| 直擊1歲生日會 千嬅捐1百萬為囝積福 |
楊千嬅與丁子高的囝囝丁進諾（Torres）六月五日便告一歲，為迎接這個大日子，丁生丁太於上周六（五月廿五日）便在金鐘萬豪酒店為囝囝舉行以動物為主題的生日會。
當日被邀賓客，大都帶着小朋友到場，但見各人也跟足丁生丁太意思，以到場捐款代替送禮物給Torres。丁子高表示，這筆捐款點算後，他和千嬅會再補貼湊夠一百萬大元，並以Torres名義捐給慈善組織，實行以此為囝囝積福！
上周六，丁子高和楊千嬅為囝囝Torres舉行的一歲生日會，以動物為主題，千嬅和囝囝齊齊扮鬆弛熊，而丁子高則扮大笨象。
上周六，丁子高和楊千嬅為囝囝Torres舉行的一歲生日會，以動物為主題，千嬅和囝囝齊齊扮鬆弛熊，而丁子高則扮大笨象。
兒時夢想
囝囝Torres一歲生日，丁子高絕對不敢怠慢，早前已透露，跟太太楊千嬅打算以動物作主題舉行生日會。「因為囝囝見到動物都好鍾意！」上周六（五月廿五日），這位廿四孝爹哋便一早駕車抵達舉行囝囝生日會的金鐘萬豪酒店作預備。其時，宴會廳現場早已設立好接待處，以及各式各樣動物圖案的擺設，在入口處的布景板，更寫着「Welcome To Torres's 1st Birthday Celebration」的可愛字樣。
千嬅表示，除了因為開動物園是自己兒時的夢想，更有特別意思。「因為動物生命力強，有爆炸力，我個仔係男仔，冇理由扮公主o架嘛！哈哈哈！其實今次幫個囝搞生日會，都係想畀一班好錫囝囝嘅朋友見吓佢，我之前因為好肥，唔想見人，所以冇搞百日宴。」
<
特別訂製的生日蛋糕，也配合動物主題，相當別致。
特別訂製的生日蛋糕，也配合動物主題，相當別致。
Torres喜歡動物，參加生日會的來賓，很多也以動物造型亮相，令他甚興奮。
今次呢個狂野 party喺萬豪酒店以自助餐形式搞，有 14圍，差唔多個個着晒動物衫影相。但千嬅妹妹應該啱啱放工，惟有以返工衫撐場。
媽咪姐
千嬅 B生日 狂野總動員
話咁快，楊千嬅同丁子高嘅寶貝 B丁進諾（ Torres）下個月 5號就 1歲嘞！呢 pair廿四孝父母喺上周六（ 25日）已經急不及待幫囝囝搞咗個開心動物 Birthday Party，請咗好多名人明星富二代出席。
眼利嘅媽咪姐仲留意到，一向大情大性嘅千嬅，叫埋陪月員着動物衫，齊齊玩！而極少公開露面嘅細妹都大方上鏡，全家賀阿 B。查實呢位天后媽媽，真係勁錫 Torres，呢頭請完大班親朋戚友慶祝阿仔滿月，嗰頭又靜靜雞擺咗幾圍百日宴，依家一歲生日，就大搞動物園主題 party，擺明有子萬事足，多多錢都使！呢次開 P，千嬅仲講明唔收禮物，叫來賓封利是，然後會將利是以囝囝名義捐俾特殊學校，幫有需要嘅小朋友。啱嘅，行善積福係俾個仔最好嘅教育呀！
劉浩龍撞衫同千嬅喺華星年代相識嘅劉浩龍，着埋動物衫入場，仲同千嬅撞衫。佢仲喺微博自封鬆弛熊哥哥㖭！真係青春返晒嚟。
呢排全城愛 duck，現場都有專人扭動物氣球，又有魔術表演、人體繪圖等， so fun！
場內貼滿 Torres嘅相，其中呢張就係百日宴嘅一家三口合照。
甘比拖姨甥仔，帶埋囡囡劉秀樺去 party，你睇秀樺知道有得玩，笑得幾 happy！
千嬅好友、賭王二房千金何超遐無着動物衫，但戴咗個獅子絲巾扣㗎，都咪話唔有心！
沒有留言:
張貼留言