一 切就要從幾日前唐生喺十．一酒會時，以一句「有唔少都相當具娛樂性」嚟回應婚外情傳聞講起嘞！佢啱㗎，呢個係連前美國總統克林頓都要上電視認偷情，奧巴馬 同曾特首亦要開facebook嘅年代，每個人嘅一舉一動，基本上都被全民監察，無限上載，娛樂大眾！試問準備入閘選下屆香港特首嘅唐英年，又點可能有錯 唔認，側側膊算數？
婚外情緋聞傳咗兩個幾月，阿唐生拖吓拖吓，拖到辭咗政務司司長職務，去十．一酒會俾記者圍攻後，先滴晒汗咁拉太太郭妤淺出嚟接受訪問，由唐太把口 講：「已經放低咗，我完全支持丈夫。」佢自己就只係發個書面聲明話：「在個人感情上曾經有過缺失，我深感悔疚。」然後公開見記者嗰陣，唐生竟然話無嘢補 充。哦，咁前政務司司長你又何必出嚟呢？派新聞稿同「官方造型照」啦！一樣啫。
訂婚八年先肯娶
其實呢場騷嘅主角，唔係唐唐，係佢嘅另一半至真！話說，唐太郭妤淺係亞洲最大製線廠「金泰線球」嘅太子女，九歲就結識到「半島針織」太子爺唐英年，兩個人青梅竹馬，但直至讀大學時，先開始拍拖。
唐媽媽尤淑圻好鬼鍾意呢個世姪女，覺得佢乖巧又懂事。係㗎！唐太真係好乖，仲有超乎常人嘅忍耐力！講緊嘅係，佢同唐唐拍拖無耐，76年就訂婚，但 一訂居然訂咗八年，而男方仲未有意思要娶，話想解約㖭！連唐媽媽年前接受訪問，都話覺得自己個仔唔啱，拖咗人哋八年，仲鬧咗唐唐幾句。
可能百忍真係可以成金，又或者唐唐喺婚姻大事上，早就顯出佢難得嘅「政治智慧」。84年，兩個人終於結婚，生埋一仔三女。唐太自此更安心做老公背 後嘅女人，無論出席大小活動，佢永遠企喺唐唐身後，衣着樸實，差啲可以「隱形」！偶然企喺前面，都係為咗用DV拍低老公嘅「英明神武」樣。不過，今次「出 事」，唐太第一次企出嚟幫老公擋子彈，有問即答，大方坦然，仲笑得寬容。呢條堅忍35年嘅婚姻之路，真係唔易行㗎。老實講，媽咪姐就覺得佢比阿老公，仲有 「大將之風」！
你問，點解明明係老公犯錯，老婆都要幫佢孭鑊呢？只可以講，愛係無得解釋，呢個係唐太嘅選擇。不過，媽咪姐同全香港人都無揀過唐唐喎！可唔可以唔好夾硬將佢「質俾」我呀？唔該。 ####
今日 為夫擋子彈
頂咗咁多年咯！唔差在啦。（設計對白）《蘋果日報》圖片
網友反應真係快，將唐氏夫婦嘅合照，惡搞為唐英年、梁振英嘅世紀拖手照。係咯，今次梁生真係笑晒囉！
從前 匿埋做粉絲
05年，郭妤淺陪唐英年出席迪士尼活動，佢一如過往，俾老公出風頭攞彩，自己全程揸DV，影低老公「出巡盛況」。大熱天時，影到身水身汗，背後女人唔易做！《壹週刊》圖片
07年中，「唐唐」被爆坐林建岳嘅私人飛機歐遊，搞到周身蟻。點知同年11月，本刊又影到佢帶住太太、兩個女同林建岳過澳門豪食豪玩。唐太全程默默留守大後方，由得老公發號施令，點諗到今時今日佢要飛身為夫擋子彈？
睇「唐唐」個樣就知佢有「公子氣質」，而且最愛紅酒。佢任內嘅政績好難數得出，免紅酒稅可能係最有貢獻嘅一項。
刊於845期《忽然1周》
沒有留言:
張貼留言