-
Scroll Page | Stop Scrolling
CY改組新政府，仲歡迎全港市民投考副局長。呢幾日適值見工期，成個舊政府總部突然熱鬧起來，幾乎間間報館都駐重兵喺中環，最想第一時間知道究竟邊
卅九個人有份主宰香港政府嘅新命脈。CY曾經講過副局長一定要有高EQ去應對傳媒，估唔到見工呢一刻就開始考驗。考副局變咗好似選港姐，見盡邊啲人閃縮邊
啲人大方讓記者任影。
考副局人數眾多，每日朝九晚六又唔知邊個幾時會嚟見工。呢啲「無乜肉食」嘅採訪，最啱就係派 初出茅廬嘅實習記者全日去等，正因為經驗尚淺唔係好熟架步，搞到個個記者都神經緊張，凡見到有著西裝或熟口面嘅物體飄過舊政總雪廠街門口，就會觸動神經， 係人係鬼都會衝埋去問佢係咪考副局長，人家唔出聲就仲更加繼續問，成班記者好似蜜蜂咁嗡住路過者唔放。
最好笑係著 套西裝返工嘅亞視實習記者，離遠走埋個同事身邊，因為個個都唔認得佢，突然衝晒上去問佢係咪嚟見工，又拎咪又舉機，嚇到後生仔好尷尬講「我係記者嚟㗎」， 大家先至唓咗一聲行番開。過一陣，公民黨嘅黎廣德由對面馬路行過嚟，記者以為執到好嘢，又一窩蜂咁衝上去，佢苦笑話只係約咗電視台做訪問，如果連佢都申請 副局長，咁公民黨就真係大鑊喇！（馮普賢） ####
新聞系實習期殺到，遇着副局長面試，成個舊政總門口塞滿記者，日日圍住面試者扑咪。曾經幫CY寫醫療政綱嘅何永謙是其中之一。（蔡正邦攝）
最鬼祟 考副局當然要測試埋佢面對傳媒嘅能力，呢個雞咁腳咁走嘅黃褲男，咁閃縮應該無乜運行。（有線電視畫片）
最大方 港大傳訊部經理何建宗應徵環境局副局長，企定定報上個人資料。（《蘋果日報》圖片）
最無辜 約咗訪問嘅黎廣德苦笑住話，如果連佢都去考副局長，咁公民黨就大鑊喇！（羅國輝攝）
考副局人數眾多，每日朝九晚六又唔知邊個幾時會嚟見工。呢啲「無乜肉食」嘅採訪，最啱就係派 初出茅廬嘅實習記者全日去等，正因為經驗尚淺唔係好熟架步，搞到個個記者都神經緊張，凡見到有著西裝或熟口面嘅物體飄過舊政總雪廠街門口，就會觸動神經， 係人係鬼都會衝埋去問佢係咪考副局長，人家唔出聲就仲更加繼續問，成班記者好似蜜蜂咁嗡住路過者唔放。
最好笑係著 套西裝返工嘅亞視實習記者，離遠走埋個同事身邊，因為個個都唔認得佢，突然衝晒上去問佢係咪嚟見工，又拎咪又舉機，嚇到後生仔好尷尬講「我係記者嚟㗎」， 大家先至唓咗一聲行番開。過一陣，公民黨嘅黎廣德由對面馬路行過嚟，記者以為執到好嘢，又一窩蜂咁衝上去，佢苦笑話只係約咗電視台做訪問，如果連佢都申請 副局長，咁公民黨就真係大鑊喇！（馮普賢） ####
新聞系實習期殺到，遇着副局長面試，成個舊政總門口塞滿記者，日日圍住面試者扑咪。曾經幫CY寫醫療政綱嘅何永謙是其中之一。（蔡正邦攝）
最鬼祟 考副局當然要測試埋佢面對傳媒嘅能力，呢個雞咁腳咁走嘅黃褲男，咁閃縮應該無乜運行。（有線電視畫片）
最大方 港大傳訊部經理何建宗應徵環境局副局長，企定定報上個人資料。（《蘋果日報》圖片）
最無辜 約咗訪問嘅黎廣德苦笑住話，如果連佢都去考副局長，咁公民黨就大鑊喇！（羅國輝攝）
沒有留言:
張貼留言