Face 週刊 251期 歐洲預支蜜月 Angelababy黄曉明婚前體檢

9/3灣仔診所斷正　黑面封口
被踢爆去灣仔拍拖， Baby面對記者黑口黑面，由停車場行出商場期間，全程封嘴一粒聲都唔出。

Face 週刊 251期

封面
歐洲預支蜜月　 Angelababy黄曉明婚前體檢
2012年03月14日
拍拖超過兩年的 Angelababy（楊穎）同「海綿蛋糕」黃曉明，早前被傳已經秘密結婚，連證書亦神奇流出，不過二人事後發聲明否認秘婚，繼續玩低調。
雖然 黄曉明貴為億萬富豪超級筍盤，難得對 Baby依然一條心。上週五（ 9日）， 啱 啱睇完巴黎時裝騷返香港的 Baby，同黃曉明現身灣仔，又秘密到一間診所睇醫生。睇病都要孖住去，據知兩人今次專程約埋做婚前檢查。
34歲黃曉明事業有成又專一，剛滿 23歲的 Baby係時候 ready做黃太箍實筍盤。

Angelababy上週同經理人、徐濠縈及韓火火等人飛去巴黎出席 2012秋冬時裝週，咁 啱男友黃曉明當時亦身在瑞士為代言的天梭表宣傳，一個法國一個瑞士，立即傳出兩人會趁機歐遊。

黃曉明一馬當先行出，見到記者當堂硬晒 軚，身後 嘅 Baby就驚到走番入，拍拖兩年幾仲係見光死。


笑晒任影
Baby燶面，相反黃曉明有風度得多，雖然同樣唔答問題，但就笑晒口保持禮貌，不愧為內地一哥！



親密掃背



等時，曉明大哥忍唔住出手，輕掃女友背脊，又不停講笑 冧 Baby，旁若無人。


行蹤曝光，手挽過廿萬 Hermè s 鱷魚皮手袋 嘅 Baby，撇低男友同助手走先，唔夠義氣喎！
Hermè s鱷魚皮手袋約$20萬


分開閃
冇 Baby帶路，司機又唔知去 咗邊，人生路不熟 嘅黃曉明同經理人黃斌跑足幾條街先截到的士離開。
Moncler羽絨約$9,000
adidas Originals by JS約$2,200


黃曉明行先任影，佢個經理人則自動波護送完 Baby逃走，先跑番去黃曉明身邊。

曉明掃 Baby背
據知 Baby因擔心巴黎成街記者容易斷正，但黃曉明掛女友心切，為爭取時間見面， 3月 7日完成工作後即由瑞士落巴黎，然後於 8日一齊搭飛機返香港，非常癡纏。
上週五（ 9日），本刊發現落機冇耐的 Baby，與黃曉明乘坐同一部七人車到灣仔集成中心，兩人戴住情侶黑超前後腳落車。同助手一行五人等期間，兩人不時細聲講大聲笑，眼見附近全是自己人的黃曉明，放下戒心與 Baby貼住企，一時情不自禁攬實女友，又伸手為 Baby掃背，溫柔舉動與平時 cool爆形象簡直判若兩人。

 
瑞士湊鬼
身為天梭表代言，黃曉明山長水遠去瑞士見米飯班主， 7號仍然喺當地做緊嘢，但為見多 Baby幾面，幾趕都要漏夜落巴黎。


巴黎睇騷
Baby3月 1日已飛往巴黎睇騷，一直到 8號仲未走得，好在海綿蛋糕早一日做完嘢，先有一晚私人時間 sweet咋！《蘋果日報》圖片

斷正分頭走
由於商場人流多，等候電梯需時， Baby等人企足五分鐘先有，兩人十分有默契，一入即行到最入位置，而助手們亦醒目將他們包圍，避免被途人認出。記者聽到黃曉明問「你會陪我去嗎？」 Baby即嬌嗲用國語回應「我要先去買點東西！」似乎黃曉明真係好想女友 24小時陪住自己。
去到商場 7樓，全部人一齊出，足足成個鐘頭才返回停車場。離開時 Baby見到有記者採訪，嚇到調頭走番入，慘被撇甩的黃曉明同助手呆站停車場，點知等極唔見保母車司機出現，惟有面懵懵行出街截的士。
Baby等住嫁
據知 Baby及黃曉明今次專程去 7樓的陳振漢醫務所做婚前檢查，而之前曾有二人的疑似結婚證書流出，雖然最後證明係流料，但曉明的確諗住娶 Baby。
Baby的身邊人透露，「其實 Baby同 黄曉明初拍拖嗰陣只係諗住玩玩吓，但估唔到 黄曉明好認真，除咗飛起當時嘅女友李菲兒畀 Baby坐正，仲唔介意半公開佢女友身份，又周不時買禮物畀 Baby，好似越洋送花咁氹佢開心，簡直當 Baby係公主。」
本週一（ 12日），記者致電 Baby經理人 Kim（周優根），問她 Baby跟曉明是否好事近？ Kim即話：「我開緊會好忙，唔好意思，拜拜！」
新戲拍男神
接戲接唔停 嘅 Baby，陪完黃曉明就要開工，同專程來港 嘅柯震東（右圖）傾拍霍耀良執導的新戲《偵緝蜜語》。

雖然 Baby把口唔肯認拍拖，但今年 2月生日時都專登揀個海綿寶寶蛋糕，擺明掛住「海綿蛋糕」 黄曉明啦！





曉明飯局
明知來港行程曝光，黃曉明上週六晚自爆約 咗林心如、鄭佩佩食飯，試圖轉移視線。

 
否認秘婚
早前有張疑似 Baby同黃曉明 嘅結婚證書流出，雖然有齊兩人詳細資料但格式過時失真， Baby即發聲明否認已婚。




$700驗精價
Baby同黃曉明幫襯的陳振漢醫生，診所設有產前檢查服務，普通如男性驗精只需 7百元。陳醫生週一聽到記者問 Baby是否曾經來過時，笑笑口默認，但就表示「唔會透露病人私隱」。
 
醫生笑住認





桃色冒險

 


發現記者後， Baby同 黄曉明大難臨頭各自飛，分別同助手由商場二樓的停車場跑出街。 Baby跑向軒尼詩道方面，海綿蛋糕就一支箭跑咗幾條街，去到英皇中心附近打的走人。
Baby速遞
拍拖兩年多的 Baby同海綿蛋糕，依然處於熱戀期，雖然兩人各有各忙，但 Baby一得閒就會飛去內地探男友班，爭取時間見面。

北京’10 5月入黃宮斷正
Baby專程飛北京陪黃曉明睇《鐵甲奇俠 2》，其間更入住男友位於朝陽區金地國際花園豪宅，正式成為「黃宮」女主人。《壹週刊》圖片


 
河北’10 6月分橙同味
黃曉明拍緊陳凱歌的《趙氏孤兒》， Baby山長水遠去河北探班，兩人同食一個橙，黃曉明更當眾輕撫女友秀髮。網上圖片


北京’12
2月呆等 12個鐘
Baby一早向公司請假，趁情人節飛北京探忙緊拍《精忠岳飛》的黃曉明， Baby仲唔怕悶，喺片場坐足 12個鐘等收工。《壹週刊》圖片

採訪、撰文：娛樂組
攝影：娛樂突發組