朱茵與黃貫中突然晒全裸相擁照公布即將為人父母，轟動娛樂圈，一眾好友都送上祝福，咦？同Paul傳不和的黃家強呢？都有都有！家強即日就喺微博恭喜「兄弟」喇。
FBI 聽聞，Paul好多年前已經向朱茵求婚，但點解咁多年都未註冊？FBI索到兩人其實一早決定今年拉埋天窗，出年蛇年先生BB，但意外有咗，之前又被雜誌踢 爆有喜，所以都係焗住公開；聲稱基督徒嘅朱茵未婚懷孕，即時俾一班網民圍插。不過，學Paul話齋「祝福我嘅自然祝福，搞搞震繼續搞搞震。」睬你都傻！ ####
《蘋果日報》圖片
今年2月，朱茵被雜誌踢爆有喜，兩人即時否認，朱茵仲於微博寫咗篇文澄清。不過紙包唔住火，朱茵已經有咗3個幾月，都係時候公開。
家強同Paul因為朱茵懷疑家強曾放料畀傳媒，影到佢哋去外地度假而搞到兄弟反目多年，今次朱茵有喜，家強就主動講恭喜，兄弟間冇隔夜仇嘅。
上星期二，朱茵喺微博上載同Paul嘅全裸相擁照，兼公開懷孕消息。網民隨即插爆佢身為基督徒，講過反對婚前性行為都未婚有B。
沒有留言:
張貼留言