-
Scroll Page | Stop Scrolling
小馬車環島 游玻璃水
大家都知印尼是由無數個群島組成，而當地人就稱那些外圍小島做Gili。今次去到龍目島，當然唔會放過出海機會，鎖定坐擁好似玻璃咁清嘅海水、位於西北面的Gili Trawangan，由島上小馬車帶路環島，浮潛玩水睇海龜玩餐飽！
熱血小馬狂奔環島
由龍目島西北岸的Bangsal碼 頭坐船出發，大概半個鐘就去到Gili Trawangan。雖然眼前的玻璃水海灘極度吸引，叫人想第一時間跳落水，不過導遊話唔好心急，先帶我們環島一圈，睇睇這個迷人外島的景色。 原來島上除踩單車，大部份人都會坐小馬車當環島工具，沿途經過最熱鬧的大街、叢林及超靚景海灘，最重要是價錢抵玩，三個人加埋都係$150。負責拉車的馬 仔一般由兩歲到六歲大，全身都會戴上別緻民族裝飾，大概一米半的身高細細隻造型極可愛。開頭以為約40分鐘的行程會好輕鬆，不過一上到車就會發現馬仔跑起 來原來好快，時速起碼有30km/h，加上路面有好多石頭，成架車不停抖動又有速度感，沿途要捉到實以防自己或相機飛走，到落車時候已經成身大汗，好似做 完Gym咁爽。
澄藍海灘 配套充足
坐完馬車成身汗，重頭戲當然係落水享受 一下這個玻璃水海灘啦！其實當我們上岸一刻就發現奇怪景象，島上除做生意的當地人外，海灘上幾乎都是金髮老外，十足去了夏威夷！坐低食飯時，聽侍應講原來 Gili Trawangan對當地人來說消費算貴，加上龍目島上少有白色幼沙沙灘，所以吸引一大班使得起錢的歐美人登島玩。 海灘水質靚，視野極佳，就算在五六米水深地方都可以一眼睇到底，加上有大量珊瑚魚在近岸地方出沒，所以玩浮潛及潛水是不可缺少的節目。這裏配套充足，大街 上隨時找到潛水用具出租店舖，新手埋去講多兩句，店員甚至陪伴一齊落水邊玩邊介紹，極之熱情豪爽。玩完上岸隨便搵張沙灘椅曬太陽，望住漸變色的大海、藍天 白雲、金黃日落，夫復何求啊！
力推海龜保育
除坐馬車及潛水外，到Gili Trawangan另一個最大收穫，就是可參觀這裏的海龜保育計劃。Garuda Indonesia平日營運渡輪航班之餘，原來也會參與不同的社會事務，島上的海龜保育中心是其中之一。位於海灘正中央的地方，遊客可睇到幾種附近一帶的 海龜品種，包括已瀕危的玳瑁海龜和綠海龜，他們將人工培育出來的海龜蛋放到沙灘上的指定地方孵化，並由專人看管，在保育中心飼養到半歲，就會放回大海。所 以在中心看到約七八十隻海龜都是未成年的龜BB，最細隻的只有雞蛋般大，非常可愛。另方面，這裏亦會教導大家海龜的習性和分佈，最重要是提醒我們潛水時要 與海龜保持距離，以免影響牠們。
Travel Memo
持BNO或特區護照者毋須簽證，最長可逗留30天。 乘搭Garuda Indonesia來回香港至龍目島（經雅加達轉機），入住三晚Puri Bunga Beach Cottages，套票價錢由$5,390起。 查詢︰http://www.garudaholidays.com.hk（嘉魯達假期） 220V兩圓腳插座 龍目島跟香港沒有時差 1港元約兌1,190印尼盾
■一去到Gili Trawangan岸邊，就會見到超靚玻璃水海灘，漸變的海水顏色絕不輸峇里。
■要去Gili Trawangan，最簡單是坐的士去到這個Bangsal碼頭，再坐35分鐘渡輪登島，來回船費約$210/人。
■一部馬車連司機最多可坐四個人，環島一圈收費$150。
■島上有不少Hostel，收費約$50/晚，好抵玩！
■島上基本只有一條環島線，酒吧餐廳商店都集中在靠近上岸的地方。
■ 每日回程尾班船為下午五點，回到Bangsal碼頭時剛好睇到日落。
■白色海灘沙質非常幼細，加上漸變色海水，靚到出汁。
■整個海灘八成以上都是外國人，唔講仲以為去咗夏威夷。
■揀好潛水鏡、救生衣和蛙鞋等浮潛三寶就可落水，大約$90可租成日任玩。
■媽媽更帶小朋友來度假，享受親子樂。
■來自美國加州的遊客大讚小島水夠清，潛水時可看到不少魚及珊瑚。
■大家不要學Jennifer！因平日是禁止觸碰海龜的，她是特別破例才可合照。
■海灘中央是海龜保育中心，免費參觀。
■受保育的海龜BB飼養到半歲就會送回大海。
大家都知印尼是由無數個群島組成，而當地人就稱那些外圍小島做Gili。今次去到龍目島，當然唔會放過出海機會，鎖定坐擁好似玻璃咁清嘅海水、位於西北面的Gili Trawangan，由島上小馬車帶路環島，浮潛玩水睇海龜玩餐飽！
熱血小馬狂奔環島
由龍目島西北岸的Bangsal碼 頭坐船出發，大概半個鐘就去到Gili Trawangan。雖然眼前的玻璃水海灘極度吸引，叫人想第一時間跳落水，不過導遊話唔好心急，先帶我們環島一圈，睇睇這個迷人外島的景色。 原來島上除踩單車，大部份人都會坐小馬車當環島工具，沿途經過最熱鬧的大街、叢林及超靚景海灘，最重要是價錢抵玩，三個人加埋都係$150。負責拉車的馬 仔一般由兩歲到六歲大，全身都會戴上別緻民族裝飾，大概一米半的身高細細隻造型極可愛。開頭以為約40分鐘的行程會好輕鬆，不過一上到車就會發現馬仔跑起 來原來好快，時速起碼有30km/h，加上路面有好多石頭，成架車不停抖動又有速度感，沿途要捉到實以防自己或相機飛走，到落車時候已經成身大汗，好似做 完Gym咁爽。
澄藍海灘 配套充足
坐完馬車成身汗，重頭戲當然係落水享受 一下這個玻璃水海灘啦！其實當我們上岸一刻就發現奇怪景象，島上除做生意的當地人外，海灘上幾乎都是金髮老外，十足去了夏威夷！坐低食飯時，聽侍應講原來 Gili Trawangan對當地人來說消費算貴，加上龍目島上少有白色幼沙沙灘，所以吸引一大班使得起錢的歐美人登島玩。 海灘水質靚，視野極佳，就算在五六米水深地方都可以一眼睇到底，加上有大量珊瑚魚在近岸地方出沒，所以玩浮潛及潛水是不可缺少的節目。這裏配套充足，大街 上隨時找到潛水用具出租店舖，新手埋去講多兩句，店員甚至陪伴一齊落水邊玩邊介紹，極之熱情豪爽。玩完上岸隨便搵張沙灘椅曬太陽，望住漸變色的大海、藍天 白雲、金黃日落，夫復何求啊！
力推海龜保育
除坐馬車及潛水外，到Gili Trawangan另一個最大收穫，就是可參觀這裏的海龜保育計劃。Garuda Indonesia平日營運渡輪航班之餘，原來也會參與不同的社會事務，島上的海龜保育中心是其中之一。位於海灘正中央的地方，遊客可睇到幾種附近一帶的 海龜品種，包括已瀕危的玳瑁海龜和綠海龜，他們將人工培育出來的海龜蛋放到沙灘上的指定地方孵化，並由專人看管，在保育中心飼養到半歲，就會放回大海。所 以在中心看到約七八十隻海龜都是未成年的龜BB，最細隻的只有雞蛋般大，非常可愛。另方面，這裏亦會教導大家海龜的習性和分佈，最重要是提醒我們潛水時要 與海龜保持距離，以免影響牠們。
Travel Memo
持BNO或特區護照者毋須簽證，最長可逗留30天。 乘搭Garuda Indonesia來回香港至龍目島（經雅加達轉機），入住三晚Puri Bunga Beach Cottages，套票價錢由$5,390起。 查詢︰http://www.garudaholidays.com.hk（嘉魯達假期） 220V兩圓腳插座 龍目島跟香港沒有時差 1港元約兌1,190印尼盾
■一去到Gili Trawangan岸邊，就會見到超靚玻璃水海灘，漸變的海水顏色絕不輸峇里。
■要去Gili Trawangan，最簡單是坐的士去到這個Bangsal碼頭，再坐35分鐘渡輪登島，來回船費約$210/人。
■一部馬車連司機最多可坐四個人，環島一圈收費$150。
■島上有不少Hostel，收費約$50/晚，好抵玩！
■島上基本只有一條環島線，酒吧餐廳商店都集中在靠近上岸的地方。
■ 每日回程尾班船為下午五點，回到Bangsal碼頭時剛好睇到日落。
■白色海灘沙質非常幼細，加上漸變色海水，靚到出汁。
■整個海灘八成以上都是外國人，唔講仲以為去咗夏威夷。
■揀好潛水鏡、救生衣和蛙鞋等浮潛三寶就可落水，大約$90可租成日任玩。
■媽媽更帶小朋友來度假，享受親子樂。
■來自美國加州的遊客大讚小島水夠清，潛水時可看到不少魚及珊瑚。
■大家不要學Jennifer！因平日是禁止觸碰海龜的，她是特別破例才可合照。
■海灘中央是海龜保育中心，免費參觀。
■受保育的海龜BB飼養到半歲就會送回大海。
沒有留言:
張貼留言