莫可欣 完美的結局
很多人說，一個家，要有小朋友，才算完美。
九三年港姐冠軍莫可欣曾幾何時與拍拖多年的方中信協議：「不結婚，不生仔，只養狗仔！」
一次意外，改變一生。
○七年，莫可欣意外懷孕，翌年六月九日剖腹誕下女兒符迦晴（方中信原名符力）；產女前兩天，兩人才註冊結成夫婦。一切
來得突然又倉卒，二人世界忽變三口之家，卻意外地幸福又完美。莫可欣由衷的說：「絕對唔係跣佢（方中信）一鑊，亦唔係雜誌所寫嘅『早有預謀』，呢個女真係
天賜嘅禮物！從來冇諗過做人父母嘅我哋，生咗個女之後，我哋啲脾氣收斂晒，連嗌交都冇乜；我老公從來唔會讚我，唯獨讚我教女教得好！」
莫可欣強調沒想過要追多個兒子，「因為我年紀真係唔細喇。」
女兒一歲生日時，莫可欣與方中信大宴親朋共同慶祝。
感情昇華
一對拍拖多年的情侶，難免難敵時間的洗禮，任何事變得奉旨，爭拗頻生，莫可欣與方中信也不例外，卻從沒有想過改變現狀。直至意外懷孕後，一切也改變了，變得更美！不僅莫可欣與方中信的脾氣得以收斂，耐性也隨之而來，最重要的是，兩人均因為女兒符迦晴的來臨而真切感到「家」的存在及溫暖，相愛多一些、忍讓多一 點。莫可欣笑說：「以前同老公拍拖嗰陣會為一啲瑣碎事而嗌交，生咗個女之後，真係冇乜點嘈過，佢好信任我，交晒個女畀我照顧，佢只係負責搵錢嗰部分。佢不 嬲都唔讚我，唯獨會讚我教女教得好！」
回想驚覺自己懷孕的一刻，莫可欣跟方中信一樣，驚多於喜，更六神無主地致電前輩問「點算」，「因為我年紀都唔細喇，驚個BB會唔健康，所以嗰時一直唔敢認有咗，就係要等醫生check晒BB身體結構冇問題喇，先敢公布。」
三個月大的迦晴，表情多多，可愛非常，難怪本來沒生育念頭的方中信，看見小女兒便溶化了。
的確，女兒的出現，利多於弊，也令莫可欣與方中信的關係更緊密，感情更勝從前。她面帶笑容的續說：「未做媽咪之前，因為我媽咪一直都喺瑞士，所以母 親節對我嚟講冇乜特別；做咗媽咪之後，我體驗到做媽咪嗰種責任，明白到點解阿媽以前會成日哦我。依家我雖然已經過咗四次屬於自己嘅母親節，不過個女仲細， 唔識得送禮物；反而係老公會喺母親節請我食飯當慶祝囉！」
方中信與莫可欣曾協議「不結婚，不生仔，只養狗仔」，卻於○七年意外懷孕，現在，狗狗成為女兒的玩伴，相處融洽。
沒有留言:
張貼留言