東周刊 435期 掃除 小產 陰霾 陳慧琳 五百萬 護胎

三十九歲的陳慧琳（Kelly），跟老公Alex育有的大仔「蝦餃仔」轉眼已兩歲多。為令家庭更圓滿，她一直恨在四十歲前追多個，惜今年三月不幸流產，痛失孖女；猶有餘悸的她，先經中醫調理身體後，再接再厲進行人工受孕，現時胎中男B「小籠包」已懷有五個多月。

再度有喜的Kelly，明顯高度戒備護胎，不但加強身體檢查，老公又訂購了大量頂級冬蟲草花和參茸給她補身，而平日飲食又由營養師度身訂做安胎餐單，更一早落訂頂級醫院和婦產科名醫助陣，確保母子平安，保守估計使費已達五百萬，絕對是天后級產子。

再次懷孕的Kelly，十分小心，湊仔返學時都換上平底鞋。

禁抱「蝦餃仔」

自 今年三月小產後的Kelly，成功走出陰霾，上月底自爆懷有四個多月男B「小籠包」。再度有孕的她，直言相當緊張，說︰「我驚死，即刻問醫生係咪瞓牀唔郁 得，醫生叫我放鬆唔好太緊張，佢知我上次情況，今次會加緊檢查。我又問醫生係咪乜嘢工作都唔好做，佢話最好係做少少，所以一啲行行企企，唔使飛嘅品牌活 動，都會接嚟做。」
為 專心安胎，她只揀有限度的輕鬆工作，前後推了共約三十個登台和三齣電影，推走近五千萬酬勞。即使要出席活動，向來貪靚的她，已放棄着高跟鞋，改以平底鞋代 步，安全至上。不用開工的日子，僅湊仔返學，盡量養尊處優。Kelly事事小心謹慎，老公Alex亦即時戒煙，一收工即返家睇實老婆，又下旨嚴禁她抱「蝦 餃仔」，怕她操勞動胎氣，Kelly也聽話跟到足。

有五個月身孕的Kelly，上周出巡如臨大敵，全程由五人貼身護駕。

多人護駕

近日氣溫急降，Kelly都留守家中，不過見聖誕時節，她終忍不住冒寒帶正在放假的「蝦餃仔」出街，感受一下巿面熱鬧氣氛及準備購物在家開派對。日前大肚出巡的她，同行有其經理人鍾珍、男助手、女友人、外傭和司機等共五人護航團。
因 大肚婆易攰，Kelly外出至兩點幾，便返家稍事休息。當日一抵埗，司機便立即下車替她開車門。身穿鬆身衫的她，雖然已掩不住其隆起的腹部，但仍步履輕 盈，先自行入屋。至於「蝦餃仔」則由外傭代抱，不過愛黐Kelly的他，見媽咪遠去，一度扭計，外傭無計可施，最終由男助手遞上「反斗奇兵」卡通氣球，他 才破涕為笑。
現場所見，Kelly為派對買了大堆食物，其男助手拎滿兩手，當中又有Kelly的奶粉袋，終要勞煩屋內的另一外傭出來幫忙打點。唞了近一小時的Kelly，未有換衫便再出動，但是次放低「蝦餃仔」在家，繼續跟護航團外出搜羅物品。

上周，外出返家的Kelly，非常聽老公話，落車後避免抱蝦餃仔，先行入屋。

蝦餃仔只愛反斗奇兵氣球，對於粉紅色的公主氣球卻不感興趣。