二○一二年話咁快就到尾聲，今年聖誕節，攞廿四號假就可以連放五日，唔去旅行點對得住自己？
要訂到最平機票同住宿，唔係冇辦法，今次搵來十六位旅遊達人，強陣提供旅遊貼士。
Chloe：日遊 blogger（ http://www.kiri-san.com/blog/articleDetail/1469.htm）
去日本玩可以上 http://hotpepper.jp搵餐廳，仲有好多 coupon好抵用。
鄭幗恩：《 C遊幗度》系列作者
（ http://webking.hk/webking1/celiacheng.com/?page_no=1）
買機票直接幫襯 airline，票價通常平過旅行社，碌卡又唔使俾服務費兼儲到積分。
楊宇松：至專假日創辦人
（ http://www.xpertholidays.com/tc/index.asp）
用番香港網絡商全日漫遊上網，不過會隔日先用，但要記得每晚十二點前 send短訊暫停服務。
Ray：科技及旅遊 blogger（ http://www.raydiohead.com/hq/）
可以裝 TuneIn（ http://tunein.com/）網上電台 app，收聽番當地 嘅新聞、天氣同交通資訊。
Emillie：背包自由行 blogger（ http://emiliechan33.blogspot.hk/）
背包客棧（ http://www.backpackers.com.tw/forum/）同攜程網（ http://www.ctrip.com/）太多打手，可以參考新興 嘅 http://qunar.com，比較吓網友 嘅評語。
Stone：科技及旅遊 blogger（ http://www.stoneip.info）
用城市名搵相關 apps，有機會搵到更多地區行情，例如地鐵、 shopping或食肆優惠。
項明生：《十天敢動假期》系列作者（ http://www.akiotour.com）
最緊要幫襯出名網上旅遊 agent，因為牽涉個人私隱，而且有起事上 嚟都比較易搵到幫手。
公園仔：香港仔公國旅遊 blogger
（ http://blog.age.com.hk）
去旅行最好帶 netbook，因為唔係間間酒店有 Wi-Fi，而且轉行程用 netbook搵 嘢快好多。
hiro& Nat：情侶旅遊 blogger
（ https://www.facebook.com/nathiro.planetjourney）
去日本自駕遊， navitime.co.jp好好用，幫你規劃路線之餘，仲計埋車程同油錢。
買平飛 面書發功
哥倫比亞卡塔赫納 by hiro＆ Nat
綜觀買平飛方法，咁多位達人其實同大家一樣，主要都係上網搵，不過，達人鄭幗恩、 Ivy、 Stone同埋 hiro，都會 喺 Facebook Like盡各大航空公司同觀光局專頁，第一時間睇吓有冇新優惠，例如國泰十月尾開始逢星期二推出 嘅 fanfares推廣活動，最初就係經 Facebook散布。新興 嘅旅遊專頁「 MeetHK」、「又飛啦！」亦好快集合晒所有優惠。不過，通常呢類優惠都限時限刻，冇乜彈性，而且機票好快賣晒，最好事前諗定兩、三個理想旅遊 targets，一有當地優惠可以即刻拍板，唔怕走雞。
另外，就算網上優惠好快賣晒，其實都可以打去旅行社問，因為部分優惠機票可能留 咗俾旅行社，可以一試。
Elaine Kwee：寫攝人
去歐洲或中東，可以留意卡塔爾航空，試過用八千蚊買到格魯吉亞同羅馬尼亞機票，其他 airline起碼過萬。
宣柏健：韓國觀光公社顧問（ http://hipkorea.blogspot.hk/）
去韓國釜山或首爾，可幫襯釜山航空公司（ http://www.airbusan.com）同濟州航空（ http://www.jejuair.net），兩間都係韓國廉航，機票平三分一。
廉航出擊
優惠未必成日有，想就 啱自己放假日期，不如主動出擊，向廉價航空埋手，雖然票價平一大截，但要留意廉航無論飛機餐或寄存行李都要逐樣收錢，訂飛時睇清楚。
亞洲航空
香港人最熟悉廉航，航線多數係港人熱門旅遊地點，例如吉隆坡、曼谷同布吉。
樂桃航空
香港飛日本唯一廉航，暫時只提供香港到大阪線，單程票價只需八百幾蚊。
老虎航空
以東南亞同澳洲廉價機票為主，尤其以澳洲國內航線價錢最抵，去澳洲記得要睇。
宿霧太平洋航空
香港飛菲律賓航線最抵，直飛宿霧單程票價低於四百，最受潛水友歡迎。
Ryanair
歐洲著名廉航，若然諗住歐洲十國背囊遊，絕對可以幫你慳到一大筆。
住筍店 要有信譽
非洲肯亞 by楊宇松
搵酒店，達人大部分都係睇 嗰三個網站，分別係 Agoda、 Hotels.com同埋 Zuji，達人鄭幗恩同卓文慧都話冇一個網站完全平過其他，個個網站都有平有貴，所以想 book到最抵網站，主要都係靠勤力，逐個網站格價。不過，當中 Agoda都有樣優勝，就係訂房只須俾 5%房租做訂金，入住先俾餘額，就算遇到突發事要取消行程，都唔會蝕太多。
卓文慧：旅遊作家
（《蘋果日報》圖片）
除咗睇價錢，都要睇埋會員優惠，好似 Hotels.com有十送一，但去夠十次旅行先有得平，反而 Agoda就有積分回贈折扣，下次旅行就用得，感覺抵啲。
趙崇基：《南美．藍美》作者
想體驗多 啲當地生活同識多 啲人，可以去 Hostelworld.com搵旅館，價錢又夠平。
要睇店評
想旅途愉快，酒店設施係咪乾淨企理都好重要，如果只睇網站提供 嘅「示範單位」相，好易中招，因為好多酒店 嘅「暗病」都好難由幾張相或地圖睇出。達人項明生同卓文慧都話一定要刨埋其他網友 嘅評語，例如酒店係咪裝修緊、間房多唔多蛇蟲鼠蟻、熱水夠唔夠熱，使唔使上幾級樓梯先入到房，或行去地鐵站實際上要幾多時間，都可以 喺評語上睇到，睇完就可減低中招風險。
Zuji
Yes：不時推出機票連酒店套餐優惠、可連結 TripAdvisor睇評語
No：評語以英文為主、經常彈出廣告、預約頁面只得英文
Hotels.com
Yes：有價格追蹤功能、最低價保證、可連結 TripAdvisor睇評語
No：評語以英文為主、酒店選擇較少
Agoda
Yes：大量中文酒店評語、介面清晰易用
No：價錢會貴少少
至平上網
蒙古庫蘇古爾國家公園 by Ivy
去外地旅遊，最好可以上網查資訊，睇香港新聞，玩 Facebook，嫌上網費貴？其實上網後可以用 internet
phone傾電話或 WhatsApp向家人報平安，分分鐘仲平過長途電話費。
韓國
出發前兩日上 KT Telecom網站（ roaming.kt.com）租 SIM卡或 Pocket Wi-Fi，可選擇機場借還。租卡每日收手續費 2700韓圜及上網費 5000韓圜，約港幣$55一日；日租 Pocket Wi-Fi收費（最多五部機分享網絡） 5000韓圜（毋須手續費），約港幣$36包無限上網，但須繳按金 100,000韓圜。
日本
出發前三日於 b-mobile網站（ http://www.bmobile.ne.jp/english）訂購 Visitor SIM，可於機場郵局取卡， 14日無限上網收費為 4190日圓（約港幣$406）。亦可到 Softbank Rental網站（ http://www.softbank-rental.jp）租 Pocket Wi-Fi（最多五機分享網絡），同樣無限上網，可於機場借還，每日租金約$152。
台灣
必揀 500台幣（約港幣$132）大哥大電話卡，扣除 450台幣就可 7日內無限上網。
澳洲
購買 2澳元 Optus電話卡再充值 10澳元（合共約港幣$97），就可以每日扣 2澳元啟用無限上網。
馬來西亞
購買 8.5馬幣 DiGi電話卡（內有 5馬幣儲值額），充值 10馬幣後（合共約$47），扣除 15馬幣開啟上網服務（ 300MB• 7日）。
新加坡
購買 20坡幣（約$127） SingTel電話卡，扣除 7坡幣啟動上網服務（ 1GB• 7日）。
泰國
DTAC電話卡連服務費 399泰幣（約港幣$100），就可以 7日內無限上網。
中國
可去深水 埗鴨寮街買中國聯通電話卡，$100包 250MB（ 30日）數據用量。
德國
購買 10歐羅（約$100） T-mobile電話卡，每日無限上網只需扣 0.99歐羅（達 200MB後自動限速 64kbps）。
英國
購買 Three電話卡， SIM卡連服務費 15英鎊（約$184），可在 30日內無限上網。
法國
購買 8歐羅（約$80） Orange「 Let's go pass data」儲值卡，啟用後 15日包 100MB數據用量，如增值 15歐羅，數據用量可提升至 1GB（ 7日）。
西班牙
購買 10歐羅（約$100） Orange電話卡，扣除 3.5歐羅可啟動上網服務（ 100MB• 7日）。
加拿大
抵 埗後買 Roger電話卡， SIM卡（ 9.99加幣）連 500MB（ 30日• 45加幣）數據用量約港幣$430。如只須用瀏覽器上網，可去 7-11買 Speakout電話卡，約港幣$78。
美國
出發前三日，於網上訂購 T-mobile電話卡（ prepaid-phones.t-mobile.com/monthly-4g-plans），預先寄去入住酒店， SIM卡連 5GB（ 30日）數據用量約港幣$240。
日費漫遊
其實香港幾間電訊商都有提供日費漫遊數據服務，不過價錢頗貴，亦只限該台客戶先用得，唔多抵用。
Prepaid要點
購買 Prepaid電話卡上網夠平，不過都有幾點要注意。
歐盟共用
如果去幾個歐盟國家旅行，途經德國時可購買 7.5歐羅（約港幣$74） Ortel Mobile電話卡，扣除 4.99歐羅後就有 50MB（ 7日）數據用量，可以 喺幾個歐盟國家上網，適合低用量用家，不過，上網速度就只得 2.5G。
流量控制
不少外國網絡供應商都有限制數據用量，出發前最好 喺手機安裝監控用量 嘅 apps，睇住 嚟用。
識搵 Wi-Fi
除了酒店有 Wi-Fi，外國不少連鎖快餐店都有免費 Wi-Fi上網（如 Starbucks或麥當勞），另外， Apple Store亦會有免費 Wi-Fi供應，去朝聖時可順便免費上網。
機場開卡
機場內通常會有電訊商 嘅服務專櫃，可一落機即時出卡，俾職員為手機做設定，免麻煩。
美加頻道
因為美加流動網絡使用 嘅無線頻道同香港有別，部分手機拎到外國可能只接收到 2G訊號，出發前可先查一查。
只要在 Facebook以「 NEXT 3.0」為關鍵詞搜尋，或以手機的「 QR code」 app掃描，就可以睇到更多新聞同產品情報。
電玩裝備
以為去旅行帶手機加 tablet就搞掂，實情未必夠用，多帶幾樣法寶，緊急關頭分分鐘起到關鍵作用。
Pat Leung：業餘旅遊攝影師
帶 DSLR去旅行，其實唔使帶太多鏡頭，一支 80-200mm影遠景，一支 18-55mm影標準相，已經夠用。反而偏光鏡仲緊要，影藍天會更加藍，最好帶多支唔過 1kg嘅腳架備用，又唔會太重。
標準鏡加 tele鏡， Pat話已足夠應付大部分需求，每次帶 macro鏡，其實得個拎字。
Pat提醒影靚相切忌跟大隊，「之前去美國黃石公園，所有人見有張 櫈，坐定定等熱泉噴射，結果只影到堆煙，行遠 啲先影到噴泉壯觀場面。」
底座
自駕遊恩物，可以將 tablet固定喺車頭， GPS導航就睇得清楚舒適。
CAPDASE SuctionDuo Car Mount Tab-X（ http://www.capdase.com/en/press_detail.php?id=170）
售價：$240
相機
Canon PowerShot S110
用 iPhone雖然都影到靚相，但光源不足就死梗，袋多部大光圈 DC機仔好似 Canon PowerShot S110（ http://www.canon.com.hk/tc/product/catalog/productItemDetails.do?prrfnbr=200395）就穩陣好多，而且可以拍埋高清片兼內置 GPS定位，好方便。
售價：$3,680
喇叭
JAWBONE JAMBOX（ https://jawbone.com/speakers/jambox/overview）
售價：$1,888
返到酒店或揸車時想聽歌，用藍牙喇叭就毋須插線，當中 JAMBOX體積細細音量夠勁，播 gangnam style，分分鐘成車人跟住跳。
外置電
Y+X B130（ http://yplusx.com/product-detail.php?cateID=1＆id=6）
揀外置電，電容量好緊要， B130有 13000mAh，配備三個插頭，可以同時為三樣 gadgets補電，仲有 2A快速充電模式，等住用時可以「快充」。
售價：$1,399
自拍座
Swivl
售價：$1,699
用 DC機仔或 smartphone影夜景或自拍必備，最緊要輕， Swivl（ http://www.swivl.com）仲識得追焦，個人袋住 remote， Swivl就識得自動感應位置，轉動相機對正你， 㩒掣就可遙控影相或拍片，爽！
Ivy：旅遊記者
蒙古騰格里沙漠 by Ivy
（ http://ivytraveller.blogspot.hk）
如果要成日轉酒店，為 咗方便 啲，會帶一 啲舊衫褲去，著完就掉；同埋會自己洗衫，所以會揀 啲快乾料，洗完好快乾，慳番行李位。
外套
最好揀防水透氣款式，可應付不同天氣，多層可拆式設計亦夠靈活，去到日夜溫差大或時冷時熱嘅國家，就唔怕因件褸太厚，著又熱除又凍。
Columbia Hoxie Hills Parka（ https://www.facebook.com/ColumbiaSportswearHK）
售價：$3,999
衫
快乾衣夠輕，而且洗完好快乾，去幾日旅行可以帶少兩三件衫，騰出行李空間買戰利品。
Nike AS WOOL CREW（ http://www.nike.com.hk/locker-room/11）
售價：$399
褲
同外套一樣，拆得褲腳就可應付冷熱天氣，而且快乾物料更好，唔小心打瀉水或整濕褲腳，都唔會濕足一日。
Columbia Moneti convertible pant
售價：$659
防水袋
去澳洲過熱聖誕，點少得去沙灘游水，帶定個防水袋 IP5，就可帶埋 iPhone 5落水，防水深十米，跟機送埋防水耳筒，可以一邊聽歌，一邊游水，正！
DRiPRO IP5（ http://www.dripro.com/eng/iphone5.htm）
售價：$320
鞋
去旅行預了成日行，揀對厚底波鞋會舒服好多；另外，最好帶多對後備鞋以防萬一，好似 Timberland對拉鏈鞋，摺起後夠細又慳位。
Nike Free Run+3 Shield
售價：$839
Timberland Radler Trail Camp（ http://www.timberland.com.hk/）
售價：$690（夏天）、$990（冬天）
解悶 tips
去旅行，當地電視節目未必 啱胃口，用手機睇網上電視，個芒又細得滯，最好帶條 HDMI輸出線，將手機或 tablet直駁房間電視，就可用大電視睇片或翻睇旅行相，一舉兩得。
實用 apps推介
坦桑尼亞乞力馬紮羅峰 by楊宇松
訂完機票酒店又搵埋上網，達人再推介點用科技去旅行，都係時間總結一下，教你裝定幾個實用 apps傍身。
李純恩：旅遊節目主持
（ http://weibo.com/u/2940403321）
用手機 app TripAdvisor有 GPS功能，可以搵到附近高評級食店同景點，仲會指引你點去，最近去歐洲玩都靠佢。
行程： TripAdvisorHotels Flights
簡介：全球大型旅遊資訊 app，支援離線地圖，開啟手機嘅 GPS定位，就會自動搵出附近餐廳同景點，仲會有箭咀引導你去目的地。
支援機種： iOS、 Android
價錢：免費
地圖： StreetViewer
簡介：支援 GPS定位，提供地圖、實景對照顯示介面，更易搵路。
支援機種： iOS
價錢：$8
導航： TomTom Navigation
簡介：著名 GPS導航軟件，支援離線地圖，介面簡單易用，可惜 app以地方劃分。
支援機種： iOS、 Android
價錢：按個別地區收費
交通： KAYAK
簡介：俾用家出發前編排行程，到達目的地後，就可透過 GPS定位，提供附近嘅交通資訊。
支援機種： iOS、 Android
價錢：$8（ iOS）
免費（ Android）
匯率： Currency Converter
簡介：提供超過廿多個國家的貨幣兌換率，更新亦夠快。
支援機種： iOS、 Android
價錢：免費
翻譯： Translator
簡介：提供語音同文字離線翻譯，只要講出句子，就會翻譯成指定語言，包括英語、西班牙語、法語、德語、日語、中文、韓文、阿拉伯語與菲律賓語。
支援機種： iOS、 Android
價錢：免費
當地資訊： TripCase
簡介：若旅途中有航班更改、惡劣天氣、旅遊警示等突發情況，系統會自動通知用家。
支援機種： iOS、 Android
記賬： Travel Wallet(iOS)/Travel Pocket(Android)
簡介：外遊時可分門別類輸入各項消費，而且提供貨幣兌換，唔使自己計餐死。
支援機種： iOS、 Android
text：科技組
graphic：劉志誠
沒有留言:
張貼留言