-
Scroll Page | Stop Scrolling
前排因捲入涉嫌利益輸送，被迫放棄租住老友黃楚標深圳豪宅嘅曾蔭權，仲有唔夠三個月退休，一間唔得，佢話咁快安排好另一間未來居所，就係入住佢胞妹
曾璟璇嘅干德道豪宅康苑。呢個豪宅同深圳東海花園一樣咁豪，三千三百呎，市值四千五百至五千萬，係阿妹二○一○年透過空殼公司買入，自從有傳阿哥會遷入
後，呢個單位就開始大裝修，成兩個月都未整好，外牆仲搭緊棚。唔講唔知，今年五十五歲嘅曾璟璇係渣打銀行香港董事局主席，而且仲係一個億萬富婆。
據 土地註冊處資料，璟璇由八八年起先後以私人或公司名義購入十一個單位，至今賣咗九個，蝕過一次僅三十二萬，其餘一律賺到盆滿鉢滿，前後進賬三千二百幾萬， 最勁嗰次係○四年，同樣透過私人公司，用三千萬買咗紅山半島獨立屋，五年後以四千三百萬賣出，勁賺千三萬。加埋佢而家仍然擁有市值五千五百萬嘅淺水灣道詩 禮花園，同埋即將借俾大哥住嘅康苑，佢嘅身家超過一億三千萬。璟璇最活躍樓宇買賣係喺九十年代，康苑只係佢最近期買入的單位，唔知嗰陣時有無諗過，兩年後 讓俾大佬做退休屋呢？（林璐菁）
鄭家富要做政壇曾Sir
人民力量及社民連嘅黃毓民、陳偉業及梁國雄喺星期三立法會續 審議議員出缺安排草案上會繼續「拉布」，不過因為人丁單薄，毓民四出搵泛民幫拖，最新一位加入戰團嘅係獨立議員鄭家富。原來拉布前夕，鄭家富會喺鄭經翰個 香港數碼廣播電台開咪，夜晚八點開完咪，第二朝就要到立法會拉布，如果一日未廢惡法，仲可能會拉多幾個禮拜，未必能夠定時定候同聽眾見面。 佢個節目叫《笑聽phone雲》，名副其實Phone-in節目，時事、政壇、法律，咩嘢都會講吓。阿富話，佢想打造自己成為「政壇曾近榮」，曾近榮教人 用哥士的通渠，條渠塞咗就識點做。阿富都想聽眾聽完佢嘅節目，未必即刻用得着，不過當有事發生喺自己身上，有需要時法律知識就大派用場咁話。（林璐菁）
林瑞麟九月同Thomas做校友
梁 振英新政府司局長人選逐一出籠，一直民望極低嘅林瑞麟就喺早前自行宣布要離開政府，同太太去英國牛津讀神學。不過政府中人就透露，其實林瑞麟一早自知無得 過渡「梁朝」，所以三月初已申請入讀牛津Wycliffe Hall讀一年牧養課程Certificate in Theological and Pastoral Studies。呢個學院無乜政界名人讀，反而收好多世界各地嘅神職人員，最出名就係小朋友至愛火車頭系列THOMAS & FRIENDS始創人英國牧師Wilbert Awdry （1911-1997）。
點解林D9會對呢個課程咁有 興趣呢？原來係佢多年來返教會，好多神職人員都同佢推介過呢個課程好好玩，喺神學中屬於辯教學，即係辯護教義，例如人類究竟係天父創造抑或係進化論而來， 歡迎大家討論，亦歡迎非神職人員參與，一向好鍾意同議員辯論嘅林瑞麟，虔誠得嚟都不忘自己喜好，揀一科有得「拗」嘅嚟讀。（簡淑明）
差佬激讚機械狗
上 週五長沙灣發生交通警員開槍擊斃黑幫刀手，事發後眾說紛紜，有人見到刀手向交通警阿乙（花名）追斬，所以先開槍打佢，但後來又發現兇徒原來係背部中槍，咁 點解阿乙要一槍打死人。不過阿乙個老頂深水埗警區助理指揮官劉達強，好快出嚟鎮住個場，佢力撐阿乙做法絕對正確，又話危急關頭，面對一個觸犯嚴重罪行嘅 人，警員開槍係好正常嘅。一般環頭老頂喺發生牽涉伙記開槍事件時，唔會講咁多，今次力撐下屬、口水多過浪花嘅劉達強，來頭非小，係警隊中少有偵查及談判專 業集於一身嘅人才。
劉達強花名叫機械狗，七七年入行，佢個警員編號最後係個9字，又加上佢為咗查案，可以不眠不休 好似機械人，所以被同袍叫機械狗。佢做過毒品調查科、又做過港島重案組，屢破奇案。○四年地鐵縱火案，○一年中環SM淫竇案，○二年破獲本港最大宗外圍馬 集團洗黑錢案，涉款四億一千萬。劉達強仲係談判專家。不過最令警隊津津樂道嘅，係機械狗有個中學同學叫張國榮。（簡淑明）
干德道單位正在裝修，保安（圓圈）嚴密監視。（郭永強攝）
曾蔭權
曾璟璇投資有道，單是大潭浪琴園，已賺五百二十萬。（江永健攝）
鄭家富話，佢想成為「政壇曾近榮」，等聽眾多學法律常識。（《蘋果日報》圖片）
拉布戰新添成員鄭家富，將主力講各種疾病的由來。
民望低的林瑞麟，報讀牛津Wycliffe神學，都專揀一科可以同人辯論嘅科目嚟讀。（《蘋果日報》圖片）
同校校友係Thomas火車頭始創人Wilbert，可惜已經仙遊，唔係就可以請教吓牧師點樣做到受人歡迎。
交通警阿乙（右）長沙灣槍殺殘暴刀手，老頂劉達強（左）出面力撐，阿乙壓力都無咁大。（《蘋果日報》圖片）
有市民當日拍下刀手行兇及被警員制服的情況。
據 土地註冊處資料，璟璇由八八年起先後以私人或公司名義購入十一個單位，至今賣咗九個，蝕過一次僅三十二萬，其餘一律賺到盆滿鉢滿，前後進賬三千二百幾萬， 最勁嗰次係○四年，同樣透過私人公司，用三千萬買咗紅山半島獨立屋，五年後以四千三百萬賣出，勁賺千三萬。加埋佢而家仍然擁有市值五千五百萬嘅淺水灣道詩 禮花園，同埋即將借俾大哥住嘅康苑，佢嘅身家超過一億三千萬。璟璇最活躍樓宇買賣係喺九十年代，康苑只係佢最近期買入的單位，唔知嗰陣時有無諗過，兩年後 讓俾大佬做退休屋呢？（林璐菁）
鄭家富要做政壇曾Sir
人民力量及社民連嘅黃毓民、陳偉業及梁國雄喺星期三立法會續 審議議員出缺安排草案上會繼續「拉布」，不過因為人丁單薄，毓民四出搵泛民幫拖，最新一位加入戰團嘅係獨立議員鄭家富。原來拉布前夕，鄭家富會喺鄭經翰個 香港數碼廣播電台開咪，夜晚八點開完咪，第二朝就要到立法會拉布，如果一日未廢惡法，仲可能會拉多幾個禮拜，未必能夠定時定候同聽眾見面。 佢個節目叫《笑聽phone雲》，名副其實Phone-in節目，時事、政壇、法律，咩嘢都會講吓。阿富話，佢想打造自己成為「政壇曾近榮」，曾近榮教人 用哥士的通渠，條渠塞咗就識點做。阿富都想聽眾聽完佢嘅節目，未必即刻用得着，不過當有事發生喺自己身上，有需要時法律知識就大派用場咁話。（林璐菁）
林瑞麟九月同Thomas做校友
梁 振英新政府司局長人選逐一出籠，一直民望極低嘅林瑞麟就喺早前自行宣布要離開政府，同太太去英國牛津讀神學。不過政府中人就透露，其實林瑞麟一早自知無得 過渡「梁朝」，所以三月初已申請入讀牛津Wycliffe Hall讀一年牧養課程Certificate in Theological and Pastoral Studies。呢個學院無乜政界名人讀，反而收好多世界各地嘅神職人員，最出名就係小朋友至愛火車頭系列THOMAS & FRIENDS始創人英國牧師Wilbert Awdry （1911-1997）。
點解林D9會對呢個課程咁有 興趣呢？原來係佢多年來返教會，好多神職人員都同佢推介過呢個課程好好玩，喺神學中屬於辯教學，即係辯護教義，例如人類究竟係天父創造抑或係進化論而來， 歡迎大家討論，亦歡迎非神職人員參與，一向好鍾意同議員辯論嘅林瑞麟，虔誠得嚟都不忘自己喜好，揀一科有得「拗」嘅嚟讀。（簡淑明）
差佬激讚機械狗
上 週五長沙灣發生交通警員開槍擊斃黑幫刀手，事發後眾說紛紜，有人見到刀手向交通警阿乙（花名）追斬，所以先開槍打佢，但後來又發現兇徒原來係背部中槍，咁 點解阿乙要一槍打死人。不過阿乙個老頂深水埗警區助理指揮官劉達強，好快出嚟鎮住個場，佢力撐阿乙做法絕對正確，又話危急關頭，面對一個觸犯嚴重罪行嘅 人，警員開槍係好正常嘅。一般環頭老頂喺發生牽涉伙記開槍事件時，唔會講咁多，今次力撐下屬、口水多過浪花嘅劉達強，來頭非小，係警隊中少有偵查及談判專 業集於一身嘅人才。
劉達強花名叫機械狗，七七年入行，佢個警員編號最後係個9字，又加上佢為咗查案，可以不眠不休 好似機械人，所以被同袍叫機械狗。佢做過毒品調查科、又做過港島重案組，屢破奇案。○四年地鐵縱火案，○一年中環SM淫竇案，○二年破獲本港最大宗外圍馬 集團洗黑錢案，涉款四億一千萬。劉達強仲係談判專家。不過最令警隊津津樂道嘅，係機械狗有個中學同學叫張國榮。（簡淑明）
干德道單位正在裝修，保安（圓圈）嚴密監視。（郭永強攝）
曾蔭權
曾璟璇投資有道，單是大潭浪琴園，已賺五百二十萬。（江永健攝）
鄭家富話，佢想成為「政壇曾近榮」，等聽眾多學法律常識。（《蘋果日報》圖片）
拉布戰新添成員鄭家富，將主力講各種疾病的由來。
民望低的林瑞麟，報讀牛津Wycliffe神學，都專揀一科可以同人辯論嘅科目嚟讀。（《蘋果日報》圖片）
同校校友係Thomas火車頭始創人Wilbert，可惜已經仙遊，唔係就可以請教吓牧師點樣做到受人歡迎。
交通警阿乙（右）長沙灣槍殺殘暴刀手，老頂劉達強（左）出面力撐，阿乙壓力都無咁大。（《蘋果日報》圖片）
有市民當日拍下刀手行兇及被警員制服的情況。
沒有留言:
張貼留言