唐詩詠原來已滿了三十一歲。
在那張像是永遠青春的臉蛋背後，她的情緒發展，
也曾像她的樣子般過分青春，令她處處碰壁。
別以為這位弱質纖纖的女孩子，是個在溫室長大的乖乖女，
一直獲父母兄長親戚疼愛，事實卻是相反。
她口中的家庭，四分五裂，父親長駐內地工作，
母親在港為口奔馳，父母感情亦有問題。
或因天生性格被動，唐詩詠才沒有學壞。
她自小的願望，不是要讀書叻，也不是嫁個有錢人，
只想有個完整溫暖家庭。
一路我都冇plan，我唔似一啲人會plan做律師咁。
細個我想要一個好好嘅屋企，
唔係我自己屋企喎，係爸爸媽媽嘅屋企。
有人說上天是公平的，奪去你某些東西，
自然會還給你另一些東西。唐詩詠擁有的，就是標致五官。
我阿媽成日讚我靚，成日都叫我選港姐，
佢愈叫我做，我死都唔制，唔選唔選！
做咗model其實佢好開心，佢覺得生咗個喺佢
心目中好靚嘅女，覺得應該做靠樣搵食嘅嘢。
我媽咪以前都好靚，唔知呢個係佢個dream定我嘅dream，
係有少少投射落我度。
我相信，現在的唐詩詠，可以很自信的告訴母親，
自己已成為一名出街一定有人認得的演員。
縱使，唐媽媽已到了彼岸的那方。
在那張像是永遠青春的臉蛋背後，她的情緒發展，
也曾像她的樣子般過分青春，令她處處碰壁。
別以為這位弱質纖纖的女孩子，是個在溫室長大的乖乖女，
一直獲父母兄長親戚疼愛，事實卻是相反。
她口中的家庭，四分五裂，父親長駐內地工作，
母親在港為口奔馳，父母感情亦有問題。
或因天生性格被動，唐詩詠才沒有學壞。
她自小的願望，不是要讀書叻，也不是嫁個有錢人，
只想有個完整溫暖家庭。
一路我都冇plan，我唔似一啲人會plan做律師咁。
細個我想要一個好好嘅屋企，
唔係我自己屋企喎，係爸爸媽媽嘅屋企。
有人說上天是公平的，奪去你某些東西，
自然會還給你另一些東西。唐詩詠擁有的，就是標致五官。
我阿媽成日讚我靚，成日都叫我選港姐，
佢愈叫我做，我死都唔制，唔選唔選！
做咗model其實佢好開心，佢覺得生咗個喺佢
心目中好靚嘅女，覺得應該做靠樣搵食嘅嘢。
我媽咪以前都好靚，唔知呢個係佢個dream定我嘅dream，
係有少少投射落我度。
我相信，現在的唐詩詠，可以很自信的告訴母親，
自己已成為一名出街一定有人認得的演員。
縱使，唐媽媽已到了彼岸的那方。
在得獎當晚，唐詩詠說自己以前甚麼都三分鐘熱度，不過現在她真心喜歡演戲，會努力計劃將來。
「以前我都覺得我係時裝樣，拍完之後佢哋建議我拍多啲古裝，因為古裝造型上服裝上幫咗我好多，大家脫離咗現實可能會唔同睇法。」
無論鄭嘉穎和《鐵馬尋橋》，也在唐詩詠生命中扮演重要角色。
在剛開拍的新劇《神探高倫布》中，唐詩詠再得李添勝重用，不只當女主角，更與黎耀祥發展感情。
自言性格孤僻，養貓也讓唐詩詠開心起來。
沒有你還是愛你
不是因為母親節將至，才大搞煽情，因為訪問期間一提到母親，唐詩詠那對大於常人的眼眶，水分含量立即上升。「日日都掛住佢，夜晚臨瞓前我會同佢講嘢，當佢聽到啦！好奇怪，佢唔喺度嗰種掛念更加嚴重，先知道我真係好愛佢，依家先知喎。以前關係唔好，佢喺度時又可能會埋怨佢。
「之前屋企負資產得好緊要，嗰嚿錢還得好大，得媽咪一個支撐，哥哥收入唔穩定，爸爸冇見佢好多年，長期喺大陸。我去到二十歲拍完《Y2K》先至知番屋企一路冇好過，媽咪一路還緊錢。媽咪就係一個咁嘅人，佢唔會叫你去幫佢，佢搞唔掂會去搵第樣嘢冚，冇話過畀我聽。」
上周四（三日）是唐詩詠生日，本來應該慶祝，也變得不重要。
「媽咪唔喺度之後都冇搞過生日會，可能唔同咗，想靜啲過。我嗰一日情緒會波動得好大，因為我會諗嗰日係媽咪生我嘅一日，我會諗好多嘢，所以我唔適宜搞生日會，我唔想人哋見到我好似好開心，突然之間又好唔開心，所以我想自己過。」
與唐詩詠關係最深的，連她自己也承認，來來去去都是那一個崔建邦。
在《四葉草》中合作過的戴夢夢（左）和黃婉伶（中），九年後發展各異。
一人成長
不止生日自己過，唐詩詠童年大部分時間，也是自己過。「以前嘅想法實在太過幼稚，屋企冇人陪我，唔讀書嘅時候好似仲care我多啲。因為冇人管我，我返唔返學冇人知，每日瞓覺十幾個鐘冇人理，我小學放 學自己一個人走咗去荔園玩冇人理。淨係諗點解你哋唔理我？細個比較孤僻，冇乜朋友嘅，成日自己一個人食飯，點解冇人同我玩呀？點解個個又會去旅行，我又 冇？」
她承認，自己的情緒發展，比同齡的人遲鈍很多，可能踏進社會做事四、五年後，才了解自己是個怎樣的人。
「喺成長過程冇長輩教我，我所有嘢都係跌撞返嚟。原來我咁樣做，人哋唔鍾意嘅，下次唔好做喇咁樣。啱啱入TVB我都好唔知道應該點對同事，雖然我慢 熱，就算我唔識佢都好啦，我都可以好熱情嘅，有陣時我好開心就會咁o架喇，就會搞錯咗個態度，好多好多問題。呢一行好奇怪，有時我當咗佢係家姐，唔知點解 我好信任佢，好想講嘢畀佢聽，喺佢角度可能只係當我普通朋友。好多呢啲嘢我摸唔透，令好多人誤會。」
唐詩詠和年長五年的哥哥感情要好，可惜父母的感情問題讓她童年不大好過。
知心好友
和崔建邦，就不只是普通朋友般簡單。「我同佢兩個家庭都唔係好完整，佢會好明白，可能佢自己都係咁樣諗。之前一啲時候佢都幫咗我好多，但喺我唔識處理嘅人際關係上，佢確實係幫咗好多嘅，雖然我唔係好想講佢。」
鄭嘉穎在唐詩詠心目中，也是位好前輩。
「一入TVB第一部劇就同佢拍，到依家超過七部劇。由唔熟，到嘩……好似好難相處，到相處得到，算係一路睇住我成長嘅前輩。佢講嘢係直接o架，『喂你呢個反應唔好呀！做過！』可能我哋又熟，我唔會有hard feeling，希望佢咁樣同我講多啲！
「其實仲要多謝Marco（羅永賢），佢每一部劇都畀唔同角色我，之前《仁心解碼》有少少精神病嘅女人角色，好多人都有反應。《大太監》（未播映） 又係佢嘅，第一次搵我做皇后，咁正經嘅佢都交畀我、咁信任我，我都好多謝佢，因為佢太了解我。另外添哥（李添勝）發掘咗我做一個好慘好慘嘅角色，另外一個 係做舞女（剛開拍的《神探高倫布》）我完全冇幻想我會做舞女，但佢會畀我做。以前你叫我做舞女我唔會做，我會同佢講我接唔到，依家我會做囉。」
見證奇迹
唐媽媽離去的二○○九年，也是哥哥炒燶股票、爸爸退休、與崔建邦分手等事情發生之年頭，唐詩詠像成了悲劇人物，猶如同期她遇上《鐵馬尋橋》中的角色阿雁一樣。「以前好多人覺得我係花瓶，靚靚女咁出嚟笑吓。因為呢個劇畀好多人睇到我會用心做戲，拍嘅時候可能我經歷咗好多嘢，中間有好多寫畀我嘅位，我都係好自然演到。」
角色還讓她大熱勇奪「飛躍進步女藝員」獎。
「係我人生轉捩點，之前嗰兩三年都幾唔開心，喺咁嘅情況下接到呢個劇，因為咁而攞到獎，好有希望咁。私人事好多唔開心嘅嘢發生，竟然喺事業上有曙光。大家對我感覺唔同咗，覺得監製對我信心大咗好多，喺事業上我可以有好多嘢，就會開始去諗。
「對於一個咁孤僻嘅人嚟講，可以做到娛樂緊大家嘅嘢，好似好magic嘅一件事，我所有中學同學冇一個覺得我做到呢份工。由做model開始已經覺得我冇乜可能，到我做演員、攞完獎，我收到好多中學同學短訊話一路都冇諗過我可以有呢一步，我好感動。」
童年的她，一個人，沒有方向；少年的她，也是一個人，跌跌碰碰；成年的她，仍是一個人，卻是躊躇滿志，思路清晰。幾年來，唐詩詠終於成長了。
強自強心
唐詩詠從來身材偏瘦，上鏡時候看起來該肥十磅，也像很瘦，我以為她連九十磅也沒有。「我媽咪都係咁樣o架，我有一百磅！係我啲骨好細，我又唔會肥得好多，OK嘅，因為我健康嘅！以前拍劇成日都頭暈，黃浩然好驚同我拍劇，未開工前都 已經中咗暑咁，我嗰陣時真係好孱。三年前第一次同佢合作，佢都會買定罐寶礦力畀我，成日驚我暈。到上次拍《拳王》，照樣拎咗寶礦力嚟。我話我唔使喇，依家 好咗好多，其實我有一路做運動，都覺得OK嘅。」
這個世界，有肥屍大隻，身體孱弱的人；也有鋼條身形，內心剛強的人。
因為家族遺傳，唐詩詠絕對當不成肥妹，而在骨感身形內，藏着的，絕對是一顆獨立剛強的心。
沒有留言:
張貼留言