徐淑敏失敗中學習

還記得，○六年港姐競選舞台上被視為大熱門的徐淑敏（Suki），穿上泳裝，婀娜多姿地展現天賦的條件，光芒四射。

事隔五年多，徐淑敏已成為兩女之母，丈夫是飲食界才俊黃浩（Kenny），而她偶而拍攝飲食節目、出席活動，身材、樣貌、魅力依然，表面上與少女無異，她卻直言，為人母後，責任心大了，還比以前更深閨。

這位二十七歲的母親，更有自己一套育兒心得，強調對女兒是寵不是縱，「雖然要畀佢哋喺充滿愛嘅環境下長大，但唔好太過保護佢哋，因為所有嘢都要喺失敗中學習；我亦都冇為佢哋諗到咁長遠，因為每有問題出現，都係一個學習嘅機會！」生兒育女，的確可以令人成長。

徐淑敏懷着第二胎時，特地學習豎琴半年，以作為音樂胎教，難怪幼女Renee聽着琴聲，悠然自得。

去年除夕，徐淑敏於大埔為幼女舉行百日宴，順道開派對倒數。

平衡的愛

○九年十一月下嫁飲食才俊黃浩的徐淑敏，在翌年三月剖腹誕下長女黃心瑤（Vianna）；至去年九月，再為丈夫誕下幼女黃心柔（Renee），轉瞬成為兩女之母，慶幸她有奶奶、媽咪，以及兩個傭人從中協助，新手媽咪才不致手忙腳亂。
縱使不用左顧右盼，徐淑敏也從不怠惰。由懷孕開始，便不斷翻閱育嬰指南，甚麼育兒書、兒童心理學書本，她也盡收腦袋，以應付這個長遠責任，她說： 「我不嬲都鍾意睇書嘅，除咗睇咗好多書之外，亦都有喺佗住大女嘅時候學法文、日文同英文，結果大女出咗世之後，學習能力特別高，講嘢仲非常之叻，唔知有冇 關係呢？」

徐淑敏於○六年參選港姐時，因樣貌身材出眾被視為大熱佳麗，雖然最終三甲不入，卻成為新一代「性感女神」。

正因為Vianna成長過程神速，三個月便懂得翻身，有一回弄致徐淑敏驚惶失措，她憶述：「試過有次，我擺佢喺大牀中間，然後走去烚奶樽，轉頭就聽 到『噗』一聲。全家人即刻跑入佢間房，見到佢頭落地跌咗落牀，我好內疚，又驚到喊！可能平時我同老公成日將佢翻嚟覆去，加上佢學嘢又快，所以佢三個月就識 得轉身囉，自此之後，我就加倍小心嘞。」

小心謹慎，不止於照顧兩個女兒，還有兼顧到她們的心情。由於大女Vianna有太多娛樂，一時跟小狗玩、一時在玩具堆中尋找至愛、一時又和嫲嫲、婆 婆談天說地；因此，妹妹出世後，她從未覺得被忽略，反而喜歡跑到妹妹牀前仰望，又熱情地親吻妹妹。可是，徐淑敏直言，老公較偏愛長女，所以她要多愛一點幼 女，「邊個唔夠愛，我就畀多啲佢，要兩個女得到嘅愛都咁平均！」

Vianna對妹妹Renee寵愛有加，不但經常走到嬰兒牀前仰望妹妹，更主動親吻她示好。