-
Scroll Page | Stop Scrolling
今年3月空降商業電台做CEO的陳志雲，獲副主席俞琤力撐，大權在握的陳總決心進行大改革，清洗瘀血。
一向用人唯親，陳總計劃招攬相識多年的蘇施黃過檔，與同樣由陳總離開無綫前已揀中的「盛女」Bonnie，一齊主持新phone-in節目《大玩 派》，陳總又從新城挖走頗受年輕人歡迎的女主持Ame（胡凱澄），希望令節目更有火花。可惜新城台長得知愛將被挖角後，竟出陰招迫Ame過3個月冷河先可 轉戰商台。焗住三缺一，陳總呢個算盤打唔響喎！
08年離開商台的蘇施黃，同陳總份屬多年好友，今次陳總親自力邀回巢，急住搵兩億養老的阿蘇當然冇托手踭。
新女有火
當 年盛傳同俞琤不和的阿蘇，今次回歸商台開咪，除咗人工要有番咁上下，揀拍檔方面亦要求有話事權。「阿蘇最初同陳總傾新節目時，點名要搵新城個女主持 Ame（胡凱澄）過檔，話呢個女仔做節目好有character、好有火，做phone-in節目又有急才又醒目，如果可以一齊開咪，肯定會吸納到好多後 生聽眾，仲話回巢頭炮點都唔衰得，一定要有Ame助陣！阿蘇點名揀女，陳總亦嗱嗱臨做嘢，親自打畀Ame，對方知道阿蘇咁睇得起自己，諗都冇諗就遞信辭 職。」知情人士透露。
盛女Bonnie頂住
由蘇施黃、Ame同盛女Bonnie主持的新節目《大玩派》原訂於7月2 號見街，點知臨門一腳竟被新城台長朱明銳破壞。據知原來已收了Ame辭職信的朱明銳，睇完有關Ame過檔商台的報道後嬲到震，以行內不明文規定迫Ame跳 槽前要先過3個月冷河，否則出律師信。 新城有心玩嘢，陳總雖然㷫爆但都冇佢符，焗住變陣出擊，好在阿蘇認為盛女Bonnie聽教聽話，應承如期開咪。對於新城阻頭阻勢，陳總週一（18日）出席 商台活動時忽然口密：「人哋機構嘅嘢我不願置評，但的確係要遵守合約精神嘅！」至於阿蘇則承認點名撬Ame過商台：「我有提議，我覺得佢分析力好強，希望 佢嚟到啦！希望銳哥（朱明銳）放佢一馬，希望新城放佢一馬啦！（佢要過三個月冷河？） 我連7月2號有咩搞都未搞掂，3個月後我瓜咗未都未知啦！」難得撬到心頭好，唔爭在等多幾個月啦！
新城玩嘢禁新女過檔
加入新城8年的Ame，曾與阿Bob（左一）主持年輕人節目《好男好女》，又曾為新城的廣播劇編劇及聲演。身兼咁多職，難怪台長朱明銳唔肯即時放人。
商台新「迷雲黨」
由 電視台轉到電台做CEO的陳志雲，為幫商台執靚盤數，決定向一班高薪低功能的舊人開刀，收聽率唔高的節目會被cut，例如由林曉峰及車婉婉主持的《巴巴閉 Afternoon D》，將被蘇施黃擔大旗的新phone-in節目《大玩派》取代，而一班新晉「迷雲黨」黨員亦陸續有節目上場。
IN
王貽興 屬第一代「迷雲黨」的王貽興，當年多得陳總賞識，由作家升呢變TVB主持，王更以「玉」形容陳總「好珍貴」。重獲陳總關照的王，與少爺占合作的新節目《讀賣Sunday》已於今個月3號正式出街。
王迪詩 寫專欄出身，出名夠晒抵死刻薄，又夠風趣幽默，今年3月在理工開了5場「王迪詩寸嘴講」，7月又喺藝術中心再開3場，現時在二台主持星期日晚上11點的節目《我就是王迪詩》。
健吾 中大傳播系畢業，「日本通」健吾曾擔任《在晴朗的一天出發》客席主持，又有出書及擔任舞台編劇，瓣數多多，現時逢星期日早上11點主持時事節目《903國民教育》。
OUT
林曉峰、車婉婉 林曉峰及車婉婉主持的兩個節目收聽率一般，而林曉峰亦唔夠阿哥林海峰咁有號召力，所以陳總打算cut剩一個星期六節目，據知兩人覺得冇癮將遞信唔撈。
Vani 同張學友、周杰倫等巨星勁friend，雖然call廣告有一手，但因陳總亦有相近的人際網絡，有傳銳意將二台年輕化的陳總將裁走商台元老Vani。
謝茜嘉 身兼二台事務經理、現時主持旅遊節目《西加航空》的謝茜嘉，因為人工高但又幫唔到公司call廣告，所以成為陳總開刀對象。 ####
3個月後我瓜咗未都未知啦！（真實對白）
商台CEO陳總第一個晒冷活動，唔只有份做節目嘅阿蘇要出席，連另一「迷雲黨」王喜，即使冇幫商台開咪亦現身撐陳總。
阿蘇週一同Bonnie出席商台活動時，雖然承認親自點名叫新女Ame過檔，又隔空叫新城放人，但最後都懶神秘扮唔知情，「佢過到嚟先算啦！」
阿蘇離開商台後自己製作飲食節目《蘇Good》，多得當時仍在TVB揸旗的陳總高價買下播映權，先有機會入屋。
《蘋果日報》圖片
曾開小型音樂會的Ame，在報道出街當日已急不及待上fb公布過檔喜訊，點知激嬲舊老細，要過3個月冷河。
《蘋果日報》圖片
《蘋果日報》圖片
一向用人唯親，陳總計劃招攬相識多年的蘇施黃過檔，與同樣由陳總離開無綫前已揀中的「盛女」Bonnie，一齊主持新phone-in節目《大玩 派》，陳總又從新城挖走頗受年輕人歡迎的女主持Ame（胡凱澄），希望令節目更有火花。可惜新城台長得知愛將被挖角後，竟出陰招迫Ame過3個月冷河先可 轉戰商台。焗住三缺一，陳總呢個算盤打唔響喎！
08年離開商台的蘇施黃，同陳總份屬多年好友，今次陳總親自力邀回巢，急住搵兩億養老的阿蘇當然冇托手踭。
新女有火
當 年盛傳同俞琤不和的阿蘇，今次回歸商台開咪，除咗人工要有番咁上下，揀拍檔方面亦要求有話事權。「阿蘇最初同陳總傾新節目時，點名要搵新城個女主持 Ame（胡凱澄）過檔，話呢個女仔做節目好有character、好有火，做phone-in節目又有急才又醒目，如果可以一齊開咪，肯定會吸納到好多後 生聽眾，仲話回巢頭炮點都唔衰得，一定要有Ame助陣！阿蘇點名揀女，陳總亦嗱嗱臨做嘢，親自打畀Ame，對方知道阿蘇咁睇得起自己，諗都冇諗就遞信辭 職。」知情人士透露。
盛女Bonnie頂住
由蘇施黃、Ame同盛女Bonnie主持的新節目《大玩派》原訂於7月2 號見街，點知臨門一腳竟被新城台長朱明銳破壞。據知原來已收了Ame辭職信的朱明銳，睇完有關Ame過檔商台的報道後嬲到震，以行內不明文規定迫Ame跳 槽前要先過3個月冷河，否則出律師信。 新城有心玩嘢，陳總雖然㷫爆但都冇佢符，焗住變陣出擊，好在阿蘇認為盛女Bonnie聽教聽話，應承如期開咪。對於新城阻頭阻勢，陳總週一（18日）出席 商台活動時忽然口密：「人哋機構嘅嘢我不願置評，但的確係要遵守合約精神嘅！」至於阿蘇則承認點名撬Ame過商台：「我有提議，我覺得佢分析力好強，希望 佢嚟到啦！希望銳哥（朱明銳）放佢一馬，希望新城放佢一馬啦！（佢要過三個月冷河？） 我連7月2號有咩搞都未搞掂，3個月後我瓜咗未都未知啦！」難得撬到心頭好，唔爭在等多幾個月啦！
新城玩嘢禁新女過檔
加入新城8年的Ame，曾與阿Bob（左一）主持年輕人節目《好男好女》，又曾為新城的廣播劇編劇及聲演。身兼咁多職，難怪台長朱明銳唔肯即時放人。
商台新「迷雲黨」
由 電視台轉到電台做CEO的陳志雲，為幫商台執靚盤數，決定向一班高薪低功能的舊人開刀，收聽率唔高的節目會被cut，例如由林曉峰及車婉婉主持的《巴巴閉 Afternoon D》，將被蘇施黃擔大旗的新phone-in節目《大玩派》取代，而一班新晉「迷雲黨」黨員亦陸續有節目上場。
IN
王貽興 屬第一代「迷雲黨」的王貽興，當年多得陳總賞識，由作家升呢變TVB主持，王更以「玉」形容陳總「好珍貴」。重獲陳總關照的王，與少爺占合作的新節目《讀賣Sunday》已於今個月3號正式出街。
王迪詩 寫專欄出身，出名夠晒抵死刻薄，又夠風趣幽默，今年3月在理工開了5場「王迪詩寸嘴講」，7月又喺藝術中心再開3場，現時在二台主持星期日晚上11點的節目《我就是王迪詩》。
健吾 中大傳播系畢業，「日本通」健吾曾擔任《在晴朗的一天出發》客席主持，又有出書及擔任舞台編劇，瓣數多多，現時逢星期日早上11點主持時事節目《903國民教育》。
OUT
林曉峰、車婉婉 林曉峰及車婉婉主持的兩個節目收聽率一般，而林曉峰亦唔夠阿哥林海峰咁有號召力，所以陳總打算cut剩一個星期六節目，據知兩人覺得冇癮將遞信唔撈。
Vani 同張學友、周杰倫等巨星勁friend，雖然call廣告有一手，但因陳總亦有相近的人際網絡，有傳銳意將二台年輕化的陳總將裁走商台元老Vani。
謝茜嘉 身兼二台事務經理、現時主持旅遊節目《西加航空》的謝茜嘉，因為人工高但又幫唔到公司call廣告，所以成為陳總開刀對象。 ####
3個月後我瓜咗未都未知啦！（真實對白）
商台CEO陳總第一個晒冷活動，唔只有份做節目嘅阿蘇要出席，連另一「迷雲黨」王喜，即使冇幫商台開咪亦現身撐陳總。
阿蘇週一同Bonnie出席商台活動時，雖然承認親自點名叫新女Ame過檔，又隔空叫新城放人，但最後都懶神秘扮唔知情，「佢過到嚟先算啦！」
阿蘇離開商台後自己製作飲食節目《蘇Good》，多得當時仍在TVB揸旗的陳總高價買下播映權，先有機會入屋。
《蘋果日報》圖片
曾開小型音樂會的Ame，在報道出街當日已急不及待上fb公布過檔喜訊，點知激嬲舊老細，要過3個月冷河。
《蘋果日報》圖片
《蘋果日報》圖片
沒有留言:
張貼留言