《壹週刊》1163期 婚前一擊 鄭伊健：操得咁辛苦，梗要晒吓！

Scroll Page | Stop Scrolling

Tweet

Pin it

Widgets








被踢爆明年一月結婚的鄭伊健，始終不肯正面回應婚訊。「依家唔提啦，再講又有人寫，到時候我一定會講！」 做老襯前，伊健先全副精神投入準備八月舉行的三場紅館個唱，除了做gym，每日下午五點後停食澱粉質，去年操出岩石胸的他聲言今次唔會一味練大隻，要玩線條。咁又係，操到變肌男的話，似搬屋工人多過似新郎，盞搞！
潑冷水
好 友陳小春公開大爆伊健同他度定期，但對明年一月的婚期，鄭伊健繼續迴避。 外界亦估計，嚟緊八月紅館個唱，他會在台上宣布喜訊，偏偏當事人潑冷水。 「一定唔會！我都唔興呢啲！（演唱會之後公布？）依家唔講啦！再講又有人寫，到時候我一定會講！」伊健說。 上次演唱會反應好，開完part 1再開part 2，伊健強調今次個唱是全新製作，絕非上次延續。 「依家同肥仔（演唱會監製錢國偉）都諗爆頭，已經開咗會一段時間，舞台會有新嘢，我搵咗電影美指張世宏幫我設計舞台；rundown要重新編排過，唔可以 似上次，又要考慮歌同歌之間要協調，所以諗得好辛苦。我希望今次做到陽光啲嘅感覺！但要喺舞台上表現陽光感，一啲都唔容易！」上兩次演唱會，伊健練得四十 三吋岩石胸，今次一樣做gym，但方法不一樣。「上次好多人都話我大隻過頭，所以今次唔會！」
過五不食
要fit唔要大，飲食方面更加要控制，健身教練Michael要伊健嚴守下午五點後不食澱粉質的規矩。 「依家每星期做三日gym，都係跑跑步機，臨開騷前三個禮拜，再開始朝早跑街，仲有舉十磅啞鈴，以前舉啲二十磅、二十五磅，先谷到太大嚿！」 婚前一擊，伊健決定上台晒得就晒。 「啲衫仲喺設計階段，都有少啲布同透視裝，仲未決定會唔會除衫，但有一part同幾個dancers跳辣身舞，keep得咁辛苦，梗係要晒吓！」伊健說。
健身餐單
早餐　9:00-9:30　火腿通粉一碗、麥皮一碗、烚蛋白兩隻、烏龍茶 午餐　12:00-13:00　餸菜少油、白飯兩碗、湯一碗 下午茶　16:30　水果一份、烚蛋白兩隻 晚餐　18:00-19:00　雞胸肉或牛扒或豬扒一件　（走油）、大量蔬菜 ####

這個動作是練腰力，亦可修靚腹部線條。

在Michael指導下，伊健舉十磅重啞鈴，更加唔要岩石胸。

上下兼顧，伊健踢沙包練腳力。

所有舉重器械動作，Michael都一定從旁睇實，以防伊健受傷。


做gym前要先做拉筋熱身。

健身當日，撞正古巨基做gym，基仔問伊健婚期，伊健說：「有期通知你，你帶佢（緋聞女友Lorraine）嚟就得。」基仔轉數快還拖：「哦！我會帶YoYo嚟嘞！」

據伊健說，負責今次個唱服裝的反對他操大隻，去年的岩石胸不會重現。