-
Scroll Page | Stop Scrolling
閱男無數的富家公子劉定成，今週再度成為港聞及娛樂版頭條人物，其被控非禮及恐嚇案雖仍在審，但無損劉公子心情，每日帶着契仔盧昕傑照舊食好嘢買靚衫，但更享受去到邊都被大批男記者團團包圍，繼續暢談歷年攝肌獵物，愈爆愈多男星被拖落水。
繼羅仲謙、陳偉霆後，62歲劉公子向本刊爆大鑊，原來98年楊凡電影《美少年之戀》內，由Joe Junior飾演影警鴨裸照一角，都係以劉公子的真人真事為藍本，他更對本刊直言：「吳彥祖、馮德倫我都影過，上身冇着衫！」肌男名冊又添新血！
連日來劉公子的非禮及恐嚇案在灣仔區域法院開審，受害人ABCD男輪住作供，劉公子庭上頭耷耷沉默聽證，庭外卻被全港傳媒派出男記者貼身追蹤，侃侃而談自70年代開始從「影」四十年獵肌見聞。
靚靚出庭
現年62歲的劉定成，據稱胞姊是一代賭王傅老榕的新抱。大學畢業後，劉曾去日本以及歐洲修讀時裝設計，80年代末回港後，一直靠家財過活，現手持跑馬地兩個單位，市值共約2,200多萬。
電影藍本
95 年9月，警方調查一宗警鴨色情案時，已經在當年劉公子寓所搜出千多張猛男艷照，其中包括大部分紀律部隊人員；而三年之後，楊凡的經典同性戀唯美電影《美少 年之戀》內，Joe Junior飾演的角色湊巧愛攝美肌紀律部隊人員。 本刊追問劉公子詳情，他大方承認該角色是以自己為藍本：「係呀，楊凡係經劉國昌（資深電影人，近年亦為雲翔投資的同志片《安非他命》共同執導）搵到我，畀 咗幾個人我揀嚟扮我。我要求搵麥潔文老公（江華）扮我㗎，點知就搵咗Joe Junior……老實講我冇咁老，又唔係禿頭！江華好樣啲吖嘛！我啲頭髮係真㗎，唔係黃夏蕙啲假髮，所以咪唔睇套戲囉！」
真人真事 拍成《美少年之戀》
98年由楊凡導演的《美少年之戀》，當年一週票房僅得200萬，故事講吳彥祖雖然同馮德倫拍拖，但吳彥祖為滿足另一伴侶尹子維的物質慾望，不慎為一富商拍下肉照，估唔到原來拍裸照一幕，竟然係根據劉公子故事改編。
摸吳彥祖胸
《美少年之戀》由Joe Junior扮演的老年富商最愛為紀律部隊猛男拍艷照，吳彥祖在片中更與他有不少親熱鏡頭，劉公子說：「當年係楊凡話劉國昌（小圖）搵我嘅，點知搵咗Joe Junior，我即刻黑面啦！」
街頭攔截
非禮案證人B表示遭劉公子在街上截停邀拍照，《美》片中亦有類似劇情，Joe Junior週一（21日）在電話中表示：「我唔知原來劉定成係當年《美少年之戀》嘅角色藍本。其實我都好尷尬㗎，要同吳彥祖咀，不過都要搵食㗎，咁劇本點寫我點演囉！」
借出私相簿
片中有不少Joe Junior為紀律部隊成員拍照片段，劉公子表示，電影不只參考其真實生活愛好，亦向他借了大量私藏肌照。
影T-back警鴨
劉公子愛影警察裸照，片中富商亦有此癖好，更不時叫男模擺出谷肌甫士。
輪住作供
A 先生：「佢用雙手幫我梳X毛！」 現年33歲的A先生，03年被模特兒公司告知casting約見劉定成。劉定成先帶他往健身，一邊健身一邊影，再請A先生在酒店房內拍T-back艷照。 A先生向法官表示所謂T-back可展露全部性器官，其間劉公子不時以雙手撥弄，又用雙手梳X毛，再問A先生：「你有冇興趣做chicken！」被拒絕。 事隔一年，劉公子再致電A先生問同一問題被拒後，劉公子說：「你咁樣我唔擔保你啲裸照出邊睇唔到喎！」 B先生：「我不是基！」 現為30歲電視演員B先生曾經參加選美，03年被劉定成當街截停邀請拍照。兩日後在劉寓所拍照，被劉指下體角度不好用手多次擺弄。辯方反駁艷照是B先生主 動挑逗，B先生在庭內激動聲明：「我不是基！」 C先生：「佢伸手入我 褲內！」 現年27歲的C先生07年結識被告，同樣在試鏡拍照過程內被被告捏弄陽具並要求交歡。但因C先生於開審期間失蹤，控方決定將涉及罪名撤銷。 D先生：「佢話要上載我啲 裸照。」 現時25歲的健身教練兼模特兒D先生08年被邀往劉寓所拍裸照，後來被告多次來電要求見面被拒，轉為收到劉契仔盧昕傑電話，威脅會上載其裸照上男同志網 頁，並騙D先生女友上床及拍照。
契仔陪過62歲生日
上週五（18日）是劉定成62歲西曆生日，心情大靚的他在案中另一被告、契仔盧盺傑陪同下食糖水、食蛋糕、買靚衫再坐低諗吓晚飯點慶祝，加上被大班記者包圍，劉公子全程風騷。
週日（20日），劉公子下午到中環律師樓，逗留四個鐘至晚上8時始離去，見他見完律師後一臉心事，神情冇星期五咁輕鬆。週一(21日）上庭後，劉公子亦再上律師樓，其後運路離去避見傳媒。
一箭雙鵰
98 年上映的《美少年之戀》主角是初出道的吳彥祖、馮德倫以及舒淇，劉公子坦誠因此結識吳彥祖及馮德倫，更曾為二人拍照。 劉公子在上週五（18日）下午先公開講吳彥祖太「mature（成熟）」，但到晚上卻改口話早年影過吳、馮兩人：「楊凡都好有眼光嘅，佢選中吳彥祖同馮德 倫。（吳彥祖同馮德倫都好新，你有冇見過佢？）有，佢簽晒poster（《美少年之戀》）吳彥祖，嗰陣時佢都未結婚！（咁你有同佢私底下影相？）生活照 啦，出去event去function嗰啲。（咁有冇上你影樓影呀？）嗰時studio喺第二度啦！（有冇着衫？）冇着上身。即係冇着上身好平常啦𠵱 家，港男個個都要着泳褲㗎啦！（着泳褲嘅？）係啦，着泳褲。」
點評肌民
自稱40年來影過近萬猛男的劉定成，雖然陳偉霆及羅仲謙的經理人公司已各自發聲明澄清不認識劉公子兼沒影過 相，不過影得過萬條仔，自有其審美標準，絕非名氣大、出名靚仔就會影，連「四大天王」都嫌老嫌唔夠俊：「我唔覺得佢哋靚囉！靚仔要個樣smart、有身材 仲要高度平均至得。」
杜宇航急割席
猛男艷照風波愈搞愈大，圈中幾乎大把大隻猛男都成嫌疑目標，而出身功夫世家嘅杜宇 航，亦傳與劉公子認識，兼涉嫌影過艷照，對此杜宇航即劃清界線：「唔識佢（劉定成），我冇影過，想像唔到T-back調轉着係點嘅樣。」劉公子對此似有不 滿，仲明寸反擊：「佢話唔識我？咁我都有眼不識泰山喇，點解要幻想啫（反轉着T-back）？佢唔係着開嘅咩？」據知，劉公子唔只同杜宇航相識，近年更介 紹唔少job畀佢。咁快話唔識，難怪劉公子咁火嘅！
香港先生紛中伏
劉公子自稱從「影」以來影過數十萬張猛男相，據稱 其中有35名裸照模，與藝人及男警有關，而藝人當中大部分屬曾參加香港先生選舉及無綫藝員。劉公子早前亦曾向記者確認有此35艷照猛男名單，更冇有怕話 「有少冇多」。而憑《天與地》中家明一角而上位嘅張景淳，最近亦坦承曾被劉公子邀請拍照：「當日拍攝未正式開始，我見到對方眼神同行為好怪異，諗諗吓唔對 路第一時間走先。」好彩家明走得快。
每年影全家福
開審以來，外傳一張共35名藝人的劉公子攝肌名單，警方亦表示在劉 家中搜獲艷照多達6萬張，不過劉定成就話被攝猛男及多年珍藏遠遠超過此數目。 「我70年代開始影，影過嘅男仔有五位數字，影過嘅相六位、七位（數字）都有！（你點解可以叫得到啲男星幫你影相？）咁我又問番你，點解叫唔到佢哋影相 呢？其實𠵱家咩年代啫，社會開放，人好前衞，你冇去試之嘛！外行過多兩日就變內行㗎啦！尤其係吳彥祖份人係abc好nice，嗰個尹子維同 Clayton（去年港男雙料冠軍李晉強）都係㗎！（乜李晉強都同你影過相咩？）有呀！我年年都會影全家福，全部契仔都有嚟。」 雖然劉公子自稱吳彥祖同馮德倫都係其機下獵物，但直至截稿前，吳彥祖所屬的東亞娛樂亦未有回應，沉默是金。
劉公子金句多
劉公子除咗鍾意拍攝同品評男星外，平時講嘢原來都好過癮，雖然佢鍾意男人，但原來對港女都幾有研究。 （做愛前）要簽份協議先，唔簽咪唔好做囉！ 家吓啲女仔好挑釁性，郁吓就叫非禮。 影相最難忘邊記得㗎，上床最難忘就話啫！ 我嘅人生似萬花筒、走馬燈，日新月異。 冇同黄耀明影過相，佢鍾意西人吖嘛，係家陣轉咗食中菜啫！ ####
98年楊凡經典同志電影，便有一個角色是以劉定成為藍本。劉定成表示因此結識當時初出道的吳彥祖及馮德倫，更為二人拍過無上裝照。
《忽然1周》圖片
21/5 雖然官司纏身，昔日鏡頭下猛男個個雞飛狗走話唔識，並無損劉公子心情，每日扮到靚靚出庭聽審。
95年警鴨案，劉定成當年被帶返警署協助調查，令劉定成的私影愛好曝光，因此被楊凡留意，拍成電影《美少年之戀》。《壹週刊》圖片
我都好尷尬！
18/5
20/5見律師
羅仲謙最大隻 嗰時都未收到好實，未係好乾，好似筋肉人咁，不過佢係靚嘅，個胸夠大，個樣靚仔，佢谷起個胸係咪靚仔呢？
陳偉霆 佢嗰時（拍照時）都未入英皇，好純品嘅一個男仔，佢好sweet，好圓滑咁囉！
林峯 佢太老啦！(31歲都話老？)吓？乜佢做咗咁多年先得31歲？
余文樂太鞋抽 我唔鍾意人鞋抽，或者你（記者）覺得佢靚，但係我一啲都唔欣賞。
上年8月杜宇航曾出席Gucci活動，據知是劉公子幫手搭路，現場2人前後腳出現，但冇合照。
沒有留言:
張貼留言