-
Scroll Page | Stop Scrolling
現今單車玩特別，除咗要識玩自家設計同新科技外，車架用料亦都非常之講究。不過近年單車發展神速，令各車廠用料都變得非常大路，未到專業級嘅中價車已經用晒賽車都用嘅碳纖維，雖然夠晒輕身，不過始終悶咗啲。
所以有單車廠就別出心裁用到既環保、外形亦夠晒raw嘅大碌竹造單車車架！今期就同大家睇睇呢隻由美國Calfee生產嘅竹系單車，筆者更會用佢嘅MTB車款入山走走，細嘗竹之味道！
近 年單車之所以hit起，好大程度係因為世界大吹環保風，所以喺老牌單車大廠鬥科技嘅同時，好多細廠更會以環保天然材料製造為賣點突圍而出，之前已經同大家 介紹過用到麻纖維造車架嘅Schwinn，今次嘅Calfee就更天然，直頭攞成碌竹嚟造車架，外形更有gimmick，出街肯定多人望同多話題過你踩部 幾萬蚊極級碳纖bike！
環保救非洲
香港車迷一定唔太熟悉Calfee呢個單車牌子，其實佢早喺1985年就以碳纖 road bike起家，不過因為創辦人Craig Calfee喺起家之前到過非洲肯雅，見到周圍都係竹林，而且有唔少市民用單車代步，所一直都有用竹造單車嘅念頭。直至Calfee自家造車技術慢慢成 熟，就喺1995年實現竹製單車車架，成為現時Calfee Bamboo車系雛形。唔好睇一個竹製單車架好似就咁用幾支竹綁實咁流，其實製作上都有好多特別技術。好似竹材應付溫差同濕度差距能力較弱，有機會出現爆 裂情況，所以車廠特別為竹材塗上防水嘅聚氨酯塗層，務求將竹材外表與空氣水分隔絕。除此之外，原本車廠以碳纖維物料作竹管接駁，但後來因雙方熱脹冷縮程度 唔一樣，所以最終以天然麻纖維加環氧樹脂所取代。
更有意義嘅係，Calfee竹車架嘅原產地並唔係講出嚟可以同人 晒命嘅歐美大國，竟然係喺非洲加納！事關Calfee先生明白非洲失業率持續高企，所以Bamboo車架無論原材料同製作團隊都係來自非洲地方，希望為當 地製造更多就業機會，襯晒竹單車個關懷地球嘅環保形象，可謂功德無量！而且製作一個車架都要用40小時工序，所以手工、品質一啲都唔流，加上Calfee 夠膽為車架提供十年保養，就知竹車架唔會比其他物料弱！
潮玩植物系單車
除咗用竹之外，其實仲有部分單車廠用其他植物原料造單車架，雖然每架都各有特色，不過最終都係想架單車睇落更天然、更有raw味！
木架玩雕刻Renovo Hoodoo
其實最初發明單車已經由硬木製成，不過因為木比較重，所以現代單車已接近放棄使用，不過呢類傳統嘢始終都有人buy，好似專玩木單車嘅Renovo，勁到連流線Time Trial單車都造到，勁似件木雕展品！ 售價：淨架約$30,000 (http://www.renovobikes.com/prices-options-and-warranty)
麻布織上架Schwinn Vestige
除咗用木咁原始之外，亦有單車廠以植物纖維打造環保green bike，老牌單車廠Schwinn 喺2010年就首創以麻纖維參考碳纖方式製作車架，推出Vestige車系，全車主打可回收零件，更喺2010奪得Eurobike設計金獎，算係近代經典環保單車。 售價：$8,800 Smart Bicycle Co. (2690 0616)
外形獨一無二
竹車架咁特別，當然有唔少fans捧場， 我哋就搵咗其中一位玩單車超過十年嘅MTB車款Calfee Bamboo車主昌哥，講講竹單車有幾吸引。「其實我本來踩緊架Giant XTC碳纖MTB，但總係覺得家啲單車外形、物料架架都差唔多，所以一直都想搵架獨特啲嘅車架，加上我本身都鍾意天然物料製造嘅產品，所以幾年前一早已 經喺網上留意住呢架Calfee竹單車。不過當時香港都未有人入貨，直至今年初先知香港有Calfee代理終於返貨，而且淨車架標價2萬中亦唔係比其他手 造碳纖車架貴，比起專業road bike車架嘅5、6萬門檻已經平好多，所以唔使考慮好耐已經入手。」
竹車架以 天然竹材製成，每個車架都會因竹材紋理不一而有所不同，但面對香港多變天氣，對竹嘅壽命有一定影響，唔知車主昌哥出車前後有冇特別保養措施呢？「雖然買之 前都知車架上已有coating處理，防止竹材直接同空氣接觸。不過我本身大汗，之前啲汗試過連鋁架上面啲塗層都搞到甩埋，所以每次踩完車我都會抹吓個 架，以免車架甩coating搞到爆架同發霉！」
MTB車架夠堅
好多人見到個竹車架都可能會問，個車架實唔實淨㗎？ 今次筆者就有幸借出昌哥架Calfee Bamboo MTB做測試，當然要入吓山試試竹車架係咪咁堅！騎上呢架Bamboo MTB，發覺車架角度都比較企身，絕對係一架純種cross country，昌哥為愛車配上100mm Rockshox SiD前叉同加上Shimano XTR等頂級零件，成車埋單都要成5萬！不過因為竹本身比較重身，車重約為11.3kg，所以比同級車重約20%，好在全車用晒靚料，行平路感覺同一架5 萬蚊嘅專業MTB冇太大分別。
入到山路走凹凸樹根同碎石路，感覺上車架都冇任何虛位出現；至於車架剛性表現就介乎 喺鋁架同碳纖架之間，冇金屬咁死實、亦冇碳纖咁富有彈性，與普通單車最大分別就係踩車時要對住有輕微彎曲嘅竹製上管，同平時工工整整嘅車架對比，的確有少 少唔習慣，但呢種自然嘅線條就係竹車架獨有嘅性格，就好似有生命咁精采！
Calfee Bamboo MTB Spec.
車架：Calfee Bamboo MTB 懸掛：前RockShox SiD 100mm 傳動：Shimano XTR 2×10速 制動：前後 Shimano XTR油壓碟式 輪組：前後Hope Pro 2 Evo（車軸）、Mavic 317 Disc（輪框） 車重：11.3kg（成車） 售價：$24,970（淨車架）、約$50,000（成車）
竹系單車多花款
其實Calfee Bamboo車系唔單只MTB一款咁野性，亦有其他車款選擇，而且一樣喺非洲手造！無論你係講速度、追潮流、愛溫馨嘅單車友，都總有一款啱晒你口味！
速度之選Bamboo Road
除咗MTB之外，最大路嘅road bike車架Bamboo車系當然一定有，車架除跟番road bike嘅角度之外，五通中軸亦跟潮流用BB30制式，前叉仍堅持用專業碳纖製品，跑上馬路最搶鏡！$27,840（淨架）
潮人至愛Bamboo Fixed
其 實Calfee除提供MTB同road bike等大路車款外，當然唔可以少得近年潮人追捧嘅fixed gear車款。呢架Bamboo Fixed車架角度同road bike其實有少少唔同，車尾dropout用番單速車架制式，用佢砌架至潮fix，一定成為焦點！$29,500（淨架）
溫馨二人Bamboo Tandem
想知竹車架係咪咁實淨？除咗要試今次MTB款外，其實車廠仲堅到出咗架2人單車Tandem，呢架2人單車足足比road bike車款長三分一，傳動用上鋸齒皮帶，情侶用佢去郊遊唔只溫馨，而且仲唔怕單車鏈潤滑油整污糟衫褲！約$50,000（淨架） ####
Calfee首架Bamboo Bike本來用黑色嘅碳纖維造接駁位，之後先改良以植物纖維取代。
Calfee創辦人Craig Calfee都會親身去到非洲監督，亦會落手同當地技師合力組裝單車。
車架由非洲技師手造，冇大量高科技器材幫手，所以更考技師手工。
用天然植物纖維紮嘅竹車架，技師會塗上環氧樹脂加固，變成堅硬車架。
Calfee Bamboo MTB車主 昌哥
Oversize五通中軸設計，設計有啲似碳纖維車架。
頭叉盤採用1'1/8傳統制式，而且兩邊有入線孔將車尾迫力同轉波線位收埋。
全車架只有dropout用金屬製造，圖中碟式迫力卡鉗碼位只有Bamboo MTB車架擁有。
尾後叉同座通管同樣採用oversize設計，呢個位用oversize在單車界中非常罕見。
圖中可見到上管不是一條工整直線，而係保持竹嘅自然線條，令每個車架都可以獨一無二。
車架上有螺絲提供水壺架安裝，不過包圍螺絲嘅碳纖維邊就有啲怪。
成車重11.3kg，對比同價對手唔算輕身，賣嘅都特色風味。
近 年單車之所以hit起，好大程度係因為世界大吹環保風，所以喺老牌單車大廠鬥科技嘅同時，好多細廠更會以環保天然材料製造為賣點突圍而出，之前已經同大家 介紹過用到麻纖維造車架嘅Schwinn，今次嘅Calfee就更天然，直頭攞成碌竹嚟造車架，外形更有gimmick，出街肯定多人望同多話題過你踩部 幾萬蚊極級碳纖bike！
環保救非洲
香港車迷一定唔太熟悉Calfee呢個單車牌子，其實佢早喺1985年就以碳纖 road bike起家，不過因為創辦人Craig Calfee喺起家之前到過非洲肯雅，見到周圍都係竹林，而且有唔少市民用單車代步，所一直都有用竹造單車嘅念頭。直至Calfee自家造車技術慢慢成 熟，就喺1995年實現竹製單車車架，成為現時Calfee Bamboo車系雛形。唔好睇一個竹製單車架好似就咁用幾支竹綁實咁流，其實製作上都有好多特別技術。好似竹材應付溫差同濕度差距能力較弱，有機會出現爆 裂情況，所以車廠特別為竹材塗上防水嘅聚氨酯塗層，務求將竹材外表與空氣水分隔絕。除此之外，原本車廠以碳纖維物料作竹管接駁，但後來因雙方熱脹冷縮程度 唔一樣，所以最終以天然麻纖維加環氧樹脂所取代。
更有意義嘅係，Calfee竹車架嘅原產地並唔係講出嚟可以同人 晒命嘅歐美大國，竟然係喺非洲加納！事關Calfee先生明白非洲失業率持續高企，所以Bamboo車架無論原材料同製作團隊都係來自非洲地方，希望為當 地製造更多就業機會，襯晒竹單車個關懷地球嘅環保形象，可謂功德無量！而且製作一個車架都要用40小時工序，所以手工、品質一啲都唔流，加上Calfee 夠膽為車架提供十年保養，就知竹車架唔會比其他物料弱！
潮玩植物系單車
除咗用竹之外，其實仲有部分單車廠用其他植物原料造單車架，雖然每架都各有特色，不過最終都係想架單車睇落更天然、更有raw味！
木架玩雕刻Renovo Hoodoo
其實最初發明單車已經由硬木製成，不過因為木比較重，所以現代單車已接近放棄使用，不過呢類傳統嘢始終都有人buy，好似專玩木單車嘅Renovo，勁到連流線Time Trial單車都造到，勁似件木雕展品！ 售價：淨架約$30,000 (http://www.renovobikes.com/prices-options-and-warranty)
麻布織上架Schwinn Vestige
除咗用木咁原始之外，亦有單車廠以植物纖維打造環保green bike，老牌單車廠Schwinn 喺2010年就首創以麻纖維參考碳纖方式製作車架，推出Vestige車系，全車主打可回收零件，更喺2010奪得Eurobike設計金獎，算係近代經典環保單車。 售價：$8,800 Smart Bicycle Co. (2690 0616)
外形獨一無二
竹車架咁特別，當然有唔少fans捧場， 我哋就搵咗其中一位玩單車超過十年嘅MTB車款Calfee Bamboo車主昌哥，講講竹單車有幾吸引。「其實我本來踩緊架Giant XTC碳纖MTB，但總係覺得家啲單車外形、物料架架都差唔多，所以一直都想搵架獨特啲嘅車架，加上我本身都鍾意天然物料製造嘅產品，所以幾年前一早已 經喺網上留意住呢架Calfee竹單車。不過當時香港都未有人入貨，直至今年初先知香港有Calfee代理終於返貨，而且淨車架標價2萬中亦唔係比其他手 造碳纖車架貴，比起專業road bike車架嘅5、6萬門檻已經平好多，所以唔使考慮好耐已經入手。」
竹車架以 天然竹材製成，每個車架都會因竹材紋理不一而有所不同，但面對香港多變天氣，對竹嘅壽命有一定影響，唔知車主昌哥出車前後有冇特別保養措施呢？「雖然買之 前都知車架上已有coating處理，防止竹材直接同空氣接觸。不過我本身大汗，之前啲汗試過連鋁架上面啲塗層都搞到甩埋，所以每次踩完車我都會抹吓個 架，以免車架甩coating搞到爆架同發霉！」
MTB車架夠堅
好多人見到個竹車架都可能會問，個車架實唔實淨㗎？ 今次筆者就有幸借出昌哥架Calfee Bamboo MTB做測試，當然要入吓山試試竹車架係咪咁堅！騎上呢架Bamboo MTB，發覺車架角度都比較企身，絕對係一架純種cross country，昌哥為愛車配上100mm Rockshox SiD前叉同加上Shimano XTR等頂級零件，成車埋單都要成5萬！不過因為竹本身比較重身，車重約為11.3kg，所以比同級車重約20%，好在全車用晒靚料，行平路感覺同一架5 萬蚊嘅專業MTB冇太大分別。
入到山路走凹凸樹根同碎石路，感覺上車架都冇任何虛位出現；至於車架剛性表現就介乎 喺鋁架同碳纖架之間，冇金屬咁死實、亦冇碳纖咁富有彈性，與普通單車最大分別就係踩車時要對住有輕微彎曲嘅竹製上管，同平時工工整整嘅車架對比，的確有少 少唔習慣，但呢種自然嘅線條就係竹車架獨有嘅性格，就好似有生命咁精采！
Calfee Bamboo MTB Spec.
車架：Calfee Bamboo MTB 懸掛：前RockShox SiD 100mm 傳動：Shimano XTR 2×10速 制動：前後 Shimano XTR油壓碟式 輪組：前後Hope Pro 2 Evo（車軸）、Mavic 317 Disc（輪框） 車重：11.3kg（成車） 售價：$24,970（淨車架）、約$50,000（成車）
竹系單車多花款
其實Calfee Bamboo車系唔單只MTB一款咁野性，亦有其他車款選擇，而且一樣喺非洲手造！無論你係講速度、追潮流、愛溫馨嘅單車友，都總有一款啱晒你口味！
速度之選Bamboo Road
除咗MTB之外，最大路嘅road bike車架Bamboo車系當然一定有，車架除跟番road bike嘅角度之外，五通中軸亦跟潮流用BB30制式，前叉仍堅持用專業碳纖製品，跑上馬路最搶鏡！$27,840（淨架）
潮人至愛Bamboo Fixed
其 實Calfee除提供MTB同road bike等大路車款外，當然唔可以少得近年潮人追捧嘅fixed gear車款。呢架Bamboo Fixed車架角度同road bike其實有少少唔同，車尾dropout用番單速車架制式，用佢砌架至潮fix，一定成為焦點！$29,500（淨架）
溫馨二人Bamboo Tandem
想知竹車架係咪咁實淨？除咗要試今次MTB款外，其實車廠仲堅到出咗架2人單車Tandem，呢架2人單車足足比road bike車款長三分一，傳動用上鋸齒皮帶，情侶用佢去郊遊唔只溫馨，而且仲唔怕單車鏈潤滑油整污糟衫褲！約$50,000（淨架） ####
Calfee首架Bamboo Bike本來用黑色嘅碳纖維造接駁位，之後先改良以植物纖維取代。
Calfee創辦人Craig Calfee都會親身去到非洲監督，亦會落手同當地技師合力組裝單車。
車架由非洲技師手造，冇大量高科技器材幫手，所以更考技師手工。
用天然植物纖維紮嘅竹車架，技師會塗上環氧樹脂加固，變成堅硬車架。
Calfee Bamboo MTB車主 昌哥
Oversize五通中軸設計，設計有啲似碳纖維車架。
頭叉盤採用1'1/8傳統制式，而且兩邊有入線孔將車尾迫力同轉波線位收埋。
全車架只有dropout用金屬製造，圖中碟式迫力卡鉗碼位只有Bamboo MTB車架擁有。
尾後叉同座通管同樣採用oversize設計，呢個位用oversize在單車界中非常罕見。
圖中可見到上管不是一條工整直線，而係保持竹嘅自然線條，令每個車架都可以獨一無二。
車架上有螺絲提供水壺架安裝，不過包圍螺絲嘅碳纖維邊就有啲怪。
成車重11.3kg，對比同價對手唔算輕身，賣嘅都特色風味。
沒有留言:
張貼留言