撇設計師男友 何超盈溝新仔激嬲四太 264期《FACE 週刊》

Scroll Page | Stop Scrolling

Tweet

Pin it

Widgets








賭王何鴻燊四房長女何超盈（Sabrina），上週四（7日）於微博宣布與拍拖4年的設計師男友Greg分手。
現身在美國散心的超盈，突然宣布同Greg斬纜，據知是因2人各有新歡而掟煲，超盈更為免激嬲四太，落カ隱瞞分手。以往一直被四太睇好為賭王「準女婿」的Greg，臨門撻Q，睇嚟最失望應該係四太！

賭王千金何超盈與設計師男友Greg，拍拖4年，原本已進入談婚論嫁地步，但上週四（7日）超盈突然於微博發表逾百字的單身宣言，還公布與Greg的4年情斬纜。
撞正六四
雖 然超盈未有透露分手原因，但就曾在個人instagram裏暗寸Greg另結新歡。不過本刊收到消息，指21歲的超盈同25歲Greg雖然拍拖4年，但因 大家年紀都仲細還未玩夠，而宣布分手前，其實大家已各自有新歡。「超盈原本打算於上星期一在微博宣布分手，點知撞正六四，幾乎都上載唔到訊息上微博，最後 迫住要延遲幾日囉！」知情人士透露。
四太：「有啲可惜」
現身在美國的超盈，外間一直以為她為療情傷而避走美國，但最 近她在其instagram上載多張在美國夜蒲照，仲玩到好癲，似乎冇被分手影響心情。 據知今次超盈同Greg分手，事前並無知會四太，而超盈跟Greg拍拖4年期間，四太曾多次讚Greg為人真誠、有責任心及愛心，更睇好Greg會成為 「何家女婿」，但今次超盈竟先斬後奏宣布掟煲，據知四太勁嬲之餘仲好失望。週一記者致電四太，佢回應：「佢哋分手係有啲可惜，但佢哋拍拖唔係我拍拖，呢啲 嘢最好問番超盈啦！」女大女世界咯！
超雲拖男友　曼谷入Cheap貨
賭王四房長女超盈甩拖結束4年情；但三房大女超 雲同潮爆男友陳山聰依然恩愛。上週日（3日）2人繼續黐孖咇飛咗去曼谷遊山玩水，仲被人目擊佢哋踩入大型新商場Terminal 21，為超雲嘅時裝店Chew Closet購入百零二百蚊有交易嘅日本平貨。據目擊者話當時不少香港遊客認出佢哋，可惜當舉機影相時，即被超雲保鑣喝止。 ####

超雲同Greg拍拖4年，上年曾經分手，不過冇耐又復合。不過今次佢兩個各有新歡，復合應該冇乜可能。

上週四（7日），超盈喺微博宣布分手，文中先強調Greg仍然係佢一位好重要嘅朋友，仲為一直畀唔到對方平凡同簡單生活而道歉。

寸着舊鞋 不過宣布分手3日前，身在美國嘅超盈曾透過instagram留言暗寸舊愛Greg有新歡，仲問Greg新歡要唔要食佢食剩嘅菜渣，句句有骨。

夜蒲散心 超盈（右）喺美國散心期間，經常跟朋友蒲夜場，着晒吊帶裙，又high到舉手跳舞，完全唔似受情傷囉！(網上圖片)

(網上圖片)

入晒屋 上年初，超盈細佬猷君（左一）返英國讀書，Greg（右）都有去送機，入閘前仲同埋超盈媽咪梁安琪（左二）全家一齊食飯，明顯好得四太歡心。《蘋果日報》圖片

上週二（5日）晚，超雲同山聰孖公仔由澳門返港，近排2人因甜蜜拍拖，卒之搞到陳山聰肥咗成個碼，小心變「肥仔聰」喎！《蘋果日報》圖片

上週日（3日），山聰同超雲（箭嘴）被發現於上年10月落成、位於曼谷市中心的商場Terminal 21為時裝店入貨，超雲睇貨時都𠌥低身用心睇，證明佢做生意都好認真。