-
Scroll Page | Stop Scrolling
印傭（行內俗稱「妹」）近年已超越菲傭，成為本港最大外傭人口，由二千年的五萬五千人，急增至現時十四萬，但仍然供不應求，出現「印傭唔憂做」的前所未有現象。
近月印尼政府盛傳落閘收緊印傭輸出數目，令緊絀情況更加嚴重，不單僱主要出盡法寶留妹，中介公司亦要諗計挖角，突然間，香港出現全城搶妹潮。
七十歲的章先生和太太、女兒、女婿和一名男孫同住元朗獨立屋，因年紀大及須照顧孫兒，須請傭工幫忙。由於覺得印傭比較老實，又懂廣東話、普通話，於是聘請印傭。他的女兒起初請了一名廿多歲的印傭，但上班僅三週，即指屋太大，工作辛苦劈炮辭工。
女兒於是另覓印傭，豈料第二個女傭上班不足一個月又突然走了。章先生於是再經中介公司請了第三名印傭，估不到這名印傭又是「唔憂做」。「個印傭一 嚟到已經好醒目，返工無耐已經趁個女同女婿返工後，同我和太太話唔舒服，要請sick leave，咁我哋無乜所謂，不過佢請sick leave唔係休息，係走出街搵朋友。」
這名印傭不單只詐病，更以諸多藉口拒絕工作，有心搏炒。「我當時仲有隻狗仔，個印傭就以宗教為由，話唔可以觸碰小狗，亦唔會幫佢沖涼！」章先生氣 憤地說，但其實他在聘請這名印傭前，早已說明家庭狀況及需要照顧狗隻，不過，由於章先生覺得聘請工人艱難，亦惟有「忍氣吞聲」，任由印傭「揀嘢做」。
屈僱主性騷擾
該 印傭工作態度雖然惡劣但搏炒不成，在工作不足一個月，一個星期六早上，竟趁章家仍未睡醒，悄悄執包袱「走佬」，章惟有報警及向入境處報告此事，後來透過其 他印傭幫忙致電找到她，她說工作太辛苦所以離開。 章本以為噩夢已完，惟隔了不久，章先生收到勞工處信件，指該印傭控告他性騷擾她，要求賠償七千多元，「我覺得好無辜，本來個agency話幫手證明（係佢 嫌辛苦離開），但結果agency同個印傭都無出現，隔了一個月後便自行撤銷控罪。」無辜被屈性騷擾，後來章先生才從其他印傭口中得知，原來是因為該印傭 要尋找工作，故意以此藉口控告僱主，以拖延可留港時間，並趁這些時間另找工作。 三次不快經歷，章先生和女兒為了不再重蹈覆轍，於是主動出擊，在僱傭公司等候見工的印傭，親自問她過去的工作經驗，希望從談吐中多些了解和認識，幾經辛 苦，終於找到現時的印傭。「而家個姐姐好好，我哋會一齊食飯、玩facebook，佢亦好錫小朋友，有咁好表現，我私下有bonus俾佢。」章先生直言， 他不想再為聘請外傭而煩惱，現時本港外傭基本月薪三千七百四十元，他說為了「討好」這名印傭，每月會額外獎賞。 老人家搵工人難，中產家庭同樣叫苦，從事汽車銷售的李先生，家裡有對四歲的龍鳳胎和一隻貴婦狗，他和太太都要工作，他本身有一個工人，想搵多個照顧開始上 幼稚園的子女，找了三個月都未找到工人，現時由老人家暫時頂住，甚感吃力，「我四年前請咗個印傭，幫手湊大對仔女，點知做咗三年幾就返鄉下結婚，而家呢個 唔識湊小朋友，又唔鬧得，我哋想搵多一個，但到而家都搵唔到，有個本來話嚟做，點知來到又話條件唔啱唔嚟，我屋企有狗同細路，而家咁渴市，真係好難請 人。」原來，家有寵物、老人家、小朋友，都是印傭最嫌棄的僱主。
兩星期見八個僱主
印傭今時不同往日，條件好的不憂 做。二十七歲的Anna，在台灣做過，識講普通話和英文，又識煮廣東菜和湊小朋友，所以一來港已成為搶手貨。她去僱傭中心找工，兩週就見了八個僱主。「有 啲要求好高，工人做慢少少都唔得，我俾人鬧就會失魂，所以唔會揀，有個僱主要工人匿埋食飯，好似做奴隸咁。有個在九龍塘住的，屋企已經有四個工人，食飯時 要工人企晒出嚟，企喺側邊等候差遣，仲要佢哋食僱主食剩的飯餸，我覺得好難頂。」 八份工任Anna揀，最後她選擇了現時的僱主，她沒有說詳細理由，只表示︰「呢個老細好nice。」據了解，她的現任僱主每月除了向她發放基本月薪外，亦 會以獎金作獎勵，月薪高至五、六千元收買人心。Anna還透露，在同一個屋苑中，不時有其他僱主向她「虎視眈眈」，一碰面就問她幾時完約，可以轉工過去幫 手。而她身邊很多朋友都月入五六千，十分平常。 印傭渴市，全城僱主想方設法挽留印傭，中介公司亦要四出撲妹。在港經營了十多年外傭中介公司的薦人館董事韓邦渝，見盡這十年來的轉變，「以前係僱主揀人， 而家係啲妹揀僱主，以前僱主有好多選擇，可以視像interview，而家遲十分鐘都俾人揀咗，有啲上網睇傭工bio（履歷表），睇啱就即刻過數，有啲僱 主搵唔到，仲要俾留位費五百蚊或者一千蚊等工人，你話幾渴市。」
印傭多過菲傭
韓邦渝又說，不少中介公司都出現印傭荒，除了密密飛往印尼物色對象，亦在印尼報紙登廣告尋妹，每成功介 紹一個妹，就有五百至九百元的報酬，但反應冷淡。她更慨嘆，現時印傭吊高來賣，更出現所謂「印傭公主病」，若家中有老人家、嬰兒及寵物，均被列為不受歡迎 類別，「最好係兩大一細，即係兩個大人一個細路，個細路仲要係返緊學嘅！」 韓邦渝說，由於本港有不少雙職家庭，又有人口老化問題，所以女傭的需求一年比一年大，但香港人出名奄尖，令近年願意來港的女傭嚴重短缺。過去，本港的菲傭 本多於印傭，但近年不少菲傭情願到加拿大、新加坡等地工作而不願來香港打工。 再加上一○年菲律賓人質事件後，不少港人都對菲傭的觀感改變，完約後就轉請印傭；所以在本港的印傭數目越來越多，由二○○○年的五萬五千人，急升至現時逾 十四萬人，至於菲傭的數量則是十三萬七千。 韓不諱言，本港部分中介公司良莠不齊，令僱主感到無奈同氣憤。「而家市面有好多無牌公司，即係未獲印尼領事館授權同認可的艇仔，佢哋向持牌公司借牌，有啲 仲教唆印傭誣告僱主或者突然間玩失蹤，跟住就幫佢哋搵第二個僱主，有啲更會教啲妹搏炒，等佢哋可以還少啲俾財務公司。」原來，所有來港打工的外傭，頭七個 月的人工都要用來償還在印尼的受訓服務費用，「有啲艇仔就會唆使佢哋，話你如果搏炒，就可以還少啲，例如做咗兩個月就走，就只係扣兩個月錢，啲妹覺得有着 數，而且又唔憂搵唔到新僱主，咪唔做囉。」韓續說：「有啲放完假走佬，有啲話出街倒垃圾，點知就走咗佬。」
搏炒等轉工
被炒或走佬的印傭根本不愁出路，根據勞工法例，被炒的傭工只可在香港境內逗留十四日，但不少中介公司就趁 這空檔替她們物色新僱主，基本上一定搵得到。不過就算過了十四天限期，中介公司也可安排她們離港去澳門或大陸的宿舍暫住，之後再替她們重新辦理簽證來港繼 續工作，一樣有市場。 根據印尼領事館資料，目前全港共有二百五十四間獲授權的印傭中介公司，但據悉艇仔數目多達一千間，非常誇張。韓邦渝說：「呢啲公司有商業登記同職業介紹所 牌，經營無違法，但由於不是領事館認可，質素無保障，工人有咩事僱主都無保障，風險好大。」外傭艇仔公司在目前的法例下，可說是無王管。 由於印傭短缺，中介公司搵妹成本增加一至兩成，部分公司近月已開始加收介紹費至六千元，差不多比兩年前增加一倍，還不包驗身和保險，而且由於等候簽證時間 延長，傭工往往要等三個半至四個月才抵港。
走佬風潮
外傭已成為本港家庭的必需品，平均每八個家庭就有一個外傭，消費 者委員會指去年接獲涉及外傭中介公司的投訴增加兩成，個案包括人不對辦、收費坐地起價、無傭工到任卻拒退款，甚至中介與外傭合謀詐騙。根據勞工處數字，去 年經勞工處處理涉及外傭向僱主的申訴個案有三千三百七十八宗，比前年上升二百宗，當中有七成經處方調解得以解決。 香港家庭傭工僱主協會主席羅軍典坦言，該會收到的投訴多過消委會，平均每日接獲七宗求助，當中逾三成投訴為印傭「走佬」。他直言，印尼政府不斷放風指會減 少印傭輸出，勢將令印妹更缺貨︰「而家中介費已經由以前兩千蚊左右，升到六、七千蚊，由於唔夠印傭，呢個情況仲會持續，相信僱主要捱貴中介費都有排未解決 到。」 ####
印傭唔憂做，週日印傭在維園聚集，中介公司到維園搶妹。（羅國輝攝）
一家五口同住元朗的章先生，曾試過一年有三名印傭借故走佬。
印傭突然走佬，章生立即報警及通知入境處，對方向鄉里指該屋太大，故不喜歡這份工作。（江永健攝）
抱着小狗的李先生，說現在請工人比四年前難得多，找了幾個月都未找到。（郭永強攝）
印傭十年急升
不同國籍外傭人數
來港四年的Anna能操粵、普、英語，又懂得煮中、西菜及上海菜，成為港僱主的搶手貨，常有鄰近的僱主欲挖她過檔。（江永健攝）
不少外傭嫌香港人工低、福利差，去年十二月有傭工組織發起示威，要求提高外傭待遇。（《蘋果日報》圖片）
各地外傭薪酬比較
中介公司在香港出版的印尼報紙刊登廣告，以五百及九百元佣金吸引印傭介紹同鄉轉工。
入境處外籍家庭傭工組每天都處理大量轉換僱主的申請。（鄒潔珊攝）
薦人館董事韓邦渝說，現在印傭搶手，條件好的一放上網十分鐘就已有僱主聘用，甚至出現五個爭一個的情況。（郭永強攝）
近年涉及外傭服務的投訴個案急升，羅軍典指每日均接獲僱主投訴外傭「突然走佬」。
過往曾發生多宗涉及外傭虐待少主個案，去年九月，一名只得十一個月大的男嬰疑被印傭扭斷手。（《蘋果日報》圖片）
近月印尼政府盛傳落閘收緊印傭輸出數目，令緊絀情況更加嚴重，不單僱主要出盡法寶留妹，中介公司亦要諗計挖角，突然間，香港出現全城搶妹潮。
七十歲的章先生和太太、女兒、女婿和一名男孫同住元朗獨立屋，因年紀大及須照顧孫兒，須請傭工幫忙。由於覺得印傭比較老實，又懂廣東話、普通話，於是聘請印傭。他的女兒起初請了一名廿多歲的印傭，但上班僅三週，即指屋太大，工作辛苦劈炮辭工。
女兒於是另覓印傭，豈料第二個女傭上班不足一個月又突然走了。章先生於是再經中介公司請了第三名印傭，估不到這名印傭又是「唔憂做」。「個印傭一 嚟到已經好醒目，返工無耐已經趁個女同女婿返工後，同我和太太話唔舒服，要請sick leave，咁我哋無乜所謂，不過佢請sick leave唔係休息，係走出街搵朋友。」
這名印傭不單只詐病，更以諸多藉口拒絕工作，有心搏炒。「我當時仲有隻狗仔，個印傭就以宗教為由，話唔可以觸碰小狗，亦唔會幫佢沖涼！」章先生氣 憤地說，但其實他在聘請這名印傭前，早已說明家庭狀況及需要照顧狗隻，不過，由於章先生覺得聘請工人艱難，亦惟有「忍氣吞聲」，任由印傭「揀嘢做」。
屈僱主性騷擾
該 印傭工作態度雖然惡劣但搏炒不成，在工作不足一個月，一個星期六早上，竟趁章家仍未睡醒，悄悄執包袱「走佬」，章惟有報警及向入境處報告此事，後來透過其 他印傭幫忙致電找到她，她說工作太辛苦所以離開。 章本以為噩夢已完，惟隔了不久，章先生收到勞工處信件，指該印傭控告他性騷擾她，要求賠償七千多元，「我覺得好無辜，本來個agency話幫手證明（係佢 嫌辛苦離開），但結果agency同個印傭都無出現，隔了一個月後便自行撤銷控罪。」無辜被屈性騷擾，後來章先生才從其他印傭口中得知，原來是因為該印傭 要尋找工作，故意以此藉口控告僱主，以拖延可留港時間，並趁這些時間另找工作。 三次不快經歷，章先生和女兒為了不再重蹈覆轍，於是主動出擊，在僱傭公司等候見工的印傭，親自問她過去的工作經驗，希望從談吐中多些了解和認識，幾經辛 苦，終於找到現時的印傭。「而家個姐姐好好，我哋會一齊食飯、玩facebook，佢亦好錫小朋友，有咁好表現，我私下有bonus俾佢。」章先生直言， 他不想再為聘請外傭而煩惱，現時本港外傭基本月薪三千七百四十元，他說為了「討好」這名印傭，每月會額外獎賞。 老人家搵工人難，中產家庭同樣叫苦，從事汽車銷售的李先生，家裡有對四歲的龍鳳胎和一隻貴婦狗，他和太太都要工作，他本身有一個工人，想搵多個照顧開始上 幼稚園的子女，找了三個月都未找到工人，現時由老人家暫時頂住，甚感吃力，「我四年前請咗個印傭，幫手湊大對仔女，點知做咗三年幾就返鄉下結婚，而家呢個 唔識湊小朋友，又唔鬧得，我哋想搵多一個，但到而家都搵唔到，有個本來話嚟做，點知來到又話條件唔啱唔嚟，我屋企有狗同細路，而家咁渴市，真係好難請 人。」原來，家有寵物、老人家、小朋友，都是印傭最嫌棄的僱主。
兩星期見八個僱主
印傭今時不同往日，條件好的不憂 做。二十七歲的Anna，在台灣做過，識講普通話和英文，又識煮廣東菜和湊小朋友，所以一來港已成為搶手貨。她去僱傭中心找工，兩週就見了八個僱主。「有 啲要求好高，工人做慢少少都唔得，我俾人鬧就會失魂，所以唔會揀，有個僱主要工人匿埋食飯，好似做奴隸咁。有個在九龍塘住的，屋企已經有四個工人，食飯時 要工人企晒出嚟，企喺側邊等候差遣，仲要佢哋食僱主食剩的飯餸，我覺得好難頂。」 八份工任Anna揀，最後她選擇了現時的僱主，她沒有說詳細理由，只表示︰「呢個老細好nice。」據了解，她的現任僱主每月除了向她發放基本月薪外，亦 會以獎金作獎勵，月薪高至五、六千元收買人心。Anna還透露，在同一個屋苑中，不時有其他僱主向她「虎視眈眈」，一碰面就問她幾時完約，可以轉工過去幫 手。而她身邊很多朋友都月入五六千，十分平常。 印傭渴市，全城僱主想方設法挽留印傭，中介公司亦要四出撲妹。在港經營了十多年外傭中介公司的薦人館董事韓邦渝，見盡這十年來的轉變，「以前係僱主揀人， 而家係啲妹揀僱主，以前僱主有好多選擇，可以視像interview，而家遲十分鐘都俾人揀咗，有啲上網睇傭工bio（履歷表），睇啱就即刻過數，有啲僱 主搵唔到，仲要俾留位費五百蚊或者一千蚊等工人，你話幾渴市。」
印傭多過菲傭
韓邦渝又說，不少中介公司都出現印傭荒，除了密密飛往印尼物色對象，亦在印尼報紙登廣告尋妹，每成功介 紹一個妹，就有五百至九百元的報酬，但反應冷淡。她更慨嘆，現時印傭吊高來賣，更出現所謂「印傭公主病」，若家中有老人家、嬰兒及寵物，均被列為不受歡迎 類別，「最好係兩大一細，即係兩個大人一個細路，個細路仲要係返緊學嘅！」 韓邦渝說，由於本港有不少雙職家庭，又有人口老化問題，所以女傭的需求一年比一年大，但香港人出名奄尖，令近年願意來港的女傭嚴重短缺。過去，本港的菲傭 本多於印傭，但近年不少菲傭情願到加拿大、新加坡等地工作而不願來香港打工。 再加上一○年菲律賓人質事件後，不少港人都對菲傭的觀感改變，完約後就轉請印傭；所以在本港的印傭數目越來越多，由二○○○年的五萬五千人，急升至現時逾 十四萬人，至於菲傭的數量則是十三萬七千。 韓不諱言，本港部分中介公司良莠不齊，令僱主感到無奈同氣憤。「而家市面有好多無牌公司，即係未獲印尼領事館授權同認可的艇仔，佢哋向持牌公司借牌，有啲 仲教唆印傭誣告僱主或者突然間玩失蹤，跟住就幫佢哋搵第二個僱主，有啲更會教啲妹搏炒，等佢哋可以還少啲俾財務公司。」原來，所有來港打工的外傭，頭七個 月的人工都要用來償還在印尼的受訓服務費用，「有啲艇仔就會唆使佢哋，話你如果搏炒，就可以還少啲，例如做咗兩個月就走，就只係扣兩個月錢，啲妹覺得有着 數，而且又唔憂搵唔到新僱主，咪唔做囉。」韓續說：「有啲放完假走佬，有啲話出街倒垃圾，點知就走咗佬。」
搏炒等轉工
被炒或走佬的印傭根本不愁出路，根據勞工法例，被炒的傭工只可在香港境內逗留十四日，但不少中介公司就趁 這空檔替她們物色新僱主，基本上一定搵得到。不過就算過了十四天限期，中介公司也可安排她們離港去澳門或大陸的宿舍暫住，之後再替她們重新辦理簽證來港繼 續工作，一樣有市場。 根據印尼領事館資料，目前全港共有二百五十四間獲授權的印傭中介公司，但據悉艇仔數目多達一千間，非常誇張。韓邦渝說：「呢啲公司有商業登記同職業介紹所 牌，經營無違法，但由於不是領事館認可，質素無保障，工人有咩事僱主都無保障，風險好大。」外傭艇仔公司在目前的法例下，可說是無王管。 由於印傭短缺，中介公司搵妹成本增加一至兩成，部分公司近月已開始加收介紹費至六千元，差不多比兩年前增加一倍，還不包驗身和保險，而且由於等候簽證時間 延長，傭工往往要等三個半至四個月才抵港。
走佬風潮
外傭已成為本港家庭的必需品，平均每八個家庭就有一個外傭，消費 者委員會指去年接獲涉及外傭中介公司的投訴增加兩成，個案包括人不對辦、收費坐地起價、無傭工到任卻拒退款，甚至中介與外傭合謀詐騙。根據勞工處數字，去 年經勞工處處理涉及外傭向僱主的申訴個案有三千三百七十八宗，比前年上升二百宗，當中有七成經處方調解得以解決。 香港家庭傭工僱主協會主席羅軍典坦言，該會收到的投訴多過消委會，平均每日接獲七宗求助，當中逾三成投訴為印傭「走佬」。他直言，印尼政府不斷放風指會減 少印傭輸出，勢將令印妹更缺貨︰「而家中介費已經由以前兩千蚊左右，升到六、七千蚊，由於唔夠印傭，呢個情況仲會持續，相信僱主要捱貴中介費都有排未解決 到。」 ####
印傭唔憂做，週日印傭在維園聚集，中介公司到維園搶妹。（羅國輝攝）
一家五口同住元朗的章先生，曾試過一年有三名印傭借故走佬。
印傭突然走佬，章生立即報警及通知入境處，對方向鄉里指該屋太大，故不喜歡這份工作。（江永健攝）
抱着小狗的李先生，說現在請工人比四年前難得多，找了幾個月都未找到。（郭永強攝）
印傭十年急升
不同國籍外傭人數
來港四年的Anna能操粵、普、英語，又懂得煮中、西菜及上海菜，成為港僱主的搶手貨，常有鄰近的僱主欲挖她過檔。（江永健攝）
不少外傭嫌香港人工低、福利差，去年十二月有傭工組織發起示威，要求提高外傭待遇。（《蘋果日報》圖片）
各地外傭薪酬比較
中介公司在香港出版的印尼報紙刊登廣告，以五百及九百元佣金吸引印傭介紹同鄉轉工。
入境處外籍家庭傭工組每天都處理大量轉換僱主的申請。（鄒潔珊攝）
薦人館董事韓邦渝說，現在印傭搶手，條件好的一放上網十分鐘就已有僱主聘用，甚至出現五個爭一個的情況。（郭永強攝）
近年涉及外傭服務的投訴個案急升，羅軍典指每日均接獲僱主投訴外傭「突然走佬」。
過往曾發生多宗涉及外傭虐待少主個案，去年九月，一名只得十一個月大的男嬰疑被印傭扭斷手。（《蘋果日報》圖片）
沒有留言:
張貼留言