《盛女愛作戰》上週播完，結局收26點，5位「剩女」得Suki搵到男友，不過男仔頭Bonnie都唔輸蝕，殺入商台開咪做DJ。 其實一向在網台「民間電台」主持節目的Bonnie，黐實剛入主商台的陳志雲後，即放棄聲言會做13集主持的網上節目。擺明起飛腳，難得陳總睇得起，就算Bonnie黐脷筋亦照單全收，埋到陳志雲堆，好過識埋班賣剩港男啦！
上週五（20日）Bonnie做完商台881《光明頂》嘉賓後，貴為商台行政總裁的陳志雲突然宣布，本週一起，Bonnie及兩位教練Winnie和Eva將拍住林曉峰開新節目《大龍鳳》，Bonnie更屬鐵膽主持，非常受重視。
禁上其他電台
《盛 女愛作戰》是陳志雲離職無綫前力作，據知陳總一直有意要盛女團加入商台，加上Bonnie自從前週開始上881陶傑主持的《光明頂》做嘉賓後， 表現甚得陳志雲賞識，但《光明頂》及《大龍鳳》監製馮志豐講明：「Bonnie唔可以喺其他電台開咪。」Bonnie眼見民間電台同商台收聽率差天共 地，Bonnie即起「民台」飛腳。 本刊週一致電原本當晚要在民間電台開咪的Bonnie，她只耍太極說：「我未知會唔會返民間電台喎，詳細今晚講，多謝陳總畀咁多機會我！（陳總有冇安排其 他節目畀你？）你問番陳總啦。」
黐脷筋慢慢改
至於陳志雲亦對Bonnie讚口不絕：「Bonnie係開朗、直接、有個性、表達能力清晰嘅女仔；其他 參加者有自己工作，又因近來傳媒追訪唔太適應，Bonnie就有呢方面嘅能力；如果TVB有興趣搵佢，我當然鼓勵佢去啦！（你會幫佢搭路？）佢同TVB都 熟晒啦！（Bonnie有黐脷筋問題喎？）慢慢改，可以補救，佢唔係以專業DJ身份，而係以一個人物形式出現，我相信佢會有聽眾群，黐脷筋交畀監製處理 啦。」連陳總都冧得掂，Bonnie點會搵唔到男友呀！
Santino 亂吹氣功禁慾
憑45度角歪論而hit爆全城、自吹至少有過40至50個女伴，但又涉嫌中學時性騷擾同學、用過假咭、有案底及做過男公關的 Santino，近日潛晒水。 早在上週二（16日）接受本刊訪問時，卻忽然再吹話自己練氣功要禁慾，Santino話：「我自細有學功夫（少林派功夫），因為氣功有助提升功夫，之後就 練氣功，練氣功唔可以近女色，所以19歲之前我淨係沉迷喺自己嘅世界入面，去到20歲喺加拿大讀高中時先開始拍拖，而之後同過不同國籍女仔拍拖，大部分亞 洲人，而第一次都係20歲時同個台灣妹時發生。」練氣功都出埋，下次話自己識練仙啦不如！
男友兇相睇男 踢《盛女》Gobby扮單身
早前有傳5位盛女以及與她們date過嘅部分相睇男是「媒」，估唔到年屆三十有個女的失婚婦Gobby，原來都係扮單身參加節目。
Gobby係麥記經理
有傳Gobby曾任職大快活，又指她於沙田麥記任職，但有街坊報料Gobby原來是在灣仔集成中心內的麥當勞任職經理。當《盛女》節目出街時，仍見Gobby返工，但週一（23日）本刊前往該麥當勞詢問時，該店經理（小圖）卻說：「冇見過呢個人返工！」
「做乜搞我老婆？」
5 年前發現老公包二奶而離婚，中五畢業冇乜學歷勁自卑，但據其中一名曾參加節目的男士向本刊爆料，指Gobby拍《盛女》期間其實並非單身，Gobby口中 的「男友」更曾打電話兇過其中一名相睇男，據知就是在第5集Gobby相睇，在醬油廠打工的Vincent。 「拍《盛女》時，我哋成班被Norris（Santino前拍檔）安排去speed dating，根本唔知無綫拍乜，其中一part安排同Gobby相睇，佢本身對Gobby冇興趣，一心只係當識新朋友交換咗電話，第二日Gobby主動 send咗個SMS畀佢say hi，佢都冇理啦，點知第二日有個自稱Gobby老公的人打畀佢，語氣勁嬲咁話『做乜搞佢老婆』，煩住Gobby，我個friend即刻cut咗佢線，點 知第二日Gobby又send SMS話唔好意思，男友煩到佢，之後我個friend梗係無再同佢聯絡啦！」《盛女》大結局，不過5位女主角秘史應該未咁快完囉！
39歲Florence經Mei Ling介紹過大學講師、水利工程師都話唔掂，反而對7年前參加過香港先生唔入圍的Johnny Chung嗒糖，但原來自稱「大圍吳彥祖」的Johnny勁愛影chok相，睇嚟對娛樂圈仲有憧憬喎。
揭Suki純殼貪錢
覓 得愛郎Zion的排骨盛女Suki，難逃「起底」命運，先有傳佢於09年在任職的銀行內涉嫌偷錢，又以可憐柔弱外表搵食，現任愛郎Zion被指係「溝女 王」，搞到Suki同Zion早前要往台灣旅遊避世，但最新又有人喺討論區中，不點名指有純情盛女私生活混亂不堪，更屈前男友及他屋企人買樓兼掠錢。盛女 真係多仇家！ ####
上週一（16日）《盛女》在尖沙咀舉行祝捷會，參加者幾乎全部失蹤避見傳媒，只得Bonnie仍盛裝出席，唔怪得陳志雲都大讚她有能力在娛樂圈發展。
露背搏盡 在《盛女》表示甚少打扮的Bonnie，上週祝捷會當日不惜露出性感雙肩，成為全場焦點。
上週五（20日）一眾《盛女》教練及Bonnie殺上商台《光明頂》，節目完結後陳志雲宣布Bonnie和林曉峰將主持新節目，更企埋Bonnie身邊合照，明顯錫到燶。
Bonnie本週正式在商台開咪，週日（22日）她離開白田邨住所想買開聲飲品。在樓下碰到一位婆婆問路，Bonnie好心教她兼帶婆婆走了一段路，原來剩女心地唔錯。
22/4 Bonnie走入超級市場，睇中大大樽的蜂蜜和柑橘露，更拿出手機影低價錢，不過影影吓相被職員制止，Bonnie𡃁爆離開超市，繼續去格價
買開聲茶
拍 檔懶理 Bonnie去年拍完《盛女》，四月頭拍住Santino的助教Pierce在民間電台開咪主持了兩集《盛女再作戰》，當時電視節目還未出街，還揚言會做 足13集。對於Bonnie簽約商台，民間電台發言人陳先生回應：「佢唔返嚟開咪都得㗎！」而Pierce亦懶理：「佢唔同我做節目冇問題，我可以繼 續。」
陶傑不滿 陳志雲下令《光明頂》訪問「盛女」7日，主持人陶傑都要避談政治改談溝仔，陶傑受訪時表示從未試過，暗寸幕後勢力：「講乜都要借過啦，點知星期一啲盛女閃晒……收聽率高攞到廣告就成功，如冇人聽點盛都假！……香港人係失憶嘅，3個禮拜就唔記得喇！」
Santino自稱識氣功，說時手舞足蹈稱：「因為練氣功唔可以近女色，所以到20歲先失身！」
Santino自稱識少林派功夫，睇佢呢身造型，應該好沉迷吓。
今年28歲的Santino，自稱跟前女友Caroline拍拖9年，但又自稱20歲先失身畀台灣女友，究竟邊句真？
《盛女》中最冇自信，被形容苦口苦面的Gobby，因冇學歷、冇高薪厚職，又離過婚有個女而強烈自卑，喺第一次錄影《盛女駕到》時，就因拒接受訪問而一度對傳媒黑面。
上週曾喺facebook自爆係媒的醬油男（左）原名係Vincent Chan，聲稱做醬油廠喺葵涌返工，為溝女在學堂助教，曾於第五集節目中，與Gobby在Speed dating認識，就係疑似被Gobby男友兇的受害人。
模擬SMS
上週六（21日）有讀者向傳媒爆料，話鏡頭前無自信嘅Gobby，實質係一名爛蒲wet妹，指她因爛蒲而搞到婚變。
賺咗棚牙 雖然於節目內溝唔到仔，不過獲贊助整靚棚牙，賺咗！
灣仔集成店
身形嬌小，講嘢咁嗲的Suki被傳溝仔有一手，與同傳係「溝女王」的Zion一齊，可謂勢均力敵，未到最後都唔知結果。
弱質Suki同Zion拍拖8個月，愛得難捨難離，早前（14日）更被拍得兩人喺茶餐廳啜爆相。《蘋果日報》圖片
勁溝仔
屈攞錢 有自稱同Suki識咗好耐，因睇唔過眼要爆佢惡行的網友，喺上週六（21日）在香港討論區冇點名上載有關一名盛女惡行，呼之欲出。
沒有留言:
張貼留言