招牌笑容配酒渦， 筆挺西裝襯波鞋，陳志雲別來無恙。
不一樣的，是辦公室地點與銜頭——
將軍澳無綫電視台變廣播道商業電台， 總經理變CEO。
看表面， 是絕對值得高興的。
「十八年前我帶住祝願離開商台去無綫， 今日再返嚟，估唔到時間過得咁快。」
也好，起碼不是度日如年，至少之前十七年不是。
根正苗紅公務員出身，做過叱咤風雲電視台揸弗人，現在來到人生第三回合。
打過街霸的人都知，有Round 3，因為之前有Round輸了。
接下來是升呢還是被K.O.，這回合便是關鍵。
「我係唔會退休，一停落嚟就會好快死喇！」他笑笑。
人生就是要不停戰鬥，輸贏都好，最重要是樂在其中。
Fight！
客串CEO
在陳志雲身上永遠有無限的可能，因為他能包容無限的創意。
「本來想睇埋特首選舉之後先決定做唔做商台CEO，YT（商業電台副主席俞琤）仲提議咗個好有趣嘅銜頭俾我：『客串行政總裁』，你話幾得意！只可惜『客串』兩個字俾人感覺好兒戲， 我只好忍痛唔用。」
他二月二十九日離開無綫， 三月四日已在商台宣布上班。他向來是個很有noise的人，因此擅長做有noise的事。《盛女愛作戰》是他在無綫的最後傑作，他索性連續七晚把眾女請到 一台皇牌節目《光明頂》，肥水不流別人田。聽眾即管鬧爆好了， 他就是要這種聲音。盛女之一的Bonnie甚至夥拍林曉峰開咪主持深宵節目《大龍鳳》。新官上任才兩個月， 已把電台弄得沸沸揚揚。
「無論電視或電台，方針都係一樣，就係做大家關注，又有爭議性嘅節目，兩性關係就係一個好話題。無迴響未必一定等如失敗，但有noise的確係我嘅指標。」
陳志雲有滿腹大計， 最新計劃是把傳統電台結合智能手機和平板電腦等新媒體，邊聽邊看， 大搞「視電台」。換句話說， 離開無綫，不是意興闌珊的權宜之計 。
「十八年，點會無半點不捨之情？有唔捨得，但無傷感，亦同官司無關。三年前我去北極拍《冰天動地》之後已有離開嘅念頭。當時啱啱五十歲，活咗半個 世紀，我就諗，自己下半生應該做啲乜？當一向最驚俾人蠶食嘅TVB都將劇集放上My TV俾人免費睇， 你就知道新媒體要來臨， 仲唔出去學多啲嘢？」
也許未必全關官司事， 但官司肯定是催化劑。離職無綫時商台仍未正式向他招手，他本打算雲遊四海。
「從來無擔心過前路。 我已有間養老屋，如果賣咗佢住番間細屋仲有啲現金袋下㖭！大不了返商台開咪做番DJ都搵到食。」
他本打算到德國和英國看人家的新科技，機票和酒店都訂好了，結果去了商台。
「人嘅際遇有時唔到你安排。正如當年我打政府工，一做十年， 從來無諗過走。依家諗番都有百分之0.0001後悔， 因為筆退休金非常令人羨慕，每個月仲有長俸俾到你死為止！但其實無得後悔， 我走咗之後嘅得着係無限大。」
Round 1：點出嚟撈？
好， 就先看得着。生於一九五八年，陳志雲一出生，就是一個十一磅的大肥仔。在那個人情味仍濃的年代，肥仔不是姓「死」的，他去麵包舖，老闆請吃麵包；去燒臘 舖，老闆請吃叉燒。肥仔生性樂天，會考二十一分，考入港大英文系，畢業後入政府當政務主任。 「在房屋署跟藍鴻震副署長，藍Sir見到我份會議記錄之後話：『細路，你寫成咁，點出嚟撈？我俾我個位你坐，你都坐唔掂啦！』佢用紅筆逐粒逐粒字幫我改。 我話晒英文系畢業，唔識諗嘅話，可以當係一種侮辱；但人哋其實係袋緊錢入我個袋！EQ就係咁訓練出嚟。」 陳志雲得任關佩英推薦，被送往牛津大學深造，八七年被調往香港駐倫敦辦事處工作。在彼邦見過前首相戴卓爾夫人和上下議院議員，專責英國國籍法的游說工作。 他還要估計未來有潛質升官的人，請他們來香港旅遊，很多有影響力的官員都被他猜中，前首相貝理雅便是其一。這比捧甚麼崔建邦、長歲月先見成效。做傳媒就唔 同，成果立刻見到，滿足感係非金錢能夠買到。」
Round 2：你估睇《金枝慾孽》咩？
十八年前，以高EQ及非一般政治手腕加入無綫節目部，很快又顛覆了一個舊制度。 「以前節目部主要係做編排、採購同宣傳，佢哋唔會買非現成嘅節目。我就提議購入節目後，再加本地元素……」 深入淺出，舉幾個例大家就明。《運財智叻星》、《一筆勾銷》、《吾係小兒科》這些便是外購模式再加本地製作。購買外國已成功的節目，收視大多有保證。 「係買漏咗《百萬富翁》囉！我哋有提議過，但公司唔肯買。」 他由節目部總監開始，慢慢走到幕前。先是以「韋家晴」之名為《向世界出發》擔任旁述，之後共一百六十集的《志雲飯局》更是名譟一時。他笑罵由人自成一派，與他友好的藝員也有個外號，叫「迷雲黨」。 「呢個名係網上fans改嘅，後來俾傳媒用咗。傳媒作風鍾意戲劇化嘛，要有敵對層面先好睇。其實TVB邊有咁多黨派？有啲同我唔熟嘅藝員都歸埋我嗰黨，你估睇《金枝慾孽》同《宮心計》咩！」
Round 3：求平安
現實或許不至於是一齣令人咬牙切齒的《金枝慾孽》，也是一部極具可觀性的《廉政行動》。成也 「飯局」敗也「飯局」，一○年三月，陳志雲因涉嫌貪污被捕， 九月被正式起訴。最後被判無罪，但廉署已上訴， 今年十一月將再開審。 「有關官司嘅事我唔評論喇， 你話我『行』又好乜都好， 所有事已交晒俾律師處理，依家作息如常，心情平安。」 尖子、政客、電視台總經理、電台CEO，如不是這單官非蒙上污點，陳志雲的人生應該無憾。 「人生最難求嘅係平安， 心裏嘅平安。之前停職期間我幫『黑暗中對話』做過導賞團，七十五分鐘體驗全部喺黑暗中進行。其中一part係『上船』，有風又有浪， 你會好驚跌落海。其實你明知展覽館入面點會有海？咁仲有乜好驚？嗰次之後我有好大啟發，一個人心裏想乜，個腦就會帶你去邊。做人係咪要窮一生積蓄去買層有 海景嘅樓呢？喂，海景係應該唔使錢喎！一個人滿唔滿足，完全可以自己掌控。現在追求嘅，就係呢種心裏平安。」
大師
陳志雲談笑風生， 看來一點也不擔心半年後又要面對官司。 一日未定罪，一日也是無罪， 他有名「志雲大師」， 道行並非浪得虛名。或許， 借用黎智英在其專欄的幾句說話， 可更了解這個人。
像他這樣剛柔並濟的人要是想不通，那會是很危險的，他可以變成一個笑裏藏刀、殺人不眨眼的笑面虎。陳志雲卻是另一個極端。他已將人生苦樂得失想通 看透， 他隨遇而安，盡力而為。他知道， 強求不如接受，執著不如信賴，放下便是自在。他凡事笑臉迎人，那不是虛偽， 而是他再沒有得失的罣礙，他自然善良、開朗，直是個得道的和尚，叫他志雲大師是沒有錯的。
節錄自《壹週刊》第906期〈事實與偏見〉——「為《志雲飯局》寫序」
「嗰次我同黎生喺半島食飯，食到一半我請佢上我節目接受訪問，佢『阿之阿左』推三推四，又話TIME呀，Asian Wall Street Journal呀，BBC呀全部都未做，同我做完之後又要應酬埋佢哋，好唔得閒！講咗一大堆理由，總之唔想同我做啦。我就話：『唔緊要，我俾人推慣，到你 想傾偈時先再做訪問啦。』可能佢覺得我可以放低自尊，轉個頭就打電話嚟應承咗。」
我正在猶疑是否應該把陳志雲的說話全文照錄，他說：「梗係寫啦，佢有乜唔寫得？」
是的，我又不是剩女，人生真係無乜罣礙，寫就寫。
下期預告
三個字：邦女郎 ####
梁振英當選後，商台做了三個禮拜《自由言論梁振英》，讓市民討論對下屆特首的看法。「我錄咗一張個半鐘頭嘅碟送俾佢聽。」陳志雲說。《蘋果日報》圖片
《志雲飯局》曾訪問唐英年，當時陳志雲送了一套TV Buddy給唐唐，代表他們一家，之後還問：「你出面冇其他仔女吖嘛？」唐唐一時語塞，只唯唯諾諾：「有都唔話得俾你聽！」現在看來， 志雲大師真的甚有智慧。《蘋果日報》圖片
王喜在陳志雲出庭期間堅持風雨同路，只是之後便被TVB投閒置散。「佢比起二打六已經多好多戲， 可能只係冇長遠策略啫。」陳志雲幫口。
與助手叢培崑一度過從甚密， 今天再問陳志雲的感情狀況，他只答：「我好愛上帝，因為佢太愛我。」《FACE》圖片
《光明頂》通常討論民生政治，突然俾盛女霸佔，惹來很多聽眾投訴。投訴還投訴，已成功見報。《蘋果日報》圖片
小學時期的陳志雲，是早餐可幹掉三個公仔麵的肥仔。早前試過茹素， 一度被誤會轉信佛教。「依家係基督教徒。」
香港大學英文系一級榮譽生，經常參加辯論賽，口才了得。
對着陳志雲，嘉賓都毫無保留。
不一樣的，是辦公室地點與銜頭——
將軍澳無綫電視台變廣播道商業電台， 總經理變CEO。
看表面， 是絕對值得高興的。
「十八年前我帶住祝願離開商台去無綫， 今日再返嚟，估唔到時間過得咁快。」
也好，起碼不是度日如年，至少之前十七年不是。
根正苗紅公務員出身，做過叱咤風雲電視台揸弗人，現在來到人生第三回合。
打過街霸的人都知，有Round 3，因為之前有Round輸了。
接下來是升呢還是被K.O.，這回合便是關鍵。
「我係唔會退休，一停落嚟就會好快死喇！」他笑笑。
人生就是要不停戰鬥，輸贏都好，最重要是樂在其中。
Fight！
客串CEO
在陳志雲身上永遠有無限的可能，因為他能包容無限的創意。
「本來想睇埋特首選舉之後先決定做唔做商台CEO，YT（商業電台副主席俞琤）仲提議咗個好有趣嘅銜頭俾我：『客串行政總裁』，你話幾得意！只可惜『客串』兩個字俾人感覺好兒戲， 我只好忍痛唔用。」
他二月二十九日離開無綫， 三月四日已在商台宣布上班。他向來是個很有noise的人，因此擅長做有noise的事。《盛女愛作戰》是他在無綫的最後傑作，他索性連續七晚把眾女請到 一台皇牌節目《光明頂》，肥水不流別人田。聽眾即管鬧爆好了， 他就是要這種聲音。盛女之一的Bonnie甚至夥拍林曉峰開咪主持深宵節目《大龍鳳》。新官上任才兩個月， 已把電台弄得沸沸揚揚。
「無論電視或電台，方針都係一樣，就係做大家關注，又有爭議性嘅節目，兩性關係就係一個好話題。無迴響未必一定等如失敗，但有noise的確係我嘅指標。」
陳志雲有滿腹大計， 最新計劃是把傳統電台結合智能手機和平板電腦等新媒體，邊聽邊看， 大搞「視電台」。換句話說， 離開無綫，不是意興闌珊的權宜之計 。
「十八年，點會無半點不捨之情？有唔捨得，但無傷感，亦同官司無關。三年前我去北極拍《冰天動地》之後已有離開嘅念頭。當時啱啱五十歲，活咗半個 世紀，我就諗，自己下半生應該做啲乜？當一向最驚俾人蠶食嘅TVB都將劇集放上My TV俾人免費睇， 你就知道新媒體要來臨， 仲唔出去學多啲嘢？」
也許未必全關官司事， 但官司肯定是催化劑。離職無綫時商台仍未正式向他招手，他本打算雲遊四海。
「從來無擔心過前路。 我已有間養老屋，如果賣咗佢住番間細屋仲有啲現金袋下㖭！大不了返商台開咪做番DJ都搵到食。」
他本打算到德國和英國看人家的新科技，機票和酒店都訂好了，結果去了商台。
「人嘅際遇有時唔到你安排。正如當年我打政府工，一做十年， 從來無諗過走。依家諗番都有百分之0.0001後悔， 因為筆退休金非常令人羨慕，每個月仲有長俸俾到你死為止！但其實無得後悔， 我走咗之後嘅得着係無限大。」
Round 1：點出嚟撈？
好， 就先看得着。生於一九五八年，陳志雲一出生，就是一個十一磅的大肥仔。在那個人情味仍濃的年代，肥仔不是姓「死」的，他去麵包舖，老闆請吃麵包；去燒臘 舖，老闆請吃叉燒。肥仔生性樂天，會考二十一分，考入港大英文系，畢業後入政府當政務主任。 「在房屋署跟藍鴻震副署長，藍Sir見到我份會議記錄之後話：『細路，你寫成咁，點出嚟撈？我俾我個位你坐，你都坐唔掂啦！』佢用紅筆逐粒逐粒字幫我改。 我話晒英文系畢業，唔識諗嘅話，可以當係一種侮辱；但人哋其實係袋緊錢入我個袋！EQ就係咁訓練出嚟。」 陳志雲得任關佩英推薦，被送往牛津大學深造，八七年被調往香港駐倫敦辦事處工作。在彼邦見過前首相戴卓爾夫人和上下議院議員，專責英國國籍法的游說工作。 他還要估計未來有潛質升官的人，請他們來香港旅遊，很多有影響力的官員都被他猜中，前首相貝理雅便是其一。這比捧甚麼崔建邦、長歲月先見成效。做傳媒就唔 同，成果立刻見到，滿足感係非金錢能夠買到。」
Round 2：你估睇《金枝慾孽》咩？
十八年前，以高EQ及非一般政治手腕加入無綫節目部，很快又顛覆了一個舊制度。 「以前節目部主要係做編排、採購同宣傳，佢哋唔會買非現成嘅節目。我就提議購入節目後，再加本地元素……」 深入淺出，舉幾個例大家就明。《運財智叻星》、《一筆勾銷》、《吾係小兒科》這些便是外購模式再加本地製作。購買外國已成功的節目，收視大多有保證。 「係買漏咗《百萬富翁》囉！我哋有提議過，但公司唔肯買。」 他由節目部總監開始，慢慢走到幕前。先是以「韋家晴」之名為《向世界出發》擔任旁述，之後共一百六十集的《志雲飯局》更是名譟一時。他笑罵由人自成一派，與他友好的藝員也有個外號，叫「迷雲黨」。 「呢個名係網上fans改嘅，後來俾傳媒用咗。傳媒作風鍾意戲劇化嘛，要有敵對層面先好睇。其實TVB邊有咁多黨派？有啲同我唔熟嘅藝員都歸埋我嗰黨，你估睇《金枝慾孽》同《宮心計》咩！」
Round 3：求平安
現實或許不至於是一齣令人咬牙切齒的《金枝慾孽》，也是一部極具可觀性的《廉政行動》。成也 「飯局」敗也「飯局」，一○年三月，陳志雲因涉嫌貪污被捕， 九月被正式起訴。最後被判無罪，但廉署已上訴， 今年十一月將再開審。 「有關官司嘅事我唔評論喇， 你話我『行』又好乜都好， 所有事已交晒俾律師處理，依家作息如常，心情平安。」 尖子、政客、電視台總經理、電台CEO，如不是這單官非蒙上污點，陳志雲的人生應該無憾。 「人生最難求嘅係平安， 心裏嘅平安。之前停職期間我幫『黑暗中對話』做過導賞團，七十五分鐘體驗全部喺黑暗中進行。其中一part係『上船』，有風又有浪， 你會好驚跌落海。其實你明知展覽館入面點會有海？咁仲有乜好驚？嗰次之後我有好大啟發，一個人心裏想乜，個腦就會帶你去邊。做人係咪要窮一生積蓄去買層有 海景嘅樓呢？喂，海景係應該唔使錢喎！一個人滿唔滿足，完全可以自己掌控。現在追求嘅，就係呢種心裏平安。」
大師
陳志雲談笑風生， 看來一點也不擔心半年後又要面對官司。 一日未定罪，一日也是無罪， 他有名「志雲大師」， 道行並非浪得虛名。或許， 借用黎智英在其專欄的幾句說話， 可更了解這個人。
像他這樣剛柔並濟的人要是想不通，那會是很危險的，他可以變成一個笑裏藏刀、殺人不眨眼的笑面虎。陳志雲卻是另一個極端。他已將人生苦樂得失想通 看透， 他隨遇而安，盡力而為。他知道， 強求不如接受，執著不如信賴，放下便是自在。他凡事笑臉迎人，那不是虛偽， 而是他再沒有得失的罣礙，他自然善良、開朗，直是個得道的和尚，叫他志雲大師是沒有錯的。
節錄自《壹週刊》第906期〈事實與偏見〉——「為《志雲飯局》寫序」
「嗰次我同黎生喺半島食飯，食到一半我請佢上我節目接受訪問，佢『阿之阿左』推三推四，又話TIME呀，Asian Wall Street Journal呀，BBC呀全部都未做，同我做完之後又要應酬埋佢哋，好唔得閒！講咗一大堆理由，總之唔想同我做啦。我就話：『唔緊要，我俾人推慣，到你 想傾偈時先再做訪問啦。』可能佢覺得我可以放低自尊，轉個頭就打電話嚟應承咗。」
我正在猶疑是否應該把陳志雲的說話全文照錄，他說：「梗係寫啦，佢有乜唔寫得？」
是的，我又不是剩女，人生真係無乜罣礙，寫就寫。
下期預告
三個字：邦女郎 ####
梁振英當選後，商台做了三個禮拜《自由言論梁振英》，讓市民討論對下屆特首的看法。「我錄咗一張個半鐘頭嘅碟送俾佢聽。」陳志雲說。《蘋果日報》圖片
《志雲飯局》曾訪問唐英年，當時陳志雲送了一套TV Buddy給唐唐，代表他們一家，之後還問：「你出面冇其他仔女吖嘛？」唐唐一時語塞，只唯唯諾諾：「有都唔話得俾你聽！」現在看來， 志雲大師真的甚有智慧。《蘋果日報》圖片
王喜在陳志雲出庭期間堅持風雨同路，只是之後便被TVB投閒置散。「佢比起二打六已經多好多戲， 可能只係冇長遠策略啫。」陳志雲幫口。
與助手叢培崑一度過從甚密， 今天再問陳志雲的感情狀況，他只答：「我好愛上帝，因為佢太愛我。」《FACE》圖片
《光明頂》通常討論民生政治，突然俾盛女霸佔，惹來很多聽眾投訴。投訴還投訴，已成功見報。《蘋果日報》圖片
小學時期的陳志雲，是早餐可幹掉三個公仔麵的肥仔。早前試過茹素， 一度被誤會轉信佛教。「依家係基督教徒。」
香港大學英文系一級榮譽生，經常參加辯論賽，口才了得。
對着陳志雲，嘉賓都毫無保留。
沒有留言:
張貼留言