對手機玩家嚟講，期待新機推出嘅心急程度，比戲迷等戲仲勁！不過，全世界都估iPhone 5要到9、10月先出，就等如一套有排都未上嘅大片，急都急唔嚟。反而Android陣營因玩機海戰術，季季都有新機出，個個brand接力上。啱啱3大 廠就有3部勁機出場，戲碼拍得住一堆暑期猛片，擁躉買唔買都好，都可以食住花生等睇戲，睇佢哋點打水尾4S！
《FACE》Gadget版監修人903 DJ Donald
GS III啲規格ok，我用過HTC部4核機，真係快到喊，所以對GS III嘅速度好有信心！其他功能都幾好：AllShare iPhone仲未做到，S Voice都唔錯，係爭在未支援廣東話啫。不過佢個款就真係麻麻，冇咗Samsung個logo真係分唔到係咩牌子嘅機。
Samsung GALAXY S III 銀河第3集
即 將上映新片中，最勁就係《黑超特警組3》，fans睇完第2集，等咗10年先等到新一集。但手機就唔可以隔咁耐，所以上代Samsung Android機王GS II推出1年之後，即有後繼旗艦GS III接棒。部機將於5月29日喺歐洲出3.75G版，而香港一出就會係4G LTE版，所以要遲少少，但都會係夏季內。香港幾大網絡商都有晒抵玩4G plan，好大機會同上年一樣，出現GS III上台出機潮。
Spec.
系統：Android 4.0 Ice Cream Sandwich 處理器：4核心1.4GHz、1GB RAM 制式：4G、3.5G、GSM 屏幕：4.8" 720×1,280 HD Super AMOLED 鏡頭：800萬（後）、190萬（前）像素 記憶：內置16/32/64GB、microSDXC 體積：136.6×70.6×8.6mm 重量：133g 預計售價：$5,000以上 推出日期：5月29日 查詢：Samsung（3698 4698）
4核 U加4.8"巨芒
同《MIB3》入面特警裝備升呢一樣，GS III唔使問都知比GS II勁好多：行頭當然係CPU，Android機已踏入4核時代，GS III梗有番粒4核1.4GHz U先可以同HTC One X等機揮過。GS III發布會後已有外國網站用測速程式試過，發現比One X再快少少，表現合乎預期！另外，Samsung見Note咁賣得，深明大屏幕嘅重要，所以GS III個芒都加大至4.8"，解像度更達1,280×720高清級數，拋離iPhone 4S！
5大 功能搶話題
其實4S有辦畀全世界睇，新功能比硬件升級更重要，所以4S最有talking point反而係Siri。所以今次Samsung都捉到路，唔一味硬銷硬件，亦出力sell GS III 5個話題功能，大家講部機時，起碼唔使淨係講粒U有幾快咁抽象。
試相
買機送50GB Dropbox
GS III仲係今年奧運指定手機，所以發布會揀喺奧運主場倫敦搞，現場有幾百個嚟自全球嘅記者採訪，除咗，只有Samsung可以有咁嘅大場面，足見GS III係iPhone天敵嘅地位。事前仲有傳Samsung會好似咁推出S Cloud自家雲端平台，不過最終冇出現到，買GS III反而送50GB Dropbox a/c，比5GB iCloud豪10倍。
懸浮異軍
啱啱睇完銀河第3集，呢邊廂就有SONY異能軍 殺到！叫得做異能軍真係身懷絕技，主打Xperia SOLA竟然有最新嘅懸浮觸控技術（floating touch），觸芒方法十足蜘蛛俠咁凌空，玩味十足。另一部Xperia U亦學蜘蛛俠玩變臉，可以換底殼同任轉7種閃燈顏色，形象滿分。
賣弄色相 SONY Xperia U
外 形十足迷你Xperia S孖生兄弟嘅Xperia U，主打竟然係sell色相，咩料先？咪噓住，佢個3.5吋芒，唔只用上BRAVIA Engine影像技術，用手機睇片都可以好似睇電視咁靚之餘，屏幕質料仲有防刮玻璃，試用鉛芯筆喺上面畫畫，真係冇留痕。靚芒之外，又有日系機最愛嘅「換 殼」同「閃燈」配置，跟機有3種唔同顏色底殼送，又可以自訂7種機身閃燈顏色，好有親切感呀！
試芒
試播《The Amazing Spider-man》高清trailer，經BRAVIA Engine處理後明顯更鮮色，3.5吋芒睇片都可以好似睇電視咁靚。
Spec.
系統：Android 2.3 處理器：雙核心1GHz 制式：3.5G、GSM四頻 屏幕：3.5" 1,600萬色TFT 鏡頭：500萬像素 記憶：內置8GB 體積：112×54×12mm 重量：110g 售價：$2,498 查詢：SONY（2345 2966）
凌空篤篤篤 SONY Xperia sola
話就話SONY虧蝕慘重，但好 在新手機都有新技術，繼續有驚喜！呢個懸浮觸控技術，即係唔使掂到個芒，手機都可以「感受」到你隻手指。當睇網頁時，手指凌空5mm左右，網頁上嘅下拉選 單唔使篤落去就識打開；手指再凌空向下一掃，連結選項仲識自動反白，方便你睇揀咗邊個項目。不過要選取功能，還是要用手指直接篤芒，凌空篤暫時以玩味為 主。
繼續玩轉NFC
SONY今次嘅新機全部都有NFC功能，雖然冇預載Android 4.0玩唔到Android Beam，但SOLA就有兩個SmartTags送（原本1套4個售價$128），用app設定好，再用手機拍一拍個小襟章，就可以啟動手機一連串功能。
Spec.
系統：Android 2.3 處理器：雙核心1GHz 制式：3.5G、GSM四頻 屏幕：3.7" 1,600萬色TFT 鏡頭：500萬像素 記憶：內置8GB、最高32GB microSD 體積：116×59×9.9mm 重量：107g 售價：$2,998
白天出沒 Xperia P
打頭陣兩部Xperia新機各懷異能，守尾門嘅Xperia P都有招WhiteMagic技術，解決日光下睇唔到屏幕嘅問題。最啱應對夏天烈日，帶出街唔使再搵嘢遮住都睇到手機，真係方便好多。呢部新機未出定價， 但睇番先前兩部都係3千蚊有找，如果Xperia P都可以咁進取，有望殺出血路！
Spec.
系統：Android 2.3 處理器：雙核心1GHz 制式：3.5G、GSM四頻 屏幕：4" 1,600萬色TFT 鏡頭：800萬像素 記憶：內置16GB 體積：122×59.5×10.5mm 重量：120g 售價：待定（預計於五月中發售）
吸電新世紀 Motorola RAZR MAXX
iPhone 4S成日俾人話耗電快，要帶後備電好麻煩！Motorola睇準呢個弱點，出部有3,300mAh電池容量嘅RAZR MAXX，足足係4S嚿1,430mAh電1倍有多，任吸唔怕！我哋試過開盡WiFi sharing，仲校到個4.3吋高清芒最光兼連續播《吸血新世紀4》嘅trailer兩粒鐘，手機都冇變熱，電池消耗亦只係25%，表現唔錯。機身厚度 8.99mm唔算太厚，比GALAXY S III只厚0.39mm，唯一唔like就係要用micro SIM。
電池測試
Spec.
系統：Android 2.3 處理器：雙核心1.2GHz、1GB RAM 制式：3.5G、GSM四頻 屏幕：4.4" Super AMOLED 540×960 鏡頭：800萬像素 記憶：內置16GB、最高支援32GB microSD 體積：130.7×68.9×8.99mm 重量：145g 售價：$4,498 查詢：Motorola（2506 3888）
未來大軍繼續殺
蝙蝠俠冇乜異能，但勝在錢多，可以不斷研發高科技武器對付敵人。Android未來走勢亦都勝在開發廠商夠多，不斷有新玩意、新勁機唔會悶。
遙控手表 SONY SmartWatch
雖然iPod Nano一早可以變手表，不過Nano冇得連接手機，反而呢隻剛推出行Android嘅SmartWatch，就利用藍牙接駁手機，可以睇來電、收sms、甚至睇fb同遙控手機影相等，好玩得多！而且玩換表帶之餘，仲有防水濺功能，夏天帶去沙灘，夠晒！
Spec.
系統：Android 連接：藍牙3.0 體積：36×36×8mm 重量：15.5g 售價：$1,298 查詢：Sony （2345 2966）
國產四核 MEIZU MX Quad-core
賣一部手機都可以殺入旺角開專門店，國產手機品牌魅族MEIZU都算第一人！首部開賣手機MEIZU MX勁到有人龍排隊兼有炒價，後繼四核新機亦鐵定6月上市，配有4吋高清芒同f/2.2大光圈800萬像素鏡頭，32GB版只賣$3,099，好抵玩！
Spec.
系統：Flyme OS 1.0 處理器：四核心1.4GHz 制式：3.5G、GSM四頻 屏幕：4" 1,600萬色ASV 960×640 鏡頭：800萬像素 記憶：內置32GB 體積：121.3×63.3×10.3mm 重量：139g 售價：$3,099 查詢：MEIZU（2388 2033） 推出日期：6月
Intel參戰 XOLO X900
手機處理器幾乎等同心臟，處理器質素唔夠班，其他規格幾勁都冇 用！最近第一部用上Intel Atom處理器嘅Android手機終於面世，呢部XOLO X900行1.6GHz 嘅Atom Z2460 處理器，效能等同其他雙核機表現。有埋Intel加入，Android手機未來肯定大把好戲。
Spec.
系統：Android 2.3 處理器：1.6GHz Atom Z2460、1GB RAM 制式：3.5G、GSM四頻 屏幕：4.03" 1,600萬色TFT 1,024×600 鏡頭：800萬像素 記憶：內置16GB 體積：123×63×10.99mm 重量：127g 售價：約$3,300 查詢：http://www.xolo.in 推出日期：5月
同鄉突入 LG D1L
同係來自韓國，LG部旗艦級4核機Optimus 4X HD未上市，就已經有傳LG準備再出另一款高階機撼Samsung GALAXY S III。其實部Optimus 4X HD已經號稱係最薄嘅高清四核機，但傳聞部LG D1L處理器會再升呢之外，仲有埋LTE，外國媒體話會係力撼機王嘅代表喎！ 推出日期：5月內 ####
左起：SONY Xperia U、Samsung GALAXY S III、Motorola RAZR MAXX
GS III放棄GS II嘅平面方角，改成Gnexus嘅弧形款，老實講句，我覺得GS II靚仔啲！
除咗白色，仲有呢隻深藍色，睇真啲，唔係黑色嚟㗎！
官方公布GS III厚度為8.6mm，雖然比GS II厚少少，但機背微弧，睇落更流線型。
S Beam 即係已有唔少機玩緊嘅NFC功能，同另一部機背對背輕拍一下，就傳到相、片、歌同其他file，唔算好新，但Samsung重新包裝過，又有得講吓。
Social tag 影完一張相後，識將相中人樣貌對番聯絡人入面嘅相，認到即會自動tag，以後打開張相時，就會見到個名，下面仲有shortcut可打電郵或SMS畀佢。
Direct call 當你打緊SMS畀人時，忽然想call佢聽埋佢把聲，只要將部機貼近耳仔，佢就識自動撥號，幾細心嘅一個功能。
S Voice 即係Samsung版Siri，玩吹水對答大家可能已玩厭，反而可用佢操控app比較實用，例如用語音指令校鬧鐘，仲可以開影相app同聲控快門。
Smart stay 啟用功能後（眼睛圖示），睇電子書或網頁時就唔會自動熄芒，唔使成日篤番着個芒，亦唔使成日入設定校唔用自動休眠咁煩。
GS III個芒比GS II（右）大0.53吋，機身都長一截。
發布會現場流出試相，個800萬像素鏡頭同上代差唔多質素，但快門近乎零時滯，反應極快，唔會miss shot。
Samsung韓國高層同班話事人一樣，鍾意喺勁暗環境中發表keynote，真係型啲咩？
幾百個全球記者迫爆倫敦發布會現場，想影機亦要爭崩頭！
換底殼其實並非換機背嗰隻，而係指機底長方形底殼。
試用鉛芯筆喺芒上面狂畫，一條痕都冇，勁！
一換主題，機身嘅閃燈同屏幕就跟埋轉色，好靚。
實試floating touch，手指離個芒足足有5mm，都可以感應到，勁！
主畫面嘅波浪設計可以畀你試埋floating touch，凌空一掃，波浪就會跟住郁。
1.下載免費app「Live Ware」，就可以設定SmartTags功能。例如可以將一個Tag叫做「Home」，以後一拍就會「開啟鬧鐘」同變「靜音」。
2.SmartTags可各自設定唔同功能，再放喺唔同地方，好似匙扣咁四圍帶住都得。想開啟設計好的功能，只要如圖示位置拍一拍SmartTags就可以。
3.將「Home」呢個Tag放喺床頭，臨睡前用手機拍一拍，手機就自動幫你開啟鬧鐘同變「靜音」，唔使再左set右set。
雖然冇得換電，但有成3,300mAh電量都可以做到機身咁薄，抵讚！
用咗micro SIM偷細機身，再內置16GB容量，但仲可以插microSD，有驚喜！
開WiFi狂播《吸血新世紀4》嘅YouTube trailer，屏幕仲校到最光，狂煲都夠電。
手機內置電池消耗嘅監控功能，有晒充完100%電後用咗幾耐，邊個app最食電等資料。
睇番電池消耗，狂玩2個小時大約冇咗25%，計埋記者測試前自己玩咗1粒鐘fb耗電約12%，餘下63%電量仲可以玩到8個半鐘，勁！
表帶可以拆出換色，襯衫一流。
傳聞LG D1L外形上同呢部Optimus 4X HD冇乜點變，希望下星期會有更多資料。
沒有留言:
張貼留言