港大話劇玩謝貪曾

Tweet

Widgets

港大14間舍堂（宿舍）前週六（21日）齊齊參加戲劇比賽，本來賽前熱門係李國賢堂及偉倫堂，但最終俾太古堂嘅話劇《活畢活》爆冷勝出。


Spy當日都有睇過套話劇，確實劇本超級天馬行空兼諷刺，故事講到某星球的人類每到三十歲便要飲毒酒終結生命，但當中的政府高官卻互相勾結，逃避飲毒酒，因而引起紛爭。最搞笑係當中高官同奢華行為與曾特首十足，擺明諷刺對方。 原來太古堂近十年來第一次勝出比賽，太古堂康樂秘書黃梓峰話：「我們台前幕後約五十人一齊排練咗個幾月。評判們覺得我們的劇本虛幻之餘又與現實相關，容易讓觀眾產生共鳴。」


造型似 雖然同學否認諷刺特首，但主角打煲呔，又打哥爾夫球，真係十足大花筒特首！

劇中政府要市民以歡悅心情去飲毒酒終結生命，市民就以拍手交戲，當中有人忍不住苦笑。

男扮女 大學堂以男扮女裝作搞笑演出，可惜未能加分。