陳奕迅（Eason）同老婆徐濠縈自生下康堤後，兩人一直緊張愛女的教育發展，每月花喺康堤的教育使費都近5萬蚊。早在康堤8個月大，已安排上playgroup學前教育，再加瑜伽、游水、溜冰和鋼琴樣樣谷盡，將女兒訓練成潮爆資優生。
9歲康堤前年成功入讀「拔萃女書院」，名校生個個有番咁上下，好彩康堤訓練有素，亦遺傳咗老豆的超強表演慾，這個學期常在同學面前表演芭蕾舞技，睇嚟大個分分鐘演藝才華勁過老豆「吹神」喎！
陳奕迅（Eason）與徐濠縈的愛女陳康堤，自04年出世後一直萬千寵愛，一出世就有阿媽老死黄偉文幫佢改名、又有潮爆阿媽幫佢襯衫教扮靚，務求谷盡康堤十項全能。
變班中焦點
眨吓眼9歲的康堤，自前年入讀名校「拔萃女書院」（DGS），據知康堤雖然只係小二生，但性格活潑好動，已是DGS的活躍分子，加上老豆阿媽係Eason同阿徐，好多同學仔都鍾意同佢做朋友。 據一DGS家長透露：「康堤自細已經面對傳媒，又有老豆阿媽一大班明星friend成日同佢玩，所以佢從小就學識唔怕醜，不過佢成日被記者影相，有時校內有活動，佢見到其他人揸相機，就會指住人哋話：『Naughty！』。」
競爭大眼紅
DGS貴為名校，競爭自然大，康堤似足老豆愛表演，有好多同學受落之餘，亦視佢為競爭對手。 據知讀小二的康堤已變成校園大家姐，還遺傳了父親的超強表演慾。「康堤試過喺小息時於同學面前跳芭蕾舞，當然有好多同學拍手掌啦，不過都有啲同學眼紅佢。」阿女咁叻表演，睇嚟大咗都好大機會接棒喎！
文武尖子
自細徐濠縈對康堤的教育非常注重，8個月大時，已為佢安排上playgroup學前教育課，淨係課外活動每個月都要花上萬元以上，谷盡康堤做尖子。
3歲學畫畫
康堤3、4歲時到阿徐老友何志恩（Johanna）開設的Little Brain（小思維兒童成長培育中心）中學習，其中Johanna更親任導師教康堤及自己個女設計及畫畫。
4歲學芭蕾
07年開始，康堤喺王仁曼芭蕾學校學跳芭蕾舞，亦於09及10年為芭蕾舞學校表演。
5歲學溜冰
阿徐為咗令康堤戒小姐脾氣及想佢大膽啲，學識跌低識企番起身，所以帶佢學溜冰。
7歲好跑得
10年康提讀基督堂幼稚園時，於學校運動日的田徑比賽中奪得金牌，運動叻亦助康堤成功入女拔。
星級「成龍」學校
現今父母望子成龍，唔少星級父母更加想自己的仔女發展更理想，除康堤外，林海峰和任達華女都是女拔同學。
拔萃女書院
司徒拔道白普理國際學校
德瑞國際學校
香港仔加拿大國際學校
####
陳奕迅與徐濠縈自04年生下康堤後，一直錫女錫到燶，每年9月開學日，兩公婆都必定送康提返學，Eason更公開表示為女戒煙戒打機。隨着女兒長大，阿徐會減少帶她出席公開場合。
本刊前週五（23日）見康堤由外傭接放學，一放學就紮紮跳，十分精靈，之後又不斷同四周的同學揮手say goodbye，有禮貌真抵錫！
平日潮媽幾忙到盡可能親自湊康堤，前排拐子佬肆虐，阿徐更擔心到想幫康堤請保鑣。
《蘋果日報》圖片
《忽然1周》圖片
林泳、林清 父母：林海峰、彭羚 每年學費：4.5萬 強項：游水、樂器
任晴佳 父母：任達華、琦琦 每年學費：4.5萬 強項：法文、美語
沈月、沈日 父母：邱淑貞、沈嘉偉 每年學費：5.8萬 強項：普通話及中文寫作，力谷文言文詩詞歌賦。 《忽然1周》圖片
張瑤葦、張瑤萱 父母：張學友、羅美薇 每年學費：逾10萬 強項：一口流利英文 《壹週刊》圖片
刑愛林、邢言愛 父母：林青霞、刑李㷧 每年學費：約10萬，兼要買學校債券。 強項：運動，尤其網球。 《忽然1周》圖片
254期《FACE 週刊》
沒有留言:
張貼留言