好想支持正版音樂，但諗起買完CD後要拎返屋企用電腦轉格式，至可以放入手機聽，最終都會打消念頭，索性……開收音機聽算數！
趁住各大流動網絡商推出4G制式，上網速度快近十倍，令
KKBOX（http://hk.kkbox.com）、
MOOV（http://moov.hk）等網上音樂服務變得更可行，點完歌名幾乎即刻有得聽，拍得住播手機內歌曲。
難怪上月又有新品牌SOLITON（http://iknowthissong.org）加入，將網上聽歌同社交功能二合為一，好似玩微博隨時follow他人playlist，成功吸納大班歌星名人。
有型追歌
前 商台DJ陳強本來是KKBOX用家，早幾個月跳槽到SOLITON，「KKBOX以中文歌為主，外國歌數量一般，介面又悶，後來俾SOLITON廣告吸 引，覺得好正。」起初純粹貪新鮮，未有理會藏曲量，點知玩落有驚喜，「我最鍾意搵騎呢外國歌，例如美國樂隊The Mars Volta（http://www.themarsvolta.com）、
hip hop歌手Snoop Dogg（http://www.snoopdogg.com），竟然都搵到。」而且可以玩埋social network，亦令陳強覺得有新意，仲成日整埋古靈精怪playlist等人follow。「試過將網上一張惡搞陳慧琳抱蝦餃仔的相，做profile 相再加兩首歌，竟然都有幾十人follow，好好玩。」不過陳強最希望增加個人訊息功能，可以同其他用家私底下傳送訊息，互相交流音樂經。
改變模式
網 上音樂服務打破以往成隻CD或逐首歌買的消費模式，每月只要繳交固定月費，就可以自由在電腦或手機上，串流點播網上音樂庫的歌曲，部分供應商更提供MV及 演唱會等影像片段。隨着近年音樂檔案的防盜用技術提升，令下載回來的歌曲只可在指定播放器上播放，大大減低複製檔案的可能性，聽歌模式亦由串流變成可下載 至手機，就算網絡接收差，用家都可以播放之前下載的歌曲，聽得更靈活。
音樂社交 SOLITON
成立日子最短，同本 地四大唱片公司（EMI、Sony、環球及華納）有合作關係，歌曲夠多同新，整體來講都算合港人口味。功能亦有諗頭，配合手機的語音辨識功能，只要讀出一 兩句歌詞，就識搵到首歌，兼且加入社交功能，可同其他人分享playlist。網站大玩明星效應，邀請明星名人分享playlist，不過好多歌手只分享 自己歌曲，好鬼hard sell。
華語佔優 KKBOX
歌曲數目逾100萬，另外因為創立於台灣（現已被日本電訊 公司KDDI（http://www.kddi.com）收購），台灣歌曲數目大幅拋離另外兩間，當中更包括不少台灣影視及台語歌曲。香港藏曲亦頗豐富， 有齊四大唱片公司歌曲，除了流行曲，遠至六、七十年代歌手例如陳寶珠等都搵到。 此外，KKBOX支援平台之多亦是三間之最，連Symbian（http://www.symbianos.org）及
Samsung bada（http://www.bada.com）作業系統都支援。
睇住追星 MOOV
○ 六年推出，音樂庫以中、外流行曲為主，不過現時只得約十八萬藏曲，跑輸大市，但四大唱片公司的歌都搵到，最大賣點是有不少獨家演唱會影片。除在電腦上提供 播放軟件，iOS及Android亦有專用播放app，但Android機種必須為PCCW網絡用戶先播到，加上不少機種例如GALAXY Note未能支援，不夠方便。
雖然鍾意聽外國歌，但陳強試過在SOLITON搵中文歌，發現都算齊全。
三間網上音樂服務供應商限制每個賬戶同一時間只可以從一個裝置登入，例如在手機登入，電腦方面就會被彈出。
三重奏
電腦介面 中、日、英分類清楚，雖有顯示最近期的專輯，但想搵舊專輯就要靠搜尋功能，另外無得按男、女歌手分類搵。
手機app 手機介面同電腦相似，但點算下方的Tips、VIDEO REVIEW及EXHIBITION等都無附加內容。
電腦介面
操作介面似iTunes，有齊新碟及新歌消息，易用。
手機app
可按地區分類選擇最新派台歌，不少未出碟歌曲都有得聽。
電腦介面 將playlist、新歌及新專輯擺埋一齊，睇得辛苦。
手機app 搵歌結果：分別來自三個版本，沒有其他同名專輯及相關字詞結果，要記得成首歌名先搵到。
沒有留言:
張貼留言