有餡 2個月請大假前最後一套劇《單戀雙城》發現有喜， Aimee完成外景由馬來西亞回港時，陳豪即撲機場接載有餡未婚妻。《蘋果日報》圖片
封面
外母狂掃 4物業 陳豪 400萬禮金娶茵媺
《金枝貳》曲終人散，宣傳活動男主角陳豪連場缺席；《情越海岸線》劇情進入高潮，女主角陳茵媺（ Aimee）又係唔見影，仲辭演埋新劇《寒山潛龍》；金童玉女夾埋潛水，難怪雙喜臨門傳言滿天飛！
週日（ 2日）男主角陳豪首次露面，標晒汗笑到青筋都爆埋話所有祝福照單全收，擺明默認女友有喜。據知原來對外未公開得住，對內陳豪經已籌備婚事成年，唔只在港 3,000萬獨立屋畀未來老婆揸手，巨額禮金亦早於去年過戶至未來外母名下，而準外母更於去年狂掃 3層樓，連早於 08年購入的商業單位，一共 4項物業揸手。
有名你叫筍盤王，陳豪做嘢大家放心！
週日（ 2日）男主角陳豪首次露面，標晒汗笑到青筋都爆埋話所有祝福照單全收，擺明默認女友有喜。據知原來對外未公開得住，對內陳豪經已籌備婚事成年，唔只在港 3,000萬獨立屋畀未來老婆揸手，巨額禮金亦早於去年過戶至未來外母名下，而準外母更於去年狂掃 3層樓，連早於 08年購入的商業單位，一共 4項物業揸手。
有名你叫筍盤王，陳豪做嘢大家放心！
月 8日， 32歲陳茵媺第一次亦係最後一次參加新劇《情越海岸線》宣傳，之後即告潛水。自此以後雙陳戀雙喜臨門消息愈傳愈盛、偏偏兩位主角就夾埋失蹤。繼早前終極避席無綫晒冷世界杯宣傳活動後，週日（ 2日），男主角終於露面，無需正面承認喜訊，遮都遮唔住的歡顏已經說明一切。
最後露面
在馬來西亞外景期間發現有餡， Amiee即時向無綫請辭古裝劇，連擔正的《情越海岸線》宣傳都僅出席上月 8日一日咁大把，即告失蹤。
多倫多安胎
出名爽直有禮至受傳媒歡迎，爆喜訊後首次露面，陳豪被半百傳媒包圍恭喜，筍盤始終唔肯正面回應：「多謝大家一直關心，大家嘅心急我感受到，但請畀多啲耐性我，有好消息會公布，容許我保持低調態度，唔係唔講，真係有好消息就講。」
叫大家畀啲耐性，當事人就春風滿面笑到爆青筋，據悉雙陳確係好事近。據知，兩個月前，陳茵媺在馬來西亞拍攝新劇《單戀雙城》期間，因為身體不適求診。本來以為疲勞過度及中暑，原來係有餡。即時向無綫提出休長假，並秘密返回多倫多老家安胎。
叫大家畀啲耐性，當事人就春風滿面笑到爆青筋，據悉雙陳確係好事近。據知，兩個月前，陳茵媺在馬來西亞拍攝新劇《單戀雙城》期間，因為身體不適求診。本來以為疲勞過度及中暑，原來係有餡。即時向無綫提出休長假，並秘密返回多倫多老家安胎。
多倫多直擊
陳茵媺係家中長女，有一個細佬，同父母感情一直好好， 07年方逸華表弟黄家禧（左二）兒子結婚擺酒，陳茵媺都有帶同父母出席。
一向愛買磚頭的陳母 08年已買入一商業單位，去年動作特別多，一口氣買入多倫多市區 3個公寓單位，更與陳父即時搬入位於 Brookers Lane的海景單位自住。
送樓做禮金
Aimee父母都鍾意買磚頭，早年陳父便被拍得同茵媺睇樓。《壹週刊》圖片
懷孕一事雖然係意料之外，不過據悉雙陳戀發展兩年，雙方已有默契於今年拉埋天窗。 10年因為拍攝《心戰》撻着，同年尾陳豪已經與 Aimee於深井碧堤半島同居，而拍拖兩年來，陳豪多次飛往加拿大拜會 Aimee雙親，據悉去年飛加行程密集，正是為提親及向未來外母奉上極有誠意的禮金。
本刊發現，去年傳出飛加提親不久，陳母忽然在所居的多倫多大手筆購入 3幢物業。去年 10月， Aimee父母更齊齊遷入 61萬加紙（折合約 460萬港幣）所購的海景高級公寓自住，盡顯女婿陳豪誠意。
本刊發現，去年傳出飛加提親不久，陳母忽然在所居的多倫多大手筆購入 3幢物業。去年 10月， Aimee父母更齊齊遷入 61萬加紙（折合約 460萬港幣）所購的海景高級公寓自住，盡顯女婿陳豪誠意。
陳豪：有好消息會公布！
國寶晶晶有喜，霍啓剛話：「祝福全部收到！」即係暗示大家冇恭喜錯。今次 Aimee有喜，陳豪週日（ 2日）出關回應又學人講：「祝福全部收到！」兼且笑到標汗又標青筋。重點係，佢唔係否認，而係話：「有好消息會公布！」
記：記者 陳：陳豪
記：係唔係有喜事公布呀？
陳：未有呀！多謝大家一直關心。大家嘅心急我感受到，但請畀多啲耐性我，有好消息會公布，容許我保持低調態度，唔係唔講，真係有好消息就講。
記：係唔係驚未夠三個月 BB小器呀？
陳：真係有好消息會同大家講呢！
記：你個樣人逢喜事咁好開心喎！
陳：冇，係你哋興奮令我開心啫，你哋嘅祝福全部收到，心急亦 feel到。
記：準備好做爸爸未？
陳：到時就會知，我哋兩個都鍾意小朋友，哈哈哈！
記：你鍾意生男仔定女仔？
陳：都鍾意，有好消息話畀大家聽。
記：聽講 Aimee今次會選擇順產喎？
陳：呢樣嘢我唔識點答你。
記：有傳言話你哋舊年放假已經喺巴黎影咗結婚相？
陳：唔講得你知！
記：記者 陳：陳豪
記：係唔係有喜事公布呀？
陳：未有呀！多謝大家一直關心。大家嘅心急我感受到，但請畀多啲耐性我，有好消息會公布，容許我保持低調態度，唔係唔講，真係有好消息就講。
記：係唔係驚未夠三個月 BB小器呀？
陳：真係有好消息會同大家講呢！
記：你個樣人逢喜事咁好開心喎！
陳：冇，係你哋興奮令我開心啫，你哋嘅祝福全部收到，心急亦 feel到。
記：準備好做爸爸未？
陳：到時就會知，我哋兩個都鍾意小朋友，哈哈哈！
記：你鍾意生男仔定女仔？
陳：都鍾意，有好消息話畀大家聽。
記：聽講 Aimee今次會選擇順產喎？
陳：呢樣嘢我唔識點答你。
記：有傳言話你哋舊年放假已經喺巴黎影咗結婚相？
陳：唔講得你知！
陳豪婚後從商
記者連日分頭在陳家位於多倫多的多處物業守候，都不見有餡 2個月的陳茵媺蹤影。兩老自住的 Brookers Lane海景公寓，亦只見疑似陳父曾落樓檢查信箱，忽然匆匆上樓。簡單例行動作，陳爸爸就似足特工一樣，謹慎張望又極速行動，相信懷孕兩個月的陳茵媺最大可能是與父母同住，放便照顧安胎。為免大肚照曝光及被打擾，足不出戶乖乖靜養。
據知情人士透露，雙陳婚禮會照原訂計劃，下半年在多倫多舉行，等待 Aimee生育後恢復完畢，才會回港補擺喜酒招呼圈中朋友。
與無綫長約未完，雖然為安胎辭演《寒山潛龍》放長假，婚後 Aimee會繼續拍劇，陳豪就落實不再與無綫續約，還在內地電視節目自爆會轉行經商：「我一直想找點生意做，不想等到 50歲才創業！」今年陳豪都 42歲，結婚生子再轉埋行，仲唔係今年做晒？
據知情人士透露，雙陳婚禮會照原訂計劃，下半年在多倫多舉行，等待 Aimee生育後恢復完畢，才會回港補擺喜酒招呼圈中朋友。
與無綫長約未完，雖然為安胎辭演《寒山潛龍》放長假，婚後 Aimee會繼續拍劇，陳豪就落實不再與無綫續約，還在內地電視節目自爆會轉行經商：「我一直想找點生意做，不想等到 50歲才創業！」今年陳豪都 42歲，結婚生子再轉埋行，仲唔係今年做晒？
金童玉女好事成雙，未滿約陳茵媺坐月後會回歸電視台，不過陳豪就會完成多年心願，投身商界。
陳豪嘅醫生父親喺佢細個就已經過咗身，所以陳豪同媽咪同阿哥感情好好。佢哋一家三口早年移民澳洲，現已回流香港。陳茵媺肚皮咁生性有餡，最開心肯定係陳母。《蘋果日報》圖片
《忽然 1周》圖片
《心戰》撻着
10年尾《心戰》飾演兄妹而撻着，陳豪陳茵媺拍拖 2年就已經決定結婚，所以話婚姻唔係睇拍拖幾耐，係睇適當時候遇上適當嘅人。激死拍拖 6年得個桔嘅廖碧兒喎！
夏薇頂上
由於茵媺忽然有餡，原本由佢做女主角的《寒山潛龍》，由林夏薇頂上。
告別作
年尾滿約後就唔再做無綫親生仔，即係話同法拉（小圖）合作嘅台慶劇《傳愛事務所》就係陳豪告別電視作。
門當戶對
筍盤陳豪鍾意買樓，陳茵媺出道 7年，一賺又係買樓，又會咁啱，千萬禮金到手，陳母舊年都嗱嗱聲入手三層樓自住兼收租，雙陳聯婚，各有揸拿，呢啲咪門當戶對囉。
陳父陳炎森於土瓜灣經營茶餐廳，陳父佔 20%股權。不過職員都說陳生不在港，沒見過他返餐廳幫手。
採訪、撰文：娛樂組（多倫多）
攝影：娛樂突發組（多倫多）
沒有留言:
張貼留言