iPhone下水禮

天氣開始轉熱，又是時候為即將來臨的沙灘旺季熱身。想落水影相，以前要買部防水DC跟身，但家陣iPhone（http://www..com /hk/iphone/）影相質素已經夠玩snapshot，倒不如買個iPhone防水配件仲直接，不單可以將沙灘相直傳Facebook（http: //www.facebook.com），
就算突然收到WhatsApp（http://www.whatsapp.com/）等訊息，都可以即時覆。
揀套心得
如果只打算拎去沙灘玩水或浮潛，其實只須揀具備防水深3米效能的款式就得，不過，雖然不少防水袋寫明專為iPhone而設，但袋身未必緊貼手機，落水後有機會影響操控反應，所以買套時一定要裝部機入去試。
殼定袋
市 面上的iPhone防水配件主要分為殼同袋兩種，兩者防水效能相差不大，但部分防水袋體積較大，會在袋內「啷來啷去」；而防水殼為遷就觸屏設計，屏幕一邊 多以矽膠作物料，會愈用愈薄，不及防水袋襟用。另外，某些防水袋有埋防水耳筒插頭設計，只要配個防水handsfree，就可以游住水聽歌。
小心保養
防水袋同防水殼都有防沙、耐震功能，但若想襟用，都要小心保養，尤其是每次落水前一定要check清楚殼蓋邊緣有無攝住頭髮和沙粒，以免入水浸壞機。玩水後亦要用清水沖淨機殼或袋身的沙粒，再用乾布抹淨先好取出iPhone。
實地測試
現時市面上的防水機套有頗多選擇，所以今次就帶兩袋一殼去沙灘作實地測試，先在沙地碌沙，再掉落水試防水，結果全部過關，不過操控上就有小小分別。
最強深度
DRiPRO IP4 防水深達10米，足以用來玩趟recreational diving。最貼身是跟機送埋防水耳筒，可以一邊聽歌，一邊游水。不過，袋身設計比iPhone稍大，放入手機後仲有不少空位，落水後手機會在袋中左搖右擺，影響操作。
規格
物料：膠 防水深：10米 適用機種：iPhone 3G、3GS、4、4S 體積 / 重量：190 / 90 / 20mm / 85g 售價：$320 網址：http://www.dripro.com
型格臂帶
H2Oaudio Amphibx Fit Waterproof Armband 臂帶設計適合戶外活動，將iPhone放入後袋面會緊貼機身，操作反應良好，自拍影相講電話都無問題。
規格
物料：膠、尼龍 防水深：3.6米 適用機種：iPhone 3G、3GS、4、4S 體積 / 重量：164 / 110 / 50mm / 90g 售價：$499 網址：http://www.yutron.com.hk
間諜偷拍
aryca WS-iP4 矽膠物料提升水中觸屏靈敏度，另有手箍防止手機漂走；防水深效能達6米，在浮台跌落水都無有怕。不過防水殼因物料超厚，容易錯過手機來電鈴聲，但反過來說，就可將偷拍的shutter聲減至最輕。
規格
物料：酸酯、矽膠 防水深：6米 適用機種：iPhone 4、4S 體積 / 重量：169 / 80 / 25mm / 135.2g 售價：$199 網址：http://www.aryca.com
終極防禦殼
幫iPhone買保護殼好平常，但好似美國人Steve Calle搞到要自行研發保護殼先叫厲害，由他研發的AQUA TEK S，不單有齊防水、防塵、耐震同耐寒等功能，最特別是內置埋太陽能發電板，集保護同充電於一身。 為準確測試機殼的表現，Steve特登帶埋AQUA TEK S上雪山同潛水，將過程拍片放上YouTube。影片上載後引起極大回響，Steve更因此獲網民集資約港幣128萬作研發費，據聞現已接近量產階段，預計售價約港幣一千蚊。 網址：http://www.snowlizardproducts.com ####


去沙灘玩完水，最好先用淡水沖走袋身的沙粒，再抹乾袋身先好取出iPhone。

recommend



為增加說服力，AQUA TEK S設計者Steve Calle曾跑到雪山自拍短片，向網民示範耐雪表現。

防水、耐壓、耐磨、耐寒同內置太陽能發電板，AQUA TEK S雖稱得上最強保護殼，但體積過大，一隻手好難拎。