Aimee後，發 生嘅全部係開心事！She is my queen！」又默認Aimee有喜，但不肯透露在哪裏生B。
雖然雙陳故作神秘，但據知她與陳豪已有共識一直留加安胎，皆因女家物業遍布多倫多，要揀一處不受騷擾的地方安胎靜養話咁易。未來日子陳豪將加港兩邊 飛，有了安胎之所，據知雙陳連產房都揀好，選定備受當地華人媽媽推崇的North York General Hospital，預約由該院首席婦產名醫旋敬接生，有傳梁洛施為李澤楷懷有長子長治時，亦是由旋敬接生。因Aimee擁有當地醫療福利，已獲保障了住院 分娩大部分費用，只須另付預約名醫開工的附加費及私家病房費用。
雙陳鋪路淡出
雖然Aimee稱婚後會繼續做戲，陳豪亦說太太係好演員、唔拍戲會嘥，但亦說過Aimee不是為生活而非做不可，相信Aimee婚後始終以相夫教子 為先。其實陳豪早前接受內地訪問時，自言與Aimee均覺娛樂圈安全感不足，擔心拍戲會手停口停，所以正積極籌備新咖啡店，為淡出娛樂圈鋪後路，若「豪媺 B」他日在加國就學，則觀眾在螢幕欣賞雙陳演出的機會便更少了。
沒有留言:
張貼留言