-
Scroll Page | Stop Scrolling
有敏感體質但又想養狗的人，可考慮較少甩毛的貴婦狗、魔天使、史納莎等，牠們通常在梳理毛髮時才甩毛，較少機會引起主人敏感。
《心戰》中飾演陳豪助手的趙希洛（
Candice），出親場都性感仲有床上戲，結果因甘受陳豪擺布而危及性命。現實中的她一樣願意豁出去，只是對象換成心愛的狗狗。話說當年
Candice得十三歲，為了養狗搞到全身皮膚敏感，但直到今日依然對養狗不離不棄。「食藥睇醫生都要繼續養！」
養狗初戀
見 Candice對十個月的貴婦狗女 Chloe又攬又錫，好難想像她曾經對動物過敏。「我自幼係狗痴，夢想係養隻可愛狗狗。」十三歲時夢想達成，有親戚將古代牧羊犬 Pasha轉贈給她家，小 Candice自告奮勇做阿四。「個陣我日頭返學練琴游水打波，夜晚帶 Pasha散步、餵食、梳毛沖涼。」她不覺辛苦，依家諗番仲話甜蜜，「 Pasha好似我嘅初戀咁，係一段重要回憶。」
Candice的妹妹一樣屬敏感體質，但不及家姐嚴重，即使接觸動物也不致全身紅腫。而且當長大後，通常患者的敏感體質會改善。
Chloe最鍾意散步，即使主人半夜收工回家， Chloe都會擔住條狗繩條求佢出街玩。
轉養貴婦狗
回憶，甜中帶苦。「點知，養狗兩星期後，我開始發病。」自幼有敏感體質的 Candice，當時全身多處皮膚又紅又腫，即使不斷搽藥膏也癢得狂抓，甚至脫皮。父母見狀即將 Pasha送走，「我喊足兩個月，發誓長大後一定要再養狗。」這心結糾纏多年，終在十個月前解開。「我見到 Chloe後朝思暮想了三個月，一來自己已經有六、七年無出現敏感徵狀，二來貴婦狗不易甩毛，應該無事啩！」咁有事點算？ Candice堅決話：「就算真係出現敏感症狀，我寧願食藥睇醫生都要繼續養。呢次，我自己話事。」與其話係良心話事，不如話，係愛心話事啦。
拍完《心戰》，下部《金枝慾孽貳》，要返大陸拍，一諗起同 Chloe分別， Candice就心掛掛。
再度養狗， Candice爸爸好唔贊成，「細個時佢仲搵咗位醫生 uncle同我講狗仔令我皮膚過敏，但我到今日都唔信，覺得佢哋係串通。」而家養貴婦狗無敏感，爸爸唯有批准。
古代牧羊犬 Pasha（上圖）是 Candice的「第一次」，佢話而家見到大狗都好有親切感，不惜冒住過敏翻發危險都要攬一攬，有相為證（右圖）。
先測試後領養
著名皮膚科醫生何天儀指，皮膚敏感的成因包括使用不合適的護膚產品、食物敏感及藥物敏感等。「對動物皮毛過敏也是原因之一，患者會對動物皮脂 腺分泌的混合物過敏，因而刺激氣管及皮膚神經。」 2010年起香港有註冊的脫敏治療（ Desensitization therapy），以注射疫苗來根治過敏，費用三萬多元。「亦可在領養前先接觸較少甩毛的貴婦狗、魔天使、約瑟爹利、史納莎等犬種，將狗隻皮毛沾在枕頭及 衣物上，測試敏感程度。」畢竟，養寵物是一生的承諾，下決定前請三思，不要養完見出事又立即棄養呀！
沒有留言:
張貼留言