兩個夠晒數Kelly 陳慧琳照超聲波

兩個夠晒數Kelly照超聲波「小龍包樣似蝦餃仔」
陳慧琳（ Kelly）前晚到灣仔出席新戲首映，現時她懷有逾 6個月大的「小龍包」，肚大如籮。昨日 Kelly接受電台訪問時透露早前為小龍包照 4D超聲波，看到他貌似蝦餃仔，也有小蝦餃的下巴， Kelly坦言兩個仔夠晒數，不會再追。


其他娛樂名人影片
古天樂、陳慧琳、吳君如、甄子丹、黃百鳴、熊黛林（ Lynn）和鄭中基等主演的賀歲片《八星抱喜》，前晚在灣仔會展舉行首映禮，其中陀着逾 6個月大「小龍包」的 Kelly，腹大便便撐場。她穿上紅色低胸娃娃裝兼手挽銀色小手袋，由古仔全程貼身照顧，扶上扶落。
放大圖片

古天樂在首映上全程傍實陳慧琳，扶上扶落，夠晒細心。
放大圖片

鄔友正和老婆翁嘉穗身為電影贊助商，當然要現身支持。
「佢係宇宙大王」 放大圖片

吳君如、陳慧琳、杜汶澤和熊黛林都不及甄子丹踢腿擺甫士搶鏡。
記者大讚 Kelly悉心打扮夠搶眼，她笑說：「係呀，唔扮就會似孕婦。」見她只穿約吋半高的高踭鞋， Kelly解釋因肚大得很快，因此不可再穿高踭鞋，古仔在旁說：「我一直都扶住佢，幫佢拎嘢，睇埋佢個袋仔有乜嘢。」 Kelly即大方表示袋中有個小鳳梨酥，她笑說：「我一陣會入場睇戲，咁我怕睇睇吓肚餓，所以要帶定嘢食。」她又透露小龍包相當活躍，特別是睡前更加狂踢，她笑言：「佢真係宇宙大王。」由於肚子長大得很快，因此未知能否演出黃偉文下月的作品演唱會。此外， Kelly昨日接受商台電話訪問，她透露預產期為 4月，現在尚未改名，她說：「姓劉再改單字好難，改到『劉連』或『劉濃』就唔好。」 Kelly表示之前為小龍包照 4D超聲波：「佢個樣都似蝦餃仔（劉昇），有個 mini蝦蛟下巴，蝦餃仔見我大肚，我都有解釋話佢都係喺個肚出嚟，佢聽完就趴喺我肚度扮出世。」一心想追女的 Kelly坦言有兩個仔已滿足，決定不會再追。
城嫂等拉頭馬 放大圖片

陳慧琳透露小龍包貌似胞兄蝦餃仔。資料圖片
前晚首映上，城嫂 Lynn被問到郭富城有意改愛駒名字叫「愛的呼喚」，她即大讚夠經典，記者笑言若改為類似「愛 Lynn」又如何？她即甜笑說：「唔好，叫番 Aaron Kwok。」會否夾錢跟城城一起買馬做馬主？ Lynn說：「唔會，佢都搞咗好耐先買到隻馬，不過都想等佢一齊拉頭馬，如果真係有咁嘅機會，我唔介意幫佢影相。」採訪、攝影：譚倩宜



懷有逾 6個月小龍包的陳慧琳，穿上低胸娃娃裝出現，神采飛揚。