向何韻詩胸襲舌戰嘅陳奕迅，玩另類口味，係要與別不同！好似上個禮拜五（二月二十四日），《壹》仔就見到Eason揸住Aston Martin新出嘅豪華車仔CYGENT遊街。
車仔細細得1,300cc，踩盡油都唔過100匹，想避狗仔車隊都幾難，但重點係Aston Martin架架車都要七位數字，但呢架車仔埋單七十萬有找，值唔值一件事，型唔型，又係另一回事。
跛都揸到車，Eason同《壹》仔講，其實對腳好得七七八八，支枴杖只係做吓樣，怕出街人多俾人撞到，至於呢架新玩具，吹神更加停唔到嘴：「唔係我㗎，借嚟玩吓咋，車仔細細幾得意呀，喂！天雨路滑呀，等陣小心揸車，呢啲天氣又容易病喎，我個女都病咗……（下刪五百字）」
根據車牌登記，架車的確仲係屬於車行，照計Eason冇理由會錯過咁浮誇嘅新玩具，幾十萬啫，打個乞嚏都冇咗啦！ ####
劈番轉先啦！（設計對白）
話明係吹神，Eason索性放低支枴杖，指手畫腳講唔停。
Eason跛都揸到車，只係車價由六十三萬起跳，就唔係個個都揸得起！
攞住公文袋離開車行，負責人對佢豎晒手指公，之後仲握埋手，睇嚟架車遲早都係屬於Eason。
刊於1147期《壹週刊》
沒有留言:
張貼留言